ନୋଏଡାର ଗୌତମବୁଦ୍ଧ ନଗର ଜିଲ୍ଲାରେ ବଡ଼ ସଡ଼କ ଦୁର୍ଘଟଣା । ଗୌତମବୁଦ୍ଧ ନଗର ଥାନା ଫେସ-୧ ଅଞ୍ଚଳରେ ମହାମାୟା ଫ୍ଲାଏଓଭର ନିକଟରେ ଫରୁଖାବାଦରୁ ଦିଲ୍ଲୀ ଯାଉଥିବା ଏକ ସ୍ଲିପର ବସ୍ ଅନିୟନ୍ତ୍ରିତ ହୋଇ ଡିଭାଇଡର ସହିତ ଧକ୍କା ହୋଇ ଓଲଟି ପଡିଥିଲା । ଦୁର୍ଘଟଣା ପରେ ବସରେ ଥିବା ସମସ୍ତ ଯାତ୍ରୀ ଚିତ୍କାର କରିଥିଲେ । ଘଟଣାରେ ୧୪ ଜଣ ଯାତ୍ରୀ ଆହତ ହୋଇଥିଲେ । ସେମାନଙ୍କୁ ଚିକିତ୍ସା ପାଇଁ ହସପିଟାଲରେ ଭର୍ତ୍ତି କରାଯାଇଛି ।ଖବର ମୁତାବକ, ନୋଏଡାରୁ ବସ୍ ଦ୍ରୁତ ଗତିରେ ଦିଲ୍ଲୀ ଆଡକୁ ଯାଇଥିବା ବେଳେ ମହାମାୟା ଫ୍ଲାଏଓଭର ଆଗକୁ ବସ୍ ଅନିୟନ୍ତ୍ରିତ ହୋଇ ଡିଭାଇଡରରେ ପିଟି ହୋଇଥିଲା । ବସ୍ ଧକ୍କା ହେବା ଯୋଗୁଁ ଓଲଟି ପଡିଥିଲା । ବସର ୪ ଟାୟାର ବାହାରି ପଡିଥିଲା । ବସ୍ ସଂପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଥିଲା ।ଦୁର୍ଘଟଣା ସୂଚନା ମିଳିବା ପରେ ପୋଲିସ, ଟ୍ରାଫିକ ପୋଲିସ ଏବଂ ଉଦ୍ଧାରକାରୀ ଟିମ୍ ଘଟଣା ସ୍ଥଳରେ ପହଞ୍ଚିଥିଲା । ବସ୍ ଓଲଟିବା କାରଣରୁ ଅନେକ ଯାତ୍ରୀ ଏହା ଭିତରେ ଫସିଥିଲେ । ପୋଲିସ ଏବଂ ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଆହତଙ୍କୁ ବାହାର କରାଯାଇଥିଲା ।ପୋଲିସ ଅଧିକାରୀଙ୍କ କହିବା ମୁତାବକ, ଦୁର୍ଘଟଣାରେ ଆହତ ହୋଇଥିବା ସମସ୍ତ ଆହତଙ୍କୁ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ କେହି ମୃତାହତ ହୋଇନଥିବା ଜଣାପଡିଛି । କିଛି ଯାତ୍ରୀଙ୍କୁ ଗମ୍ଭୀର ଆଘାତ ଲାଗିଛି । ତେବେ ଦୁର୍ଘଟଣା ପରେ ନୋଏଡା ଏବଂ ଗ୍ରେଟର ନୋଏଡା ମାର୍ଗରେ ଲମ୍ବା ଜାମ୍ ଲାଗିଥିଲା । ଯାତାୟତ ସୁଚାରୁରୂପେ କରିବା ପାଇଁ ଅତିରିକ୍ତ ପୋଲିସ ବଳ ନିୟୋଜିତ କରାଯାଇଥିଲା । କ୍ଷତିଗ୍ରସ୍ତ ବସ୍ କୁ ରାସ୍ତାରୁ ହଟାଇବା କାମ ଆରମ୍ଭ କରାଯାଇଥିଲା । ଦୁର୍ଘଟଣାର କାରଣ ଯାଞ୍ଚ କରୁଛି ପୋଲିସ । #👀ଆଖି ପିଛୁଳାକେ ଘଟିଗଲା ବଡ଼ ଅଘଟଣ🔴