#😰 തന്റെ ​ഗർഭം അലസാൻ കാരണം വിജയ് എന്ന് നടി തമിഴക വെട്രി കഴകം (TVK) അധ്യക്ഷനും തമിഴ്‌നാട് മുഖ്യമന്ത്രിയുമായ വിജയിക്കും അദ്ദേഹത്തിന്റെ പാർട്ടി പ്രവർത്തകർക്കുമെതിരെ അതീവ ഗുരുതരമായ ആരോപണങ്ങളുമായി ബിഗ് ബോസ് താരം കൂടിയായ നടി ജൂലി (മരിയ ജൂലിയാന). വിജയിന്റെ ആരാധകരും പാർട്ടി പ്രവർത്തകരും നടത്തിയ ക്രൂരമായ സൈബർ ആക്രമണവും വ്യക്തിഹത്യയും മൂലമുണ്ടായ കടുത്ത മാനസിക സമ്മർദ്ദമാണ് തന്റെ ഗർഭഛിദ്രത്തിന് കാരണമായതെന്ന് ജൂലി വെളിപ്പെടുത്തി. തനിക്കെതിരെ ഓൺലൈൻ വഴി അതിരൂക്ഷമായ അധിക്ഷേപം നടത്തിയ എട്ട് പേർക്കെതിരെ ചെന്നൈയിൽ പരാതി നൽകിയതായും ജൂലി അറിയിച്ചു. എന്നാൽ, ഈ വിഷയം ക്രിമിനൽ കുറ്റകൃത്യത്തിന്റെ പരിധിയിൽ വരുന്നതല്ലെന്നും സിവിൽ സ്വഭാവമുള്ളതാണെന്നുമാണ് അധികൃതർ തന്നോട് വ്യക്തമാക്കിയതെന്നും നടി പറഞ്ഞു. ​"എനിക്ക് എന്റെ കുഞ്ഞിനെ നഷ്ടപ്പെടാൻ കാരണം വിജയ് ആണ്. തന്റെ അണികളോട് ഈ സൈബർ ആക്രമണം നിർത്താൻ അദ്ദേഹം ഒരു വാക്ക് പറഞ്ഞിരുന്നെങ്കിൽ എനിക്ക് ഇന്ന് ഈ നഷ്ടം സംഭവിക്കില്ലായിരുന്നു," ജൂലി വികാരാധീനയായി മാധ്യമങ്ങളോട് പറഞ്ഞു.