YouTube Shorts ଦେକି ଦେଖି ବିରକ୍ତ ହେଉଥିବା ୟୁଜରଙ୍କ ପାଇଁ କମ୍ପାନୀ ଏକ ନୂଆ ବିକଳ୍ପ ପ୍ରଚଳନ କରିଛି। ଯଦି ଆପଣ Shorts ଦେଖିବାରେ ଆପଣଙ୍କର ସମୟ ନଷ୍ଟ କରିବାକୁ ଚାହୁଁନାହାଁନ୍ତି, ତେବେ ଆପଣ ଏହି ବିକଳ୍ପକୁ ବ୍ୟବହାର କରି ଆପଣଙ୍କର YouTube ଅଭିଜ୍ଞତାରୁ ସ୍ଥାୟୀ ଭାବରେ ସେଗୁଡ଼ିକୁ ହଟାଇ ପାରିବେ।ପ୍ରକୃତରେ, YouTube ପୂର୍ବରୁ Shorts ପାଇଁ ଏକ ଟାଇମ୍ ଲିମିଟେ ସେଟ୍ କରିବାର ବିକଳ୍ପ ପ୍ରଦାନ କରିଥିଲା, କିନ୍ତୁ ଏହି ଫିଚରକୁ ବର୍ତ୍ତମାନ ଅପଡେଟ୍ କରାଯାଇଛି।ପୂର୍ବରୁ ସର୍ବନିମ୍ନ ସମୟ ସୀମା ୧୫ ମିନିଟ୍ ସେଟ୍ କରାଯାଇପାରୁଥିଲା; କିନ୍ତୁ, ଏହାକୁ ଜିରୋରେ ସେଟ୍ କରିବାର ଏକ ବିକଳ୍ପ ବର୍ତ୍ତମାନ ଉପଲବ୍ଧ। ଏହା ଆପଣଙ୍କୁ Shorts କୁ ସ୍ଥାୟୀ ଭାବରେ ବନ୍ଦ କରିବାକୁ ଅନୁମତି ଦିଏ। ଏହି ବୈଶିଷ୍ଟ୍ୟର ରୋଲଆଉଟ୍ ପୂର୍ବରୁ ଆରମ୍ଭ ହୋଇଛି।ଯେଉଁମାନେ Shorts ଦେଖିବାକୁ ପସନ୍ଦ କରୁନାହାଁନ୍ତି ସେମାନଙ୍କ ପାଇଁ ଏହି ଫିଚର ଅତ୍ୟନ୍ତ ଉପଯୋଗୀ ପ୍ରମାଣିତ ହେଉଛି। ଏହା ବ୍ୟତୀତ, ବାପାମାଆଙ୍କ ପାଖରେ ଏବେ ସେମାନଙ୍କ ପିଲାମାନଙ୍କୁ Shorts ଦେଖିବାର ଅଭ୍ୟାସ ଛାଡ଼ାଇବାରେ ସାହାଯ୍ୟ କରିବା ପାଇଁ ଏକ ନୂତନ ପଦ୍ଧତି ଅଛି।ଯଦି ସେମାନେ ଚାହାଁନ୍ତି, ତେବେ ସେମାନେ YouTube ଆପ୍ ମଧ୍ୟରେ Shortsକୁ ଜିରୋରେ ସେଟ୍ କରି ସମ୍ପୂର୍ଣ୍ଣ ଭାବରେ ବନ୍ଦ କରିପାରିବେ। Shorts ପାଇଁ ଟାଇମ ଲିମିଟ୍ ଜିରୋରେ ସେଟ୍ ହେବା ମାତ୍ରେ, Shorts ଆଉ ଫିଡରେ ଦେଖାଯିବ ନାହିଁ। ଏକ ପପ୍-ଅପ୍ ମେସେଜ୍ ଦେଖାଯିବ ଯାହା ୟୁଜରଙ୍କ ସୂଚନା ଦେବ ଯେ ସେମାନେ ଟାଇମ୍ ଲିମିଟ୍ ଜିରୋରେ ସେଟ୍ କରିଛନ୍ତି।