Uptodate Rajkot on Instagram: "ઉત્તર પ્રદેશમાં હરદોઈના ખાનગી સ્કૂલમાં પુસ્તકો સ્કૂલમાંથી જ ખરીદવાના દબાણથી વિવાદ ઉભો થયો છે. અભ્યાસને લઈ વાત કરવા આવેલી મધ્યમવર્ગીય માતા સાથે પ્રિન્સિપાલ દ્વારા જાહેરમાં અસભ્ય વર્તન કરાયું, અપમાનજનક શબ્દો વાપર્યા અને દીકરીનું સ્કૂલમાંથી નામ કાપવાની ધમકી આપવામાં આવી. મળતી માહિતી મુજબ, સિવિલ લાઇનની રહેવાસી નીલમ વર્માએ જણાવ્યું કે તેમની દીકરી અલીશા વર્મા યુકેજીની વિદ્યાર્થી છે. તેમણે કહ્યું કે સ્કૂલ દ્વારા પહેલાં જે કોર્સ જણાવાયો હતો, તે પહેલેથી જ ખરીદી લેવાયો હતો. છતાં પણ, સ્કૂલ પ્રશાસને બાદમાં લગભગ 1200 રૂપિયાની ચાર નવી નોટબુક્સ માત્ર સ્કૂલમાંથી જ ખરીદવા માટે દબાણ કર્યું. અલીશા ઘણા દિવસોથી હોમવર્ક કર્યા વગર ઘરે પરત આવી રહી હતી. જ્યારે કારણ પૂછવામાં આવ્યું ત્યારે બાળકીએ જણાવ્યું કે નવી નોટબુક્સ ન હોવાને કારણે તેને હોમવર્ક આપવામાં આવતું નથી. શુક્રવારે સવારે નીલમ વર્મા સ્કૂલ પહોંચી. પ્રિન્સિપાલ સાથે મળી તેમણે થોડા દિવસોની મુદત માંગી, કારણ કે તેમના પતિનો પગાર હજી મળ્યો નહોતો. આ અંગે આરોપ છે કે પ્રિન્સિપાલ મમતા મિશ્રા ગુસ્સે થઈ અને તેમને ‘ગંવાર’ જેવા કેટલાક શબ્દોથી અપમાનિત કરી તેમની સાથે અભદ્ર વર્તન કર્યું. ઘટનાના વીડિયો સામે આવતા મામલો ચર્ચામાં આવ્યો છે, શિક્ષણ જેવી પવિત્ર જગ્યા પર આ પ્રકારનું વર્તન સામે વાલીઓમાં રોષ ફાટી નીકળ્યો છે. હાલ મામલે તપાસ કમિટી રચાઈ છે અને પીડિત પરિવાર દ્વારા જવાબદાર સામે કડક કાર્યવાહી કરવાની માંગ ઉઠી રહી છે. #hardoi #hardoipolice #uttarpradesh #uppolice #uptodaterajkot"