#🍲 ഭക്ഷണപ്രേമി _*🌶 ഇന്നത്തെ പാചകം 🍳*_ _*മുഗളായി ചിക്കൻ*_ +-------+------+------+------+ ```ഇന്ന് നമുക്ക്‌ മുഗളായി ചിക്കൻ ഉണ്ടാക്കുന്ന വിധം എങ്ങനെയെന്ന് നോക്കാം... കൂടെ മുഗളായി ഭക്ഷണങ്ങളെ കുറിച്ച്‌ അൽപം ചരിത്രവും.. ``` _*മുഗളായി ഭക്ഷണവിഭവങ്ങൾ*_ _മുഗൾ രാജവംശത്തിന്റെ പാചകരീതികളുടെ പ്രചോദനം ഉൾക്കൊള്ളുന്ന ഒരു തെക്കേ ഏഷ്യൻ ഭക്ഷണവിഭവ പാചകരീതിയാണ്‌ മുഗളായി പാചകരീതി അല്ലെങ്കിൽ മുഗൾ ഭക്ഷണവിഭവങ്ങൾ എന്നു പറയുന്നത്. ആദ്യകാലത്തെ ഡെൽഹി, പഞ്ചാബ് എന്നിവടങ്ങളിലാണ്‌ ഈ പാചകരീതി പ്രധാനമായും ഉണ്ടായിരുന്നത്. ഈ പാചകരീതി മധ്യേഷ്യയിലെ പേർഷ്യൻ, ടർക്കിഷ് പാചകരീതികളിൽ നിന്നും ഭക്ഷണവിഭവങ്ങളിൽ നിന്നും ധാരാളം പ്രചോദനമുൾക്കൊണ്ടതാണ്‌. ബ്രിട്ടനിലേയും, അമേരിക്കയിലേയും ഒട്ടൂമിക്ക ഭക്ഷണശാലകളിലെ പാചകരീതികൾ മുഗളായി രീതിയാണെന്ന് പറയാം._ _മുഗളായി ഭക്ഷണവിഭവങ്ങൾ മൃദുവായതു മുതൽ നല്ല എരിവുള്ളതുവരെ ഉണ്ട്. അവ സുഗന്ധവ്യഞ്ജനത്തിന്റെ പരിമളം കൊണ്ട് പ്രത്യേകതയേറിയതാണ്‌ ഒരു മുഗളായി പ്രധാന ഭക്ഷണം (മെയിൻ കോഴ്സ്) പലതരത്തിലുള്ളതും, അതിന്റെ കൂടെ വിവിധ തരം സൈഡ് വിഭവങ്ങളും ചേർന്നതാണ്‌._ _*വിഭവങ്ങൾ*_ _മുഗൾ വിഭവങ്ങളുടെ പല പേരുകളും മുഗൾ ഭരണകൂടത്തിന്റെ ഔദ്യോഗിക ഭാഷയായിരുന്ന പേർഷ്യൻ ഭാഷയിൽ നിന്നും ഉത്ഭവിച്ചതാണ്‌._ _____________________ _*ചില പ്രധാന വിഭവങ്ങൾ*_ ______________________ _ചിക്കൻ മഖനി_ _മുഗളായി ചിക്കൻ_ _മുഗളായി പറാത്ത_ _ബിരിയാണി ബാദ്‌ശാ_ _കീമ മട്ടർ_ _മീറ്റ് ദർബാരി_ _മുഗളായി ചിക്കൻ പുലാവ്_ _മുർഗ് കബാബ് മുഗളായി_ _മുർഗ് നൂർജേഹാനി_ _മുർഗ് കാലി മിർച്ച്_ _മലായി കോഫ്ത_ _നവരതൻ കോർമ_ _ശാഹി മട്ടൻ കറി ഓഫ് ആഗ്ര_ _ശാമി കബാബ്_ _സീഖ് കബാബ്_ _ബോട്ടി കബാബ്_ _ഷാജഹാനി മുർഗ് മസാല_ _ശാഹി ചിക്കൻ കോർമ_ _ശാഹി കാജു ആലു_ _ശാഹി രോഗൻ ജോഷ്_ _*മധുര പലഹാരങ്ങൾ*_ _ശാഹി ടുക്ര_ _ബർഫി_ _ഗുലാബ് ജാമുൻ_ _കാലഖണ്ഡ്_ _കുൾഫി_ _ശീർ ഖോർമ_ _ഫലൂഡ_ ________________________ _*നമുക്ക്‌ ഒരു മുഗളായി വിഭവം പാചകം ചെയ്യുന്ന രീതി ഒന്ന് നോക്കാം*_ _______________________ _*മുഗളായി ചിക്കൻ ബദാം ചേർത്തത്*_ _______________________ _*ആവശ്യമുള്ള സാധനങ്ങൾ*_ ________________________ _ചിക്കൻ - ഒന്നേകാൽ കിലോ ചെറിയ കഷ്ണം ആകിയത്_ ____________ _*കൂട്ട്‌ -1*_ _______________ _*മസാല തേച്ചു പിടിപ്പിക്കാൻ*_ _ഇഞ്ചി വെളുത്തുള്ളി പേസ്റ്റ് - 2 ടേബിൾ സ്പൂണ്‍_ _ഗരം മസാല - 2 ടീസ്പൂണ്‍_ _പച്ചമുളക് ചെറുതാക്കി അരിഞ്ഞത് - 2 ടീസ്പൂണ്‍_ ____________ _*കൂട്ട്‌ -2*_ _________________ _ഇഞ്ചി - 1 ഇഞ്ച്‌ വലുപ്പത്തിൽ ഉള്ളത്_ _വെളുത്തുള്ളി - 8 മുതൽ 9 അല്ലി_ _തൊലി കളഞ്ഞ ബദാം_ _പരിപ്പ് - 6 ടേബിൾ സ്പൂണ്‍_ _ഓയിൽ - 7 ടേബിൾ സ്പൂണ്‍_ _കറുവാപട്ട - 1 ഇഞ്ച്‌ വലുപ്പത്തിൽ ഉള്ളത്_ _കറുവ പട്ടയുടെ ഇല - - 2 എണ്ണം_ _ഗ്രാമ്പു - 5 എണ്ണം_ _ഏലക്കായ്‌ - 10 എണ്ണം_ _സവാള ചെറുതാക്കി അരിഞ്ഞത് - 2 എണ്ണം_ _മുളക് പൊടി - അര ടീസ്പൂണ്‍_ _മല്ലി പൊടി - ഒന്നര ടീസ്പൂണ്‍_ _കുരുമുളക് പൊടി - കാൽ ടീസ്പൂണ്‍_ _തയിര് - 7 ടേബിൾ സ്പൂണ്‍_ _ഫ്രഷ്‌ ക്രീം - മുക്കാൽ കപ്പ്‌_ _ഗരം മസാല - കാൽ ടീസ്പൂണ്‍_ _ഉപ്പു - 2 അര ടീസ്പൂണ്‍_ _മല്ലിയില_ _______________________ _*തയ്യാറാക്കുന്ന വിധം*_ _______________________ _ചിക്കൻ മസാല തേച്ചു അര മണികൂര് വെച്ചതിനു ശേഷം ഇഞ്ചി വെളുത്തുള്ളി ബദാം കുറച്ചു വെള്ളം ചേർത്ത് നന്നായി അരച്ചെടുക്കുക._ _മസാല തേച്ചു വെച്ചിരിക്കുന്ന ചിക്കൻ ഒരു പാനിൽ കുറച്ചു ഓയിൽ ഒഴിച്ച് ചൂടയതിനുശേഷം ഇട്ടു ചെറിയ ബ്രൌണ്‍ കളർ ആവുന്നതുവരെ ഫ്രൈ ചെയ്യുക_ _ഫ്രൈ ചെയ്ത ചിക്കൻ വേറെ ഒരു പാത്രത്തിലേക്ക് മാറ്റിയതിനു ശേഷം ബാകി ഉള്ള ഓയിൽ ഉപയോഗിച്ച് അതെ പാനിൽ തന്നെ കരയാമ്പൂ , കറുവപ്പട്ട , കരുവപ്പട്ടയുടെ ഇല ചേർത്ത് ചെറുതായി ഒന്ന് വഴറ്റി എടുക്കുക._ _ഇനി ഇതിലേക്ക് സവാള ചേർത്ത് ഒന്ന് വഴന്നു വരുമ്പോൾ അതിലേക്കു നേരത്തെ ഉണ്ടാക്കി വെച്ചിരിക്കുന്ന ബദാം പേസ്റ്റ് ചേർത്ത് മിക്സ്‌ ചെയുക ഓയിൽ സെപ്പറേറ്റ് ആയി വരുന്നത് വരെ ഇതിനെ ഫ്രൈ ചെയ്തു എടുക്കുക_ _ശേഷം മുളക് പൊടി മല്ലി പൊടി കുരുമുളക് പൊടി ചേർത്ത് ചെറിയ തീയിൽ വെച്ച് കുക്ക് ചെയ്യണം , ഇനി ഇതിലേക്ക് ചിക്കൻ ഫ്രഷ്‌ ക്രീം എന്നിവ ചേർത്ത് 20 മിനിട്ടോളം വേവിക്കുക ശേഷം തയിര് ഉപ്പു ഗരം മസാല മല്ലിയില ചേർത്ത് 10 മിനിട്ടോളം ചെറിയ തീയിൽ വെച്ച് വേവിക്കുക._ +------+------+------+-----+