നമ്മൾ മറ്റൊരാൾക്ക് നൽകുന്ന ഏറ്റവും വിലപിടിപ്പുള്ള സമ്മാനം എന്താണെന്ന് എപ്പോഴെങ്കിലും ചിന്തിച്ചിട്ടുണ്ടോ? അത് വിലകൂടിയ വസ്തുക്കളോ പണമോ ഒന്നുമല്ല. പകരം, തിരിച്ചുപിടിക്കാൻ കഴിയാത്ത നമ്മുടെ ജീവിതത്തിലെ 'സമയമാണ്'...... ​ഈ ലോകത്ത് ഒരു മനുഷ്യൻ അനുഭവിക്കുന്ന ഏറ്റവും വലിയ വേദന 'ഒറ്റയ്ക്കായിപ്പോകുന്നു' എന്ന തോന്നലാണ്. ആ നിമിഷങ്ങളിൽ, ഒന്നും മിണ്ടാതെയാണെങ്കിലും ഒരാൾ അരികിലിരിക്കുന്നുണ്ടെന്ന ബോധ്യം നൽകുന്ന ആശ്വാസം വാക്കുകൾക്ക് അതീതമാണ്. പ്രിയപ്പെട്ടവർക്കായി നമ്മൾ മാറ്റിവെക്കുന്ന ഓരോ നിമിഷവും അവർക്ക് നൽകുന്ന കരുത്ത് ചെറുതല്ല.... ​ഒരാളെ ചേർത്തുപിടിക്കുന്നതും, അവർ പറയുന്നത് കാതോർക്കുന്നതും, അവരുടെ സാമീപ്യം അനുഭവിച്ചറിയുന്നതും ഒരു വലിയ കലയാണ്. തിരക്കുപിടിച്ച ഈ ലോകത്ത് പലപ്പോഴും നമ്മൾ മറന്നുപോകുന്നത് ഈ 'കൂടെയിരിക്കലിനെയാണ്'. കൂടെയുള്ളപ്പോൾ നൽകുന്ന ആ സ്നേഹത്തോളം വരില്ല മറ്റൊന്നും. ​പലപ്പോഴും വായനയേക്കാളും കേൾവിയേക്കാളും മനസ്സിനെ സുഖപ്പെടുത്തുന്നത് പ്രിയപ്പെട്ടവരുടെ സാമീപ്യമാണ്. ആ നേരങ്ങൾക്കാണ് ലോകത്ത് മറ്റെന്തിനേക്കാളും മൂല്യമുള്ളത്. അതുകൊണ്ട്, സ്നേഹിക്കുന്നവർക്കായി അല്പം സമയം മാറ്റിവെക്കാം. കാരണം, ആ ഒരു 'കൂടെയിരിക്കൽ' ഒരാളുടെ ജീവിതത്തെ തന്നെ മാറ്റിമറിച്ചേക്കാം.... Aleena ✍️✍️✍️ #📝 ഞാൻ എഴുതിയ വരികൾ