ਮਨਦੀਪ ਲੱਕੀ ਦੇ ਗਾਏ ਅਤੇ ਜਤਿੰਦਰ ਸਿੱਧੂ ਮੁੱਦਕੀ ਮਨੀਲਾ ਦੇ ਲਿਖੇ ਨਵੇਂ ਲੋਕ ਤੱਥ ਗੀਤ 'ਚੰਗਾ ਬੰਦਾ' ਦੀ ਰਿਲੀਜਿੰਗ ਅੱਜ
ਐਸ ਐਮ ਐਮ ਰਿਧਮ ਅਤੇ ਪ੍ਰਬਲੀਨ ਸਿੱਧੂ ਦੀ ਮਾਣਮੱਤੀ ਪੇਸ਼ਕਸ਼
ਗੋਪੀ ਜ਼ੀਰੇ ਵਾਲਾ
ਪੰਜਾਬੀ ਸਭਿਆਚਾਰਕ ਮੇਲਿਆ ਦੀਆਂ ਸਟੇਜਾਂ ਤੇ ਧਮਾਲਾਂ ਪਾਉਂਦਾ ਹੱਸੂ ਹੱਸੂ ਕਰਦਾ ਇੱਕ ਸੋਹਣਾ ਸੁਨੱਖਾ ਚੇਹਰਾ, ਤੁਹਾਨੂੰ ਅਕਸਰ ਆਪਣੀ ਹੀ ਸਾਫ਼ ਸੁਥਰੀ ਗਾਇਕੀ ਦੀ ਪੇਸ਼ਕਾਰੀ ਕਰਦਾ ਦਿਖੇਂਗਾ, ਉਸ ਚੇਹਰੇ ਦਾ ਨਾਂ ਹੈ ਗਾਇਕਾ ਮਨਦੀਪ ਲੱਕੀ, ਉਸ ਨੇ ਹੁਣ ਤੱਕ ਜਿਆਦਾਤਰ ਸੋਲੋ ਗੀਤ ਗਾਏ ਹਨ ਅਤੇ ਦੋ ਤਿੰਨ ਗਾਇਕ ਕਲਾਕਾਰਾਂ ਨਾਲ ਦੋਗਾਣਿਆ ਵਿੱਚ ਵੀ ਆਪਣੀ ਕਿਸਮਤ ਅਜਮਾਈ ਹੈ, ਪਰ ਹੁਣ ਤੱਕ ਜੋ ਵੀ ਗਾਇਆ ਹੈ, ਉਨ੍ਹਾਂ ਵਿੱਚ ਸਮਾਜਿਕ, ਪਰਿਵਾਰਕ ਰਿਸ਼ਤਿਆਂ ਦੀ ਗੱਲ ਕੀਤੀ ਹੈ। ਦੋ ਕੁ ਮਹੀਨੇ ਪਹਿਲਾਂ ਗਾਇਕਾ ਮਨਦੀਪ ਲੱਕੀ ਦੇ ਡ੍ਰੀਮਜ਼ ਰਿਕਾਰਡ ਮਿਊਜ਼ਿਕ ਵੱਲੋਂ ਰਿਲੀਜ਼ ਕੀਤੇ ਲੋਕ ਤੱਥ ਗੀਤ 'ਫੈਸਲੇ' ਨੂੰ ਸੰਗੀਤ ਪ੍ਰੇਮੀਆਂ ਨੇ ਭਰਵਾਂ ਹੁੰਗਾਰਾ ਦਿੱਤਾ, ਜੋ ਕਿ ਖੂਬ ਚਰਚਾ ਚ ਰਿਹਾ ਅਤੇ ਹਰ ਵਰਗ ਦੇ ਸਰੋਤਿਆਂ ਦੀ ਪਸੰਦ ਬਣਿਆ। ਹੁਣ ਗਾਇਕਾ ਮਨਦੀਪ ਲੱਕੀ ਦਾ ਨਵਾਂ ਲੋਕ ਤੱਥ ਗੀਤ 'ਚੰਗਾ ਬੰਦਾ', ਐਸ ਐਮ ਐਮ ਰਿਧਮ ਵੱਲੋਂ ਪ੍ਰਬਲੀਨ ਸਿੱਧੂ ਦੀ ਮਾਣਮੱਤੀ ਪੇਸ਼ਕਸ਼ ਵਿੱਚ ਅੱਜ 23 ਮਈ ਨੂੰ ਬੜੇ ਵੱਡੇ ਪੱਧਰ ਤੇ ਵਰਡ ਵਾਈਡ ਰਿਲੀਜ਼ ਕੀਤਾ ਜਾ ਰਿਹਾ ਹੈ, ਇਸ ਗੀਤ ਦਾ ਗੀਤਕਾਰ ਜਤਿੰਦਰ ਸਿੱਧੂ ਮੁੱਦਕੀ ਮਨੀਲਾ ਹੈ ਅਤੇ ਇਸ ਨੂੰ ਸੰਗੀਤਕ ਧੁੰਨਾਂ 'ਚ ਸਿਰਜਿਆ ਹੈ ਤਾਜ ਸਟੂਡੀਓ ਨੇ। ਜਦੋਂ ਕਿ ਪ੍ਰੋਜੈਕਟ ਮੈਨੇਜਰ ਪੁਨੀਤ ਪੁੰਨਾਵਾਲ ਹੈ ਅਤੇ ਪ੍ਰਸਿੱਧ ਗੀਤਕਾਰ ਦੀਪ ਬੇਨੜਾ ਕਨੇਡਾ, ਮਨਦੀਪ ਹਥਨ ਅਤੇ ਜੌਤੀ ਬੌੜਹਾਈ ਦਾ ਵਿਸੇਸ਼ ਸਹਿਯੋਗ ਹੈ। ਹਰਦੀਪ ਸ਼ੇਰਪੁਰ ਦੁਆਰਾ ਕੀਤੀ ਪੋਸਟਰ ਡਿਜ਼ਾਈਨਗ ਵੀ ਠੀਕ ਹੈ। ਇਸ ਗੀਤ ਦਾ ਵੀਡੀਓ ਅਮਰਜੀਤ ਖੁਰਾਣਾ ਨੇ ਡੀਓਪੀ ਤੇਜੀ ਕਲਿਕਰ ਨਾਲ ਚੱਠਿਆਂ ਵਾਲੇ ਬਾਬਿਆਂ ਦੀ ਟੀਮ ਨੂੰ ਲੈਕੇ ਡ੍ਰੀਮਲੈਂਡ ਫ਼ਿਲਮ ਸਿਟੀ ਬਠਿੰਡਾ ਅਤੇ ਵੱਖ ਵੱਖ ਖੂਬਸੂਰਤ ਲੋਕੇਸ਼ਨ ਫਿਲਮਾਂਕਣ ਕਰਕੇ ਕੀਤਾ ਹੈ, ਜੋ ਹਰ ਵਰਗ ਦੀ ਪਸੰਦ ਬਣੇਗਾ। ਇਸ ਗੀਤ ਬਾਰੇ ਗਾਇਕਾ ਮਨਦੀਪ ਲੱਕੀ ਦਾ ਕਹਿਣਾ ਹੈ ਕਿ ਜਿਵੇਂ ਬਾਈ ਦੀਪ ਬੇਨੜਾ ਕਨੇਡਾ, ਪੁਨੀਤ ਪੁੰਨਾਵਾਲ ਤੇ ਹੈਪੀ ਪੁੰਨਾਵਾਲੀਆ ਦੀ ਤਿੱਕੜੀ ਨੇ ਸਖਤ ਮਿਹਨਤ ਕਰਕੇ ਇਹ 'ਚੰਗਾ ਬੰਦਾ' ਗੀਤ ਨੂੰ ਰਿਕਾਰਡ ਕੀਤਾ ਹੈ, ਉਸੇ ਤਰ੍ਹਾਂ ਇਹ ਸਰੋਤਿਆਂ ਦਾ ਵੀ ਭਰਪੂਰ ਮਨੋਰੰਜਨ ਕਰੇਗਾ, ਜਿੱਦਾ ਕਿ ਉਹਨਾਂ ਨੇ ਮੇਰੇ ਪਹਿਲਾ ਆਏ ਗੀਤਾਂ ਨੂੰ ਰੱਜਵਾਂ ਪਿਆਰ ਸਤਿਕਾਰ ਦਿੱਤਾ ਹੈ ਓਦਾ ਹੀ ਇਸ ਗੀਤ ਨੂੰ ਵੀ 'ਫੈਸਲੇ' ਗੀਤ ਵਾਂਗ ਭਰਵਾਂ ਹੁੰਗਾਰਾ ਦੇਣਗੇ।
#ਗੋਪੀ ਜੀਰੇਵਾਲਾ #Daly Just punjabi #jalwa news #Awaz Sach Di