അറഫ ദിനത്തിലെ ജീവിതം മാറ്റിമറിച്ച ഒരു പാഠം ```തീർച്ചയായും വായിക്കണം``` ഒരു സഹോദരൻ പങ്കുവെച്ച ഹൃദയസ്പർശിയായ അനുഭവം: കഴിഞ്ഞ വർഷം ഇതേ സമയത്ത്, എന്റെ സൂപ്പർമാർക്കറ്റിൽ വൈദ്യുത ഷോർട്ട് സർക്യൂട്ട് ഉണ്ടായി. അതിന്റെ ഫലമായി തീപിടുത്തമുണ്ടായി, കടയിലെ സാധനങ്ങളുടെ മുക്കാൽ ഭാഗവും കത്തിനശിച്ചു. ഈ സംഭവം അറഫ ദിനത്തിന് വെറും രണ്ട് ദിവസം മുമ്പായിരുന്നു! എന്റെ അവസ്ഥ നിങ്ങൾക്ക് ചിന്തിക്കാം — ഈദുല്‍ അദ്ഹ അടുത്തിരിക്കെ, എന്റെ ബിസിനസ്‌, സാധനങ്ങൾ, കട, എല്ലാം തകർന്ന അവസ്ഥ. ഈദ് ആഘോഷമില്ല, സമ്മാനങ്ങളില്ല, സന്തോഷമില്ല — വിഷമം, കടബാധ്യത, ആശങ്ക മാത്രം. അന്ന് ഞാൻ വിവാഹിതനായിട്ട് വെറും രണ്ട് മാസം മാത്രമായിരുന്നു. കത്തിനശിച്ച സാധനങ്ങളുടെ മൂല്യം ഏകദേശം $15,000 ആയിരുന്നു. ഞാൻ എന്നോടുതന്നെ ചോദിച്ചു: “ഇനി ഞാൻ എന്ത് ചെയ്യും? ഇത് എങ്ങനെ പരിഹരിക്കും? ഇപ്പോഴേ വിവാഹം കഴിഞ്ഞ ഭാര്യയുടെ സ്വർണം വിൽക്കാൻ പറയണമോ? കടം വാങ്ങണമോ? ആരിൽ നിന്ന്?” അവസാനം സുഹൃത്തുക്കളിൽ നിന്ന് കടം വാങ്ങാനാണ് ഞാൻ തീരുമാനിച്ചത്. പക്ഷേ ആരോടു ചോദിച്ചാലും അവർ പറഞ്ഞു: “ഈദ് അടുത്തിരിക്കുകയാണ് സഹോദരാ, ക്ഷമിക്കണം… ഇപ്പോൾ സഹായിക്കാൻ കഴിയില്ല.” രണ്ട് ദിവസം ഞാൻ അതീവ വിഷമത്തിലും നിരാശയിലുമായി കഴിഞ്ഞു. ഒടുവിൽ സുഹൃത്തുക്കളിൽ നിന്നും പരിചയക്കാരിൽ നിന്നും എനിക്ക് ലഭിച്ചത് വെറും $800 മാത്രം — എനിക്ക് നഷ്ടപ്പെട്ടതിനെ അപേക്ഷിച്ച് ഒരു തുള്ളി വെള്ളംപോലെ. അന്ന് രാത്രി വീട്ടിലേക്ക് മടങ്ങുമ്പോൾ വഴിയിൽ എന്റെ അയൽക്കാരനെ കണ്ടു. അവൻ പറഞ്ഞു: “ഈദ് മുബാറക്, സുഹൃത്തേ! നാളെ നോമ്പ് മറക്കരുതേ!” ഞാൻ മനസ്സിൽ പറഞ്ഞു: “ഇപ്പോഴത്തെ ഈ അവസ്ഥയിൽ നോമ്പോ? ദയവായി എന്നെ വിട്ടേക്കൂ…” എന്റെ മനസ്സ് ഒന്ന് ശാന്തമാക്കാൻ ഭാര്യ നടക്കാൻ പോകാമെന്ന് പറഞ്ഞു. ഞങ്ങൾ പുറത്തുപോയെങ്കിലും, എന്റെ മനസ്സ് മുഴുവൻ ദുഃഖത്തിലും ചിന്തകളിലുമായിരുന്നു. വീട്ടിലെത്തിയപ്പോൾ അവൾ പറഞ്ഞു: “സഹൂർ തയ്യാറാക്കാം, ഫജ്റ് അടുത്തായി.” ഞാൻ അസഹിഷ്ണുതയോടെ പറഞ്ഞു: “സഹൂറോ? നാളെ അറഫ ദിനമാണെന്ന കാര്യം പോലും ഞാൻ മറന്നുപോയി! നമ്മൾ രണ്ടുപേരും രണ്ട് വ്യത്യസ്ത ലോകങ്ങളിലാണ് ഇപ്പോൾ ജീവിക്കുന്നത്. എന്ത് സഹൂർ? എന്ത് അറഫ? നമ്മുടെ അവസ്ഥ നിനക്കു കാണുന്നില്ലേ?” അവൾ സാന്ത്വനത്തോടെ പറഞ്ഞു: “ഇത് അല്ലാഹു നമുക്കായി കണക്കാക്കിയതാണ്. അവൻ നമ്മെ കൈവിടില്ല. പക്ഷേ നാം നോമ്പ് നോക്കണം.” അവൾ ഉറച്ചുനിന്നു. അങ്ങനെ ഞങ്ങൾ നോമ്പിനായി നിയ്യത്ത് ചെയ്തു. സൂര്യാസ്തമയസമയമായപ്പോൾ അവൾ പറഞ്ഞു: “നിന്റെ റബ്ബിനോട് ദുആ ചെയ്യൂ.” ഞാൻ ചോദിച്ചു: “എന്തിനായി ദുആ ചെയ്യണം?” അവൾ പറഞ്ഞു: “നിനക്കാഗ്രഹമുള്ള എന്തും ചോദിക്കൂ.” ഞാൻ പറഞ്ഞു: “ആകാശത്തിൽ നിന്ന് $15,000 വീഴാൻ ഞാൻ ചോദിക്കണോ? അത് നടക്കുമോ?” അവൾ മറുപടി പറഞ്ഞു: “ആകാശം സൃഷ്ടിച്ചവന് എല്ലാം കഴിവുള്ളതാണ്.” അവൾ എന്റെയടുക്കൽ നിന്ന് എഴുന്നേറ്റു ദുആയിൽ മുഴുകി. ഞാനും ദുആ ചെയ്തു. സത്യത്തിൽ എന്റെ മനസ്സിൽ ഉണ്ടായിരുന്നത് ആ $15,000 മാത്രമായിരുന്നു — എനിക്ക് എന്റെ സന്തോഷം തിരികെ വേണമായിരുന്നു. മഗ്റിബിന് ശേഷം ഏകദേശം ഒരു മണിക്കൂർ കഴിഞ്ഞപ്പോൾ, ഒരു സുഹൃത്ത് ഫോൺ ചെയ്തു: “കഫേയിൽ ഒന്ന് വരൂ, പ്രധാന കാര്യമുണ്ട്.” ഞാൻ പോയി. അവൻ പറഞ്ഞു: “സഹോദരാ, ഈ അവസരത്തിന് നിന്നെക്കാൾ അനുയോജ്യനായ മറ്റാരെയും ഞാൻ അറിയുന്നില്ല. എന്റെ ഒരു സുഹൃത്തിന് ഒരു സമ്പാദ്യ പദ്ധതിയിൽ നിന്ന് പണം ലഭിച്ചിട്ടുണ്ട്. അവൻ അത് ഒരു ബിസിനസിൽ നിക്ഷേപിക്കാൻ ആഗ്രഹിക്കുന്നു. നിനക്ക് താൽപര്യമുണ്ടോ?” എനിക്ക് അതിയായ സന്തോഷമായി. ഉടൻ ആ ആളെ വിളിച്ചു. അവൻ പറഞ്ഞു: “എന്റെ കൈയിൽ $30,000 ഉണ്ട്. അത് നിക്ഷേപിക്കണം.” ഞാൻ പറഞ്ഞു: “എന്റെ സൂപ്പർമാർക്കറ്റിന് $15,000 വിലവരുന്ന പുതിയ സാധനങ്ങൾ വേണം. ബാക്കി $15,000 കട നവീകരണത്തിന് ഉപയോഗിക്കാം. നിക്ഷേപം തിരികെ കിട്ടിയ ശേഷം ലാഭത്തിന്റെ 50% നിങ്ങൾക്ക് നൽകാം.” അങ്ങനെ ഞങ്ങൾ ധാരണയായി. കട പുതുക്കി, സാധനങ്ങൾ നിറച്ചു, ഈദിന് ശേഷം വീണ്ടും തുറന്നു. അന്നത്തെ എന്റെ സന്തോഷം വിവരണം ചെയ്യാനാവില്ല. ഓഹ്! ഒരു കാര്യം പറയാൻ ഞാൻ മറന്നു — കടയ്ക്ക് തീപിടിക്കുന്നതിന് ഒരു ആഴ്ച മുമ്പ് എന്റെ ഉമ്മയ്ക്ക് കാൻസറാണെന്ന് സംശയം ഉയർന്നിരുന്നു. പരിശോധനാഫലങ്ങൾ അറഫ ദിനത്തിലാണ് വരാനിരുന്നത്. റിസൾട്ട്‌ വന്നു — നെഗറ്റീവ്. ഉമ്മയ്ക്ക് രോഗമൊന്നുമില്ലായിരുന്നു! അത് കേട്ട ഉമ്മ മുഴുവൻ ദിവസവും അല്ലാഹുവിനോട് നന്ദി പറഞ്ഞ് കരഞ്ഞു. കട വീണ്ടും തുറന്നു, ഉമ്മ ആരോഗ്യവതിയായി, അതിനുമുപരി,എന്റെ ഭാര്യ സന്തോഷത്തോടെ വിളിച്ച് പറഞ്ഞു: “ഞാൻ ഒരു ടെസ്റ്റ് നടത്തി… ഞാൻ ഗർഭിണിയാണ്!” അവൾ അതിയായ സന്തോഷത്തിലായിരുന്നു. പിന്നെ അവൾ ചോദിച്ചു: “ഇപ്പോൾ അറഫ ദിനത്തിലെ നോമ്പിന്റെയും ദുആയുടെയും ശക്തി നിനക്കു മനസ്സിലായോ?” ഞാൻ മനസ്സിൽ പറഞ്ഞു: “സുബ്ഹാനല്ലാഹ്… കുറച്ച് ദിവസങ്ങൾക്ക് മുമ്പ് ലോകം തന്നെ തകർന്നുവീഴുന്നതുപോലെ തോന്നിയിരുന്നു. ഇന്ന് ഒരു സത്യസന്ധമായ ദുആ കാരണം എല്ലാം മാറിമറിഞ്ഞു.” അന്നാണ് ഞാൻ അല്ലാഹുവിന് മുമ്പിലുള്ള വിനയത്തിന്റെ യഥാർത്ഥ അർത്ഥം മനസ്സിലാക്കിയത്. അല്ലാഹു നമ്മോടൊപ്പമുണ്ട്. ചിലപ്പോൾ അവൻ നമ്മെ പരീക്ഷിക്കുന്നത്, നാം അവനിലേക്കു മടങ്ങി തൗബ ചെയ്യുന്നതിനായിരിക്കും. ഈദിന് ശേഷം ബിസിനസ് നന്നായി നടന്നു. $30,000 നിക്ഷേപം മുഴുവൻ തിരികെ ലഭിച്ചു. ഞാൻ ആ പണം തിരികെ നൽകാൻ പോയപ്പോൾ കഥയ്ക്ക് മറ്റൊരു അത്ഭുതകരമായ വഴിത്തിരിവുണ്ടായി. അവൻ പറഞ്ഞു: “സത്യത്തിൽ, ആ പണം എന്റേതല്ല. ഒരു വ്യക്തിയുടെ ഭാര്യ കാൻസറിൽ നിന്ന് സുഖം പ്രാപിച്ചിരുന്നു. അവർ അനാമികമായി ഒരാളെ സഹായിക്കണമെന്ന് ആഗ്രഹിച്ചു. അതിനാണ് ഈ പണം.” “ഈ പണം നിന്റേതാണ്. ആരും അത് തിരികെ ചോദിക്കില്ല.” അല്ലാഹുവാണ് സാക്ഷി — ഞാൻ വീട്ടിലെത്തി മുറി പൂട്ടി. ഒരു കുഞ്ഞിനെപ്പോലെ ഒരു മണിക്കൂർ മുഴുവൻ കരഞ്ഞു. അല്ലാഹുവിന്റെ കരുണയും ഉധാരതയും ഓർത്ത് ഹൃദയം നിറഞ്ഞുപോയി. ഇന്നും ഈ കഥ ഓർക്കുമ്പോൾ ഞാൻ കരയുന്നു — കണ്ണുനീർ മാത്രമല്ല, രക്തക്കണ്ണുനീർ. എന്റെ റബ്ബിൽ നിന്ന് അകന്നുനിന്ന കാലത്തെ ഓർത്ത് ഞാൻ ഖേദിക്കുന്നു. അവന്റെ കരുണ എപ്പോഴും എനിക്കടുത്തുണ്ടായിരുന്നുവെങ്കിലും. ഈ അനുഭവം എന്നെ അറഫ ദിനത്തിന്റെ മഹത്വം, നോമ്പിന്റെ ശക്തി, ദുആയുടെ മൂല്യം, അല്ലാഹുവിലുള്ള തവക്കുൽ — എല്ലാം പഠിപ്പിച്ചു. അതായിരുന്നു എന്റെ ജീവിതത്തിലെ വഴിത്തിരിവ് — ഞാൻ തൗബ ചെയ്തു, ദീനിലേക്ക് തിരിച്ചുവന്ന ദിനം. പാഠം: > ചിലപ്പോൾ അല്ലാഹു തടഞ്ഞുവെച്ചുകൊണ്ടാണ് നമുക്ക് നൽകുന്നത്; ചിലപ്പോൾ നൽകിയുകൊണ്ടാണ് തടയുന്നത് — അതാണ് അവന്റെ പരിപൂർണമായ യുക്തി. ദുൽഹിജ്ജയുടെ ഈ അനുഗ്രഹീതമായ ആദ്യ പത്ത് ദിവസങ്ങളിൽ, നാം ദുആകളിൽ പരിശ്രമിക്കട്ടെ. ലോകമെമ്പാടുമുള്ള പീഡിതരായ നമ്മുടെ സഹോദരങ്ങൾക്കും സഹോദരിമാർക്കും വേണ്ടി ദുആ ചെയ്യാനും മറക്കരുത്. റസൂലുല്ലാഹ് ﷺ പറഞ്ഞു: “ആരെങ്കിലും ഒരു നന്മയിലേക്ക് വഴികാട്ടിയാൽ, അത് ചെയ്തവന്റെ പ്രതിഫലത്തിന് തുല്യമായ പ്രതിഫലം അവനും ലഭിക്കും.” (മുസ്ലിം) അതുകൊണ്ട് ഈ കഥ പങ്കുവെക്കാൻ മടിക്കരുത്. ഒരുപക്ഷേ നാം അപ്രതീക്ഷിതമായി മരണപ്പെടാം — പക്ഷേ നമ്മുടെ അമൽ രേഖയിൽ ശേഷിക്കുക നാം പ്രചരിപ്പിച്ച നന്മകളായിരിക്കും. പ്രയോജനകരമായ അറിവ് പ്രചരിപ്പിക്കൂ. #🕋 ഇസ്ലാമിക് സ്റ്റാറ്റസ് #🕋 ഇസ്ലാമിക് സ്റ്റാറ്റസ് 🟢 #motivation #🕋ബലിപെരുന്നാൾ വരവായി #☪️ പെട്ടെന്ന് ഉത്തരം ലഭിക്കുന്ന ദുആകൾ