ಐಪಿಎಲ್ ಮ್ಯಾಚ್ ನೋಡುವಾಗ ಬಫರಿಂಗ್ ಕಿರಿಕಿರಿ ತಪ್ಪಿಸಿ? ಈ ಅಗ್ಗದ ಡೇಟಾ ಪ್ಯಾಕ್ಗಳು ನಿಮಗಾಗಿ!
ಐಪಿಎಲ್ ಪಂದ್ಯದ ಹೈವೋಲ್ಟೇಜ್ ಕದನಕ್ಕೆ ಕ್ರಿಕೆಟ್ ಪ್ರೇಮಿಗಳು ಸಜ್ಜಾಗಿದ್ದಾರೆ. ಪಂದ್ಯದ ವೇಳೆ ಬಫರಿಂಗ್ ಕಿರಿಕಿರಿ ಇಲ್ಲದೆ ಲೈವ್ ಸ್ಟ್ರೀಮಿಂಗ್ ನೋಡಲು ಉತ್ತಮ ಡೇಟಾ ಪ್ಯಾಕ್ಗಳ ಅಗತ್ಯವಿದೆ. ಜಿಯೋ, ಏರ್ಟೆಲ್ ಮತ್ತು ವಿಐ ಕಂಪನಿಗಳು ಇದಕ್ಕಾಗಿ ಬೆಸ್ಟ್ ಪ್ಲಾನ್ಗಳನ್ನು ಪರಿಚಯಿಸಿವೆ.
ಈ ಪ್ಯಾಕ್ಗಳಿದ್ದರೆ ನೀವು ಪಂದ್ಯದ ಒಂದೂ ಬೌಂಡರಿಯನ್ನು ಮಿಸ್ ಮಾಡಿಕೊಳ್ಳುವುದಿಲ್ಲ. ಇಂದಿನ ಪಂದ್ಯವನ್ನು ಎಂಜಾಯ್ ಮಾಡಲು ನಿಮಗಿಷ್ಟವಾದ ಪ್ಲಾನ್ ಆರಿಸಿಕೊಳ್ಳಿ.
ಮೊಬೈಲ್ನಲ್ಲಿ ಎಚ್ಡಿ ಕ್ವಾಲಿಟಿಯಲ್ಲಿ ಪಂದ್ಯ ನೋಡಲು ಹೈ-ಸ್ಪೀಡ್ ಇಂಟರ್ನೆಟ್ ಅತ್ಯಗತ್ಯ. ಇದಕ್ಕಾಗಿ ಟೆಲಿಕಾಂ ಕಂಪನಿಗಳು 500 ರೂಪಾಯಿಗಿಂತ ಕಡಿಮೆ ಬೆಲೆಯ ಬಜೆಟ್ ಫ್ರೆಂಡ್ಲಿ ಡೇಟಾ ಬೂಸ್ಟರ್ಗಳನ್ನು ಲಾಂಚ್ ಮಾಡಿವೆ. ಇವು ತಕ್ಷಣವೇ ಆಕ್ಟಿವೇಟ್ ಆಗುತ್ತವೆ ಮತ್ತು ಪಂದ್ಯ ಮುಗಿಯುವವರೆಗೆ ಬೇಕಾದಷ್ಟು ಡೇಟಾ ನೀಡುತ್ತವೆ. ಮನೆಯಿಂದ ಹೊರಗಿದ್ದು ಪಂದ್ಯ ವೀಕ್ಷಿಸುವವರಿಗೆ ಇದು ಹೇಳಿ ಮಾಡಿಸಿದಂತಿದೆ.
ಐಪಿಎಲ್ಗಾಗಿ ಜಿಯೋ ಮತ್ತು ಏರ್ಟೆಲ್ನ ಅಗ್ಗದ ಪ್ಲಾನ್ಗಳು:
ಜಿಯೋ ತನ್ನ ಗ್ರಾಹಕರಿಗಾಗಿ 398 ರೂ. ಜನಪ್ರಿಯ ಪ್ಲಾನ್ ನೀಡುತ್ತಿದೆ. ಇದರಲ್ಲಿ ಪ್ರತಿದಿನ 2ಜಿಬಿ ಹೈ-ಸ್ಪೀಡ್ ಡೇಟಾ ಸಿಗಲಿದೆ. ಇನ್ನು ಏರ್ಟೆಲ್ ಕೂಡ ಕ್ರಿಕೆಟ್ ಅಭಿಮಾನಿಗಳಿಗಾಗಿಯೇ 499 ರೂ. ಪ್ಲಾನ್ ಹೊಂದಿದೆ. ಈ ಎರಡೂ ಪ್ಲಾನ್ಗಳಲ್ಲಿ ನೀವು ಯಾವುದೇ ಅಡೆತಡೆಯಿಲ್ಲದೆ ಪಂದ್ಯ ವೀಕ್ಷಿಸಬಹುದು. ಮೊಬೈಲ್ ಆಪ್ಗಳ ಮೂಲಕ ಇವುಗಳನ್ನು ಸುಲಭವಾಗಿ ಮತ್ತು ವೇಗವಾಗಿ ರೀಚಾರ್ಜ್ ಮಾಡಿಕೊಳ್ಳಬಹುದು.
ರೀಚಾರ್ಜ್ ಪ್ಲಾನ್ ಗಳು:
Jio 398 ರೂ. 2GB/ದಿನ + OTT
Airtel 499 ರೂ. 3GB/ದಿನ + OTT
Vi 151 ರೂ. 8GB ಡೇಟಾ ಪ್ಯಾಕ್
ನಿಮ್ಮ ಬಳಿ ಈಗಾಗಲೇ ಬೇಸಿಕ್ ಪ್ಲಾನ್ ಇದ್ದರೆ, ಹೆಚ್ಚುವರಿ ಡೇಟಾಕ್ಕಾಗಿ ಬೂಸ್ಟರ್ ಪ್ಯಾಕ್ ಬಳಸಬಹುದು. ಜಿಯೋ 108 ರೂ.ಗೆ ಎಕ್ಸ್ಟ್ರಾ ಡೇಟಾ ನೀಡುತ್ತಿದೆ. ಇನ್ನು Vi ಕೂಡ ಕಡಿಮೆ ಬೆಲೆಯಲ್ಲಿ ಸ್ಪೆಷಲ್ ಮ್ಯಾಚ್-ಡೇ ಪ್ಯಾಕ್ ಪರಿಚಯಿಸಿದೆ. ಪಂದ್ಯದ ಪೀಕ್ ಸಮಯದಲ್ಲಿ ಇಂಟರ್ನೆಟ್ ವೇಗ ಹೆಚ್ಚಿಸಲು ಇವು ಬೆಸ್ಟ್ ಆಯ್ಕೆಗಳು. ಇವುಗಳ ಮೂಲಕ ನೀವು ಸ್ಟೇಬಲ್ ಆಗಿ ಪಂದ್ಯವನ್ನು ವೀಕ್ಷಿಸಬಹುದು.
700 ರೂ.ಗಿಂತ ಕಡಿಮೆ ಬೆಲೆಯ ಫೈಬರ್ ಮತ್ತು ಬಿಎಸ್ಎನ್ಎಲ್ ಪ್ಲಾನ್ಗಳು:
ಮನೆಯಲ್ಲಿ ಕುಳಿತು ಅನ್ಲಿಮಿಟೆಡ್ ಆಗಿ ಪಂದ್ಯ ನೋಡಲು ಫೈಬರ್ ಪ್ಲಾನ್ಗಳು ಉತ್ತಮ ಆಯ್ಕೆ. ಜಿಯೋ ಫೈಬರ್ ಮತ್ತು ಏರ್ಟೆಲ್ ಎಕ್ಸ್ಸ್ಟ್ರೀಮ್ 700 ರೂ.ಐಗಿಂತ ಕಡಿಮೆ ಬೆಲೆಯಲ್ಲಿ ಹೈ-ಸ್ಪೀಡ್ ಇಂಟರ್ನೆಟ್ ಮತ್ತು ಹಲವು ಆಪ್ಗಳ ಸೌಲಭ್ಯ ನೀಡುತ್ತಿವೆ. ಗ್ರಾಮೀಣ ಭಾಗದ ಬಳಕೆದಾರರಿಗೆ ಬಿಎಸ್ಎನ್ಎಲ್ ಕೂಡ ಆಕರ್ಷಕ ಪ್ಲಾನ್ಗಳನ್ನು ಹೊಂದಿದೆ. ಇವುಗಳ ಮೂಲಕ ನೀವು ಯಾವುದೇ ತಾಂತ್ರಿಕ ತೊಂದರೆಯಿಲ್ಲದೆ ಪಂದ್ಯವನ್ನು ಆನಂದಿಸಬಹುದು.
ಐಪಿಎಲ್ ಪಂದ್ಯಗಳನ್ನು ವೀಕ್ಷಿಸುವುದು ಈಗ ಎಲ್ಲರಿಗೂ ಸುಲಭ ಮತ್ತು ಅಗ್ಗವಾಗಿದೆ. ನಿಮ್ಮ ಬಜೆಟ್ಗೆ ತಕ್ಕಂತೆ ನೀವು ಪ್ಲಾನ್ ಆರಿಸಿಕೊಳ್ಳಬಹುದು. ಟಾಸ್ ಆಗುವ ಮೊದಲೇ ರೀಚಾರ್ಜ್ ಮಾಡಿಕೊಳ್ಳಿ ಮತ್ತು ನಿಮ್ಮ ನೆಚ್ಚಿನ ತಂಡದ ಆಟವನ್ನು ಎಂಜಾಯ್ ಮಾಡಿ. ನಿಮ್ಮ ಫೇವರೆಟ್ ಟೀಮ್ ಈಗ ದೊಡ್ಡ ಪಂದ್ಯಕ್ಕೆ ರೆಡಿಯಾಗಿದೆ.
#LATEST #TECHNOLOGY #TATAIPL #RCB #MOBILEGADGETS