✍️ ഇന്നത്തെ ചിന്താവിഷയം :- യേശുക്രിസ്തുവിൽ പ്രിയമുള്ള സഹോദരി സഹോദരന്മാരെ, യാക്കോബ്‌ 3 : 2 വചനം പറയുന്നു നാമെല്ലാവരും പലവിധത്തില്‍ തെറ്റുചെയ്യുന്നു. സംസാരത്തില്‍ തെറ്റുവരുത്താത്ത ഏവനും പൂര്‍ണനാണ്‌. തന്റെ ശരീരത്തെ മുഴുവന്‍ നിയന്ത്രിക്കാന്‍ അവനു കഴിയും. നിങ്ങള്‍ വീണ്ടും ജനിക്കുവാന്‍ ആഗ്രഹിക്കുന്നെങ്കില്‍ ഈ പ്രഭാതത്തിൽ ഹൃദയംഗമായി ആത്മാര്‍ത്ഥതയോടെ യേശുവിനോട് ഇപ്രകാരം പറയുക: "കര്‍ത്താവായ യേശുവേ! അവിടുന്ന് ദൈവപുത്രനാണെന്ന് ഞാന്‍ വിശ്വസിക്കുന്നു. നരകശിക്ഷ അര്‍ഹിക്കുന്ന ഒരു പാപിയാണ് ഞാന്‍. എന്നെ സ്നേഹിച്ച്, എന്‍റെ പാപങ്ങള്‍ക്കായി ക്രൂശില്‍ അങ്ങ് മരിച്ചതിന് നന്ദി. അവിടുന്ന് മരണത്തില്‍ നിന്ന് ഉയിര്‍ത്ത് ഇന്നും ജീവിക്കുന്നു എന്ന് ഞാന്‍ ഹൃദയംകൊണ്ട് വിശ്വസിക്കുന്നു. പാപകരമായ ജീവിതത്തില്‍ നിന്നും ഇപ്പോള്‍ തന്നെ തിരിയുവാന്‍ ഞാന്‍ പൂർണ്ണമായും ആഗ്രഹിക്കുന്നു. എന്‍റെ സകല പാപങ്ങളും ക്ഷമിക്കുകയും എനിക്ക് പാപത്തോട് വെറുപ്പ് നല്‍കയും ചെയ്യണമെ. ഏതെങ്കിലും വിധത്തില്‍ എനിക്ക് ദോഷം ചെയ്തിട്ടുള്ള എല്ലാവരോടും ഞാന്‍ ആത്മാർത്ഥമായി ക്ഷമിക്കുന്നു. കര്‍ത്താവായ യേശുവേ, എന്‍റെ ജീവിതത്തിലേക്ക് വന്ന് സാക്ഷാല്‍ എന്‍റെ കര്‍ത്താവായി നീ വാഴേണമേ. ഇപ്പോള്‍ തന്നെ എന്നെ ദൈവപൈതലാക്കണമേ". യോഹന്നാന്‍ 1 : 12 വചനം ഇപ്രകാരം പറയുന്നു "ക്രിസ്തുവിനെ സ്വീകരിച്ചവര്‍ക്കെല്ലാം, തന്റെ നാമത്തില്‍ വിശ്വസിക്കുന്നവര്‍ക്കെല്ലാം, ദൈവമക്കളാകാന്‍ അവന്‍ കഴിവു നല്‍കി. യോഹന്നാൻ 6:37 വചനത്തിലൂടെ യേശു പറയുന്നു. എന്റെ അടുക്കല്‍ വരുന്നവനെ ഞാന്‍ ഒരിക്കലും തള്ളിക്കളയുകയുമില്ല. യാക്കോബ്‌ ലേഖനം 1 : 22 വചനം പറയുന്നു. നിങ്ങള്‍ വചനം കേള്‍ക്കുക മാത്രംചെയ്യുന്ന ആത്‌മവഞ്ചകരാകാതെ അത്‌ അനുവര്‍ത്തിക്കുന്നവരും ആയിരിക്കുവിന്‍. തുടര്‍ന്ന് നിങ്ങള്‍ ദിനംപ്രതി ദൈവവചനം വായിക്കുകയും നാള്‍ തോറും പരിശുദ്ധാത്മനിറവില്‍ ജീവിക്കുകയും വേണം. വീണ്ടും ജനിച്ച മറ്റ് ദൈവമക്കളുമായി കൂട്ടായ്മയില്‍ ജീവിക്കണം. യാക്കോബ്‌ 1 : 25 വചനം ഓർമ്മിപ്പിക്കുന്നു. കേട്ടതു മറക്കുന്നവനല്ല, പ്രവര്‍ത്തിക്കുന്നവനാണ്‌ പൂര്‍ണമായ നിയമത്തെ, അതായത്‌ സ്വാതന്ത്ര്യത്തിന്റെ നിയമത്തെ, സൂക്‌ഷ്‌മമായി ഗ്രഹിക്കുകയും അതില്‍ ഉറച്ചു നില്‍ക്കുകയും ചെയ്യുക. തന്റെ പ്രവൃത്തികളില്‍ അവന്‍ അനുഗൃഹീതനാകും. ക്രിസ്തീയജീവിതത്തില്‍ വളരുവാനും, യേശുവിനെ അനുഗമിക്കാന്‍ ശക്തരായിത്തീരുവാനും അങ്ങനെ മാത്രമേ കഴിയൂ. യോഹന്നാന്‍ 15 : 7 വചനം അനുസരിച്ച് നിങ്ങള്‍ യേശുവിൽ വസിക്കുകയും അവന്റെ വാക്കുകള്‍ നിങ്ങളില്‍ നിലനില്‍ക്കുകയും ചെയ്യുന്നെങ്കില്‍ ഇഷ്‌ടമുള്ളതു ചോദിച്ചുകൊള്ളുക; നിങ്ങള്‍ക്കു ലഭിക്കും. അതിനാൽ, വചനം അനുസരിച്ച് ക്രിസ്തുവിനാൽ തെരഞ്ഞെടുക്കപ്പെട്ട ഒരു നല്ല വിശുദ്ധ സഭയിലേക്ക് നിങ്ങളെ നയിക്കുവാന്‍ കര്‍ത്താവിനോട് എല്ലായിപ്പോഴും പ്രാര്‍ത്ഥിക്കുക. യേശു കര്‍ത്താവ് നിങ്ങളെ സമൃദ്ധമായി അനുഗ്രഹിക്കട്ടെ! കടപ്പാട്: ബിനോജ് ബാബു, ദി ഹാപ്പി ഫാമിലി. #😇 ഇന്നത്തെ ചിന്താവിഷയം