#😇 മുഹറത്തിൻറെ ചരിത്രം ഇസ്ലാമിക കലണ്ടര്‍ പ്രകാരം ആദ്യത്തെ മാസമാണ് മുഹറം. നാല് പുണ്യമാസങ്ങളിൽ രണ്ടാമത്തെ മാസവും. ഇസ്ലാമിക വിശ്വാസ പ്രകാരം റമസാനിനുശേഷം ഏറ്റവും പ്രധാന്യം കൊടുക്കുന്ന മാസം മുഹറം ആണ്. മുഹമ്മദ് നബിയുടെ ചെറുമകനായ ഹസ്രത്ത് ഇമാം ഹുസൈന്റെ ത്യാഗത്തെ അനുസ്മരിക്കുന്നത് ഈ മാസത്തിലാണ്. കൂടാതെ പത്തോളം പ്രവാചകന്മാരെ പല പ്രതിസന്ധികളിൽ നിന്ന് ദൈവം രക്ഷിച്ച മാസം എന്ന പ്രത്യേകതയും ഉണ്ട്. പരിശുദ്ധ ഖുറാനും തിരുസുന്നത്തും ഈ മാസത്തില്‍ ആണ് വെളിപ്പെടുന്നത്. മുഹറത്തിലെ ഏറ്റവും പരിശുദ്ധമായ രണ്ട് ദിനങ്ങളാണ് മുഹറം 9, 10. താസൂആ, ആശൂറാ എന്നാണ് ഈ ദിവസങ്ങളെ വിളിക്കുന്നത്. വളരെ പവിത്രമായ ഈ രണ്ട് ദിവസങ്ങളില്‍ വിശ്വാസികള്‍ പ്രാര്‍ത്ഥനകള്‍ക്കായി കൂടുതല്‍ സമയം കണ്ടെത്തും.ഇസ്ലാമിക ചരിത്രത്തിൽ ഒട്ടേറെ സുപ്രധാന സംഭവങ്ങൾക്ക് സാക്ഷ്യം വഹിച്ച മാസമാണ് മുഹറം. ജീവിതത്തിലെ തെറ്റുകളെയും പോരായ്മകളെയും വിലയിരുത്തി സൽപ്രവര്‍ത്തികള്‍ ചെയ്യാന്‍ ഒരുങ്ങുന്ന വര്‍ഷം. ഇസ്ലാമിക നിയമമനുസരിച്ച് യുദ്ധം നിരോധിക്കപ്പെട്ട നാലുമാസങ്ങളില്‍ ഒന്നാണ് മുഹറം. ഏകദേശം പതിനാല് നൂറ്റാണ്ടുകൾക്ക് മുമ്പ് മുഹറം പത്തിന് മുഹമ്മദ് നബിയുടെ ചെറുമകനായ ഇമാം ഹുസൈനും അദ്ദേഹത്തിന്‍റെ ചെറിയ മകനും യുദ്ധത്തിൽ ക്രൂരമായി കൊല്ലപ്പെട്ടു. ഇമാം ഹുസൈന്റെ സൈന്യത്തിൽ ഉണ്ടായിരുന്നത് അദ്ദേഹത്തിന്റെ സുഹൃത്തുക്കളും കുടുംബവും ആയിരുന്നു. എന്നാൽ ശത്രുക്കളെ പരാജയപ്പെടുത്താന്‍ അവര്‍ക്ക് സാധിച്ചില്ല. യുദ്ധാവസാനം അവർ ഹുസൈന്റെ സൈന്യത്തെ പിടികൂടി പീഡിപ്പിച്ചു. മൂന്ന് ദിവസം വെള്ളവും ഭക്ഷണവും നല്‍കാതെ അവരെ മരുഭൂമിയിൽ ഇട്ടു. അദ്ദേഹത്തിന്‍റെ 6 വയസ്സുള്ള മകനെ കൊല്ലുകയും സ്ത്രീകളെ ബന്ദികളാക്കുകയും ചെയ്തു.ആദം നബി മുതല്‍ മുഹമ്മദ്‌ നബി വരെയുള്ള നബിമാരുടെ ജീവിതത്തിലെ പല സംഭവങ്ങള്‍ക്കും സാക്ഷ്യം വഹിച്ച ദിവസമാണ് മുഹറം 9.10. യൂസുഫ് നബി, നൂഹ് ‌നബി, ഇബ്‌റാഹീം നബി,യൂനുസ്‌ നബി, ഈസാ നബി തുടങ്ങിയവരെ വിവിധ പരീക്ഷണങ്ങളില്‍ നിന്നും ശത്രുക്കളില്‍ നിന്നും രക്ഷപ്പെടുത്തിയ ദിവസമാണിത്‌. ആദമിന്‍റെ തൗബ ദൈവം സ്വകരിച്ചത് മുഹറം പത്തിനാണ്. നൂഹ് നബിയുടെ കപ്പല്‍ ജൂദീ പര്‍വ്വതത്തില്‍ യാത്ര അവസാനിപ്പിച്ചതും നങ്കൂരമിട്ടതും മുഹറം പത്തിനാണ്. മഹാനായ ഖലീലുല്ലാഹി മൂസ നബിക്ക് തൗറാത്ത് ഇറക്കിക്കൊടുത്തതും മുഹറത്തിലാണ്. യാക്കൂബ് നബിയുടെ കാഴ്ചശക്തി തിരിച്ചു കൊടുത്തതും മഹാനായ സുലൈമാൻ നബിക്ക് രാജാധികാരം നൽകിയതും മുഹറം പത്തിനാണ്. ചരിത്രം സാക്ഷ്യം വഹിച്ച സംഭവബഹുലമായ 19 ഇതിഹാസ വിസ്മയങ്ങള്‍ മുഹറം പത്താണ് സംഭവിച്ചതെന്ന് ചരിത്രം രേഖപ്പെടുത്തിയിട്ടുണ്ട്.1. ഇബ്റാഹീം നബി അഗ്നി കുണ്ഠത്തില്‍ നിന്നു രക്ഷപ്പെട്ടു. 2. യൂസുഫ് നബി (അ)ജയില്‍ മോചിതനായി. 3. അയ്യൂബ് നബിയുടെ മാറാവ്യാധി സുഖപ്പെട്ടു 4. മൂസ നബിയുടെ നേതൃത്വത്തില്‍ ഇസ്രയേല്‍ ജനതയേ ഫറോവയില്‍ നിന്നു മോചിപ്പിക്കുകയും ചെങ്കടലിന്റെ ആഴങ്ങളിലേക്ക് ഫറോവ മുങ്ങി താഴുകയും ചെയ്തു. 5. ദാവൂദ് നബിക്ക് പാപമോചനം കിട്ടിയത് ഈ ദിവസമാണ് 6. സുലൈമാന്‍ നബിക്ക് രാജാധികാരം തിരികെ നല്കിയത്. 7. യൂനുസ് നബി മത്സ്യത്തിന്റെ ഉദരത്തില്‍ നിന്നു പുറംതള്ളപ്പെട്ടത്. 8. ഈസാനബി കുരിശില്‍ തറക്കാതെ ആകാശത്തേക്ക് ഉയര്‍ത്തപ്പെട്ടത്. 9. മുഹമ്മദ് നബിക്ക് അത്യുന്നതമായ പദവി ലഭിച്ചത്. 10. ഖിളര്‍ നബിയുടെ വിജ്ഞാനത്തില്‍ വര്‍ദ്ധനവ് നേടിയത്. 11. സ്വര്‍ഗവും നരകവും സൃഷ്ഠിക്കപ്പെട്ടത്. 12. അര്‍ശും കുര്‍സും സൃഷ്ഠിക്കപ്പെട്ടത്. 13. ലൗഹും ഖലമും സൃഷ്ഠിക്കപ്പെട്ടത്. 14. ജിബ്രീല്‍, മീകാഈല്‍, ഇസ്റാഫീല്‍, അസ്റാഈല്‍ എന്നീ മാലാഖമാരെ സൃഷ്ട്ടിക്കപ്പെട്ടത്. 15. ലോകത്ത് ആദ്യമായി മഴ വര്‍ഷിച്ചത്. മുഹറം മാസത്തില്‍ 10 ദിവസവും നോമ്പ് എടുക്കുന്നത് വളരെ പുണ്യമുള്ള കാര്യമാണ്. പ്രധാനമായും 9.10 ദിവസങ്ങളിലാണ് നോമ്പ് എടുക്കുന്നത്. ആദ്യ പത്ത് മുഴുവൻ എടുക്കുകയാണെങ്കില്‍ മുപ്പത് നോമ്പിന്റെ പുണ്യം ലഭിക്കുമെന്ന് പല പണ്ഡിതരും പറയുന്നു. റമളാന്‍ മാസത്തിലെ നോമ്പിന് ശേഷം പുണ്യമുള്ള നോമ്പ് ഈ മാസത്തിലാണ്. ഒരു വര്‍ഷത്തെ പാപങ്ങള്‍ക്ക് പരിഹാരമാണ് ഈ പത്ത് ദിവസങ്ങളിലെ നോമ്പ്. ഈ ദിവസങ്ങളിലെ പ്രാര്‍ത്ഥനയ്ക്കും വളരെയേറെ പ്രത്യേകതകള്‍ ഉണ്ട്. #🕌 ഇസ്ലാമിക പുതുവർഷം 😇 #🌙 മുഹറം അല്ലാഹുവിന്‍റെ മാസം 🤲 #😇 മുഹറം 9 സ്റ്റാറ്റസുകൾ #🕌 ഇസ്ലാമിക് ഭക്തി