திமுக கூட்டணி பெரும் வெற்றி பெறும். அதிமுக தோல்வியுறும். தவெக நிலைமை என்ன? தேர்தல் களத்தில் பயண அனுபவங்கள். திமுக கூட்டணி வெற்றி பெறும் வகையிலான வலுவான கூட்டணி மற்றும் கருத்தியல் ரீதியான பிரச்சார முன்னெடுப்பு. வாக்காளர்களிடம் முதல்வரின் இடைவிடாத, நிதானமான, முதிர்ச்சியான பரப்புரை மற்றும் திமுக கூட்டணி கட்சி தலைவர்களின் அறிவார்ந்த பரப்புரைகள் மீது பக்குவப்பட்ட பெரும்பான்மை மக்களிடம் மரியாதை இருந்தது. அதிமுகவில் எடப்பாடி மட்டுமே பிரச்சாரத்தின் மையமாக இருந்தார். அவரது பரப்புரை அதிமுகவினருக்கானதாக தன்மையுடன் மட்டுமே இருந்தது. வாக்காளர்களை ஈர்ப்பதாக இல்லை. பாஜகவினரின் பரப்புரைகளில் 12 ஆண்டு ஒன்றிய பாஜக ஆட்சியின் சாதனைகள் என்று பரப்புரையில் இடம் பெறவில்லை, இல்லை என்பதால் இடம்பெறவில்லை. அதைவிட பாஜகவின் தமிழ்நாடு துரோகம் அதிகளவில் மக்களிடம் விவாதிக்கப்பட்டது. எனவே திமுக எதிர்ப்பு மட்டும் முன் வைக்கப்பட்டது. இவ்வகையான பிரச்சாரமே 2021-2024 லிலும் செய்யப்பட்டு எடுபடாமல் போனது. ஐந்தாண்டு ஆட்சியின் மீதான எதிர்ப்பலை என்பது இல்லை. எதிர்ப்புகள் என்ற மோடி மீடியாவின் கட்டமைப்புகள் களத்தில் எடுபடவில்லை. பிற கூட்டணியினரை விட திமுக மற்றும் கூட்டணி கட்சியினர் மட்டுமே 75.000 வாக்குச்சாவடிகளிலும் அமைப்பு ரீதியான உற்சாகமான வாக்குகள் சேர்ப்பு. சோர்வுத்தன்மை எங்கும் இல்லை. 75.000 வாக்குச்சாவடிகளில் தோராயமாக 59,000 வாக்குச்சாவடிகளில் திமுக கூட்டணி 2024 தேர்தலில் 40 முதல் 45 சதம் வாக்குகளைப் பெற்றிருந்தது.234 தொகுதிகளில் 221 தொகுதிகளில் முன்னிலை பெற்றது. திமுக எதிர்ப்பு வாக்குகள் பிரிவதால் திமுக வெற்றி என்று பலரும் கட்டமைத்தாலும், திமுக ஆதரவு வாக்குகள் அதிகம் என்பதால் தான் பிரிந்து நிற்கிறார்கள். 2019-2021-2024 அனுபவங்கள் அதுதான். பலராக பிரிந்து நின்றாலும், பலரும் சேர்ந்து நின்றாலும், திமுக கூட்டணி 90% பெரும்பான்மை மக்களின் கருத்தியலைப் பிரதிபலிப்பதால், அதே கருத்தியலை தவெகவை பேச வைக்கிறார்கள். திமுக கூட்டணி தவிர்த்து, பிற அணிகள் அனைத்தும் பாஜக அரசியலுக்கும், அக்கட்சி தமிழ்நாட்டில் வளர்வதற்கும் ஏற்ப வடிவமைக்கப்படுவதால் பிற அணிகள் அந்தக் கோடு தாண்டி செல்ல முடியவில்லை. தவெக மாற்றத்திற்கான அரசியல் என்று சொன்னாலும், மாற்றம் என்பதற்கான எவ்விதக் கருத்தையும் முன் வைக்கவில்லை. திமுக எதிர்ப்பு என்பது மட்டுமே மாற்றாக வாக்காளர்களால் கொள்ள இயலாது. விஜயின் பேச்சுத்தன்மை அனைத்தும் பொது வாக்காளர்களைக் கவர்வதாக அமையவில்லை. ரசிகர்களை குஷிப்படுத்தும் வெற்று ஆரவாரமாகவே அமைந்தது. விஜய்க்காக திரண்டவர்கள் கிரவுட் மொபலைசேசன் ஏஜென்சிகள் மூலம் பல பகுதிகளிலிமிருந்து ஓரிடத்திற்கு திரட்டப்பட்ட ரசிகர்களே. நெல்லையில் பங்கேற்றவர்களில் கணிசமானோர் 88 பேருந்துகள் மூலம் கேரளாவிலிருந்து அழைத்து வரப்பட்ட விஜய் ரசிகர்கள் என்பதையும் கவனத்தில் கொள்ள வேண்டும். ஆட்களை திரட்ட ஏஜென்சிக்கு மூன்று நாள் தேவைப்படும் அவகாசமே விஜயின் ஓய்வு நாட்களாக இருந்தது. பெண்கள் சார்ந்து வெளியிடப்பட்ட காணொளிகள் திரைத்துறையின் ஜூனியர் ஆர்ட்டிஸ்களாகவும் இருந்தனர். இதனால் விஜய்க்கு வரவேற்பு இல்லை என்று சொல்ல முடியாது. அரசியல் சார்ந்த பெரும் வரவேற்பு என்று கருத இயலாது. தவெக சார்ந்து ஊடக கட்டமைப்பு பலமாக இருந்தாலும், தொகுதியளவில் தவெகவினரின் பணிகள் நாம் தமிழர் அளவிற்கு கூட இல்லை. மேலும், தவெகவின் இரண்டாம் கட்ட தலைவர்கள் 7 பேர், அதிமுக மற்றும் பணவசதியுள்ள 18 பேர் என்ற வகையில் மட்டும் களத்தில் நின்றனர். எந்த வேட்பாளர் பெயரையும் தொகுதிகளில் குறிப்பிடாமல் விஜய் பேசியது தவெகவினரால் ரசிக்கப்படவில்லை. அதிமுக வாக்குகளைப் பிளக்கும் யுக்தியாகவே பாஜகவினரால் தவெக இயக்கப்பட்டது என்பதை அவரது ரசிகர்கள் பலர் சமூகவலைதள ஆடியோக்களில் பதிவிட்டனர். ஒட்டு மொத்தமாக பார்த்தால் திமுக கூட்டணி 43-45 சதம் வாக்குகளையும், அதிமுக கூட்டணி 27 முதல் 35 சதம் வாக்குளையும், தவெக 13 முதல் 15 சதம் வாக்குகளையும், நாம் தமிழர் 5 முதல் 7 சதம் வாக்குகளையும் பகிரவே வாய்ப்புள்ளது. சென்னை, கோவை, மதுரை,திருச்சி போன்ற பெருநகரங்களில் தவெகவிற்கு 20%வாக்குகள் கிடைக்க வாய்ப்புண்டு. கமலஹாசனுக்கு கடந்த தேர்தலில் எலைட் மாஸ் வாக்களித்தார்கள். விஜய்க்கு லும்பன் மாஸ் வாக்களிக்கிறார்கள். இதில் மேலும் ஒரு டுவிஸ்ட் இருக்கு. அது யாதெனில், தேர்தலுக்குப் பிறகு தேர்தல் ஆணையம் வாக்கு இயந்திரத்திற்குள் ஒரு தேர்தலை நடத்தும். அதை தேர்தலுக்குப் பிறகு பதிவிடலாம். அதுவே தேர்தல் முடிவாக வெளிவரும். சூர்யா சேவியர் 22-04-26 https://www.facebook.com/share/p/1Boa6bRtLE/ #தமிழ்நாடு முதலமைச்சர் திரு முத்துவேல் கருணாநிதி ஸ்டாலின் அவர்கள் #💪தி.மு.க #தெரிந்துகொள்வோம் #