#🧾 দৈনিক তথ্য চিৰাঙৰ বিজনী-কুকলুং পথৰ উত্তৰ শিলবাৰীত শুকুৰবাৰে নিশা এক ভয়ংকৰ পথ দুৰ্ঘটনা সংঘটিত হয়। নিহত CISFৰ জোৱান আৰু তেওৰ পত্নী। AS 26 F 2229 নম্বৰৰ এখন তীব্ৰবেগী ছুইফট চাৰিচকীয়া বাহনে পিছফালৰ পৰা মহতিয়াই নিয়ে এখন স্কুটি । দুৰ্ঘটনাটোত থিতাতে নিহত হয় স্কুটি খনৰ আৰোহী অনামিকা পাটগিৰি ৰায় নামৰ এগৰাকী মহিলা। আনহাতে বঙাইগাঁৱৰ ল'ৱাৰ অসাম হাস্পতালত মৃত্যু হয় CISF ত কৰ্মৰত ৰাহুল ৰায়। ৰাহুলে কিছুদিন আগতে ছুটি লৈ ঘৰলৈ আহিছিল। দুৰ্ঘটনাত ৰাহুল আৰু অনামিকাৰ একমাত্ৰ কন্যা কস্তুৰী ৰায় গুৰুতৰভাৱে আহত হৈ সম্প্ৰতি ল'ৱাৰ অসম হাস্পতালত চিকিৎসাধীন হৈ আছে। উল্লেখ্য যে গাঁও খনৰ মন্দিৰত হোৱা বাৰ্ষিক পূজা সমাপন কৰি ৰাহুল ৰায়, পত্নী অনামিকা পাটগিৰি ৰায় আৰু তেওঁলোকৰ একমাত্ৰ কন্যা কস্তুৰী ৰায় স্কুটিৰে ভুমকিপাৰাৰ ঘৰলৈ আহি থকা অৱস্থাত উত্তৰ শিলবাৰীত সংঘটিত হয় এই দুৰ্ঘটনাটো। ইফালে দুৰ্ঘটনা সংঘটিত কৰিয়েই চাৰিচকীয়া বাহন খনৰ চালক ঘটনাস্থলীৰ পৰা পলায়ন ঘৰে। আৰক্ষীৰ গাড়ীখন জব্দ কৰি তদন্ত চলাই গৈছে।