#🕌ముహర్రం వేడుకలు🎉 #🙏మొహర్రం శుభాకాంక్షలు🎉 #మొహర్రం☪☪ #👋విషెస్ స్టేటస్ #kcr త్యాగానికి ప్రతీక మొహర్రం - బీఆర్ఎస్ అధినేత కేసీఆర్🙏ధర్మం, సత్యం, త్యాగానికి ప్రతీకగా మొహర్రం నిలుస్తుందని బీఆర్ఎస్ అధినేత కేసీఆర్ తెలిపారు. త్యాగాలను స్మరించుకుంటూ ముస్లిం సహోదరులు మొహర్రంను జరుపుకుంటారని అన్నారు.
పీరీల పండుగ పేరుతో తెలంగాణ ప్రజలు సహోదర భావంతో, కులమతాలకు అతీతంగా పాల్గొంటారని కేసీఆర్ అన్నారు.
ఉత్సాహం, విషాదం కలగలిపి దూలలాడుతూ, నిప్పుల గుండం మీద నడుస్తూ, మత సామరస్యాన్ని చాటుతూ పల్లె నుండి పట్నం దాకా సాగే పీరీల వేడుక, గంగా జమున సంస్కృతికి అద్దం పడుతుందని కేసీఆర్ అన్నారు.
రాష్ట్రంలో లౌకికవాదానికి గత పదేండ్ల బీఆర్ఎస్ ప్రభుత్వం పెద్దపీట వేసిందని, ముస్లిం మైనారిటీల అభ్యున్నతికి అనేక పథకాలు అమలు చేసిందని కేసీఆర్ వివరించారు.
రాష్ట్రం సుభిక్షంగా ఉండేలా చూడాలని కేసీఆర్ ప్రార్థించారు. మైనారిటీల సంక్షేమం కోసం బీఆర్ఎస్ పార్టీ కట్టుబడి ఉన్నదని ఈ సందర్భంగా కేసీఆర్ పునరుద్ఘాటించారు.
