#❤నువ్వే నా సంతోషం🤗 నా కళ్ళలో కానవచ్చే ప్రతి రూపం నీ రూపమే, నా నవ్వులో రాలే ప్రతి ముత్యం నీ రూపమే. నా చేతి నుంచి జాలువారే ప్రతి అక్షరం నీ రూపమే, నా మదిలో వికసించే ఊసులన్నీ నీ రూపమే. నీ నవ్వుల్లో నిలిచే చంద్రబింబం, నా ఊహల్లో కనిపించే స్వర్గం నీవే. నీ రూపమే నా ప్రాణాధారం ప్రియా... నీలి ఆకాశంలో విహంగిలా ఎగురుతున్న నాకు.. నువ్వే నా ఆశ, నువ్వే నా శ్వాస! అందాల అధరాలను తాకే బిందువునై, ప్రకృతి ఒడిలో, పచ్చని తివాసీల నడుమ.. సెలయేటి తరగలతో చిరుసవ్వడి చేసే, నీ నయగారపు వంపుల సొగసు చూడగా! చందమామను అడిగినా చెప్పలేని అందం నీది, వేదాలను అడిగినా దొరకని అర్థం నీ ప్రేమది. కవితలు రాసి రాసి అలసిపోయాను, కానీ, నీ అందాన్ని వర్ణించలేక!. నీ కళ్లలో లోతుల్లోని నిశ్శబ్దాన్ని, నీ నవ్వులోని స్వచ్ఛతను చూశాక, నేను కవిని కాక, నీ ప్రేమికుడిని అయ్యాను!