इंग्रज अधिकारी ऑक्झेंडन छत्रपती शिवाजी महाराजांच्या राज्याभिषेक सोहळ्याला हजर होता त्याने दरबारात महाराजांचे दर्शन केले होते. त्याने लिहून ठेवलेले शिवराज्याभिषेक सोहळ्याचे वर्णन ( मराठी भाषांतर ) ‘ शिवाजीराजे भव्य सिंहासनावर आरूढ झालेले दिसले. त्यांच्या भोवती मौल्यवान पोशाख केलेले प्रधान उभे होते. संभाजी राजे , पेशवा मोरोपंत आणि एक श्रेष्ठ ब्राह्मण हे सिंहासनाच्या जवळ पायरीवर अगर ओट्यावर बसले होते. इंग्रज प्रतिनिधी , सेनाध्यक्ष व इतर अंमलदार बाजूला आदराने उभे होते. इंग्रज प्रतिनिधी ऑक्झेंडनने मुजरा केला आणि नारायण शेणव्याने ( नारोजी पंडित ) नजरेची अंगठी वर धरली. शिवाजीराजांचे आमच्याकडे लाख जाताच त्यांनी अगदी सिंहासनाच्या पायरीजवळ येण्याचा आम्हाला हुकुम दिला व पोशाख देऊन आम्हाला तत्काळ रजा दिली. थोडाच वेळ आम्ही सिंहासनाजवळ होतो तेवढ्या वेळात सिंहासनाच्या दोन्ही बाजूला सुवर्णांकित भाल्यांच्या टोकावर अनेक अधिकारदर्शक व राजसत्तेची चिन्हे असल्याचे आम्ही पाहिले. उजव्या हाताला मोठ्या दातांच्या माशांची दोन मोठी सुवर्णाची शिरे होती. डाव्या हाताला अनेक अश्वपुच्छे व एका मूल्यवान भाल्याच्या टोकावर समपातळीत लोंबणारी सोन्याच्या तराजूची पारडी न्यायचिन्ह म्हणून तळपत होती. राजवाड्याच्या दाराशी आम्ही परत आलो. तो दोन लहान हत्ती दरवाज्याच्या दोन्ही बाजूस उभे केलेले असून दोन सुंदर ( पांढरे ) घोडे शृंगारून आणलेले दिसले. गडाचा मार्ग विलक्षण बिकट होता हे लक्षात घेता हे पशू कोठून वर आले असावेत याचा आम्हाला तर्कच करवेना. #Swarajyachaitihas #shivrajyabhishek #shivajimaharaj #🚩शिवराज्याभिषेक: एकच धून 6 जून📢 #🚩शिवराज्याभिषेक दिनाच्या शुभेच्छा👑