യൗവനകാലത്തെ ആ തിളക്കവും പണവും സ്വാധീനവുമൊക്കെ ഉള്ളപ്പോൾ ചുറ്റും ആളുകൂടാനും പുകഴ്ത്താനും ഒരുപാടുപേർ കാണും. എന്നാൽ പ്രായമായി ശാരീരിക സൗന്ദര്യവും ആരോഗ്യവും നശിക്കുമ്പോൾ, സ്വന്തം ചോരയായ മക്കൾ പോലും തള്ളിപ്പറയുന്ന ആ അവസ്ഥ... അത് ശരിക്കും മനസ്സ് തകർക്കുന്ന ഒന്നാണ്. വർഷങ്ങൾക്കപ്പുറം എന്റെ വീടിനടുത്ത് ഒരു അമ്മച്ചിയും അപ്പനും ഉണ്ടായിരുന്നു. അവരുടെ യൗവനകാലത്ത് ആ വീട് എപ്പോഴും ആളുകളെക്കൊണ്ട് നിറഞ്ഞിരുന്നു. പലരും വന്നും പോയുമിരുന്നു... ഒന്നിനും ഒരു കുറവുമില്ലാത്ത നല്ല കാലം..... പക്ഷേ.....വർഷങ്ങൾ കടന്നുപോയപ്പോൾ കഥ മാറി. പ്രായമായി അമ്മച്ചിയുടെ മുഖത്തെ തൊലി ചുളഞ്ഞു ചുരുങ്ങി, ശരീരം തളർന്നു. കയ്യിലെ കാശും തീർന്നു. അതോടെ പണ്ട് കൂടെക്കൂടിയ ആൾക്കൂട്ടമൊക്കെ വഴിമാറി നടന്നു....... അതിനേക്കാൾ വലിയ ക്രൂരത എന്താണെന്ന് അറിയാമോ? പണ്ട് മക്കൾക്ക് വേണ്ടി മാത്രം ജീവിച്ച......സ്വന്തം ചോര നീരാക്കിയ ആ അമ്മച്ചിയെയും അപ്പനെയും ഒടുവിൽ സ്വന്തം മക്കൾ തന്നെ തള്ളിപ്പറഞ്ഞു....... പ്രായമായപ്പോൾ അവർക്കൊരു ഭാരമായി തോന്നി കാണും. അ മക്കൾ ഇന്ന് അവരുടെ സുഖലോലുപതകളിൽ ഒട്ടും കുറ്റബോധമില്ലാതെ ജീവിക്കുന്നുണ്ടാകാം. പക്ഷേ.....പട്ടിണിയും നരകയാതനയും മാത്രം അനുഭവിച്ച്, നോക്കാൻ ആരുമില്ലാതെ ഒടുവിൽ ആ അപ്പനും അമ്മയും മരണപ്പെട്ടു. ഇന്ന് അവർ പള്ളിപ്പറമ്പിലെ ആ തണുത്ത മണ്ണിൽ ഉറങ്ങുകയാണ്... 🪦🕯️ അന്ന് ആളുകൾ വലിഞ്ഞുകയറി ആർത്തുവിളിച്ച ആ വീട് ഇന്ന് വെറുമൊരു കാടുമൂടിക്കിടക്കുന്ന ശൂന്യമായ കെട്ടിടം മാത്രമാണ്. ഇന്ന് അവിടെ നോക്കാൻ ആരുമില്ല. പട്ടിണി കിടന്ന ആ അമ്മച്ചിയുടെ ആത്മാവ് മാത്രം കാണും ആ ചുവരുകൾക്കുള്ളിൽ....... ഇതാണ് ജീവിതത്തിന്റെ പച്ചയായ സത്യം. നമ്മുടെ കയ്യിൽ കാശും കെൽപ്പും ഉള്ളപ്പോൾ കൂടെക്കൂടുന്ന ഒറ്റപ്പണ്ടാരങ്ങളും ഒടുവിൽ കാണില്ല. സ്വന്തം ചോരയെന്ന് വിശ്വസിക്കുന്ന മക്കൾ പോലും പ്രായമാകുമ്പോൾ വഴിയിൽ ഉപേക്ഷിക്കും. അവസാനം ആ തണുത്ത കുഴിമാടത്തിലേക്ക് പോകുമ്പോൾ നമ്മൾ ഒറ്റയ്ക്കാണ്. വെറും ശൂന്യത... അത്രമാത്രം "ഒരു കാര്യം ഓർത്തു വെച്ചോളൂ... ഇന്ന് നമ്മുടെ കൂടെയുണ്ട് എന്ന് പറയുന്നവർ—അതിപ്പോൾ സ്വന്തം ചേച്ചിയോ, അച്ചായനോ, അനിയനോ, അനിയത്തിയോ ആരുമായിക്കൊള്ളട്ടെ... നാളെ നമ്മളെ തള്ളിപ്പറയുന്ന ഒരു ദിവസം വരും. അന്ന് നമ്മൾ ഈ ലോകത്ത് തീർത്തും ഒറ്റപ്പെട്ടു പോകും....... സ്വന്തം സ്വാർത്ഥതയും നിലനിൽപ്പും വരുമ്പോൾ എല്ലാവരും നമ്മളെ തനിച്ചാക്കി വഴിമാറി നടക്കും. അതിപ്പോൾ സ്വന്തം അമ്മച്ചിയായാലും അപ്പനായാലും ശരി... അവസാനം നമ്മൾ ഒറ്റയ്ക്കാണ്. വെറും ശൂന്യത മാത്രം..🥀" വായിച്ചതിന് നന്ദി.... 😊 #📝 ഞാൻ എഴുതിയ വരികൾ #കൂട്ടുകാരി #👨‍👩‍👧‍👦 കുടുംബം #❤️അമ്മ #💕 അച്ഛൻ - മകൾ