କଲେଜ ଶେଷ ହେବା ପରେ ସମସ୍ତେ ସ୍ମୃତିକୁ ସାଇତି ରଖିବା ପାଇଁ ଫଟୋଶୁଟ୍ କରିଥାନ୍ତି। କେତେକ ବନ୍ଧୁମାନଙ୍କ ସହିତ ସେଲ୍ଫି ନିଅନ୍ତି ତ ଆଉ କେତେକ ପରିବାର ସହିତ। କିନ୍ତୁ ଆମେରିକାର ଲୁଇସିଆନାର ମ୍ୟାକନିଜ ଷ୍ଟେଟ୍ ୟୁନିଭର୍ସିିଟିର ୨୨ ବର୍ଷୀୟା ଛାତ୍ରୀ କ୍ୟାଟ୍ ଡେଲି ଏପରି କିଛି କରିଛନ୍ତି ଯାହା ସୋସିଆଲ ମିଡିଆରେ ଦର୍ଶକଙ୍କୁ ଆଶ୍ଚର୍ଯ୍ୟ କରିଦେଇଛି। ତାଙ୍କର ସ୍ନାତକ ଫଟୋଶୁଟ୍ ପାଇଁ କ୍ୟାଟ୍ ଏକ ଷ୍ଟୁଡିଓ ନୁହେଁ, ବରଂ ‘ବିଗ ଅଲ’ ନାମକ ଏକ ୧୪ ଫୁଟ ଲମ୍ବର କୁମ୍ଭୀରକୁ ବାଛିଥିଲେ।ଗୋଟିଏ ଫଟୋରେ ନେଭି ବ୍ଲୁ ଗାଉନ ପିନ୍ଧି କ୍ୟାଟ୍ ପାଣିରେ ବୁଲୁଥିବାର ଦେଖାଯାଉଛି, ତାଙ୍କର ସ୍ନାତକ କ୍ୟାପ କୁମ୍ଭୀରର ନାକ ଉପରେ ରହିଛି। କିନ୍ତୁ ଚ୍ୟାଲେଞ୍ଜ ସେତେବେଳେ ଆସିଥିଲା ଯେତେବେଳେ ସେ କୁମ୍ଭୀରର ଖୋଲା ପାଟିକୁ କିସ୍ ଦେଇଥିଲେ। ଯଦିଓ ଏହା ପ୍ରଥମ ନଜରରେ ଏକ ଜୀବନଘାତକ ଷ୍ଟଣ୍ଟ୍ ପରି ମନେହୁଏ, ଏହା ପଛରେ ଥିବା କାହାଣୀ ଟିକେ ଭିନ୍ନ। ବାସ୍ତବରେ କ୍ୟାଟ କୌଣସି ସାଧାରଣ ଝିଅ ନୁହନ୍ତି। ସେ ତାଙ୍କ ଭାବି ସ୍ବାମୀଙ୍କ ସହିତ ଟେକ୍ସାସର ବ୍ୟୁମୋଣ୍ଟରେ ‘ଗେଟର କଣ୍ଟ୍ରି’ ନାମକ ଏକ ପାର୍କ ଚଳାଉଛନ୍ତି।କ୍ୟାଟ ମାତ୍ର ୭ ବର୍ଷ ବୟସରୁ ବନ୍ୟପ୍ରାଣୀ ଉଦ୍ଧାର କାର୍ଯ୍ୟରେ କାମ କରୁଛନ୍ତି। ଏହି ବିପଦପୂର୍ଣ୍ଣ ପ୍ରାଣୀମାନଙ୍କ ସହିତ ସମୟ ବିତାଇବା ତାଙ୍କ ପାଇଁ କିଛି ନୂଆ ନୁହେଁ। ସେ କହିଛନ୍ତି, ମୁଁ କେବଳ ବିଶ୍ୱକୁ ଦେଖାଇବାକୁ ଚାହୁଁଥିଲି ଯେ ମୁଁ ପ୍ରତିଦିନ କ’ଣ କରେ ଏବଂ ଏହି ପଶୁମାନେ ମୋ ପାଇଁ କେତେ ମୂଲ୍ୟବାନ।
#💋🐊କୁମ୍ଭୀରକୁ କିସ୍ କଲେ ଯୁବତୀ🫢