*_'చక్రం' సినిమాలో 'జగమంత కుటుంబం నాది... ఏకాకి జీవితం నాది" అంటూ ఆర్డ్రత నిండిన గొంతుతో గానం చేసిన గాయకులు, డబ్బింగ్ ఆర్టిస్ట్ మరియు మంచి సంగీత సామర్థ్యం ఉన్న సినిమా సంగీత దర్శకులు "శ్రీ " అసలు పేరు కొమ్మినేని శ్రీనివాస చక్రవర్తి గారి వర్ధంతి_*
*_శ్రీ గా తెలుగు ప్రేక్షకులకు_* *_సుపరిచితుడైన_* *_ఆయన అసలు_*
*_పేరు కొమ్మినేని శ్రీనివాస చక్రవర్తి_*. *గుంటూరు జిల్లా తాడికొండ మండలం పొన్నెకల్లులో 1966, సెప్టెంబర్ 13 న శ్రీ జన్మించారు. ప్రముఖ సంగీత దర్శకులైన కె. చక్రవర్తి రెండవ కుమారులు. తమ పక్కింటి అమ్మాయి అరుణను ప్రేమించి పెళ్ళి చేసుకోవడం, కులాలు వేరు కావడంతో వీరి పెళ్ళిని కుటుంబసభ్యులు అంగీకరించలేదు. అందువలన తన కుటుంబానికి దూరంగా ఉండాల్సి వచ్చింది. తర్వాత కొంతకాలానికి శ్రీ చెల్లెలికి ఆరోగ్యం బాగా లేనపుడు భార్య అరుణ చేసిన సేవలు, కుటుంబసభ్యులతో కలసిమెలసి పోవడం చూసి వీరి వివాహాన్ని ఆమోదించారు*.
.
*మణిపాల్ విశ్వవిద్యాలయం నుండి ఇండస్ట్రియల్ ప్రొడక్షన్లో ఇంజినీరింగ్ పట్టభద్రుడైన శ్రీ సంగీతంపై మక్కువతో సినిమా రంగంవైపు అడుగులు వేశారు. రెండు దశాబ్దాల క్రితం జెమినీలో ప్రసారమై ప్రాచుర్యం పొందిన అంత్యాక్షరి ధారావాహిక సంగీత కార్యక్రమానికి సింగర్ సునీత గారితో కలిసి వ్యాఖ్యాతగా ప్రేక్షకులకు చేరువయ్యారు*. *తొలిసారిగా బాలకృష్ణ నటించిన లారీ డ్రైవర్ సినిమాకు రీ రికార్డింగ్ చేశారు. పోలీస్ బ్రదర్స్ ఆయన తొలిచిత్రం. హీరోగా అవకాశాలు చాలామంది ఇస్తానన్నా అవి కాదనుకుని సంగీత దర్శకుడుగానే ఉండిపోయారు. సింధూరం సినిమా వర్క్ జరుగుతున్న సమయంలో దర్శకుడు రవిరాజా పినిశెట్టి రుక్మిణి సినిమాలో హీరోగా చేయమని అడిగారు. ‘‘మ్యూజిక్ అయితే చేస్తాను, యాక్టింగ్ నా వల్ల కాదు’’ అని శ్రీ చెప్పడం జరిగింది.. దాంతో వినీత్ నీ హీరోగా తీసుకొని ఆ సినిమా తీశారు*.
*_సంగీత దర్శకుడుగా...._*
*1993లో రామ్ గోపాల్ వర్మ దర్శకత్వంలో రూపొందిన "గాయం" సినిమా శ్రీ కెరీర్కు టర్నింగ్ పాయింట్.* *ఇందులో సిరివెన్నెల సీతారామశాస్త్రి రాసిన నిగ్గదీసి అడుగు ఈ సిగ్గులేని జనాన్ని..* *అనే గీతం ఒక ఆణిముత్యం.* *తర్వాత*
*వర్మ దర్శకత్వంలో "మనీ", "మనీ మనీ",* *"అనగనగా ఒకరోజు" సినిమాలకు శ్రీ సంగీతాన్ని అందించారు. కృష్ణవంశీ దర్శకత్వంలో రూపొందిన సింధూరం చిత్రం ఆయన కెరీర్లో మరో పెద్ద విజయం. లిటిల్ సోల్జర్స్, ఆవిడా మా ఆవిడే, అమ్మోరు, నా హృదయంలో నిదురించే చెలి, కాశీ, సాహసం, ఆడు మగాడ్రా బుజ్జీ, చంటిగాడు, నీకే మనసిచ్చాను చిత్రాలకు సంగీతాన్ని అందించారు*.
......
*చిరంజీవి నటించిన అంజి చిత్రంలోని ఒక పాటను స్వరపరిచారు. అప్పూ అనే బాలల చిత్రం ఆయన చివరి చిత్రం. హాయ్రబ్బా పేరుతో స్మితతో కలిసి ప్రైవేటు ఆల్బం రూపొందించారు శ్రీ. 'సాహసం', 'ఆడు మగాడ్రా బుజ్జి', 'చందమామలో అమృతం' చిత్రాలకు పనిచేశాడు. 'అప్పు' అనే చిత్రం విడుదల కావాల్సి ఉంది*
▪️*నేపధ్యగాయకుడుగా......*
*సంగీత దర్శకుడిగానే కాకుండా నేపథ్య గాయకుడిగా, అనువాద కళాకారుడిగా కూడా తెలుగు చిత్ర పరిశ్రమపై తనదైన ముద్ర వేశాడు శ్రీ. 'చక్రం' సినిమాలో 'జగమంత కుటుంబం నాది... ఏకాకి జీవితం నాది' అనే గీతాన్ని, 'అనగనగా ఒక రోజు', 'గాయం', 'అమ్మోరు', 'సింధూరం' తదితర చిత్రాల్లోనూ పాటలు ఆలపించారు. సంగీత దర్శకుడిగా శ్రీ చేసింది తక్కువ సినిమాలే అయినా.. ప్రతీ చిత్రంలోనూ ఒక్క పాటైనా ప్రాచుర్యం పొందేది. శ్రోతలు పదేపదే పాడుకునేలా ఆ పాటలు ఉంటాయి. 'అనగనగా ఒక రోజు' చిత్రలో 'మా ఫ్రెండు చెల్లెల్ని కొందరు ఏడిపించారు..' అనే పాట శ్రీ శైలిని చాటి చెబుతుంది. మామూలు మాటల్ని సైతం పాటగా ఎలా చేయొచ్చో ఆ పాటతో చూపించాడు శ్రీ.*
▪️*ప్రజాదరణ పొందిన గీతాలు.....*
*శ్రీ సంగీతాన్ని అందించిన సినిమాల్లో మనీ చిత్రంలోని భద్రం బీకేర్ ఫుల్ బ్రదర్..., వారెవా ఏమి ఫేసు అచ్చం హీరోలా ఉంది బాసూ... గీతాలు బాగా ఆదరణ పొందాయి. సింధూరం చిత్రంలో అర్ధ శతాబ్ధపు అజ్ఞానాన్ని స్వతంత్రమందామా, హాయ్రే హాయ్ జాం పండురోయ్ తోపాటు.. ఐయామ్ వెరీ గుడ్గాళ్ (లిటిల్ సోల్జర్స్), ఓం నమామి అందమా, ఇంటికెళ్దాం పదవయ్యో ( ఆవిడా మా ఆవిడే), చికుబుక్ పోరి (అంజి), నా హృదయంలో నిదురించే చెలి (నా హృదయంలో నిదురించే చెలి) గీతాలు ప్రజాదరణ పొందాయి*. *గాయకుడిగా కృష్ణవంశీ దర్శకత్వంలో రూపొందిన చక్రం చిత్రంలో ఆయన పాడిన జగమంత కుటుంబం నాది,ఈ చిత్రానికి శ్రీ సంగీతం అందించాడు. ఖడ్గం సినిమాలో సత్యంపలికే హరిచంద్రులం అనే పాటలు ఎనలేని పేరు ప్రఖ్యాతుల్ని తెచ్చిపెట్టాయి*.
▪️*అనువాద కళాకారుడిగా....*
*అనువాద కళాకారుడిగా కూడా పలు చిత్రాలకు పనిచేశారు శ్రీ. లిటిల్ సోల్జర్స్ సినిమాలో రమేష్ అరవింద్ కు, ఆనందం సినిమాలో జై ఆకాశ్ కు, '143'లో సాయిరాం శంకర్కి డబ్బింగ్ చెప్పారు*.
▪️*శ్రీ సంగీత దర్శకత్వం వహించిన చిత్రాలు....*
*1) పోలీస్ బ్రదర్స్ (తొలి చిత్రం)*
**2) మొగుడుగారు*
*3) లిటిల్ సోల్జర్స్*
*4) నా హృదయంలో నిదురించే చెలి*
*5) మనీ మనీ*
*6) గాయం (1993)*
*7) ఆవిడా మా ఆవిడే*
*8) సింధూరం*
*9) అనగనగా ఒకరోజు*
*10) అమ్మోరు*
*11) చంటిగాడు*
*12) నీకే మనసిచ్చాను*
*13) కాశి (2004)*
*14) సాహసం*
*15) ఆడు మగాడ్రా బుజ్జి*
*16) అప్పు*
*17) చందమామలో అమృతం (2014) చివరి సినిమా*.
.......
*కిడ్నీ సమస్యలతో శ్రీ, 2015 ఏప్రిల్ 18 న హైదరాబాదు కొండాపూర్ లోని స్వగృహంలో కన్నుమూశారు*.
#😁Hello🙋♂️