అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Monday, April 20 🌷🌷🌷 *''మనలో ప్రతివాడును తన్ను గురించి దేవునికి లెక్క యొప్పగింపవలెను'' (రోమా 14:12).* మృతుల పునరుత్థానమును, నిత్యమైన తీర్పును అనునవి రక్షణ యొక్క ఐదవ, ఆరవ ప్రధానమైన నియమములు (హెబ్రీ 6:12). ఒక దినమున మనము మృతుల పునరుత్థానమును పొందుదుమని నమ్మవలెను (1 కొరింథీ 15:50-57). ఎవరైతే ఈ సత్యమును నమ్మరో వారు అజాగ్రత్తగానుందురు. పునరుత్థానమును గూర్చి నేను నమ్మునదేమనగా, నా ప్రభువు ఏ విధముగా తిరిగి లేచెనో, ఆ విధముగానే ఆయన నా కొరకు తిరిగి రానైయున్నాడు. నేను ఆయనను చూచినప్పుడు ఆయనను పోలియుందును. ఎవరైతే మృతుల పునరుత్థానమును గూర్చి నమ్మరో వారు లోకసంబంధులుగా నగుదురు. ప్రభువు యొక్క రెండవ రాకడ కొరకు సిద్ధపడవలెనను కోరిక వారికుండదు. ఆ దినము కొరకు సిద్ధపరచబడుట కొరకే ప్రతి ఆదివారమున మనము ప్రభువు బల్లలో పాలు పొందుదుము. ''మీరు ఈ రొట్టెను తిని, యీ పాత్రలోనిది త్రాగునప్పుడెల్ల ప్రభువు వచ్చువరకు ఆయన మరణమును ప్రచురించుదురు'' (1 కొరింథీ 11:26). మన నిమిత్తము మరణించిన యేసుక్రీస్తు ప్రభువు మనలను తీసికొని వెళ్లుటకు, మనకు మహిమా శరీరములను ఇచ్చుటకు మరల తిరిగి రానైయున్నాడని ఆ విధముగా మనము ప్రచురించుదుము. మృతుల పునరుత్థానము నందు విశ్వాసముంచుట ద్వారానే మనము లోకసంబంధమైన మోసముల నుండి రక్షింపబడితిమి. ఈ భూమి మీద మన జీవితము గురించి లెక్కచెప్పుటకు ఒక దినమున మనము దేవుని యెదుట నిలువబడవలసి వచ్చును. ''మనలో ప్రతివాడును తన్ను గురించి దేవునికి లెక్క యొప్పగింపవలెను'' (రోమా 14:12). మన మాటలను గురించి, క్రియలను గురించి దేవునికి లెక్కచెప్పవలెనని దీని అర్థము. ''నేను మీతో చెప్పునదేమనగా - మనుష్యులు పలుకు వ్యర్థమైన ప్రతిమాటను గూర్చియు విమర్శదినమున లెక్క చెప్పవలసియుండును. నీ మాటలను బట్టి నీతిమంతుడవని తీర్పు నొందుదువు. నీ మాటలను బట్టియే అపరాధివని తీర్పు నొందుదువు'' (మత్తయి 12:36,37). నిత్యమైన తీర్పును గూర్చిన నమ్మకము మనము కలిగియున్న యెడల మన మాటల విషయములో మిక్కిలి జాగ్రత్తగా నుందుము. మనమాట అవునంటే అవును, కాదంటే కాదు అని ఉండవలెను. అనుకొనకుండగనే అనేకసార్లు అర్థములేని మాటలు మాట్లాడుదుము. నిత్యమైన తీర్పునందు నమ్మకముంచువారు తమ ధనమును గాని, సమయమును గాని, శక్తిని గాని వ్యర్థపుచ్చరు. మెళకువ కలిగి జీవించుటలో మనము మిక్కిలి జాగ్రత్తగా నుండవలెను. హెబ్రీ 6:1,2లలో చెప్పబడిన ప్రాముఖ్యమైన ఆరు నియమములు కలసియుండును. మనము వాటిని వేరు చేయలేము. నిర్జీవక్రియల విషయమై నీవు పశ్చాత్తాపపడిన యెడల, దేవునియందు విశ్వాసముంచిన యెడల, నీటి బాప్తిస్మము నందు, హస్తనిక్షేపణ యందు సాక్ష్యమిచ్చిన యెడల, మృతుల పునరుత్థానము నందు, నిత్యమైన తీర్పునందు నీవు విశ్వాసముంచిన యెడల నీవు బలమైన పునాది మీదకు వచ్చి, ఆత్మీయముగా ఎదిగెదవు. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com