#📙 നോവൽ എല്ലാവരും പെട്ടന്ന് ബഹളം ഉണ്ടാക്കി. അപ്പോളേക്കും വണ്ടി പോലീസ് സ്റ്റേഷനിലേക്ക് വിടാം എന്ന് ആരൊക്കെയോ പറഞ്ഞു. അതും കൂടി കേട്ടതും ഗംഗ യ്ക്ക് പേടിയായിരുന്നു. ആ അപരിചിതനും നേരെ പോലീസ് സ്റ്റേഷനിലേക്ക് പോകാം എന്ന് പറഞ്ഞപ്പോൾ ഗംഗ നിസ്സഹായതയോടെ അയാളെ നോക്കി. എന്താടോ... എന്തെങ്കിലും പ്രശ്നം ഉണ്ടോ. അവളുടെ മുഖത്തെ ഭാവം കണ്ട് അയാൾ ചോദിച്ചു. അതൊന്നും വേണ്ട സാർ.. ഞാൻ എന്റെ വീട്ടിലേക്ക് പോകുകയാണ് കുറച്ച് അത്യാവശ്യം ഉണ്ടായിരുന്നു. ഇത് കഴിഞ്ഞിട്ട് പോകാം.. അത്രയ്ക്ക് ആരെങ്കിലും വായുഗുളികക്ക് കിടപ്പുണ്ടോ. ഇല്ലെന്ന് അവൾ ചുമൽ ചലിപ്പിച്ചു. അങ്ങനെ സ്റ്റേഷനിൽ എത്തിയ ശേഷം ഗംഗ പരാതി എഴുതി കൊടുത്തു. അവളോട് മോശമായി പെരുമാറിയവനെ രണ്ട് പോലീസ്കാർ ചേർന്ന് അകത്തേക്ക് കൊണ്ട് പോകുന്നത് കണ്ടു.. അവൻ അപ്പോളും ഗംഗ യെ തുറിച്ചു നോക്കി. ബസ്സിലെ കുറച്ചു ആളുകളും സാക്ഷിയായിട്ടു ഒപ്പിട്ട് കൊടുത്തിരുന്നു.അങ്ങനെ എല്ലാം കഴിഞ്ഞു വണ്ടി അര മണിക്കൂറിനുള്ളിൽ വിട്ടത്. ആ അപരിചിതൻ വണ്ടിയിൽ കയറുന്നുണ്ടോ എന്ന് ഗംഗ നോക്കി. പക്ഷെ അയാളെ അവൾക്ക് കണ്ടെത്താൻ പറ്റിയില്ല. സീറ്റിൽ ഇരുന്ന ശേഷവും അവൾ തല പുറത്തേക്ക് ഇട്ടു നോക്കി. ഏതോ ഒരു ദൈവ ദൂതൻ.. അതായിരുന്നു അയാൾ.. അങ്ങനെ ഒടുവിൽ ഗംഗ വിശാലിന്റെ വീടിന്റെ മുൻപിലായുള്ള സ്റ്റോപ്പിൽ എത്തി. വിറയലോടെ അവൾ വണ്ടിയിൽ നിന്നു ഇറങ്ങി. പതിയെ മുന്നോട്ട് നടന്നു. കഴിഞ്ഞ ദിവസം ഇതേ വീട്ടിൽ നിന്നും താൻ പോയ നിമിഷം. ഓർക്കുമ്പോൾ കാലുകൾക്ക് ഒക്കെ വല്ലാത്ത പെരുപ്പ്. അവൻ ചെയ്തു കൂടിയ ദുഷ്ടതകൾ ഓർക്കുമ്പോൾ സ്വയം തന്റെ ശരീരത്തോട് പോലും വെറുപ്പ് തോന്നി. മോളേ.... വത്സചേച്ചിയുടെ ശബ്ദം... അവൾ ഒന്ന് മുഖമുയർത്തി. നിറഞ്ഞ കണ്ണുകളോടെ അവർ ഓടി വന്നു. മോളെന്തിനാ വന്നത്.. സാറിവിടെ ഉണ്ട്. ഹമ്... അവളൊന്നു മൂളി. ഒറ്റയ്‌ക്കെ ഒള്ളു.. അതോ.. അല്ല മോളേ... വേറൊരുത്തി ഉണ്ട്. ആഹ്.. ചേച്ചി വാ. അവൾ അവരെയും കൂട്ടി വീട്ടിലേക്ക് കയറി. മോളേ... വേണ്ട.. ഇപ്പോൾ പോകണ്ട കുഴപ്പമില്ല... ഞാൻ ഇവിടെ താമസത്തിനു വന്നതല്ല.. ഉടനെ പോകും. ചേച്ചി എന്തിനാ ഇവിടെ നിൽക്കുന്നത് ഞാനും പോകും മോളേ.. മറ്റന്നാൾ വരെയൊള്ളു. സാറിന്റെ അച്ഛനും അമ്മയുമൊക്കെ വിളിച്ചു പറഞ്ഞു രണ്ട് ദിവസം കൂടി ഇവിടെ നിൽക്കാന്. ആഹ്... മുകളിലെ മുറിയിലേക്ക് ഗംഗ കയറി പോകുന്നത് നോക്കി വത്സല പേടിയോടെ നിന്നു. വാതിൽ ലോക്ക് ചെയ്തിട്ടാവും വിശാലിന്റെ കലാപരിപാടി എന്ന് കരുതിയ ഗംഗ ക്ക് തെറ്റി. ചാരിയ വാതിലിൽ നിന്നും ഉയർന്നു വരുകയാണ് ഒരുവളുടെ ഉന്മാദ ശബ്ദവും മൂളലും കുറുകലുമൊക്കെ... ഗംഗ ചെന്നിട്ട് ശക്തിയിൽ വാതിലിൽ ആഞ്ഞു തട്ടി. അത് തുറന്ന് പോയതും മുന്നിൽ കണ്ട കാഴ്ചയിൽ അവൾ ഒരു നിമിഷം തരിച്ചു നിന്നു. തന്റെ കഴുത്തിൽ താലി ചാർത്തിയവൻ നഗ്നനായി ഒരുവളിൽ മദിയ്ക്കുന്നു. പെട്ടന്ന് വിശാൽ ചാടി എഴുന്നേറ്റു. ഒപ്പം അവളും. ഗംഗ യെ കണ്ടതും അവനൊന്നു പതറി. അവരുടെ രണ്ടാളുടെയും മുൻപിൽകൂടി ഗംഗ അകത്തേക്ക് കയറി. എന്നിട്ട് നേരെ ചെന്നു അലമാര തുറന്നു. ടി...... വിശാൽ ഒരു ബെഡ്ഷീറ്റ് ഉടുത്തു കൊണ്ട് പാഞ്ഞു വന്നതും ഗംഗ കൈ എടുത്തു വിലക്കി. അവിടെ നിന്നാൽ മതി.. അടുത്ത് വന്നാലുണ്ടല്ലോ അരിഞ്ഞു കളയും. കൈയിൽ ഒളിപ്പിച്ച കത്തി എടുത്തു അവന്റെ നേർക്ക് വീശി. എന്നിട്ട് തിരിഞ്ഞ് നിന്നു അലമാര തുറന്ന് തന്റെ ഫയൽ എടുത്തു. സർട്ടിഫിക്കറ്റ് സ് ഒക്കെ എടുത്തു.. അച്ഛൻ തനിക്ക് തന്ന ഗോൾഡ് നോക്കിയപ്പോൾ ഒന്നും കാണാനില്ല. ഇവിടെ ഇരുന്ന ഗോൾഡ് എവിടെ. ? സൗകര്യമില്ല പറയാൻ.. നീ എന്നാ ചെയ്യും. ഞാൻ ആയിട്ട് നിന്നെ ഒന്നും ചെയ്യില്ല. ചെയ്യാനുള്ളവർ തന്നോളും. വിശാലിന്റെ അരികിൽ നിൽക്കുന്നവളെ ഒന്ന് നോക്കി. ടി.... ഇവന്റെ കൂടെ പൊറുക്കാത്ത തേവിടിച്ചികൾആരും ഈ നഗരത്തിൽ കാണില്ല കേട്ടോ.. സേഫ് ആയിട്ട് ചെയ്യാൻ നോക്ക്. ഇല്ലെങ്കിൽ ചിലപ്പോൾ HIV കിട്ടും. കാലമിതല്ലെ... വിശാൽ കാത് പൊട്ടുന്ന വിധം രണ്ടു തെറി ഉറക്കെ പറഞ്ഞതും ഗംഗ അവനെ നോക്കി നിന്റെ അമ്മയെ പോയി വിളിച്ചാൽ മതി കേട്ടോടാ നായെ. അവന്റെ മുഖത്തേക്ക് കാർക്കിച്ചു തുപ്പിയിട്ട് ഗംഗ മുറിയിൽ നിന്നും പുറത്ത് ഇറങ്ങി.. വത്സലചേച്ചി അവളെ കാത്തു നിൽപ്പുണ്ട്. കുഞ്ഞേ... ഹമ്.. എന്താച്ചേച്ചി. കുഞ്ഞിന്റെ അച്ഛനും അമ്മയും വന്നിട്ട് സ്വർണം എല്ലാം തിരിച്ചു വാങ്ങിക്കൊണ്ട് പോയി. അതെയോ.. അവരെപ്പോ വന്നു. അശ്ചര്യത്തോടെ ഗംഗ അവരോട് ചോദിച്ചു.. ഇന്നലെ.. ഹമ്... അവരെ നോക്കി തലയാട്ടി. എന്നിട്ട് അവൾ മുറ്റത്തേക്ക് ഇറങ്ങി. തിരിഞ്ഞു പോലും നോക്കാതെ മുന്നോട്ട് നടന്നു. തുടരും സപ്പോർട്ട് മറക്കല്ലേ സ്വന്തം മിത്ര