പുഞ്ചിരിക്കുക സ്നേഹിച്ചവരോടും ❣️ സ്‌നേഹം അഭിനയിച്ചവരോടും ❣️ വേദനിപ്പിച്ചവരോടും ❣️ തള്ളിക്കളഞ്ഞവരോടും ❣️ കൂടെനിൽകുന്നവരോടും ❣️ എല്ലാവരോടും ❣️ ശുഭദിനം #GoodMorningEveryone #monetizationシ゚viralシfypシ゚シ゚viral #reelschallengereelschallenge #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗

ഇന്നലെ രാത്രി 11:45 നാണ് ഞാൻ മരണപ്പെട്ടത്... പത്ത് മണിക്ക് പത്ത് മിനിറ്റുള്ളപ്പോ കോര മീൻ പൊരിച്ചതും പയറ് ഉപ്പേരിയും കൂട്ടി വയറ് നിറയെ ചോറ് കഴിച്ചതാണ്.. അടുക്കളയിലെ അവസാനത്തെ പാത്രവും കഴുകി വെച്ച് ഡൈനിംഗ് ടേബിള് ഡെറ്റോൾ കൊണ്ട് തുടച്ച് സിങ്കും സ്ലാബും പളപളാ മിന്നിച്ച് ദോശക്കുള്ള അരിയും കടലയും വെള്ളത്തിലിട്ട് പുറത്തെ വാഷ്ബേസിന്ന് പല്ല് തേച്ച് അടുക്കളയിലെ നാല് പൊളി വാതില് കുറ്റി ഇട്ട് എല്ലാ റൂമിലും കയറി ഇറങ്ങി ലൈറ്റോഫാക്കി വാതിലടച്ച് ഞങ്ങൾടെ ബെഡ് റൂമിലെത്തി.... കോട്ട് വാ ഇട്ട കുരങ്ങനെ പോലെ പാതി തുറന്ന കണ്ണും കൊണ്ട് ആരോ നിർബന്ധിച്ച് പറഞ്ഞിട്ട് ഫോണില് നോക്കിയിരിക്കുന്ന പ്രിയപ്പെട്ട കെട്ടിയോൻ്റെ അരികില് Z പോലെ ചുരുണ്ട് കിടന്ന് പുതപ്പ് വലിച്ചിട്ട് എൻ്റെ ഫോണും കൊണ്ട് ഞാനും കിടന്നു... ഫേസ് ബുക്കിലെ കഥകള് വായിച്ചോണ്ടിരിക്കുമ്പളാണ് പെട്ടെന്ന് എൻ്റെ ഇടത് വശത്തെ നെഞ്ചീന്നൊരു കുത്തുന്ന വേദന... നീട്ടി വലിച്ച് ഞാനൊന്ന് ചുമച്ചു... എന്നിട്ട് വലത് വശം ചെരിഞ്ഞ് കിടന്നു... വേദന കൂടി കൂടി വരുന്നു... ഇടത്തേ കയ്യിലേക്കും കഴുത്തിന് പുറകിലോട്ടും വല്ലാത്ത വേദന... ആംബുലൻസിൻ്റെ മുകളിലത്തെ ലൈറ്റ് പോലെ ഹൃദയം വല്ലാണ്ട് മിടിക്കുന്നു... മെല്ലെ എഴുന്നേറ്റ് ജഗിലെ വെള്ളം കുടിച്ചു. ഇല്ലാകുറയുന്നില്ല. വീണ്ടും വീണ്ടും ശക്തിയായി വേദനിക്കുന്നു. ഞാൻ നിലത്തിരുന്ന് കരയാൻ തുടങ്ങി. സഹിക്കാൻ പറ്റാത്ത വേദന. ഇക്ക ഒരു ഗ്യാസിൻ്റെ ഗുളിക തന്നു. "ഇയ്യ് കോര മീൻ എത്രണ്ണാ തിന്നത്.... " "രണ്ടെണ്ണം.... പിന്നെ ങ്ങള് തിന്നതിൻ്റെ ബാക്കിയും മോളൂൻ്റെതും നുള്ളി തിന്നിനും..." "ഗ്യാസ് കേറിയതായ്ക്കും...... ഇപ്പം മാറിക്കോളും '' പക്ഷേ എന്നെക്കൊണ്ട് സഹിക്കാൻ പറ്റിയില്ല. മുഖവും കയ്യും കാലും വിയർക്കാൻ തുടങ്ങി. കരച്ചിൽ പുറത്തോട്ട് വരാതെ തൊണ്ടയിൽ കുടുങ്ങി കിടന്നു. കണ്ണ് തുറിച്ച് ശ്വാസം മേലോട്ട് വലിച്ച് ഞാൻ വേദനയെ പ്രതിരോധിച്ചു. പെട്ടെന്നുള്ള ഭാവമാറ്റം ഇക്കാനെ പേടിപ്പിച്ചെന്ന് തോന്നുന്നു... ഒരു ഷർട്ടെടുത്തിട്ട് സ്ഥാനം തെറ്റിച്ച് കുടുക്കിട്ട് വണ്ടിയുടെ ചാവിയെടുത്ത് ഒരു വിധത്തിലെന്നെ വണ്ടിയിലിരുത്തി. ലൈറ്റിട്ട് ഹോണടിച്ച് 108 പോണ പോലെ സ്പീഡില് പോയി എന്നെ ഹോസ്പിറ്റലിൽ എത്തിച്ചു. ഹോസ്പിറ്റലിൻ്റെ മുറ്റത്ത് എത്തോളം എനിക്ക് ബോധം ഉണ്ടായിരുന്നു.. പിന്നെ പിന്നെ ഭാരമില്ലാതെ ശൂന്യമായ ഒരു തരം കൊയച്ചില്.. കൈകൾ അനക്കാനും എണീച്ച് നടക്കാനും തോന്നുന്നെങ്കിലും ഒന്നിനും സാധിക്കാത്ത ഒരു പ്രത്യേക തരം അവസ്ഥ. ആ നിമിഷത്തിലാണ് ഞാൻ മരണപ്പെട്ടത്. ചീറിപ്പാഞ്ഞ് വന്ന ആൾക്കാർ ട്രോളിയുന്തി എന്നെ ICU വിൽ എത്തിച്ചു. നാഡി പിടിച്ച് ഡോക്ടർ കൈ മലർത്തി. വാതിലിനപ്പുറം ആകെ പിടിത്തം വിട്ട് 18 കൊല്ലം എൻ്റെ താങ്ങും തണലുമായ പ്രിയപ്പെട്ട കെട്ടിയോൻ. ഡോക്ടറുടെ മുഖഭാവത്തിൽ നിന്ന് ജീവൻ്റെ പാതി നഷ്ടപ്പെട്ട വേദനയിൽ കസേരയിൽ അമർന്നിരുന്ന് രണ്ട് മിനുട്ട് തല തല്ലി കരഞ്ഞു. പിന്നീട് ആരൊക്കെയോ ഫോൺ ചെയ്തു... സെക്കൻ്റുകൾ കൊണ്ട് ഹോസ്പിറ്റൽ ആളുകള് കൂടി. പലരും വീട്ടിലേക്ക് പോയി... അങ്ങനെ ഹോസ്പിറ്റലിലെ നൂലാമാലകളൊക്കെ കഴിഞ്ഞ് നേരം വെളുക്കാനായപ്പോ എന്നെ വീട്ടിലെത്തിച്ചു. വെള്ളയിൽ പുതച്ച് ഡൈനിംഗ് ഹാളിലെ ഐക്കട്ടിലിൽ നീണ്ട് നിവർന്ന് മൂക്കില് പഞ്ഞി വെച്ച് പെരുവിരല് കൂട്ടി കെട്ടി ഞാൻ കിടന്നു. അകത്ത്ന്നും പുറത്തുന്നും അമർത്തി പിടിച്ച കരച്ചില്. തങ്കപ്പേട്ടൻ്റെ വീട് തൊട്ട് അങ്ങേ തലക്കലെ പഞ്ചായത്ത് പ്രസിഡൻ്റിൻ്റെ വീട് വരെ ഉള്ളവരൊക്കെയും എൻ്റെ മുഖം കണ്ട് പൊട്ടി കരയുന്നു.. ഹാളിലെ മൂലക്കല് ഒരു ചുമന്ന കസേരേല് ആരോ ഇരുന്ന് തല തല്ലി കരയുന്നുണ്ടല്ലോ... എൻ്റെ ഇത്താത്തയാണ്. ഓള് ഇട്ടത് എൻ്റെ പുത്യേ ഷാളല്ലേ... കഴിഞ്ഞ ആഴ്ച ഇക്കാൻ്റെ പേഴ്സിന്ന് അടിച്ച് മാറ്റിയ 350 ഉറുപിയക്ക് ഞാൻ വാങ്ങിയ ഷാളിലാണ് ഓള് മൂക്ക് തുടക്കുന്നത്. കുരിപ്പ്... മരിച്ച വീട്ടിന്നെങ്കിലും സ്വന്തം ഷാൾ ഇട്ടൂടേ... ഓൾടെ രണ്ട് മക്കെളെവിടെപ്പോയി. രണ്ടാളും ടേബിളില് തല വെച്ച് കരയുന്നുണ്ട്.. ഇനിയിപ്പോ എൻ്റെ അലമാരേലെ ചുരിദാർ മുഴുവനും രണ്ടാളും കൊണ്ടോവും... ജീവിച്ചിരിക്കുമ്പേഴേ ചുരിദാറിൻ്റെ പേരും പറഞ്ഞ് രണ്ടാളും എനിക്ക് സ്വൈര്യം തരലില്ല.. എനിക്കൊരു ആങ്ങളണ്ടായിനല്ലോ... ചെറുപ്പത്തില് ചോറും കൂട്ടാനും വെച്ച് കളിക്കുമ്പോ അവന്റെ ചിരട്ടേലെ മണ്ണിൻ്റെ ചോറ് ഞാൻ തട്ടി തെറിപ്പിച്ചൂന്നും പറഞ്ഞ് എന്നെ കുനിച്ച് നിർത്തി കയ്യിൻ്റെ മുട്ടോണ്ട് കൂമ്പിനിട്ട് ഇടിച്ച വേദന ഇപ്പളുണ്ട് ... അന്ന് തൊട്ടാ നടക്കുമ്പോ എനിക്ക് ലേശം വളവ് വന്നത്.. ഓനല്ലേ വളഞ്ഞോണ്ട് നിന്ന് അപ്പുറത്ത്ന്ന് മുഖം പൊത്തി കരയുന്നത്.. വെള്ളത്ത്ന്ന് കരയിൽ കേറി കിടക്കുന്ന മുതലേൻ്റെ പോലെ ഒരു വികാരവും ഇല്ലാണ്ട് തട്ടം കടിച്ച് പിടിച്ച് കട്ടിലില് ഇരിക്കുന്നത് ആരാണ്... അത് എൻ്റെ അമ്മായ്മ അല്ലേ... നസീമാൻ്റെ വീട്ടിലത്തെ അങ്ങനത്തെ മിക്സി വാങ്ങിയാ മതി,, ഈ കുന്ത്രാണ്ടം എങ്ങനാ അരക്കാന്ന് എനിക്കറിയൂലാന്ന് ഇന്നലേം കൂടി ഉമ്മ പരാതി പറഞ്ഞതാ.. ഇന്നലെ വെള്ളത്തിലിട്ട അരി എങ്ങനെ അരച്ചെടുക്കുംന്നുള്ള ബേജാറ് ഉമ്മാൻ്റെ മുഖത്ത് നല്ലോണണ്ട്.. അല്ലാ...ഷംസുക്കാനെ കാണാൻ ഇല്ലാലോ. അകത്തേ മുറിയിലാന്ന് തോന്നുന്നു. ആണുങ്ങളൊക്കെ അങ്ങോട്ട് പോവുന്നുണ്ട്... ഇയ്യി മരിച്ചാ നാല്പത് കയ്യാണ്ട് ഞാൻ കെട്ടൂലാന്ന് കൂടെ കൂടെ പറയാറുള്ള ആളാണ്..പാവം.. ആരാണത്. BG M ഇട്ട് കരയുന്നത്.എൻ്റെ റൂമിന്നാണല്ലോ. നസിയ..മൂത്തമ്മാൻ്റെ മോള്,,ഗസൽ സിംഗർ... എന്റെ ചങ്ക് കസിൻ.. 'ഇന്നലെ രാത്രീം കൂടെ ഓള് വിളിച്ചതാ. മാലിക്കിലെ തീരമേ എന്ന പാട്ട് പാടി തരോന്ന് ചോയ്ച്ച്. ഞാൻ പാടിയും കൊടുത്ത്... രാവിലായപ്പോ മരിച്ചൂന്നാ കേൾക്കണത്... ഞമ്മളിത് എവിടെ വെച്ച് സഹിക്കും രഹനാന്നും' പറഞ്ഞ് ഹാർമോണിയം വായിക്കുന്ന പോലെ രഹനൻ്റെ കൈ മുറുക്കി പിടിച്ച് കരയുന്നുണ്ട്. എൻ്റെ മയ്യത്ത് എടുത്ത് കഴിഞ്ഞാ ആദ്യം ഓള് രഹനനോട് ചോയ്ക്കും..അൻ്റെ ഈ വാച്ച് ഓൺലൈനില് വാങ്ങിയതാണോന്ന്.. മുറ്റത്തൊരു ജീപ്പ് നിർത്തിയല്ലോ.. ആരാണത്. എൻ്റെ ഹോസ്പിറ്റലിലെ ജീപ്പ്... ബ്രിട്ടീഷുകാരുടെ കാലത്തുള്ള പുഷ്പേട്ടൻ്റെ സ്വന്തം ജീപ്പ്. സൂപ്രണ്ട് സാറും വേറെ ആരൊക്കെയോ ഉണ്ട്. ഈ ഷംസുക്ക ഇതെവിടെ പോയി..ഓരോക്കെ ആദ്യായിട്ടാ നമ്മളെ വീട്ടില് വരണത്.. മുൻവശത്തെ അയലില് ജട്ടി ഉണക്കാനിട്ട പോലെ ഇങ്ങള് മറയത്ത് പോയി നിക്കല്ലി. ഓരെ സ്വീകരിക്കാൻ ചെല്ലി.... ചായ കൊടുക്കണല്ലോ റബ്ബേ.,,. ഫ്രിഡ്ജില് പാല്ണ്ട്,ബേക്കറി ണ്ട്,. എൻ്റെ അടുക്കള... എൻ്റെ സ്വന്തം സാമ്രാജ്യം.... ഇനി എനിക്ക് അതില്ലാലോ.... പാലമരം നഷ്ടപ്പെട്ട കുട്ടിച്ചാത്തനെ പോലെ അതിന് ചുറ്റും പറന്ന് നടക്കാനല്ലേ എനിക്ക് പറ്റുള്ളൂ.... സാറ് വന്നു... ദുഖം തളം കെട്ടിയ മുഖത്തോടെ എന്നെ നോക്കി നിന്നു...മുഴുവൻ സമയവും മാസ്കിടാറുള്ള ഡോക്ടറാണ്... കഴിഞ്ഞ ആഴ്ച ആയ്നു ഞങ്ങൾടെ ഹോസ്പിറ്റലിൽ ഓണം സെലിബ്രേഷൻ...അന്ന് സദ്യ കഴിച്ചോണ്ടിരിക്കുമ്പളാണ് സാറിൻ്റെ മുഖം ആദ്യമായി കാണുന്നത്... ഇത്രയും നല്ല മോറ് മാസ്ക്ക് കൊണ്ട് മറച്ച് വെക്കുന്നതിലും വലിയ സങ്കടം അല്ലല്ലോ സർ ഇത്.. സാറിൻ്റെ പുറകിന്ന് ഒരു മൂളല് കേൾക്കുന്നുണ്ടല്ലോ.. എനിക്ക് നല്ല പരിചയം ഉള്ള മൂളക്കം.ഹരീഷ് ഡോക്ടറാണല്ലോ അത്..എൻ്റെ കഥകളിലെ സ്ഥിരം കഥാപാത്രം...എൻ്റെ പൊന്ന് സാറേ.... മരണ വീട്ടില് വന്നാലെങ്കിലും മൂളാണ്ട് നിന്നൂടേ.... ഇനീപ്പോ ങ്ങക്ക് നല്ല സുഖായീലേ. ധൈര്യായിട്ട് ഫാർമസില് വരാ... കഥ എഴുതുന്ന ആള് പോയി.. സാറിൻ്റെ തൊട്ടടുത്ത് സുബിൻ ഡോക്ടറും ണ്ടല്ലോ... കൈകള് കൂട്ടിത്തിരുമ്മി സാറെന്തോ തിരയുന്നുണ്ട്.... ശൂ...ശൂ....സാറേ....ദാ... ആ സിറ്റൗട്ടിലെ തൂണിൻ്റെ മറവില്ണ്ട് സാനിറ്റൈസർ... ഉറങ്ങുമ്പോ വരെ കോവിഡ് പ്രോട്ടോക്കോൾ പാലിക്കുന്ന ഒരേ ഒരു ഡോക്ടറാണ്.... വിവേക് ഡോക്ടറ് പോവുമ്പോ ആരേലും ഒന്ന് സാറിന്റെ കയ്യ് നോക്കണേ.... ഞാൻ അകത്തും പുറത്തുമായി നട്ട് പിടിപ്പിച്ച ചെടികളുടെ കൊമ്പ് സാറ് ഒടിച്ചോണ്ട് പോവും..... തവളൻ്റെ കാലില് ചവിട്ടിയ പോലെ ആരാണാ മുക്കറയിട്ട് കരയുന്നത്.... ശില്പ..... എൻ്റെ ജീവാത്മാവും പരമാത്മാവും... ഫാർമസിയിലെ രണ്ട് കറങ്ങുന്ന കസേരയിൽ ഒന്നിൻ്റെ അവകാശി.... എൻ്റെ മരണ ശേഷം പുരുഷ കേസരിമാർക്കിടയിലെ ഒരേയൊരു പെൺതരി... ഇനി എൻ്റെ ശില്പ മാത്രം.. ചുരിദാറിൻ്റെ കളറ് പറയാനും കുറ്റം പറയാനും ഓൾക്കിനി കൂട്ടില്ല.... സിറ്റൗട്ടിലെ കസേരയിലിരുന്ന് ആരോ നിർത്താണ്ട് ചുമക്കുന്നുണ്ടല്ലേ..... അള്ളാ.... അതെൻ്റെ ഉപ്പയല്ലേ.... പത്ത് വയസ് വരെ ഞാൻ കിടന്നുറങ്ങിയ നെഞ്ചിൻ കൂടല്ലേ ആ വിങ്ങിപ്പൊട്ടുന്നത്... ശ്വാസം തിങ്ങി മുറിഞ്ഞ് പോയ കഫം ആഞ്ഞ് ചുമച്ച് തുപ്പുമ്പോ മുളന്തൂമ്പ് ചീന്തിയ പോലെ ഒരു കരച്ചില് കേൾക്കുന്നുണ്ടല്ലോ... ഗൗരവം നിറച്ച കണ്ണ്കള് രണ്ടും കരഞ്ഞ് വീർത്ത് കലങ്ങിയിട്ടുണ്ടല്ലോ... ഒരു ഉരുള ചോറ് പോലും കണ്ണീരിൻ്റെ നനവില്ലാതെ എൻ്റെ ഉപ്പാക്കിനി ഇറക്കാൻ പറ്റ്വോ.... ഓരോ നിമിഷവും എന്നെ ഓർത്ത് നെഞ്ച് നീറി നീറി ശ്വാസം തിങ്ങി.... റഹ്മാനായ റബ്ബേ... എൻ്റെ ഉപ്പാക്ക് നീ ക്ഷമയെ കൊടുക്കണേ... എനിക്കെൻ്റെ ഉമ്മാനെ കാണണം... എൻ്റെ ഉമ്മയെവിടെ...... എൻ്റെ മുറിയിലെ കട്ടിലിൽ മുഖം പൊത്തി തളർന്ന് ജീവിതത്തിലെ എല്ലാ സന്തോഷങ്ങളും കെട്ടടങ്ങിയ പോലെ കിടക്കുന്നത് എൻ്റെ ഉമ്മയല്ലേ.... മുലപ്പാലിൻ്റെ മണം തൊട്ട് കഴിഞ്ഞ ആഴ്ച അവസാനമായി കണ്ടപ്പോ സലാം പറഞ്ഞ് കെട്ടിപ്പിടിച്ച് ഉമ്മ തന്നപ്പോ വരെയുള്ള ഓർമകള് പേറി എങ്ങനെ എൻ്റെ ഉമ്മ ഇനി ജീവിക്കും... എൻ്റെ ഉമ്മാൻ്റെം ഉപ്പാൻ്റെം സങ്കടം ഇനിയും എനിക്ക് കാണാൻ വയ്യ... മതി കിടന്നത്... എന്നെ പള്ളിക്കാട്ടിലേക്കെടുക്കൂ... എന്നെ എടുക്കൂ എന്നെ എടുക്കൂ തല ഉരുട്ടി ഞാൻ ഉറക്കെ വിളിച്ച് പറഞ്ഞു.... പെട്ടെന്ന് ബലിഷ്ഠമായ കൈകൾ കൊണ്ട് എൻ്റെ നടും പുറത്താരോ ആഞ്ഞടിച്ചു... കണ്ണീന്ന് പൊന്നീച്ച പറന്നു.. ഞാൻ ഞെട്ടി എണീച്ചു... കൈയ്യിലെ ഫോൺ താഴെ വീണു... നോക്കുമ്പോ എന്നെ തന്നെ നോക്കി നിക്കുന്ന ഉറക്കച്ചടവ് മാറാത്ത തീക്ഷ്ണമായ രണ്ട് കണ്ണുകൾ... ഇയ്യാരോടാ ഈ നട്ടപ്പാതിരാക്ക് അന്നെ എട്ക്കാൻ പറീണത്... ആരോടാടീ..... "ഹിക്കാ..." അപ്പോ.... അപ്പോ ഞാൻ മരിച്ചില്ലേ... എവിടെ എൻ്റെ മൂക്കിലെ പഞ്ഞി.... പെരുവിരലിലെ കെട്ടെവിടെ... എൻ്റെ കഫൻ പുടവ എവിടെ... 350 ഉറുപിയൻ്റെ ഷാളെവിടെ... പറ്റിക്കാനാണെങ്കിലും ഇങ്ങനൊന്നും സ്വപ്നം കാണിക്കല്ലേന്ന് പറയണേ സാറേ.... Shabna Shamsu ❤️ #🙋‍♀️ എൻ്റെ സ്റ്റാറ്റസുകൾ #📔 കഥ

പ്രണയം എന്നത് കേവലം രണ്ട് വ്യക്തികൾ തമ്മിലുള്ള ആകർഷണമല്ല; മറിച്ച് അത് ആത്മാവുകൾ തമ്മിലുള്ള അദൃശ്യമായ ഒരു സംവാദമാണ്. നിശബ്ദതയിൽ പോലും ആയിരം വാക്കുകൾ കൈമാറാൻ കഴിയുന്ന വിസ്മയമാണത്. സാഹിത്യകാരന്മാർ പ്രണയത്തെ പലപ്പോഴും വസന്തത്തോടും നിലാവിനോടും ഉപമിക്കാറുണ്ട്, എന്നാൽ യഥാർത്ഥ പ്രണയം വേനലിലും വാടാത്ത ഒരു പൂവുപോലെയാണ്. അത് വിരഹത്തിന്റെ കനലിൽ വെന്തുരുകുമ്പോഴും പ്രത്യാശയുടെ കുളിർമഴ പെയ്യിക്കുന്നു. കണ്ണുകളിലെ തിളക്കത്തിലും വാക്കുകളിലെ ഇടർച്ചയിലും ഒളിഞ്ഞിരിക്കുന്ന ആ അനുഭൂതി ലോകത്തിലെ ഏറ്റവും മനോഹരമായ ഭാഷയാണ്. ഒരാളുടെ അഭാവത്തിലും അവരുടെ സാന്നിധ്യം അനുഭവിക്കാൻ കഴിയുന്നതാണ് പ്രണയത്തിന്റെ മാന്ത്രികത. അത് സ്വാർത്ഥതയില്ലാത്ത വിട്ടുനൽകലുകളും, അളവില്ലാത്ത കരുതലും, മരിക്കാത്ത ഓർമ്മകളുമാണ്. കടലിലെ തിരമാലകൾ തീരത്തെ പുല്കുന്നതുപോലെ, പ്രണയം ഓരോ ഹൃദയത്തെയും തഴുകിപ്പോകുന്നു. ചിലപ്പോൾ അത് കവിതയായും, ചിലപ്പോൾ തേങ്ങലായും, മറ്റുചിലപ്പോൾ ജീവിതകാലം മുഴുവൻ നിലനിൽക്കുന്ന പ്രകാശമായും മാറുന്നു. പ്രണയിക്കുന്നവർ ലോകത്തെ കാണുന്നത് മറ്റൊരു കണ്ണിലൂടെയാണ്; അവിടെ നിറങ്ങൾക്കും ഗന്ധങ്ങൾക്കും അമിതമായ തീവ്രതയുണ്ടാകും. കാലം മായ്ക്കാത്ത മുറിവുകൾക്കും പ്രണയം ഒരു ഔഷധമാണ്. ഓരോ നിശ്വാസത്തിലും പ്രിയപ്പെട്ടവരുടെ പേര് മന്ത്രിക്കുന്ന, ഓരോ സ്വപ്നത്തിലും അവരുടെ മുഖം തിരയുന്ന ആ അവസ്ഥയാണ് പ്രണയത്തിന്റെ പൂർണ്ണത. പ്രണയം ഒരു കടലാണ്, അതിൽ മുങ്ങാംകുഴിയിടുന്നവർക്ക് മാത്രമേ അതിന്റെ ആഴവും നീലമയും മനസ്സിലാക്കാൻ കഴിയൂ. ജീവിതത്തിന്റെ പരുക്കൻ വഴികളിൽ തണലായും, തളരുമ്പോൾ ഊന്നുവടിയായും പ്രണയം നമ്മെ നയിക്കുന്നു. വിശ്വസാഹിത്യത്തിലെ അനശ്വര പ്രണയകഥകൾ ഇന്നും ജീവിക്കുന്നത് അവയിലെ വികാരങ്ങളുടെ തീവ്രത കൊണ്ടാണ്. ഒടുവിൽ, പ്രണയം എന്നത് നാം മറ്റൊരാളിൽ നമ്മെത്തന്നെ കണ്ടെത്തുന്ന അത്ഭുതകരമായ ഒരു തിരിച്ചറിവ് കൂടിയാണ്. നീയും ഞാനും 🖤💜💫👩‍❤️‍👨 📸🖤💜💫🫂 #🙋‍♀️ എൻ്റെ സ്റ്റാറ്റസുകൾ

കുറ്റപ്പെടുത്തുന്നവർ എന്നും കുറ്റപ്പെടുത്തിക്കൊണ്ടേയിരിക്കും ...നല്ലത് പറയുമെന്ന് വിചാരിച്ചിരിക്കരുത്....... ഗുഡ് മോണിംഗ്...... #📔 കഥ #🙋‍♀️ എൻ്റെ സ്റ്റാറ്റസുകൾ

കരണകുറ്റി നോക്കി ഒരെണ്ണം കൊടുത്തിട്ടു ഒരു സിംഹത്തെ പോലെ ഞാനലറി.... "" മകനായതു കൊണ്ട് കൊന്നു കളയുന്നില്ല ഞാൻ , ഇറങ്ങേടാ നായെ എന്റെ സാരിയിൽ നിന്നും കയ്യും എടുത്തു ...."" അതും പറഞ്ഞു ഞാൻ അവനെ ഒറ്റ തള്ളലായിരുന്നു മുറിയുടെ വെളിയിലേക്കു .....എന്റെ ശബ്ദവും അവൻ പോയി കതകിൽ ഇടിച്ചു വീണതുകൊണ്ടുള്ള ശബ്ദവും എല്ലാം കൂടി ആയപ്പോൾ വീട്ടിൽ ഉറങ്ങി കിടന്നിരുന്നവർ എല്ലാം ഉറക്കം ഉണർന്നു .... എല്ലാവരും ഉണർന്നെന്നും കാര്യങ്ങൾ കൈവിട്ടു പോയിയെന്നുമായപ്പോൾ അവൻ കാര്യങ്ങൾ വളച്ചൊടിച്ചു .... യാതൊരു ഭാവവ്യത്യസവും ഇല്ലാതെ അവൻ നുണ പറഞ്ഞു ""ഇവർ വിളിച്ചിട്ടാണ് ഞാൻ വന്നത് .... വന്നപ്പോൾ , എന്റെ അമ്മുവിനെ ചതിച്ചുകൊണ്ടുള്ള കാര്യമാണെന്ന് അറിഞ്ഞപ്പോൾ എന്നെകൊണ്ട് പറ്റില്ലെന്ന് തീർത്തു പറഞ്ഞു .....അപ്പോൾ നീയൊക്കെയൊരു ആണു തന്നെയാണോടാ ചോദിച്ചു തള്ളിയിട്ടതാണ് ..... ഒച്ച വെച്ച് എല്ലാവരും ഉണരുമ്പോൾ എനിക്ക് അല്ലെ നാണക്കേട് ഉള്ളു , എങ്ങനെയും എന്റെ വില കളയാൻ വേണ്ടിയിട്ടാണ് എല്ലാവരെയും വിളിച്ചു അറിയിച്ചത് ....."" എല്ലാവരുടെയും സംശയത്തോടെയുള്ള നോട്ടം എന്നിലേക്ക്‌ വന്നപ്പോൾ ഞാനല്ല ഇവനാണെന്നു പറഞ്ഞു നോക്കിയെങ്കിലും അതൊന്നും വിശ്വസിക്കാൻ ആരും തയ്യാറല്ലായിരുന്നു ..... ഭർത്താവിന്റെയൊപ്പം വെറും ആറു മാസം മാത്രം ജീവിച്ചവൾ.....കൊച്ചു പെണ്ണു..... അവൾക്കും കാണില്ലേ മോഹം എല്ലാവരുടെയും ചിന്തകൾ അങ്ങനെ ആയിരുന്നു ..... ആരൊക്കെ എന്തൊക്കെ എന്നെ പറഞ്ഞാലും സംശയിച്ചാലും എനിക്ക് കുഴപ്പമില്ലായിരുന്നു പക്ഷെ എന്റെ അമ്മുക്കുട്ടി ഇറങ്ങി പോകുന്നുണ്ടോ ഇവിടുന്നെന്നു തെല്ലും സ്നേഹം ഇല്ലാതെ പറഞ്ഞപ്പോൾ പാറ പോലെ ഉറച്ചു നിന്നിരുന്ന എന്റെ ഹൃദയം തകർന്നു പോയി ...... മറ്റുള്ളവരുടെ സമാധാനം കൂടി നശിപ്പിക്കാൻ വലിഞ്ഞു കയറി വന്നോളും എന്നും കൂടി പറഞ്ഞപ്പോൾ എനിക്ക് തല ചുറ്റും പോലെ തോന്നി ..... അവളുടെ ജീവിതത്തിനു കൂടുതൽ കുഴപ്പം ഉണ്ടാകാതെ ഞാനാ രാത്രിയിൽ തന്നെ അവിടുന്ന് ഇറങ്ങി ഇപ്പോളും ഒരു മുറിയും ചായ്പ്പും മാത്രം ഉള്ള ആ വീട്ടിലേക്കു ....... വീട്ടിൽ വന്നിരുന്നപ്പോൾ പഴയ കാലമൊക്കെ അറിയാതെ എന്റെ മനസ്സിലേക്ക് ഓടിയെത്തി ..... എന്റെ പ്രണയം എന്റെ ജീവനും ജീവിതവുമായിരുന്ന സന്തോഷേട്ടൻ കൂടെ ഉണ്ടായിരുന്ന കുറച്ചു നാൾ എത്ര സന്തോഷകരമായിരുന്നു .... സന്തോഷേട്ടനും ഞാനും ഇവിടെ അടുത്തുള്ള പാറമടയിൽ പാറപൊട്ടിക്കൽ ആയിരുന്നു .....എനിക്ക് ആകെ സ്വന്തമെന്നു പറയാൻ ഉണ്ടായിരുന്നത് വലിവ് കൂടി ഇന്നോനാളെയോ എന്നും പറഞ്ഞു കിടന്നിരുന്ന അച്ഛൻ ആയിരുന്നു ..... അച്ഛൻ മരിച്ചപ്പോൾ ഒരു മാലയിട്ടു കൂടെ കൂട്ടിയതാണ് സന്തോഷേട്ടൻ എന്നെ .....കഷ്ടപ്പാടുകൾ ഉണ്ടായിരുന്നെങ്കിലും അതൊക്കെ ഒരു ചിരിയിലൊതുക്കി ജീവിക്കാൻ പഠിപ്പിച്ച എന്റെ പുണ്യപാതി .... ഈ വീട്ടിലേക്കു വന്നു കയറും മുൻപെ എനിക്കറിയാമായിരുന്നു പാറുകുട്ടിയെയും ,മാളുക്കുട്ടിയെയും അമ്മുകുട്ടിയെയും ..... സന്തോഷേട്ടന്റെയും ഈ കുഞ്ഞുങ്ങളുടെയും അച്ഛനുമമ്മയും ഒരു ആക്‌സിഡന്റിൽ മരിച്ചു പോയതാണ് .... ആക്സിഡന്റ് എന്ന് പറഞ്ഞാൽ അവർ ടൗണിൽ പോയി തിരിച്ചു വരും വഴി ഒരു ലോറി ഇടിച്ചു ..... അന്ന് നന്നേ ചെറുപ്പമായിരുന്ന സന്തോഷേട്ടൻ പെങ്ങൾമാരെ നോക്കാനായി ഈ ജോലിക്കു ഇറങ്ങിയതാണ് ....അച്ഛനുമമ്മയും ആക്‌സിഡന്റിൽ മരിച്ചതുകൊണ്ട് കുറച്ചു പൈസ കിട്ടി ആ പൈസ കൊണ്ടാണ് വാടക വീട് മാറി ഒരു മുറിയും ,ചായ്പ്പും അടുക്കളയും മാത്രം ഉള്ളു എങ്കിലും സ്വന്തമായി ഒരു കിടപ്പാടം സന്തോഷേട്ടൻ മേടിച്ചിട്ടത് ..... മൂന്നു പെങ്ങൾമാരെ പഠിപ്പിക്കുകയും അവരുടെ കാര്യങ്ങൾ എല്ലാം നോക്കുകയും ചെയ്യേണ്ടതുകൊണ്ട് ശനിയാഴ്ച മാത്രം ജോലി കഴിഞ്ഞു വീട്ടിലേക്കു പോകും വഴി പലഹാരം കയ്യിൽ ഉണ്ടാകും ....അതും നോക്കി മൂന്നു പേരും ശനിയാഴ്ച ഇരിക്കുന്നത് കാണാൻ തന്നെയൊരു പ്രേത്യേക ചന്തമാണെന്നു സന്തോഷേട്ടൻ എപ്പോളും പറയുമായിരുന്നു .....അത് പറയുമ്പോൾ സന്തോഷം കൊണ്ടാണോ എന്തോ സന്തോഷേട്ടന്റെ കണ്ണുകൾ നിറയുന്നത് ഞാൻ പലപ്പോഴും കണ്ടിട്ടുണ്ട് ..... സന്തോഷേട്ടനുമായിയുള്ള കല്യാണം കഴിഞ്ഞുള്ള ആദ്യകാലങ്ങൾ വളരെ സന്തോഷം നിറഞ്ഞതു തന്നെ ആയിരുന്നു ....ആരും കൊതിക്കുന്ന ജീവിതം ....നാത്തൂന്മാർക്കു പകരം അമ്മയെ പോലെ കണ്ടു സ്നേഹിക്കുന്ന പിള്ളേര് ....കല്യാണം കഴിഞ്ഞതോടെ സന്തോഷേട്ടൻ എന്റെ ജോലി നിർത്തി എന്നോട് പൂർണമായും പിള്ളേരുടെ കാര്യം നോക്കിയാൽ മതിയെന്ന് പറഞ്ഞു ....എനിക്കുമതു വളരെ സന്തോഷം ആയിരുന്നു ....മൂത്തവൾ പാറു കുട്ടി അധികം കൊഞ്ചില്ല എങ്കിലും ബാക്കി രണ്ടു പേരും കൊഞ്ചലോടു കൊഞ്ചൽ ആയിരുന്നു ....ഞാനും അവരെ തിരിച്ചും കൊഞ്ചിച്ചു ....സന്തോഷേട്ടൻ എന്നോട് പറഞ്ഞിട്ടുണ്ടായിരുന്നു അമ്മയുടെ സ്നേഹം അധികം കിട്ടാത്ത പിള്ളേരാണ് അതുകൊണ്ട് നീയാവർക്കു അമ്മയും ഏടത്തിയും ആകണം ....ഏട്ടത്തി എന്ന് വിളിക്കാൻ ഏട്ടൻ അവരോടു ആവശ്യപ്പെട്ടു എങ്കിലും അവരെന്നെ ഇച്ചേച്ചിയെന്നാണ് വിളിച്ചിരുന്നത് ..... അന്നൊരു ശനിയാഴ്ച ആയിരുന്നു .....ഏട്ടൻ പിള്ളേർക്കും എനിക്കും പലഹാരം കൊണ്ടുവരുന്ന ദിവസം ....പലഹാരവും പ്രതീക്ഷിച്ചുള്ള പിള്ളേരുടെ ഇരുപ്പു കാണുന്നത് തന്നെയെനിക്ക് സന്തോഷമാണ് ....പക്ഷെ ഞങ്ങളുടെ പ്രതീക്ഷകളെ തെറ്റിച്ചുകൊണ്ട് ഏട്ടന് പകരം കൂടെ ജോലി ചെയ്യുന്നവരാണ് വന്നത് .....അവരുടെ വരവിൽ തന്നെയെനിക്കു പന്തികേട് തോന്നി ,എന്റെയുള്ളിൽ ഉണ്ടായ ഭയം ശരിവെച്ചുകൊണ്ട് വന്നവർ പറഞ്ഞു പാറയുടെ രൂപത്തിൽ ഏട്ടനെ ഈ ലോകത്തു നിന്നും കൊണ്ടുപോയി എന്ന് ....പലഹാരവും പ്രതീക്ഷിച്ചിരുന്ന എനിക്കും പിള്ളേർക്കും ഞങ്ങളുടെ ഏട്ടന്റെ ജീവനറ്റ ശരീരം ആണ് കിട്ടിയത് .....ഏട്ടന്റെ മരണശേഷം പിള്ളേരെയും വീടും നോക്കാനായി ഞാൻ വീണ്ടും ജോലിക്കു പോകാൻ തുടങ്ങി ....എന്റെ ഏട്ടന്റെ സ്വപ്നമാണ് അനിയത്തിമാർക്കു നല്ല ജീവിതം അത് എന്റെ ഏട്ടന് വേണ്ടി ഞാനതു നടത്തിയെടുക്കുമെന്നു മനസ്സിൽ ദൃഢപ്രതിഞ്ജ ചെയ്തു ...... ഇനി ഏട്ടൻ എന്നോടതു പറഞ്ഞിട്ടില്ലെങ്കിലും ഞാനതു ചെയ്യും ഒന്നും ഇല്ലാതെ ജീവിക്കേണ്ടി വന്നവളാണ് ഞാൻ എന്റെ ഏട്ടന്റെ അനുജത്തിമാർക്കും ഞാനാ വിധി വരുത്തുകയില്ല ..... പതിനഞ്ചു വയസു കഴിഞ്ഞപ്പോൾ ഞാൻ മൂത്തവൾ പാറുവിനോട് ചോദിച്ചു ""മോളെ നീ വൈകിട്ട് വീട്ടിലെ പണി ചെയ്യുകയാണെങ്കിൽ എനിക്ക് രാത്രിയിൽ തയ്യൽ പണി കൂടി ചെയ്യാം..... അഞ്ചു വർഷത്തിന് ഉള്ളിൽ നിന്റെ കല്യാണം നടത്തണ്ടേ...... ഒത്തിരി സ്വർണവും പണവുമൊന്നും ഇല്ലങ്കിലും അന്തസ് ആയി നടത്തണം മോളെ. ....അത് കഴിഞ്ഞു അധിക നാൾ ഉണ്ടാവില്ല അമ്മുവിന്റെയും മാളുവിന്റേം കാര്യത്തിനും. ....എല്ലാം കൂടി നോക്കണ്ടേ മോളെ അതാണ് ഞാൻ ചോദിച്ചത് ......"" പാറുവിന്റെ മറുപടി എനിക്ക് ഉള്ള ആത്മവവിശ്വാസം കൂട്ടി .... അവൾ എന്നെ നോക്കി അമ്പരന്നു ചോദിച്ചു .... "" ഇച്ചേച്ചിക്കു എന്നെക്കാൾ ആറു വയസേ കൂടുതൽ ഉള്ളു എന്നിട്ടു എന്നെ കല്യാണം കഴിച്ചു വിടാൻ കഷ്ടപ്പെടുന്നു .... പഠിത്തം തീർന്നിട്ട് ഞാനും കൂടി സഹായിക്കാം ഇച്ചേച്ചിയെ, എന്നിട്ടു നമുക്ക് അവരെ പഠിപ്പിച്ചു ഒരു നിലയിൽ ആക്കിയിട്ടൊക്കെ പോരെ എന്റെ കല്യാണം ...."" ""പോരാ മോളെ, നിങ്ങള്ക്ക് നല്ല ജീവിതം ഉണ്ടാകണം അത് നിങ്ങളുടെ ഏട്ടന്റെ ആഗ്രഹം ആയിരുന്നു അത് സാധിക്കണം ഈ ഇച്ചേച്ചിക്കു ..... നീ അങ്ങനെ ഇച്ചേച്ചിയെ സഹായിച്ചാൽ ചിലപ്പോൾ നിന്റെ ജീവിതവും ഇങ്ങനെ ആകും ..... ജോലിക്ക് പൊക്കോ അത് നിന്റെ ജീവിതത്തിനു വേണ്ടി മാത്രം ആകണം ..... ഇച്ചേച്ചിക്കു ചുമക്കാവുന്ന ഭാരം മാത്രമേ നിങ്ങളുടെ ഏട്ടൻ ഏല്പിച്ചിട് ഉള്ളു ....."" എനിക്ക് ജോലി സ്ഥലത്തും അത് പോലെ തന്നെ വീട്ടിലും കല്യാണം കഴിക്കാൻ താല്പര്യം ഉള്ളവരും അല്ലാതെ സംരക്ഷിച്ചോളാം പറഞ്ഞു വരുന്നവരും ഒരുപാട് ഉണ്ടായിരുന്നു ..... എന്റെ ഏട്ടന്റെ കൂടെ ജീവിച്ച ആറു മാസം മതി എന്നു വച്ചു ജീവിക്കാൻ തീരുമാനിച്ചവൾ ആണ് ഞാൻ .... ആരും അല്ലാത്ത എന്റെ ഏട്ടന്റെ അനുജത്തിമാർക്കു വേണ്ടി ജീവിക്കാൻ തീരുമാനിച്ചവൾ ഞാൻ .... എന്നോട് മാനസികമായും ശാരീരികമായും താല്പര്യം പ്രകടിപ്പിച്ചവരെ ഞാൻ നല്ല രീതിയിൽ തന്നെ അതുകൊണ്ട് മടക്കി അയച്ചു .... പാറുവിന്റെ പഠിത്തം കഴിഞ്ഞപ്പോൾ തന്നെ വലിയ കുഴപ്പം ഇല്ലാത്ത ഒരു ബന്ധം ഞാനവൾക്കു കണ്ടുപിടിച്ചിരുന്നു .... അന്നേരം രണ്ടാമത്തവൾ മാളു വളർന്നു തുടങ്ങിയിരുന്നു ഒരു പെണ്ണായിട്ടു,.... അത്കൊണ്ട് എനിക്ക് രാത്രിയിൽ ഉള്ള വീട്ടു പണി അവളെ അവളെ ഏല്പിച്ചിട്ടു തയ്യൽ പണി നടത്താൻ പറ്റും, എങ്ങനെ കഷ്ടപ്പെട്ട് പാറുവിന്റെ കല്യാണം നടത്തിയോ അത് പോലെ തന്നെ മാളുവിനേം കല്യാണം കഴിപ്പിച്ചു ..... അമ്മുവിനോട് എനിക്ക് ഒരു മോളെ പോലെ ഉള്ള സ്നേഹം ആയിരുന്നു..... അല്ല എന്റെ മകളായി തന്നെ കണ്ടു ജീവിച്ചു .....അത്കൊണ്ട് തന്നെ ഞാനെന്റെ ഉറക്കം പിന്നെയും കുറച്ചു ജോലികൾ എല്ലാം ചെയ്തു.....അമ്മുവിനെ കൊണ്ട് ഒരു ജോലിയും ചെയ്യിക്കാതെ വളർത്തി..... പാറുവിന്റെയും മാളുവിന്റെയും കൂടി സഹായം ഉണ്ടായിരുന്നത് കൊണ്ട് അമ്മുവിന്റെ കല്യാണം നാട് അറിഞ്ഞു നടത്താൻ കഴിഞ്ഞു .....അത്യാവശ്യം സമ്പത്തു ഉള്ള കുടുംബത്തിൽ തന്നെ അവളെ എത്തിക്കാൻ കഴിഞ്ഞു ....അങ്ങനെ എന്റെ ഏട്ടന്റെ സ്വപ്‌നങ്ങൾ പൂർത്തീകരിക്കാൻ എനിക്ക് കഴിഞ്ഞു ..... ഇതിനടക്കു പാറുവിനും മാളുവിനും കുട്ടികളും ആയിരുന്നു.....പാറുവിനു രണ്ടും മാളുവിന്‌ ഒന്നും..... കുട്ടികളെ ഞാനൊരു അമ്മൂമ്മ നോക്കും പോലെ കൊഞ്ചിക്കും..... അമ്മുവിന്റെ കല്യാണം കഴിഞ്ഞതോടെ ശനിയാഴ്ച ജോലിക്ക് പോകാതെ ഞാൻ അവരുടെ മൂന്ന് പേരുടെയും വീട്ടിൽ വരും.... ഓരോ ആഴ്ച വീതം മാറി മാറി. ... അവർക്കും അത് വലിയ സന്തോഷം ആയിരുന്നു.....അവരുടെ ഉള്ളിലും 'അമ്മ' ഞാൻ തന്നെയാണല്ലോ ..... ഈ ആഴ്ച അമ്മുവിന്റെ വീട്ടിൽ ആണ് പോകുന്നത്, പാറുവിന്റെ വീട്ടിൽ പോകേണ്ടതാണ് പക്ഷെ അമ്മു ഗർഭിണി ആണ്. .... എന്റെ പൊന്നുമോൾ ഗർഭിണി ആയിരിക്കുന്നു അതിലും സന്തോഷം എനിക്ക് വേറെ ഉണ്ടാവുമോ ..... ഞാൻ ചെന്നു അമ്മുവിനെ കെട്ടിപിടിച്ചു സന്തോഷിച്ചു. ....അമ്മുവിന്റെ വീട്ടുകാർക്കും വലിയ സന്തോഷം ആയി..... എന്റെ കഷ്ടപ്പാട് ആണ് അവരുടെ ജീവിതം എന്നു എല്ലാവരെയും പോലെ അവർക്കും അറിയാമായിരുന്നു ..... രാത്രിയിൽ എനിക്ക് കിടക്കാൻ തന്ന മുറിയിൽ അമ്മുവിന്റെ ഭർത്താവ് വന്നപ്പോൾ പോലും എനിക്ക് സംശയം ഒന്നും തോന്നിയില്ല.... എന്റെ മകളുടെ ഭർത്താവു ,ഒരുപക്ഷെ വന്നു കയറിയ പുരുഷന്മാരിൽ ഞാൻ ഏറ്റവും സ്വാതന്ത്രം കൊടുത്തിട്ടുള്ളവൻ .... പക്ഷെ അവന്റെ പ്രവർത്തിയും വർത്തമാനവും എന്റെ സകല നിയന്ത്രണവും തകർത്തു കളഞ്ഞു..... മകനെ പോലെ അല്ല മകൻ തന്നെ എന്നെ കടന്നു പിടിച്ചിട്ടു പതുക്കെ പറയുന്നു .... ""കുറെ നാളായുള്ള മോഹം ആണ്, എനിക്ക് ഇതിനുള്ള ഭാഗ്യം അധികം ഉണ്ടായില്ലല്ലോ എന്നു ....ഇന്ന് നിന്റെ മുറിഞ്ഞു പോയ സുഖങ്ങൾ എല്ലാം ഞാൻ ഉണർത്താമെന്നു ....."" ഞാനൊരു പേടമാനെ പോലെ ഒതുങ്ങി നിൽക്കുമെന്ന് കരുതിയാ അവനു തെറ്റി....പക്ഷെ എന്റെ സത്യം എൻറെ അമ്മുക്കുട്ടി പോലും വിശ്വസിച്ചില്ലെന്നു ഓർക്കുമ്പോൾ മാത്രമാണ് എനിക്ക് ദുഃഖം ....കുഴപ്പമില്ല എന്റെ മക്കൾ എല്ലാം സുഖമായി ഇരിക്കുന്നുണ്ടല്ലോ എനിക്ക് അത് മതി ..... വെളിയിൽ വണ്ടിയുടെ ശബ്ദം കേട്ടാണ് ഞാനോർമയിൽ നിന്നും ഉണർന്നത് ....നോക്കിയപ്പോൾ പാറുവും ഭർത്താവും പിള്ളേരും കൂടി വന്നിരിക്കുന്നു ....ഒരുപക്ഷെ അവരോടും അമ്മുക്കുട്ടി പറഞ്ഞു കാണും കാര്യങ്ങൾ .....അവരുടെ വക ആവട്ടെ ബാക്കി ,ഞാൻ മനസ്സിലോർത്തു ..... വന്ന വഴിയിൽ തന്നെ പാറുക്കുട്ടി പറഞ്ഞു ""എന്റെ ഇച്ചേച്ചി ഇനി ആരുടേയും അടുത്തേക്ക് പോകണ്ട .. എനിക്ക് അറിയാം എന്റെ ഇച്ചേച്ചിയെ .....ഒരു പുരുഷന്റെ സുഖം മാത്രം നോക്കുന്നവൾ ആയിരുന്നെങ്കിൽ ഞങ്ങൾക്ക് ആർക്കും ഒരുപക്ഷെ ഈ ജീവിതം പോലും ഉണ്ടാവില്ലെന്ന് .. .എന്റെ ഇച്ചേച്ചി പരിശുദ്ധ ആണെന്ന് .....എന്റെ ഇച്ചേച്ചി ഈ പാറുവിന്റെ കൂടെ വാ ....ഇനി ഒരു ജോലിക്കും പോകണ്ട ഞങ്ങൾ നോക്കിക്കോളാം ....."" അവളുടെ പിള്ളേരും അമ്മൂമ്മ കൂടെ വാ പറഞ്ഞു വിളിച്ചു എങ്കിലും ഞാനവരെ സ്നേഹത്തോടെ തന്നെ കാര്യങ്ങൾ പറഞ്ഞു മനസ്സിലാക്കി .... ""മക്കളെ നിങ്ങൾക്കൊക്കെ ഈ വീട് കാണുമ്പോൾ ചെറുത് ആയിരിക്കും, പക്ഷെ എനിക്കീ വീട് എന്റെ ഏട്ടന്റെ ഹൃദയം ആണ്...... ഏട്ടന്റെ മണം ഇപ്പോളും എനിക്ക് അവിടെ അറിയാൻ കഴിയുന്നുണ്ട് ......എന്റെ പുണ്യപാതി ഇപ്പോളും എന്നോട് പറയാറുണ്ട് പിള്ളേരെ നന്നായി നോക്കണമെന്ന് ..... അതുകൊണ്ട് തന്നെ ഞാനീ വീട്ടിൽ മരണം വരെ ഉണ്ടാകും പകലു മുഴുവൻ പാറ പൊട്ടിക്കാൻ പോയിട്ട് രാത്രിയിൽ തുണി തുന്നി.... ഒരുപക്ഷെ നിങ്ങൾക്കൊന്നും എന്റെ ആവശ്യം ഉണ്ടാവില്ല എങ്കിലും നമ്മളെ പോലെ ചെറുപ്പത്തിൽ തന്നെ ആരും ഇല്ലാതെ ആയി പോകുന്ന ജന്മങ്ങൾക്കു വേണ്ടി ....."" ശുഭം അരുൺ നായർ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #📔 കഥ

പ്രണയം ഒരാളെ എങ്ങനെയെല്ലാം മാറ്റുന്നു?? നിങ്ങൾ ഇങ്ങനെ imagine ചെയ്യുക. പ്രണയം ഒരു പൂവമ്പാണെന്നും അത് അപ്രതീക്ഷിതമായി ഉള്ളിൽ വന്നു തറക്കപ്പെടുമ്പോൾ ലോകം അടിമുടി മാറുമെന്നും. ഇനി ഇങ്ങനെ ചിന്തിക്കുക. നിങ്ങൾക്ക് വളരെയടുത്തു അറിയുന്ന ഒരാളുണ്ട്. കുറച്ചു കാലങ്ങളായി അവരുമായി നിങ്ങൾ നല്ലൊരു സൗഹൃദം സൂക്ഷിക്കുന്നുമുണ്ട്. എപ്പോ എവടെ വെച്ചും കാണാനും എന്തും പറയാനും കേൾക്കാനും കെട്ടിപ്പിടിക്കാനും അടിക്കാനും കടിക്കാനും ഉമ്മവെക്കാനും ഒക്കെ പറ്റുന്ന വിധമുള്ള ഒരു സൗഹൃദം ആയി അത് വളർന്നു നിൽക്കേ പൊടുന്നനെ അവരിൽ ഒരാൾക്ക് പ്രണയത്തിന്റെ പൂവമ്പ് കൊണ്ടാൽ.. അതുവരെ യാതൊരു ജാള്യത കൂടാതെ മുഖത്ത് നോക്കി എന്തും പറഞ്ഞവർ കണ്ണിൽ നോക്കാൻ പറ്റാതെ വരുന്നു. ലോകത്തെ സകലമാന സൗന്ദര്യവും അയാളിൽ..പ്രത്യേകിച്ച് അയാളുടെ കണ്ണിൽ കണ്ടെത്താൻ കഴിയുന്നു.. എത്ര മാറി നിന്നാലും വീണ്ടും അയാളിലേക്ക് തന്നെ മനസ്സും ശരീരവും അറിയാതെ വന്നെത്തി ചേരുന്നു. കാണാൻ.. മിണ്ടാൻ.. കേൾക്കാൻ.. അറിയാൻ.. ഇതുവരെ ഇല്ലാത്ത മോഹം തോന്നുന്നു. കാണുമ്പോൾ കണ്ണുകൾ ഹൃദയത്തിലേക്കു കൊത്തിവലിക്കുന്ന പോലെ തോന്നുന്നു. സൗഹൃദത്തിലെ സ്വാതന്ത്ര്യം പെട്ടന്ന് ഇല്ലാതാകുന്നു. സ്പർശനം പോലും വേറെ വിധം ആകുന്നു. നമ്മുടെ നോട്ടങ്ങൾ പോലും മറ്റുള്ളവർ ശ്രെദ്ധിക്കുമോ എന്ന് അതുവരെ ഇല്ലാത്ത വിധം ഭയപ്പെടുന്നു. അവർ മറ്റുള്ളവരോട് തുറന്നു ഇടപെടുമ്പോൾ മനസ്സിൽ അസ്വസ്ഥത തോന്നിത്തുടങ്ങുന്നു. അവരുടെ priority ഞാൻ മാത്രം ആയിരിക്കണം എന്ന് ആഗ്രഹിക്കാൻ തുടങ്ങുന്നു. അതുവരെ ഇല്ലാത്ത possessiveness പതിയെ തലപ്പൊക്കുന്നു. ഞാനുള്ളപ്പോ മാറ്റാരെയും എന്നെക്കാൾ വലുതായി കാണരുതെന്നു ഉള്ളിൽ കലഹിക്കുന്നു. അവകാശങ്ങൾ അറിയാതെ പ്രകടിപ്പിക്കുന്നു.ദേഷ്യവും പിണക്കങ്ങളും പരിഭവങ്ങളും പരമ്പര പോലെ വരുന്നു. എന്നിരുന്നാലും ഉള്ളിൽ പിണങ്ങാൻ വയ്യാതെ എന്റെ ലോകം മുഴുവനും അവരെന്നു മനസ്സ് പറഞ്ഞു കൊണ്ടിരിക്കുന്നു. പൂവുകളിലും മാനത്തും എന്ന് വേണ്ട സകലമാന ഇടങ്ങളിലും അവരുടെ നോട്ടവും ചിരിയും ഓർമ്മപ്പെടുത്തലുകൾ ആവുന്നു. മനസ്സിൽ "എന്ത് സുഖമാണീ കാറ്റ് " എന്നൊക്കെ പാടിപോകുന്നു. പ്രണയ ഗാനങ്ങളും സിനിമകളും എന്തിനു ലോകം മുഴുവനും നിലനിൽക്കുന്നത് സ്നേഹത്തിൽ ആണെന്ന് തിരിച്ചറിയുന്നു. നിങ്ങൾ സ്വയം സ്നേഹിക്കുകയും . ലോകത്തിലെ എല്ലാവരെയും സ്നേഹിക്കുകയും ചെയ്യുന്നു. ഒരൊറ്റ പ്രണയപൂവമ്പു.. അത് ഉള്ളിൽ കൊണ്ടാൽ.. നിങ്ങൾക്ക് അറിയാനാകും.. നിങ്ങൾ പുതിയൊരു ആളായി മാറിയെന്ന്. പറയു... ജീവിതത്തിൽ നിങ്ങൾക്ക് ആ അമ്പ് ഉള്ളിൽ കൊണ്ടത് എപ്പോഴായിരുന്നു??? #malayalam #funnyreels #fun #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗