🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: సమకూర్చుకొనుటలోని రహస్యములు Wednesday, May 13 *''మీరు శోధనలో ప్రవేశించకుండునట్లు మెలకువగా నుండి ప్రార్థన చేయుడి'' (మత్తయి 26:41).* 2వ సమూయేలు 11లో నున్న దావీదు యొక్క మూడవ నష్టమందు విశ్వాసులకు, అవిశ్వాసులకు ఒక వర్తమానమున్నది. మొదటిగా మానవ హృదయముయొక్క దుష్టత్వము, మోసమును మనము చూచుచున్నాము. మన మెవరమైను సరే, బాహ్యముగా ఎంతో మంచిగా, చిక్కనిరవారిగా మనము కనిపించినప్పటికి అంతరంగములో సమానముగా చెడిపోయినవారము, మురికి, రోత, మలినముతో నిండినవారముగా నున్నాము. మన జీవితములో సత్యమనునది లేదు. మన నిజస్థితి నెరుగుటకు మనకు ఇష్టము లేదు. దాని విషయమై మనతో చెప్పినప్పుడు మనము బాధపడుచున్నాము. మన అహమునకు దెబ్బతగులుచున్నది; అందువలననే దేవుని వాక్యమును చదువుచున్నప్పుడు అనేకులు అభ్యంతరపడి కోపగించుకొనుచున్నారు. ఇప్పుడు 2వ సమూయేలు 11లోని దావీదు కథను చూచెదము. బాల్యము నుండే దావీదు దేవుని యెడల భయభక్తులు కలిగనవాడు. జ్ఞాని, యథార్థపరుడు, మంచివాడు, దేవునిచేత ఏర్పరచుకొనబడినవాడు కూడా. ఈలాగు అనేక సంవత్సరములు మంచి జీవితమును జీవించెను. అయితే తనకు తెలియకుండగనే తన అంతరంగములో ఎక్కడో ఆ చెడు స్వభావము దాగియున్నది. దేవుడు దానిని మార్చితేనే గాని దావీదు విస్తారముగా వాడబడుటకు వీలులేదు. 2వ సమూయేలు 11వ అధ్యాయములోని ఈ సందర్భము - దావీదు దేవుడు తనను ఏ విధముగా చూచుచున్నాడో ఆ విధముగా తన్ను తాను చూచుకొనుటకే సంభవించెను. దావీదు యుద్ధవీరుడు, పరాక్రమశాలి, యుద్ధమునకు వెళ్లవలసి యుండా దానికి బదులు యెరూషలేములో ఇంటివద్దనే కూర్చుండియున్నాడు. ఇదేదో చిన్న తప్పిదముగానే కనిపించినప్పటికి దేవుని దృష్టిలో ఇదెంతో గొప్ప తప్పిదమే. 2వ వచనములో పరాక్రమశాలియైన దావీదు ప్రొద్దుగ్రుంకువేళ వరకు నిద్రించుటను చూచుచున్నాము. ఇదేరీతిగా అనేకులు తాము మేల్కొని యుండవలసిన సమయమందు నిద్రించుచుందురు. సాతాను బహు దుష్టుడు, యుక్తిగల శత్రువని జ్ఞాపకముంచుకొనుము. మోసములోపడి వీరుడైన దావీదు కూడా సోమరివాడయ్యెను. దానిని ఆధారముగా తీసికొని దావీదును పడగొట్టుటకు సాతాను ప్రయత్నించెను. తీరుబడిగా రాజనగరు మిద్దెమీద నడచుచున్న దావీదుకు శోధన ఎదురయ్యెను. దానిని జయించలేక దావీదు పాపము చేసెను. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Wednesday, May 13 🌷🌷🌷 *''ఏలాగనగా యూదులమైనను, గ్రీసు దేశస్తులమైనను, దాసులమైనను, స్వతంత్రులమైనను, మనమందరము ఒక్క శరీరములోనికి, ఒక ఆత్మయందే బాప్తిస్మము పొందితిమి. మనమందరము ఒక్క ఆత్మను పానము చేసిన వారమైతిమి'' (1 కొరింథీ 12:13).* అపొ.కా. 8:14-17లలో పేతురు, యోహానులు ఏ విధముగా సమరయవారిపై చేతులుంచిరో చదువుచున్నాము. ''సమరయవారు దేవుని వాక్యము అంగీకరించిరని యెరూషలేములోని అపొస్తలులు విని, పేతురును యోమానును వారి యొద్దకు పంపిరి. వీరు వచ్చి వారు పరిశుద్ధాత్మను పొందవలెనని వారి కొరకు ప్రార్థన చేసిరి. అంతకు ముందు వారిలో ఎవని మీదను ఆయన దిగియుండలేదు. వారు ప్రభువైన యేసు నామమున బాప్తిస్మము మాత్రము పొందియుండిరి. అప్పుడు పేతురును యోహానును వారి మీద చేతులుంచగా వారు పరిశుద్ధాత్మను పొందిరి''. సామాన్యముగా సమరయులు నమ్మినప్పుడు పరిశుద్ధాత్మను పొందియుండవలసినది. ఈ ప్రత్యేకమైన సందర్భములో, ఒక ఉద్దేశముతోనే ప్రభువు పరిశుద్ధాత్మను అనుమతించలేదు. వారి మీద చేతులుంచిన తరువాతనే వారు పరిశుద్ధాత్మను పొందిరి. యోహాను 4:9లో యూదులు సమరయులతో సాంగత్యము చేయరని చదువుచున్నాము. ఇప్పుడు అదే సమరయులు ప్రభువైన యేసునందు విశ్వాసముంచిరి. ప్రభువు, వారు నూతన జన్మ అనుభవము పొందిన వెంటనే పరిశుద్ధాత్మను ఇచ్చిన యెడల యూదులు తాము పెంతెకొస్తునాడు పొందిన ఆత్మ ఈ సమరయులు పొందిన ఆత్మకంటె శ్రేష్టమైనదని చెప్పెడివారే. అందువలన దేవుడు పేతురు, యోహానులను సమరయకు పంపి పెంతెకొస్తునాడు యూదులు ఏ వరమునైతే పొందిరో అదే సమరయులకు కూడా ఇవ్వబడుటను చూచిరి. అప్పుడు పేతురు, యోహానులు వారందరు సమానులని, సహోదరులని తెలుపుటకు వారిపైన చేతులనుంచిరి. అంతకు ముందు వారు భేదభావము కలిగియుండిరి. ఆత్మీయ సమానత్వము, ఏకత్వము తెలియజేయుటకే వారిపైన తమ చేతులు నుంచిరి. మనమందరము ఒకటే అను సత్యము తెలియజేయుటకే హస్త నిక్షేపణ అను సాక్ష్యమును కలిగియున్నాము. ధనవంతులని, పేదలని, ఉన్నతులని, దీనులని, చదువుకొనినవారని, చదువులేనివారని ఇటువంటి బేధములేమి లేవని వెల్లడి చేయుదుము. మనమందరము ఒకటే. ''యూదుడని, గ్రీసు దేశస్థుడని లేదు. దాసుడని స్వతంత్రుడని లేదు. పురుషుడని, స్త్రీ అని లేదు. యేసుక్రీస్తునందు మీరందరును ఏకముగా ఉన్నారు'' (గలతీ 3:28). మనము ఎటువంటి కుటుంబము నుండియైనను రావచ్చును, ఏ దేశమైనను కావచ్చును, ఎట్టి జీవిత విధానమైనను కావచ్చును గాని మనము తిరిగి జన్మించిన తరువాత దేవునికి మనమందరము ప్రశస్తమైనవారమే, అందరు అవసరమైనవారమే, అందరము ముఖ్యమైన వారమే. హస్తనిక్షేపణ ద్వారా మనమీ సత్యమును వెల్లడిచేయుదుము. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: సమకూర్చుకొనుటలోని రహస్యములు Tuesday, May 12 *''దేనిని గూర్చి చింతపడకుడి గాని ప్రతి విషయములోను ప్రార్థన విజ్ఞాపనములచేత, కృతజ్ఞతా పూర్వకముగా మీ విన్నపములు దేవునికి తెలియజేయుడి'' (ఫిలిప్పీ 4:6).* వివాహవిషయములలో మనము దేవుని చిత్తమును కనుగొనవలెను. యౌవనస్థులు ఒకరినొకరు ఇష్టపడి ఆ సమయమున దేవుడే వారిని జీవిత పాలి భాగస్థులుగా జతపరచుచున్నాడని తలంచుదురే గాని దేవుని చిత్తమును మాత్రము అడిగి తెలసికొనరు. దేవుని చిత్తమును ఎరుగుటకును ప్రార్థన సహాయము చేయగలవారితో కలిసి ప్రార్థించుటకు నిరాకరించుదరు. అందువలననే ఈనాడు అనేక అసంతోషకరమైన గృహములను మనము చూచెదము. అనేక ఉన్నత తలంపులతో వివాహ జీవితము నారంభించుదురు. కాని కొద్ది కాలమునకే వారు కలిసి జీవించుట కష్టమగును. కుటుంబములో ఎడతెగని కలహములు, వారి స్వంత హృదయములలో సంతోషము లేకపోవుటను వారు గమనించుదరు. అందువలననే వివాహమునకు మునుపే అది దేవుని చిత్తమో కాదో నిశ్చయముగా చేసికొనవలెను. మన సేవ, పరిచర్యల విషయమై గూడ దేవుని ఏర్పాటును తెలిసికొనవలెను. ఈ పాఠమును అనేక సంవత్సరములకు మునుపే దేవుడు మాకు నేర్పించియున్నాడు. పరిచర్య విషయములో దేవుని ఏర్పాటును తెలిసికొనుచున్నందువలననే డబ్బు విషయమై ఇతరులను అడుగనవసరము లేదు. కొన్ని సమయములలో అక్కర ఎంతో గొప్పదిగా నుండినను మేము కలిసి ప్రార్థించగా అది దేవుని పనియైయున్నందునను, ఆయన ప్రతి అక్కరను తీర్చుచున్నాడు. ఏ బిల్లును చెల్లించుటకైనను, ఒక్క దినమైనా మేము ఆలస్యము చేయు అవసరము లేకపోయెను. దేవుని సేవలో మనము వహించు బాధ్యత ఏదియైనప్పటికిని ఆయన ఏర్పాటును, ఆయన సముఖమును మనము వెదుకవలెను. మనము నూతన యుగములో, వైరైన కాలములో జీవించుచున్నామను సాకులను చెప్పి దేవుని వాక్యమును మార్చుటకు ప్రయత్నించకూడదు. దేవుని వాక్యమెన్నడును మారదు. కనుక నీ ప్రతి నష్టమును సమకూర్చునట్లు ప్రభువునకు ప్రార్థించుము. మీ వివాహ జీవితములో చేసిన తప్పిదము విషయమై మీరిద్దరు పశ్చాత్తాపపడి ప్రభువును క్షమాపణ కోరినచో ఆయన నిశ్చయముగా మిమ్మును క్షమించును. పోగొట్టుకొనిన ప్రతి దానిని తిరిగి పొందుట మాత్రమే గాక మీ జీవితములు ఇతరులకు ఆశీర్వాదకరముగానుండును. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Tuesday, May 12 🌷🌷🌷 *''నేను భూమిమీద నుండి పైకెత్తబడిన యెడల అందరిని నా యొద్దకు ఆకర్షించుకొందునని చెప్పెను'' (యోహాను 12:32).* తన సిలువ మరణమును గూర్చి ప్రభువు ప్రవచించిన విధము ఎన్నదగినది, మానవాతీతమైన సూచనల ద్వారా, అద్భుతముల ద్వారా ప్రజలు ప్రభువు వైపునకు తేలికగా రాబట్టబడగలరని చాలామంది అనుకొందురు. కొందరు తెలివిగా, ఒప్పించు వాగ్వాదములతో రాబట్టవచ్చును అనుకొందురు. సిలువ శక్తిద్వారా మాత్రమే తప్ప మానవ పద్ధతుల ద్వారా ప్రజలను ప్రభువు యొద్దకు ఆకర్షించలేమని దేవుని వాక్యము స్పష్టముగా చెప్పుచున్నది. మన ఆత్మీయ జీవితమునకు ''స్వయము'' అనునది ప్రాముఖ్యమైన ఆటంకము. సిలువ కార్యము ద్వారా మాత్రమే మనము 'స్వయము' నుండి విడుదల నొందగలము. గలతీ 6:12లో పౌలు ఈ విధముగా చెప్పుచున్నాడు, ''మన ప్రభువైన యేసుక్రీస్తు సిలువయందు తప్ప మరి దేనియందును అతిశయించుట నాకు దూరమవును గాక; దానివలన నాకు లోకమును, లోకమునకు నేనును సిలువవేయబడి యున్నాము''. ఈ లోకము మనలను చాలా ఆకర్షించును, దానిచేత మనము మోసగించబడుదుము. లోక సంబంధమైన సుఖ భోగములయందు మనకు మక్కువ లేకపోవచ్చును గాని మన అనుదిన కార్యకలాపములలో లోక సంబంధమైన మనస్సుతో వ్యవహరించుదుము, మన కార్యక్రమములలో లోకజ్ఞానము చేత ప్రభావితులమవుదుము. దానికి ఫలితముగా దేవుని పనికి చాలా నష్టమును తెచ్చువారముగా నుందుము. మన జీవితములో సిలువ కార్యము జరుగుట ద్వారానే మనము సాతాను యొక్క మోసమునుండి తప్పించబడగలము. మనలో ప్రజలు సిలువ కార్యమును చూచిన యెడల వారు ప్రభువు వైపునకు ఆకర్షించబడుదురు. చాలా సంవత్సరముల క్రిందట ఒక మహమ్మదీయ పెద్దమనిషి నా దగ్గరకు వచ్చెను. అతడు క్రైస్తవుడుగా కావలెననుకొనెను. నేను, నీకు ఈ కోరిక ఎట్లు కలిగినది అని అడిగితిని. అతడు నాతో ఈ విధముగా చెప్పెను. ఒకసారి అతడు తన స్నేహితుని కలిసికొనుటకు వెళ్ళెను. ఆ సమయమున ఒక పనివాడు ఇంటి బయట ఊడ్చుచుండెను. అతడు క్రైస్తవుడు. అతడు తన బుట్టను బయట పెట్టెను. ఒక హైందవుడు అటు వైపుగా వెళ్లుచుండగా పొరబాటున అతని వస్త్రము ఈ బుట్టకు తగిలింది. అతనికి చాలా కోపము వచ్చి తన కాలి చెప్పు తీసి ఆ పనివానిని కొట్టుచు, నా వస్త్రమును అపవిత్రపరచుటకు నీకెంత ధైర్యము అని కోపపడసాగెను. ఆ పనివాడు మౌనముగా ఆ దెబ్బలు తినెను, గాని ఒక మాటయైనను అనలేదు. ఈ మహమ్మదీయుడు అంతయు గమనించుచుండెను. ఆ పని వాని యొద్దకు వెళ్లి, ''ఇది నీ తప్పు కాదు గదా! నీవు నీ పనిని చేయుచున్నావు. నిన్ను కొట్టుటకు అతనికి ఏ మాత్రము అధికారము లేదు'' అనగా అతడు ఈ విధముగా చెప్పెను, ''నేనొక క్రైస్తవుడను. నా యేసుప్రభువు నా కొరకు దీనికంటె ఎంతో శ్రమను అనుభవించెను. వారు ఆయన ముఖము మీద ఉమ్మివేసిరి, కొట్టిరి. సిలువకు మేకులతో కొట్టిరి. కాని ఆయన ప్రతీకారము చేయలేదు''. ఈ జవాబు ఆ మహహ్మదీయుని హృదయమును తాకినది. అందువలననే అతడు క్రైస్తవుడుగా కావలెననుకొనెను. ఆ విధముగా అతడు ఏ వాదోపవాదముల ద్వారా ఒప్పించబడలేదు గాని ఏ పనివానిలోయైతే సిలువ కార్యము జరిగినదో ఆ వ్యక్తి జీవితము ద్వారా ఆకర్షించబడెను. మనలో సిలువ కార్యము జరిగిన యెడల శరీర స్వభావము నుండి, శరీర కార్యముల నుండి పూర్తిగా విడుదల నొందెదము, అంతే గాక దేవుని శక్తి మన ద్వారా వెల్లడియగును. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com