#🖋 എൻ്റെ കവിതകൾ🧾
ഇലയായി വിരിഞ്ഞാലും,
തണലായി വിടർന്നാലും,
പൂവായി സുഗന്ധം പടർന്നാലും...
പരാതികളില്ലാതെ
പിരിഞ്ഞുപോകാൻ
പഠിക്കണം.
കാരണം—
ഒരു പൂ കൊഴിയുമ്പോൾ
അതിന്റെ നഷ്ടത്തിൽ
കാലം നിശ്ചലമാകുന്നില്ല...
അടുത്തൊരു പൂവിനായി
കാലം കാത്തുനിൽക്കുകയാണ്.
ഇന്നലെ
നമ്മുടേതായിരുന്നിടത്ത്
നാളെ
മറ്റൊരാളായിരിക്കാം...
അതുകൊണ്ട്
നമ്മൾ പടർന്നുനിന്ന
വഴികളിൽ
നമ്മുടെ നിഴൽ മാത്രം
ബാക്കിവെച്ച്,
പരാതികളൊന്നുമില്ലാതെ
പുഞ്ചിരിയോടെ
പിരിഞ്ഞുപോകാം...
ഒരു പൂ കൊഴിച്ചിട്ട്
അടുത്ത പൂവിനായി
കാത്തുനിൽക്കുകയാണ് കാലമെന്ന്
നാം അറിയാതെ
പോകരുത്...
Nasar Chettuva
