yeh achanak se baat band ho jaana
sab ke saath hota hai kya?
ya mere saath hi ajeeb-o-gareeb cheez hoti hai
tum poori tarah kabhi aaye bhi nahi,
phir poori tarah gaye bhi nahi
shayad meri kismat ko hi poori kahaani achi nahi lagti
tumse pyaar to maine kabhi maanga nahi tha
maanga tha kya?
nahin... jaisa chal raha tha mere liye wahi kaafi tha
hum dosti the sahi
aur main batata bhi nahi agar tumse pyaar ho bhi jaata mujhe
kyunki tumhara saath hona hi mere liye sab kuch tha
main aise jud gaya tha tumse
par tumne kahin tak pahunchne kahan diya humein
achanak khud ko aise hata liya jaise jaanti bhi na ho mujhe
kyun khatam hue rishte jo rishte jaise bhi the humare
do baat kar lete the, thodi dosti baant lete the
isse zyada to kuch sach mein socha bhi nahi tha maine
aakhiri baat bhi humari haste hue khatam hui thi
to uske baad tumne jawab dena kyu chhod diya
main poora ghul gaya tha tum mein, tumhari aadat mein dhal chuka tha
abhi to neend achi aana shuru hui thi
usse pehle hi tumne khwab tod diya
nahi karni baat theek hai mat karo
par bata to do maine kiya kya tha
achanak kaun jaata hai yaar itni dosti luta ke
main sochta reh jaunga aisa kyun hua tha
mahine guzar gaye hai tumhari aawaz sune
ab saal bhi nikal jayega tumhare liye kya naya hoga
kyu aakar chali gayi, to main pehle hi bahut akela tha
aur tumhe paakar laga tha mujhe
ki yaar mujhe bhi dost mil gaya
#😔 Sad Status 📱 #💔 હાર્ટબ્રેક સ્ટેટ્સ 📱