#😍मजेदार पोस्ट👌 ॥आग्रहाचे निमंत्रण॥ सस्नेह जय महाराष्ट्र...! स्वयंभु श्री दुबळेश्वर महादेव मंदिर देवस्थान, मालगुंड, रत्नागिरी तर्फे जिल्हा परिषदेच्या शाळेतील १२०० विद्यार्थ्यांना शालेय साहित्याचे वाटप.... मंदिर ही केवळ पूजेची जागा नसते, तर सेवेची, प्रेमाची आणि समाजउभारणीची पवित्र भूमी असते. या भावनेतून श्री दुबळेश्वर महादेव यांच्या आशीर्वादाने आम्ही एक छोटासा, पण हृदयस्पर्शी उपक्रम हाती घेतला आहे. स्वयंभु श्री दुबळेश्वर महादेव मंदिर देवस्थान, मालगुंड, रत्नागिरी तर्फे जिल्हा परिषदेच्या १३ शाळेतील १२०० बालमित्रांना, विद्यार्थ्यांना सोमवार, दिनांक १५ जून २०२६, सकाळी ११.०० वाजता शालेय साहित्याचे वाटप करण्यात येणार आहे. हे केवळ विद्यार्थ्यांना वह्या-बॅगेची वाटप नाही, तर त्यांचे भविष्य घडवण्याचा छोटासा प्रयत्न आहे. प्रत्येक वहीत स्वप्नांची पाने, प्रत्येक बॅगेत आत्मविश्वासाचा भार, प्रत्येक छत्रीत संरक्षणाची भावना आणि प्रत्येक चॉकलेटमध्ये जीवनाबद्दलची गोड आशा लपलेली आहे. या उपक्रमातून आम्हाला पटवून द्यायचे आहे की, शिक्षण हा कोणत्याही बालकाचा हक्क आहे आणि तो हक्क पूर्ण करण्यासाठी समाजाने, मंदिराने आणि प्रत्येक जागृत नागरिकाने पुढे येणे गरजेचे आहे. जेव्हा एखाद्या गरजू विद्यार्थ्याच्या चेहऱ्यावर हास्य फुलते, तेव्हांच भगवान दुबळेश्वर महादेवांचे सर्वात मोठे पूजन झाले असे समजावे. आर्थिक परिस्थितीमुळे अनेक विद्यार्थ्यांना शिक्षणासाठी आवश्यक साहित्य मिळणे कठीण होते. अशा विद्यार्थ्यांच्या शैक्षणिक प्रवासाला बळ देण्यासाठी आणि त्यांच्या चेहऱ्यावर आनंदाचे हास्य फुलवण्यासाठी देवस्थानाच्या वतीने दप्तर, स्कूल बॅग, छत्री, वॉटर बॅग, पेन्सिल बॉक्स, खाऊ तसेच इतर आवश्यक शैक्षणिक साहित्याचे वाटप करण्यात येणार आहे. वेळ आणि ठिकाण: सोमवार, दिनांक १५ जून २०२६ सकाळी ११.०० वाजता मालगुंड तळेपाठ नंबर १ शाळेपासून सुरुवात करून सर्व शाळांमध्ये वाटप करण्यात येईल. या कार्यक्रमात आपली उपस्थिती आमच्यासाठी मोठा सन्मान आणि विद्यार्थ्यांसाठी प्रेरणादायी ठरेल. आपल्या प्रेमळ उपस्थितीची आणि आशीर्वादाची अपेक्षा ठेवतो.. “विद्यार्थी हसले की, देव हसतो.” आपणही या हास्यात सामील व्हा. आपले नम्र स्वयंभु श्री दुबळेश्वर महादेव मंदिर देवस्थान मालगुंड, रत्नागिरी