#😍ହୃଦୟସ୍ପର୍ଶୀ ଶାୟରୀ ଭିଡିଓ📹 ଜୀବନ ଯୁଦ୍ଧରେ ମୁଁ ଯେ ଯାଇଛି ହାରି
ସଂସାର ପାଇଁକି ତେଣୁ ଅଦରକାରୀ
ବଞ୍ଚିଛି କି ମରିଛି ମୁଁ ପାରୁନି ଜାଣି
ଆଖି ପାଣି ଆଖିରେ ମୋ ମରିଗଲାଣି
ଜୀଅନ୍ତା ଶବଟେ ପରି ପଡି ରହିଛି
ଯିଏ ଯାହା ବି କହୁଛି ସବୁ ସହୁଛି
କର୍ମ କଷଣ ସହୁଛି ନୀରବ ରହି
କ୍ଷତାକ୍ତ ପରାସ୍ତ ବୋଲି ଯାଉଛି ସହି
ଗଞ୍ଜଣା ପାଉଣା ବୋଲି ଭାବି ନେଇଛି
ଜଞ୍ଜାଳ ଜାଲରେ ଛଟପଟ ହେଉଛି
ପ୍ରତି କ୍ଷଣରେ ବଞ୍ଚୁଛି ପୁଣି ମରୁଛି
ପ୍ରତି ମୁହୂର୍ତ୍ତରେ ନର୍କ ଦ୍ଵାର ଦେଖୁଛି
ମୋ ଅତୀତ ମୋତେ ପରିହାସ କରୁଛି
ବର୍ତ୍ତମାନ ମୋତେ ଉଲୁଗୁଣା ଦେଉଛି
ଭବିଷ୍ୟତ ଝିଙ୍ଗାସିବ ପାରୁଛି ଜାଣି
ଅସହାୟ ନିରୁପାୟ ରହିଛି ତୁନି
ଯାହା ଘଟିଲା ଘଟୁଛି ଯାହା ଘଟିବ
କରୁଛି କରାଉଅଛି ପରା ଦଇବ ।
