Follow
celebrity worldsss
@71680691
11,590
Posts
14,031
Followers
celebrity worldsss
473 views
3 hours ago
##💯ഇൻസ്റ്റാഗ്രാം വീഡിയോസ് # 📽️ റീൽസ് വീഡിയോസ് # 📹 സ്റ്റോറീസ് വീഡിയോസ് # 🙋🏻‍♀️ എന്റെ വീഡിയോകൾ #പഞ്ചാബി കുടുംബത്തിൽ ജനിച്ച് ചെന്നൈയിൽ വളർന്ന "മഞ്ചരി ധോടി"എന്ന പെൺകുട്ടി ഒരു ഷോപ്പിംഗ് മാളിൽ വെച്ചാണ് പ്രശസ്ത സംവിധായകൻ ദാസരി നാരായണ റാവുവിന്റെ കണ്ണിൽപ്പെടുന്നത്..... 😍 തെന്നിന്ത്യൻ സിനിമയിൽ, പ്രത്യേകിച്ച് 1980-കളിലെ മലയാള ചലച്ചിത്ര വേദിയിൽ തന്റേതായ ഒരിടം അടയാളപ്പെടുത്തിയ നടിയാണ് "സ്വപ്ന"..... ❤️ ഒരു ഉത്തരേന്ത്യൻ പശ്ചാത്തലത്തിൽ നിന്ന് വന്ന് മലയാളികളുടെ പ്രിയങ്കരിയായി മാറിയ അവരുടെ സിനിമായാത്രയും അതിനുശേഷമുള്ള ജീവിതവും കൗതുകങ്ങൾ നിറഞ്ഞതാണ്. ദാസരി നാരായണ റാവുവുമായുള്ള ആകസ്മിക കൂടിക്കാഴ്ചയായിരുന്നു അവളുടെ ജീവിതം മാറ്റിമറിച്ചത്. തന്റെ ആദ്യ സിനിമയായ 'സ്വപ്ന'യിലെ കഥാപാത്രത്തിന്റെ പേര് തന്നെ അദ്ദേഹം ആ നായികയ്ക്ക് നൽകി.❤️ പിന്നീട് തെന്നിന്ത്യൻ സിനിമ ലോകത്തിൽ അവർ ആ പേരിൽ പേരിൽ അറിയപ്പെട്ടു... മെഗാസ്റ്റാർ മമ്മൂട്ടിയുടെ കരിയറിലെ ഏറ്റവും പ്രധാനപ്പെട്ട ആദ്യകാല ചിത്രങ്ങളിലൊന്നായ ‘തൃഷ്ണ’യിലെ നായിക സ്വപ്നയായിരുന്നു. അന്നത്തെ മുൻനിര സംവിധായകൻ ഐ.വി. ശശിയുടെ ഹിറ്റ് ചിത്രങ്ങളായ അഹിംസ, ഉയരങ്ങളിൽ, അങ്ങാടിക്കപ്പുറത്ത് എന്നിവയിലെല്ലാം ശ്രദ്ധേയമായ വേഷങ്ങൾ അവർ കൈകാര്യം ചെയ്തു.... 😍 'ഒരു തിര പിന്നെയും തിര' എന്ന ചിത്രത്തിൽ ഒരേസമയം പ്രേംനസീറിന്റെയും മമ്മൂട്ടിയുടെയും നായികയായി അവർ അഭിനയിച്ചു... അതിലും വലിയ കൗതുകം, ഒരേ വർഷം തന്നെ അച്ഛനായ പ്രേംനസീറിന്റെയും മകനായ ഷാനവാസിന്റെയും നായികയാകാൻ കഴിഞ്ഞു എന്നതുമാണ്.... 😍 കരിയറിലെ മറ്റൊരു വലിയ സവിശേഷത, അവർ അഭിനയിച്ച എട്ടോളം സിനിമകളിൽ കഥാപാത്രത്തിന്റെ പേരും 'സ്വപ്ന' എന്ന് തന്നെയായിരുന്നു.. കരിയറിന്റെ ഏറ്റവും തിളങ്ങിനിന്ന സമയത്താണ് ബോളിവുഡിൽ ഒരു കൈ നോക്കാൻ അവർ മലയാളം വിടുന്നത്. എന്നാൽ ഉത്തരേന്ത്യൻ സിനിമാലോകത്ത് വിചാരിച്ചത്ര ചലനമുണ്ടാക്കാൻ അവർക്ക് സാധിച്ചില്ല..... 🙏 1990-ൽ റിലീസ് ചെയ്ത 'കടത്തനാടൻ അമ്പാടി'യായിരുന്നു സ്വപ്നയുടെ അവസാന മലയാള ചിത്രം. തുടർന്ന് 1993-ൽ വിവാഹിതയായതോടെ അവർ വെള്ളിത്തിരയോട് പൂർണ്ണമായി വിടപറഞ്ഞു. ഭർത്താവ് രാമൻ ഖന്നയ്ക്കൊപ്പം മുംബൈയിൽ ബിസിനസ് രംഗത്ത് തിരക്കിലാണ് താരം. വിദേശങ്ങളിൽ ഇന്ത്യൻ ക്ലാസിക്കൽ നൃത്ത പരിപാടികൾ സംഘടിപ്പിക്കുന്ന 'സംഗിണി എന്റർടൈൻമെന്റ്' എന്ന ഇവന്റ് മാനേജ്‌മെന്റ് കമ്പനിയും, മുംബൈയിലെ കർജാത്തിൽ 'ദ് ബ്രുക്ക് അറ്റ് ഖന്നാസ്' എന്ന പേരിൽ ഒരു പ്രശസ്തമായ റിസോർട്ടും ഈ ദമ്പതികൾ വിജയകരമായി നടത്തിവരുന്നു..... 🔥 സിനിമയിലെ വർണ്ണക്കാഴ്ചകളിൽ നിന്നും മാറി ബിസിനസ് ലോകത്ത് സ്വന്തമായി ഒരു സാമ്രാജ്യം കെട്ടിപ്പടുത്ത ഈ പഴയകാല നായിക ഇന്നും സിനിമാപ്രേമികളുടെ ഓർമ്മകളിൽ ആ പഴയ 'സ്വപ്ന'യായിത്തന്നെ തിളങ്ങിനിൽക്കുന്നു.
celebrity worldsss
484 views
3 hours ago
ഒരു നടൻ എന്നതിനപ്പുറം ക്യാൻവാസിൽ നിറങ്ങൾ കൊണ്ട് വിസ്മയം തീർക്കുന്ന മികച്ചൊരു ചിത്രകാരൻ കൂടിയാണ് "മഹേഷ്" എന്ന കാര്യം പലർക്കും അറിയാത്ത ഒന്നാണ്. ലാൽ ജോസ്,ലോഹിതദാസ്, സത്യൻ അന്തിക്കാട്, ഈ മൂന്ന് സംവിധായകരുടെ 'ഗോൾഡൻ പിരീഡ്' സിനിമകൾ എടുത്തു പരിശോധിച്ചാൽ നമുക്ക് അതിലൊരു സ്ഥിരം സാന്നിധ്യത്തെ കാണാം....😍 നടൻ "മഹേഷ്"... ❤️ മലയാള സിനിമയിലെ വലിയ കോലാഹലങ്ങൾക്കിടയിൽ അധികമാരും ചർച്ച ചെയ്യാതെ പോയ, എന്നാൽ പല സൂപ്പർഹിറ്റ് സിനിമകളുടെയും വിജയത്തിന് പിന്നിലെ ഒരു ഭാഗ്യഘടകം തന്നെയായിരുന്നു ഇദ്ദേഹം. വാണിജ്യ സിനിമകളുടെ യാതൊരുവിധ ജാഡകളുമില്ലാതെ, വളരെ റിയലിസ്റ്റിക് ആയ അഭിനയശൈലിയാണ് മഹേഷിന്റെ പ്രത്യേകത. നമ്മൾ കണ്ടിട്ടുള്ള അദ്ദേഹത്തിന്റെ മിക്ക വേഷങ്ങളും ഒരു പാവത്താന്റെ പരിവേഷമുള്ളവയായിരുന്നു... കുടുംബ പശ്ചാത്തലമുള്ള സിനിമകളിലെ കുത്തിത്തിരിപ്പുകളിൽ നിന്നൊക്കെ മാറി നിൽക്കുന്ന, എന്നാൽ കഥാഗതിയെ മാറ്റിമറിക്കുന്ന നിർണായക ഘട്ടങ്ങളിൽ നായകന് തുണയായി എത്തുന്ന വിശ്വസ്തനായ സുഹൃത്തോ അല്ലെങ്കിൽ അളിയനോ ഒക്കെയായിട്ടാണ് മഹേഷ് വെള്ളിത്തിരയിൽ കൂടുതലും പ്രത്യക്ഷപ്പെട്ടിട്ടുള്ളത്. ലാൽ ജോസ് ചിത്രം 'മീശമാധവൻ' എന്ന സിനിമയിൽ, ക്ലൈമാക്സിനോട് അടുക്കുന്ന നിർണായക സമയത്ത് ദിലീപിന്റെ കഥാപാത്രത്തെ സഹായിക്കാനെത്തുന്ന അളിയൻ വേഷം ഇതിനൊരു മികച്ച ഉദാഹരണമാണ്.😍 'കസ്തൂരിമാനിൽ' മീരജാസ്മിന് പല ഘട്ടങ്ങളിലും താങ്ങായി നിന്ന ആ അയൽവാസി അതും മഹേഷിന്റെ കാരക്റ്റർ ആയിരുന്നു....😍 അങ്ങനെ ഓർത്തെടുക്കാൻ ചെറിയതും വലിയതുമായ കഥാപാത്രങ്ങൾ ഏറെയുണ്ട്... ലോഹിതദാസിന്റെ 'ജോക്കർ', 'അരയന്നങ്ങളുടെ വീട്', സത്യൻ അന്തിക്കാടിന്റെ 'വീണ്ടും ചില വീട്ടുകാര്യങ്ങൾ', 'നരേന്ദ്രൻ മകൻ ജയകാന്തൻ വക', 'മനസ്സിനക്കരെ', 'അച്ചുവിന്റെ അമ്മ', ഒപ്പം 'കസ്തൂരിമാൻ', 'പട്ടാളം', 'ചാന്ത്‌പൊട്ട്' തുടങ്ങി മലയാളി ഇന്നും ഓർത്തു വെക്കുന്ന ഒരുപിടി നല്ല സിനിമകളുടെ ഭാഗമാകാൻ മഹേഷിന് കഴിഞ്ഞിട്ടുണ്ട്.... 🔥 വെള്ളിത്തിരയിൽ മാത്രമല്ല, മിനിസ്ക്രീനിലും തികച്ചും വ്യത്യസ്തമായ പരീക്ഷണങ്ങൾക്ക് മഹേഷ് തയ്യാറായി. 'മൂന്നുമണി' എന്ന പരമ്പരയിലെ 'പിച്ചള' എന്ന കള്ളന്റെ വേഷം ഇതിനൊരു വലിയ തെളിവാണ്. തുടക്കത്തിൽ നെഗറ്റീവ് ഷേഡുണ്ടായിരുന്ന ഈ കഥാപാത്രം, പ്രതിസന്ധി ഘട്ടങ്ങളിൽ നായികയ്ക്ക് കാവലായി എത്തി പിന്നീട് പ്രേക്ഷകരുടെ പ്രിയപ്പെട്ട കഥാപാത്രമായി മാറുകയായിരുന്നു. അതിന് ശേഷം വന്ന 'മലർവാടി' എന്ന സീരിയലിലെ പാവത്താൻ വേഷവും ശ്രദ്ധ നേടി... #malayalamcinema #nostalgia #movies #trendingpost #actorlife actor evergreen viral post ##💯ഇൻസ്റ്റാഗ്രാം വീഡിയോസ് # 📽️ റീൽസ് വീഡിയോസ് # 📹 സ്റ്റോറീസ് വീഡിയോസ് # 🙋🏻‍♀️ എന്റെ വീഡിയോകൾ #