*1 కోరింథీయులకు 3:17 “దేవుని ఆలయము పరిశుద్ధమైయున్నది; మీరు ఆ ఆలయమైయున్నారు.”* ప్రియులారా, సర్వోన్నతుడైన దేవుడు ఆకాశములు, భూమిని సృష్టించిన మహిమగలవాడు. అలాంటి మహాదేవుడు రాళ్లతో కట్టిన గుడిలో కాదు, మానవ హృదయంలో నివసించుటకు ఇష్టపడుతున్నాడు అనేది ఎంతో గొప్ప విషయం! మన హృదయమును తాను నివసించే ఆలయముగా చేసుకోవడం దేవుని ప్రేమకు, కృపకు గొప్ప నిదర్శనం. “మీరు నా ఆలయము.” అనగా పరిశుద్ధ స్థలం. అక్కడ అపవిత్రతకు, కల్మషానికి స్థానం ఉండదు. అదే విధంగా మన హృదయం కూడా పరిశుద్ధంగా ఉండాలి. మన ఆలోచనలు, మాటలు, క్రియలు దేవునికి ఇష్టమైనవిగా ఉండాలి. *మనము దేవుని ఆలయమైతే* 🕊మన జీవితం పవిత్రంగా ఉండాలి. 🪾పాపమునకు తావు ఇవ్వకూడదు. ❤️ప్రేమ, క్షమ, వినయం మనలో కనిపించాలి. దేవుడు మనలో నివసిస్తున్నాడని గుర్తుంచుకున్నప్పుడు, ప్రతి రోజు జాగ్రత్తగా జీవిస్తాము. మన హృదయాన్ని పరిశుద్ధంగా కాపాడుకుందాం. ఎందుకంటే అది సాధారణ స్థలం కాదు. సర్వోన్నతుడైన దేవుడు నివసించే ఆలయం. ఆమేన్. http://youtube.com/post/Ugkx-WOaOuNwRtfO7g-bYYH140MywBG-754k?si=GJRflslVA50bIsSn #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*

*కీర్తనలు 91:9 “నీవు మహోన్నతుడైన దేవుని నీకు నివాసస్థలముగా చేసికొనియున్నావు.”* ప్రియులారా, నివాసస్థలం అంటే మనకు భద్రత, విశ్రాంతి, రక్షణ కలిగించే స్థలం. రోజంతా శ్రమించిన తరువాత మనం ఇంటికి వచ్చి విశ్రాంతి తీసుకుంటాము. అదే విధంగా, మన ఆత్మకు నిజమైన నివాసస్థలం మహోన్నతుడైన దేవుడే. 1. దేవునిలో నివసించడం అంటే విశ్వాసంతో జీవించడం. మన పరిస్థితులు ఎలా ఉన్నా, దేవుడే మన ఆశ్రయం అని నమ్మడం. కష్టకాలంలో ఆయనను ఆశ్రయించడం, సుఖంలో ఆయనకు కృతజ్ఞత చెప్పడం. 2. దేవుడు మనకు రక్షణకోట. కీర్తన 91లో దేవుని నివాసస్థలముగా చేసుకున్నవారికి ఏ కీడు రాకుండ. శత్రువుల నుండి ఆయన కాపాడుతాడు. 3. దేవునిలో నెమ్మది మరియు ధైర్యం లోకం భయాలు ఎన్నినున్న, దేవునిలో నివసించేవారికి నెమ్మది, సమాధానం ఉంటుంది. ఎందుకంటే వారి భవిష్యత్తు దేవుని చేతుల్లో ఉంది. మనము ఎలా నివసిస్తున్నాము? లోక ఆశలలోనా? లేక దేవుని సన్నిధిలోనా? మహోన్నతుడైన దేవుని మన నివాసస్థలముగా చేసుకుంటే, మన జీవితం రక్షణతో, శాంతితో, ఆశీర్వాదంతో నిండిపోతుంది. ఈ రోజు నుండే దేవుని మన నివాసస్థలముగా చేసుకుందాం. http://youtube.com/post/Ugkx7PsYAR18fdR37nfSmIC-Y3aj5FOEApZ9?si=GJKBZNFF4lYR8PzV #🙆 Feel Good Status #🌅శుభోదయం #😇My Status #💪పాజిటీవ్ స్టోరీస్ #✝జీసస్

*ద్వితి 28:11 “యెహోవా నీకు సమృద్ధిగా మేలు కలుగజేయును…”* ప్రియులారా, ఈ మార్చి నెల – సమృద్ధి నెల. దేవుడు “నీకు సమృద్ధిగా మేలు కలుగజేయును” అని వాగ్ధానం చేస్తున్నాడు. ఈ నెలలో దేవుడు మన ప్రతి ఒక్కరి జీవితంలో మూడు విధాలుగా సమృద్ధిని ఇవ్వబోతున్నాడు. 🔥ఆత్మీయ సమృద్ధి – మన హృదయాల్లో శాంతి, ఆనందం, దేవునికి సమీపం పెరుగును. ఎండిన ఆత్మకు వసంత కాలంలా పునరుద్ధరణ కలుగును. 🏠కుటుంబ సమృద్ధి – ఇంటిలో కలహాల స్థానంలో కలిసికట్టుగా ఉండే కృప, ఆరోగ్యం, ఐక్యత అనుగ్రహించునుగాక! 💫ఆర్థిక మరియు కార్యసమృద్ధి. సాధించలేని పనులు ప్రారంభించబడును. ఆశించిన అవకాశాలు తలుపు తట్టును. కష్టపడి చేసిన శ్రమకు ఫలితం కనబడును. “సమృద్ధి” అంటే పరిమితి లేకుండా, కొలతలేనంతగా. దేవుడు తన కృపతో ఆశీర్వదిస్తాడు. మనం ఆయన మాట విని నడిచినప్పుడు, ఆశీర్వాదం మన వెంటపడుతుంది. ఈ నెలను విశ్వాసంతో ప్రకటించండి: “ప్రభువా, నీ వాగ్దానము ప్రకారం నా జీవితంలో సమృద్ధిగా మేలు జరుగును! ” సమృద్ధి మేలు నా ఇంటిని నింపుగాక! ఆమేన్. http://youtube.com/post/Ugkx4R9oAHnxa48zLX6aUdSLJScmuK2Z4lw5?si=fFqXRC7uJwgovh2D #🙆 Feel Good Status #💪పాజిటీవ్ స్టోరీస్ #🌅శుభోదయం #😇My Status #✝జీసస్ *Plz Subscribe, Share, Like and Comment*

*కీర్తనలు 86:17 “నా పగవారు చూచి సిగ్గుపడునట్లు శుభకరమైన ఆనవాలు నాకు కనుపరచుము.”* ప్రియులారా, ఇది దావీదు తన శత్రువుల మీద ప్రతీకారం కోరలేదు; దేవుడు తన పక్షాన ఉన్నాడని చూపించమని మాత్రమే వేడుకున్నాడు. “ప్రభువా, నీవు నాతో ఉన్నావని ఒక శుభసూచకమైన గుర్తు చూపుము” అని మొఱపెట్టాడు. మన జీవితములో కూడా ప్రతిబంధకాలు, అడ్డంకులు, అపనిందలు, పగవారి కుట్రలు ఎదురవుతాయి. కాని మన దేవుడు మన పక్షాన నిలబడి యుద్ధం చేస్తే విజయం మనముందు మోకరిల్లుతుంది. ఎందుకంటే ఆయన సర్వశక్తిమంతుడు. దేవుడు ఇచ్చే “శుభకరమైన ఆనవాలు” అంటే సమస్య మధ్యలో సమాధానం, బాధ మధ్యలో ఆదరణ, యుద్ధమందు విజయం. ఆ విజయాన్ని చూసి మన పగవారు సిగ్గుపడుతారు; ఎందుకంటే వారు చేసిన కుట్రలు ఫలించవు. కాబట్టి విశ్వాసంతో ప్రార్థించండి. దేవుడు మన పక్షాన ఉన్నాడనే శుభసూచకమైన ఆనవాలు ఆయన తప్పక కనుపరచును. ఆమెన్🙏 http://youtube.com/post/Ugkx4EsieN9saltWGq25X98dtsB02mYXa7YF?si=PH1qVSTdIr1QmFBY #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*

*సామెతలు 10:22 “యెహోవా ఆశీర్వాదము ఐశ్వర్యమిచ్చును; నరుల కష్టముచేత ఆ యాశీర్వాదము ఎక్కువ కాదు.”* ప్రియులారా, చాలా మంది తమ శక్తి, తెలివి, విద్య, అనుభవం మీద ఆధారపడి సంపాదించడానికి శ్రమిస్తున్నారు. శ్రమ, ప్రయత్నం అవసరమే. కాని దేవుని ఆశీర్వాదం ఐశ్వర్యం ఇస్తుంది. మనుష్యుడు కష్టపడే ఆ సంపదనలో ఆరోగ్యం, ఆనందం లేకపోవచ్చు కాని యెహోవా ఆశీర్వదించిన సంపద మాత్రం శాంతిని ఇస్తుంది, సంతృప్తిని ఇస్తుంది, కుటుంబానికి మేలు చేస్తుంది. ద్వితీయోపదేశకాండము 8:18 లో, “ సంపాదించుటకు సామర్థ్యం నిచ్చువాడు యెహోవాయే”. అంటే సంపాదించే శక్తి కూడా దేవుని నుండే వస్తుంది. కాబట్టి మనం చేసే ప్రతి కార్యమును దేవుని చేతిలో ఉంచాలి. కీర్తనలు 127:1 “యెహోవా ఇల్లు కట్టకపోతే కట్టువారి శ్రమ వృథా.” ప్రియులారా, మన కష్టం కాదు ఐశ్వర్యం ఇచ్చేది. దేవుని ఆశీర్వాదమే నిజమైన ఐశ్వర్యం. అందుకే దేవుని చిత్తములో నడుద్దాం ఆయనకు ప్రథమస్థానం ఇద్దాం అప్పుడు మన శ్రమకు ఫలితము, మన సంపాదకు నిలకడ ఉంటుంది, యెహోవా ఆశీర్వాదమే మనకు ఐశ్వర్యం ఇస్తుంది. ఆమెన్. http://youtube.com/post/UgkxVTy3BuKIRzVvh4oJqH7CG4VJFUjgUvuu?si=bi9MVMRvaihuDg5_ #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*

*గలతీయులకు 3:29 “క్రీస్తు సంబంధులైతే వారసత్వం ప్రకారము వారసులైయున్నారు!”* ప్రియులారా, లోకంలో మనుష్యులు ఆస్తి, స్థానం, సంపదల కోసం ఎంతగా శ్రమిస్తారు! తండ్రి ఆస్తికి వారసులవ్వడం గొప్ప విషయమని భావిస్తారు. కాని క్రీస్తు సంబంధులైతేనే మనం దేవుని రాజ్యమునకు వారసులము! వారసత్వం మనము క్రీస్తును విశ్వసించి, ఆయనను మన ప్రభువుగా అంగీకరించి, మారుమనస్సు పొందినప్పుడు దేవునితో సంబంధం ఏర్పడుతుంది. ఆ సంబంధమే పరలోక రాజ్య ఐశ్వర్యానికి హక్కునిస్తుంది. లోకసంబంధమైన జీవితం పాపం, అహంకారం, దేవుని నుండి దూరం చేస్తాయి. కానీ క్రీస్తు రక్తముచే పరిశుద్ధులై, ఆయనలో నిలిచినప్పుడు మనము అబ్రాహాము సంతానమై, వాగ్దాన ప్రకారం వారసులమవుతాము. దేవుని రాజ్యం నిత్యజీవము, సమాధానం, ఆనందం, మహిమ. ఇది క్రీస్తుతో జీవ సంబంధం. అందుకే ప్రియులారా, లోక జీవితం నుండి మారుమనస్సు పొంది, క్రీస్తు వారిగా జీవిద్దాం. ఆయన చిత్తమునకు లోబడుదాం. అప్పుడు మనము కేవలం భూమిపై పరలోక రాజ్యానికి వారసులము అనే మహా గౌరవాన్ని పొందుదాము. ఆమేన్. http://youtube.com/post/UgkxqaP3T_n-DuF4JZdMfFsyWRyMZO-mloLb?si=Xu_bSHfSQTkbb7UP #🙆 Feel Good Status #💪పాజిటీవ్ స్టోరీస్ #😇My Status #🌅శుభోదయం #✝జీసస్ *Plz Subscribe, Share, Like and Comment*

*కీర్తనలు 103:5 “మేలుతో నీ హృదయమును తృప్తిపరచుచున్నాడు;”* ప్రియులారా, సాతాను. ఎప్పుడు కీడు చేయాలని, నిరుత్సాహపరచాలని, బలహీనతలో పడవేయాలని చూస్తాడు. కానీ దేవుడు తన ప్రజల పక్షాన నిలబడి మేలు చేయుచున్నాడు. మన హృదయం నిరాశగా ఉన్నప్పుడు మేలుతో తృప్తిపరుస్తాడు. లోకములోని సంతోషాలన్నీ తాత్కాలికమే; కానీ దేవుడు చేసే మేలు శాశ్వతం. బలహీనతలో బలమిచ్చే దేవుడు పక్షిరాజు ఎత్తుగా ఎగురుతుంది; తుఫానులను దాటుతుంది; స్వేచ్ఛగా ఆకాశంలో విహరిస్తుంది. అలాగే దేవుడు మన యౌవ్వనశక్తిని నూతనం చేసి, పరిస్థితుల కంటే ఎత్తుగా జీవించేటట్లు చేస్తాడు. పక్షిరాజు తన ఆహారాన్ని సంపాదించుకుంటుంది, ఓటమికి తలవంచదు. అట్లే దేవుడు మనకు అవసరమైన సమస్తాన్ని సమకూర్చి, ఓటమి చూడకుండునట్లు కాపాడుతాడు. శత్రువు కుట్రలు చేసినా, దేవుని వాటిని మేలుగా చేస్తాడు. కాబట్టి మనము భయపడవలసిన అవసరం లేదు. మన దేవుడు మేలు చేయువాడు. ఆయన మన హృదయాన్ని తృప్తిపరచి, మన బలహీనతలను బలముగా మార్చి, పక్షిరాజువలె ఉన్నతమైన జీవితం ఇచ్చే దేవుడు. ఆ మేలుచేయు దేవునికి మహిమ కలుగును గాక! 🙏 http://youtube.com/post/UgkxwwOaghVLiEH7U0x_aGcAMatBJJw1PTzr?si=fV0FAKpy1dhOrAJy #🙆 Feel Good Status #💪పాజిటీవ్ స్టోరీస్ #😇My Status #🌅శుభోదయం #✝జీసస్ *Plz Subscribe, Share, Like*

*కీర్తనలు 138:8 “యెహోవా నా పక్షమున కార్యము సఫలముచేయును.”* ప్రియులారా, మనము ప్రారంభించిన కార్యము మన బలముచేత, జ్ఞానముచేత కాదు. దేవుని కృపచేతనే సఫలమవుతుంది. మనిషి ఆలోచిస్తాడు, ప్రణాళిక వేస్తాడు, ప్రయత్నిస్తాడు. కాని సఫలతను ఇచ్చేది దేవుడే. ఎందుకంటే ఆయన మన పక్షమున నిలుస్తున్నాడు. తండ్రి తన పిల్లల కొరకు శ్రద్ధగా పని చేసినట్లే, పరలోక తండ్రి తన పిల్లల విషయములో కార్యము నిర్వహించుచున్నాడు. దేవుడు కేవలం ఆశీర్వదించేవాడు మాత్రమే కాదు. మన జీవిత కార్యములను సఫలము చేయువాడు. ఫిలిప్పీయులకు 1:6 ప్రకారం, “మీలో మంచి కార్యము ఆరంభించిన వాడు దానిని సంపూర్ణము చేయును.” కానీ ఒక విషయం మనం గుర్తుంచుకోవాలి. దేవుడు మన కోరికలను కాదు, ఆయన చిత్తానుసారమైన కోరికలను సఫలము చేస్తాడు. ఆయన చిత్తములో నడిచినప్పుడు, ఆయన మహిమకోసం కోరినప్పుడు, మన ప్రార్థనలు వృథా కావు. కాబట్టి భయపడవద్దు. ఆలస్యమైందని నిరుత్సాహపడవద్దు. యెహోవా మీ పక్షమున కార్యము సఫలము చేయును. ఆయన కృప శాశ్వతము. ఆయన చేతిలో ప్రారంభమైనది అసంపూర్ణంగా ఉండదు. ఆమేన్. http://youtube.com/post/Ugkx_yL8rFuFGPuaqpye2CIUhFBIw6zDuQfX?si=xqeI8_zra3m7a03T #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*