#👩🍳 പാചകലോകം
+------+------+------+------+
_*🌶 ഇന്നത്തെ പാചകം 🍳*_
_*ഹോട്ടൽ സാമ്പാർ*_
_( മദ്രാസ് സ്പെഷ്യൽ)_
+----------+-------+--------+
```സാമ്പാർ ഉണ്ടാക്കാൻ എല്ലാവർക്കും അറിയാം.... എന്നാൽ ഹോട്ടലിൽ കിട്ടുന്ന, പ്രത്യേകിച്ച് തമിഴ്നാട്ടിൽ കിട്ടുന്ന വളരെ രുചിയേറിയ സാമ്പാർ ചിലപ്പോ അറിയില്ലായിരിക്കും...സംഗതി വളരെ വ്യത്യസ്തമായ രുചിയാണ്.... എന്നാൽ ഈസിയുമാണ്.....```
-------------------------------
_*ആവശ്യമുള്ള ചേരുവകകൾ*_
_______________________
_ഇതിൽ ഉപയോഗിക്കുന്ന മസാലയാണ് പ്രധാനം; മറ്റു കാര്യങ്ങളെല്ലാം സാധാരണ സാമ്പാർ പോലെ തന്നെയാണ്.... മസാല കൂട്ട് ആദ്യം തയ്യാറാക്കാം._
_1) മുഴുവൻ മല്ലി - 2 ടേബിൾ സ്പൂൺ_
_2) വറ്റൽ മുളക് - 10 എണ്ണം (എരിവിന് അനുസരിച്ചു എടുക്കാം - ഇത് മീഡിയം എരിവ് ആണ്)_
_3) കടല പരിപ്പ് - 3 ടേബിൾ സ്പൂൺ_
_4) നല്ല ജീരകം - 1 റ്റീസ്പൂൺ (പെരുംജീരകം അല്ല )_
_5) പെരുങ്കായം - 1 ചെറിയ കഷ്ണം_
_1 റ്റീസ്പൂൺ വെളിച്ചെണ്ണ ചൂടാക്കി മുകളിൽ പറഞ്ഞ എല്ലാം നന്നായി വറുത്തു മല്ലിയും പരിപ്പും നിറം മാറി തുടങ്ങുമ്പോൾ തീ ഓഫ് ചെയ്തു തണുക്കുമ്പോൾ മിക്സിയിൽ വളരെ നൈസ് ആയി പൊടിക്കുക (ഇങ്ങനെ സൂക്ഷിച്ചു വയ്ക്കാവുന്നതാണ്) ഇതിലേക്ക് അല്പം വെള്ളം ചേർത്ത് ഒന്നുകൂടി അരച്ച് വെണ്ണ പോലെ ആക്കുക.... ഇതാണ് മാജിക് മസാല ...._
_ഇനി സാമ്പാർ സാധാരണ ചെയ്യുന്നത് പോലെ ചെയ്യാം.... എന്നാലും ഹോട്ടലിലെ രുചികരമായ രീതി ഒന്ന് പറയാം_
_______________________
_*ഉണ്ടാക്കുന്ന വിധം*_
_________________________
_1) ആദ്യം പരിപ്പ് അല്പം മഞ്ഞൾ പൊടിയും ആവശ്യത്തിന് വെള്ളവും ചേർത്ത് കുക്കറിൽ ഒരു വിസിൽ കൊടുക്കുക_
_2) ആവശ്യത്തിന് കോല്പ്പുളി ചെറു ചൂട് വെള്ളത്തിൽ കുതിർക്കാൻ ഇട്ടു വയ്ക്കുക_
_3) ഇടാൻ ഉദ്ദേശിച്ചിക്കുന്ന കഷ്ണങ്ങൾ നീളത്തിൽ അരിഞ്ഞു വയ്ക്കുക_
_4) ഇതിൽ വെണ്ടയ്ക്ക മാത്രം എണ്ണയിൽ ഒന്ന് വഴറ്റി അതിന്റെ വഴുവഴുപ്പ് ഒന്ന് കളഞ്ഞു വച്ചാൽ ഉടഞ്ഞു പോകില്ല_
_5) തക്കാളി മാറ്റി വയ്ക്കുക_
_6) മത്തങ്ങാ പരിപ്പിന്റെ കൂടെ ഇട്ടു വേവിച്ചുടച്ചാൽ ചാറ് നല്ല കട്ടിയിൽ കിട്ടും_
_7) ഒരു മൺചട്ടി എടുത്തു അതിലേക്കു വേവിച്ച പരിപ്പും വെണ്ടയ്ക്കയും തക്കാളിയും ഒഴിച്ച് മറ്റുള്ള കഷ്ണങ്ങളും പുളി വെള്ളവും ഉപ്പും ചേർത്ത് വേവിക്കാൻ വയ്ക്കുക (ആവശ്യത്തിന് മാത്രം വെള്ളം ചേർക്കുക വെള്ളം കൂടിയാൽ രുചിയുണ്ടാകില്ലാട്ടോ.... ) (മൺചട്ടി യിൽ വച്ചാൽ ഒരു പ്രത്യേക രുചി തന്നെ ആണ് )_
_8) എല്ലാ കഷ്ണങ്ങളും ഒരു 3/4 വേവ് ആയാൽ അതിലേക്കു വെണ്ടക്കയും, തക്കാളിയും, അരച്ച് വച്ച മസാലയും, ഒരു ചെറിയ കഷ്ണം ശർക്കരയും (ടേസ്റ്റ് ബാലൻസ് ചെയ്യാൻ ആണ് ഇത് ) ചേർത്ത് വേവിക്കുക_
_9) ഇപ്പോൾ പുളിയും ഉപ്പും കായവും (കായം കുറഞ്ഞാൽ ഇനി കായപ്പൊടി ചേർക്കണം )നോക്കി ക്രമീകരിക്കുക_
_10) ഒരു പാൻ ചൂടാക്കി വെളിച്ചെണ്ണ ചൂടാകുമ്പോൾ ചെറിയുള്ളി വളരെ ചെറുതായി അരിഞ്ഞു വഴറ്റി മൂക്കുമ്പോൾ കടുകും വറ്റൽമുളകും കറിവേപ്പിലയും പൊട്ടിച്ചു മുകളിൽ ഒഴിച്ച് പതുക്കെ ഒന്ന് ചുറ്റിച്ചു വയ്ക്കുക...._
_11) വളരെ സ്വാദിഷ്ട്ടമായ ഹോട്ടൽ സാമ്പാർ റെഡി._
+-------+-------+-------+------+
