आस पावसाची.....
गडगडाट दाटला नभावरी ढगांचा
कडकडाट होई चमकून विजांचा
फक्त आशा दावून परत फिरायचा
कसा अजब खेळ हा पावसाचा
सुकल्या घशाने चातक पक्षी
पावसाला आर्त हाक देई
झेलीन टपोरे थेंब तुझे चोची
पाऊस मात्र लपून मजा घेई
वृक्ष-वेली प्राणिमात्र अवघा आतुरला
निसर्ग ही म्हणे संपव आता अंताला
तुझ्या धो-धो ओल्याचिंब सरीत
मंत्रमुग्ध करून सोड आम्हाला
आतुरता तुझी पोहचली शिगेला
उत्तर दे तू आमच्या विनवणीला
दे आम्हांस नवं संजीवनी बरसून
सांगून नंदनवनी त्या इंद्र देवाला
ऐकून आर्त अशा हाक-विनंतीला
फुटला पाझर आता पावसाला
मुसळधार सरी होऊन बरसला
तृप्त तृप्त केले धरती मातेला....
#☔पाऊस कविता/चारोळ्या📝 #☔पहिल्या पावसाच्या शुभेच्छा सेट्स💃 #🥰पाऊस प्रेमी☔ #🎤पावसाळा गाणी🎶 #📝कविता / शायरी/ चारोळी
