എന്ത് എങ്ങനെ തുടങ്ങണം എന്നെന്നും എനിക്കറിയില്ല.
ഒന്ന് മാത്രം എനിക്കറിയാം,
മനസ്സ് വല്ലാതെ മുറിവേറ്റിരിക്കുന്നു.
ആ മുറിവ് വല്ലാതെ വേദനിക്കുന്നുമുണ്ട്.
ആരോടും ഒന്നും പറയാനും കഴിയുന്നില്ല.
ആകെ മടുത്ത അവസ്ഥ😊
പക്ഷേ ഈ അവസ്ഥയെല്ലാം ഉണ്ടാവുന്നതിന് മുൻപ് എനിക്കൊരു കാലം ഉണ്ടായിരുന്നു.
ഞാൻ ഞാനായിരുന്ന ഒരു കാലം ഞാൻ സന്തോഷമായിരുന്ന ഒരു കാലം പക്ഷേ ഇന്ന് ഞാൻ ഒരുപാട് മാറി എനിക്ക് എന്നെ എന്നെന്നേക്കുമായി നഷ്ടപ്പെട്ടിരിക്കുന്നു.!
ജീവിതം വീണ്ടും ആസ്വദിച്ചു തുടങ്ങുകയായിരുന്നു ഞാൻ. പക്ഷേ എനിക്ക് ഇന്ന് വീണ്ടും ജീവിക്കാൻ മടുപ്പ് തോന്നുന്നു.
വീണ്ടും ഒരാളെ എങ്ങനെ സ്നേഹിക്കാം,
വിശ്വസിക്കാം എന്ന് മനസ്സിലാക്കുകയായിരുന്നു ഞാൻ. ഇപ്പോൾ ഇതാ വീണ്ടും എല്ലാത്തിനോടും ഒരുതരം പേടി തോന്നുന്നു.
അതെ, ആ ഒരാൾ കാരണം എല്ലാം മറന്ന് വീണ്ടും ഒരു പുതിയ ജീവിതം സ്വപ്നം കണ്ടു തുടങ്ങുകയായിരുന്നു ഞാൻ.
മറ്റാരിൽ നിന്നും കിട്ടാത്ത സ്നേഹവും കരുതലും എല്ലാം എനിക്ക് അയാളിൽ നിന്നും കിട്ടി.
ജീവിതം തന്നെ മടുത്ത എനിക്ക് അയാളോടൊപ്പം ഒരുപാട് കാലം ജീവിക്കാൻ ഒരുപാട് പൂതി തോന്നി. അയാളോടൊപ്പം ഒരുപാട് ഞാൻ സന്തോഷിച്ചു.
പക്ഷേ, അപ്പോഴൊന്നും എനിക്ക് അറിയില്ലായിരുന്നു വീണ്ടും എന്റെ ജീവിതത്തിന്റെ ഒരിക്കലും മറക്കാൻ കഴിയാത്ത ഒരു നോവായി ഇതെല്ലാം മാറുമെന്ന്.
സത്യം പറഞ്ഞാൽ ഇനി എനിക്ക് എങ്ങനെ മുന്നോട്ടു പോകണം എന്ന് അറിയില്ല.
മനസ്സിനെ എത്ര പറഞ്ഞു മനസ്സിലാക്കാൻ
ശ്രമിച്ചിട്ടും എനിക്ക് അതിന് കഴിയുന്നില്ല.
ഇപ്പോഴും അയാളോട് ചോദിക്കാനായി ഒരുപാട് ചോദ്യങ്ങളുണ്ട് പക്ഷേ ഞാനത് ചോദിക്കില്ല.
കാരണം. ആ ചോദ്യത്തിനുള്ള ഉത്തരങ്ങൾ ഒന്നും അയാളുടെ പക്കൽ ഇല്ല. ഞാൻ ഇതെല്ലാം ചോദിക്കുമ്പോൾ ഒന്നും പറയാൻ കഴിയാതെ,
എന്ത് ചെയ്യണമെന്ന് അറിയാതെ അയാൾ നിൽക്കുന്നത് കാണാൻ എനിക്ക് കഴിയില്ല.
ചിലപ്പോഴൊക്കെ ഞാൻ ചിന്തിക്കാറുണ്ട്,
എന്തുകൊണ്ട്!
എന്തുകൊണ്ടാണ് എന്റെ ജീവിതം ഇങ്ങനെയൊന്ന്. പിന്നെ തോന്നും ഇതിനെല്ലാം ഒരു ഭാഗ്യം വേണമെന്ന് 😊
അതെ! സ്നേഹിക്കപ്പെടുക പരിഗണിക്കപ്പെടുക
എന്നതെല്ലാം ഒരു ഭാഗ്യമാണ്.
നമ്മളെ കേൾക്കാൻ ഒരാൾ ഉണ്ടാവുക
എന്നതെല്ലാം ഒരു വലിയ കാര്യമാണ്.
പക്ഷേ അതിനെല്ലാം ഒരു ഭാഗ്യം വേണം
എനിക്ക് ആ ഭാഗ്യം ഉണ്ടായിട്ടില്ല.
എന്റെ ജീവിതത്തിലേക്ക് കടന്നുവന്ന എല്ലാ മനുഷ്യരും എന്നെ പറ്റിച്ചു.
സ്നേഹിക്കുന്നതായി അഭിനയിച്ചു.....
അല്ല, അങ്ങനെയും പറയാൻ ഒക്കില്ല!
ഒരുപക്ഷേ, സ്നേഹിക്കപ്പെടുന്നു എന്ന് ഞാൻ തെറ്റിദ്ധരിക്കപ്പെട്ടതാവാം......
നഷ്ടപ്പെടാൻ വേണ്ടി ആരും തമ്മിൽ കണ്ടുമുട്ടാതിരിക്കട്ടെ, അടുക്കാതിരിക്കട്ടെ, സ്നേഹിക്കാതിരിക്കട്ടെ......,
മനസ്സ് വല്ലാതെ വേദനിക്കുമ്പോൾ ഞാനിവിടം ഇതുപോലെ വന്ന് എന്തെങ്കിലുമൊക്കെ എഴുതി കുറിച്ചിടും!
വെറുതെ.....
ഒന്നിൽ നിന്നും ആരിൽ നിന്നും ഒന്നും പ്രതീക്ഷിക്കാതെ..!!
#💭 എന്റെ ചിന്തകള് #😔വേദന #📝 ഞാൻ എഴുതിയ വരികൾ #😢കണ്ണുനീർ #💓 ജീവിത പാഠങ്ങള്
