🏚️ അടച്ചിടാത്ത വീട് ഭാഗം 2 ജോസുട്ടിയുടെ അമ്മ ഗ്രാമത്തിലെ എല്ലാവരുടെയും അടുത്ത് ചെന്ന് കരഞ്ഞു... "മോൻ ആ വീടിന്റെ ഉള്ളിൽ പെട്ട് പോയിട്ടുണ്ട്... ആരേലും ഒന്ന് എന്റെ മോനെ രക്ഷിക്കോ... കാലിൽ വീണ് ഞാൻ യാചിക്കുവാ..." നാട്ടുകാർ ആ അമ്മയുടെ കണ്ണീർ വേദനയോടെ കണ്ട് നിന്നതല്ലാതെ അവരെ സഹായിക്കാൻ മുതിർന്നില്ല... അവർക്കൊക്കെ ആ വീടും ആ വാതിലും പേടിയാണ്... "ചേച്ചി പോലീസുക്കാരെ അറിയിക്ക്... ഞങ്ങൾക്ക് അങ്ങോട്ട് വരാൻ പേടിയാ..."നാട്ടുകാർ ഒരേ സ്വരത്തിൽ പറഞ്ഞു... ആ പാവം അമ്മ പൊട്ടി കരഞ്ഞു കൊണ്ട് ആ വീടിന് മുന്നിൽ ചെന്ന് നിൽക്കും.. ഉറക്കെ ജോസുറ്റിനെ വിളിക്കും.. അവർക്കും അകത്തേയ്ക്ക് കയറാൻ പേടിയാണ്... ആ വീടിന് അപ്പോൾ ഒരു ഭീകരത നിറഞ്ഞിരുന്നു... അകത്തു നിന്നും അമ്മയെ നിറകണ്ണോടെ ഒരാൾ നോക്കുന്നതും വിളിക്കുന്നതും അവർ കണ്ടില്ല... ആ ദിവസത്തിന് ശേഷം തച്ചോത്തിലെ ആളുകൾ ഒരു കാര്യം ശ്രദ്ധിച്ചു… രാത്രി 12 മണിക്ക് ആ വീട്ടിലെ ക്ലോക്ക് മുഴങ്ങുന്നു... ഇത് വരെ ഇല്ലാത്ത ഒരു കാര്യം... അവിടെ വർഷങ്ങളായി ആൾതാമസം ഇല്ല... പിന്നെ എങ്ങനെ... അതെ അവിടെ പ്രേതം ഉണ്ട്... ജോസുട്ടിനെ പ്രേതം പിടിച്ചു കാണുമെന്നു വിധി എഴുതി... പിന്നെയും വിചിത്ര സംഭവങ്ങൾ ഉണ്ടായി കൊണ്ടിരുന്നു ആ ഗ്രാമത്തിൽ... അത് കഴിഞ്ഞ് കൃത്യം 12:05 ന് ആ വഴിയിലൂടെ പോകുന്നവർക്ക് ഒരേ ശബ്ദം കേൾക്കാൻ സാധിക്കും.. “വാതിൽ അടയ്ക്കരുത്…” ആദ്യം അത് കാറ്റിന്റെ ശബ്ദമെന്ന് കരുതിയവർ, പോകെ പോകെ അത് പ്രേതത്തിന്റെ ശല്യം ആണെന്ന് ആളുകൾക്ക് മനസിലായി... ദിവസങ്ങൾക്ക് ശേഷം ഒരു രാത്രി... ജോസുട്ടിയുടെ വീട്ടിൽ അമ്മ ഉറങ്ങാതെ കണ്ണുകൾ തുറന്ന് കിടക്കുകയാണ്... പെട്ടന്നാണ് വാതിലിൽ നിർത്താതെ ഉള്ള മുട്ട് കേൾക്കുന്നത്... അമ്മ എണീറ്റ് ചെവിയോർത്തു... അതെ പുറത്ത് ആരോ വാതിൽ മുട്ടുന്നു... ജോസുട്ടിക്ക് അമ്മ മാത്രെ ഒള്ളു... അമ്മ വാതിലിന്റെ അടുത്തെത്തി... സംശയത്തോടെ അങ്ങനെ നിന്നു... ഈ 12 മണി കഴിഞ്ഞപ്പോ ആരാണ് വന്നത്... അവരുടെ ഉള്ളിൽ ഭയത്തിന്റെ അമ്പുകൾ... അവരുടെ ഉള്ളിൽ പകലൊക്കെ നാട്ടുകാർ പറഞ്ഞ കാര്യങ്ങൾ ഓർമയിലേയ്ക്ക് വന്നപ്പോൾ ആലില പോലെ വിറായ്ക്കാൻ തുടങ്ങി... എന്തോ ആപത്താണ് തന്റെ വാതിലിന് അപ്പുറത്തെന്ന് അവർ കരുതി.... "വാതിൽ തുറക്ക്... ഞാൻ വന്നു.. ജോസുട്ടി വന്നു...." പുറത്ത് നിന്നും കേട്ട ശബ്ദം അമ്മയുടെ ചെവിയിൽ പതിഞ്ഞതും.. അമ്മ മകന്റെ ശബ്ദം മനസ്സിലാക്കി... അവർ ഒന്നും ആലോചിക്കാതെ വാതിൽ തുറന്നു... മുന്നിൽ ജോസുട്ടി.... ചിരിക്കാത്ത സന്തോഷം ഇല്ലാത്ത ഒരു ജോസുട്ടി... ജോസുട്ടിയെ കണ്ടതും അമ്മ അവനെ കെട്ടിപിടിച്ചു... അവരുടെ സങ്കടം മുഴുവൻ കരഞ്ഞു തീർത്തു... " മോനെ നീ എവിടെയായിരുന്നു... ഞാൻ എന്തോരം പേടിച്ചു... " അമ്മ മകന്റെ മുഖത്തേയ്ക്ക് നോക്കി വിങ്ങി പൊട്ടി കൊണ്ട് പറഞ്ഞു... “ജോസുട്ടി…?”അമ്മ ഉറക്കത്തിൽ നിന്നും എണീറ്റ് ഉറക്കെ വിളിച്ചു. മുറിയിൽ ആരുമില്ല.താൻ കണ്ടത് സ്വപ്നമാണോ... അവർ എണീറ്റ് ലൈറ്റ് ഇട്ട് കൂജയിൽ നിന്നും വെള്ളം എടുത്ത് വായിലേയ്ക്ക് കമഴ്ത്തി... പെട്ടന്നാണ് അമ്മ അത് ശ്രദ്ധിക്കുന്നത്... ആ മുറിയിലെ നിലത്ത് ആരുടെയോ കാലടി പതിഞ്ഞ പാടുകൾ… പുറത്ത് നിന്നും ആരോ അകത്തേയ്ക്ക് വന്നിരിക്കുന്നു... അമ്മ വിറച്ച് വാതിൽ അടക്കാൻ പോയപ്പോൾ വാതിലിന്റെ പുറത്തു നിന്നൊരു കൈ അതിനെ തടഞ്ഞു. ചൂടില്ലാത്ത… ജീവനില്ലാത്ത… പൊള്ളലേറ്റ കൈ. അവൾ അലറി കൊണ്ട് താഴേയ്ക്ക് വീണു പോയി... തുടരും... എന്റെ ശ്രീയ്ക്ക് വേണ്ടി എഴുതുന്നതാണ്...Horror പ്രേമിക്ക് വേണ്ടി... 🥰 #novel #നോവൽ #🙋‍♀️ എൻ്റെ സ്റ്റാറ്റസുകൾ

തച്ചോത്ത് എന്ന ഗ്രാമത്തിൽ ഒരു പഴയ വീട് ഉണ്ടായിരുന്നു.വളരെ വർഷങ്ങൾക്ക് മുൻപ് 4 ജീവനുകൾ ആ വീട്ടിൽ തീയിൽ വെന്ത് മരിച്ചു... അതിന് ശേഷം ആരും അവിടെ താമസിച്ചിരുന്നില്ല. പക്ഷേ അതിന്റെ വാതിൽ ഒരിക്കലും പൂർണ്ണമായി അടഞ്ഞിരുന്നില്ല… ആദ്യമൊക്കെ ആളുകൾ ആ വാതിൽ അടച്ചു കുറ്റി ഇട്ടിട്ട് പോകും ആരും അടച്ചാലും, അടുത്ത ദിവസം അത് വീണ്ടും ഒന്ന് തുറന്ന നിലയിൽ തന്നെ കാണും. ആ വീട്ടിനെക്കുറിച്ച് എല്ലാവരും പറഞ്ഞിരുന്നത് — “അവിടെ പ്രേതങ്ങളുണ്ട്.. ആരും രാത്രി ആ വഴി പോകല്ലേ…” ആ നാട്ടിലെ ചെറുപ്പക്കാർ പലരും അതൊന്ന് പരീക്ഷിക്കാൻ ആ വഴി പോയി നോക്കാൻ തീരുമാനിച്ചു... എന്നാൽ രാത്രി അടുത്തപ്പോൾ എല്ലാത്തിനും ഭയം പിടി കൂടി... "വേണ്ട എന്തിനാ ചത്തു പോയ അതുങ്ങളോട് നമ്മള് മത്സരിക്കുന്നെ.." കൂട്ടുകാർക്ക് പരസ്പരം പറഞ്ഞു... അത് കേട്ട് ഒരുത്തൻ ഉറക്കെ ചിരിച്ചു... "നിനക്കൊക്കെ പേടിയാണേ വരണ്ട...പ്രേതം...ഏതോ ഒരുത്തൻ അവിടെ എന്തോ പരുപാടി ഒപ്പിക്കുന്നുണ്ട്.. അത് ഞാൻ കണ്ട് പിടിക്കും...ഞാൻ പോയി നോക്കാം...” കൂട്ടുകാർ അവനെ പറഞ്ഞു വിലക്കാൻ നോക്കിയെങ്കിലും ആ ശ്രമം പാഴായി... അന്ന് രാത്രി 12 മണിക്ക്, അവൻ ടോർച്ചുമായി വീട്ടിൽ നിന്നും ഇറങ്ങി ആ വീടിന്റെ മുന്നിൽ എത്തി... അവൻ ചുറ്റും നോക്കി കൊണ്ട് സിറ്റ് ഔട്ടിൽ കയറി. പാതി തുറന്ന് കിടക്കുന്ന വാതിൽ അല്പം തള്ളിയപ്പോൾ… വലിയൊരു ശബ്ദത്തോടെ ആ വാതിൽ മുഴുവൻ തുറന്ന്... അവന്റെ ചുണ്ടിൽ വിജയ ചിരി തെളിഞ്ഞു... അകത്ത് മുഴുവൻ പൊടിയും, പഴയ ഫർണിച്ചറും. പക്ഷേ അവനെ ഞെട്ടിച്ചു കൊണ്ട് ആ ഹോളിലെ ക്ലോക്കിൽ മണികൾ പെട്ടെന്ന് 12 അടിച്ചു. അത് കേട്ട് അവന്റെ കൈയിൽ നിന്നും ടോർച്ച് താഴെക്ക് വീണു.. അതെ സമയം അവന്റെ ഭയം ഇരട്ടിയാക്കി കൊണ്ട് വീട്ടിന്റെ മുകളിൽ നിന്ന് ആരുടെയോ കാലൊച്ച കേൾക്കാൻ തുടങ്ങി. അവൻ പേടിയോടെ വേഗത്തിൽ ടോർച്ച് എടുത്ത് മുകളിലേയ്ക്ക് വെട്ടം തെളിച്ചു നോക്കി. ആരുമില്ല. പക്ഷേ ചുവടുകൾ അടുത്ത് വരികയാണെന്ന് അവന് മനസിലായി..… ടോർച്ചിന്റെ വെളിച്ചം മങ്ങിത്തുടങ്ങി. പിന്നീട് അവൻ പിന്നിൽ നിന്നൊരു തണുത്ത ശ്വാസം അനുഭവിച്ചു. “നീ… വാതിൽ അടയ്ക്കാൻ വന്നതോ?”അവൻ ഭയന്ന് തിരിഞ്ഞു നോക്കി.മുന്നിലെ രൂപത്തെ കണ്ട് അവൻ അലറി കൊണ്ട് താഴെയ്ക്ക് വീണു... അവന്റെ കണ്ണുകൾ അടഞ്ഞു പോകുമ്പോൾ അവൻ കണ്ടു വാതിൽ പതുക്കെ അടയാൻ തുടങ്ങുന്നത് … അടുത്ത ദിവസം രാവിലെ, ആളുകൾ കണ്ടത് — വീട് പഴയപോലെ തന്നെ. വാതിൽ അല്പം തുറന്ന നിലയിൽ… "ആ പയ്യൻ ജോസുട്ടി.. അവൻ ഇന്നലെ അങ്ങോട്ട് പോയതാ..." നാട്ടുകാർ പരസ്പരം പറഞ്ഞു... ഉത്തരം ആരുടേയും കൈയിൽ ഇല്ലായിരുന്നു... അതിനുശേഷം ആരും ആ വീട്ടിലേക്ക് പോയിട്ടില്ല. കാ #💝 ആശംസകള്‍ #നോവൽ #novel രണം ചില വാതിലുകൾ… അടക്കാനല്ല തുറന്നിരിക്കുന്നത്… തുടരണോ...👁️

#🙋‍♀️ എൻ്റെ സ്റ്റാറ്റസുകൾ #🌃ശുഭരാത്രി സ്റ്റാറ്റസ് #🌃 ഗുഡ് നൈറ്റ് #💖ശുഭരാത്രി സുഖനിദ്ര #💝 ആശംസകള്‍