#📰ബ്രേക്കിങ് ന്യൂസ് #🐪ഗൾഫ് വാർത്തകൾ📰🌎..
*- 18 - 04 - 2026 -*
*സുഹൃത്തുക്കൾ തമ്മിലുള്ള വഴക്ക് ശാന്തമാക്കാൻ ശ്രമിച്ച കോഴിക്കോട് സ്വദേശിയായ മലയാളി യുവാവ് കുത്തേറ്റ് മരിച്ചു.*
ദുബായ്: പ്രവാസ ലോകത്തുനിന്ന് വീണ്ടും നോവാർന്നൊരു വാർത്ത. ദുബായിൽ സുഹൃത്തുക്കൾ തമ്മിലുള്ള തർക്കം പരിഹരിക്കാൻ ശ്രമിക്കുന്നതിനിടെ മലയാളി യുവാവ് കുത്തേറ്റ് മരിച്ചു. കോഴിക്കോട് ചെറുവണ്ണൂർ മധുരബസാറിലെ നജാത്ത് മൻസിലിൽ ജസീൽ (32) ആണ് മരണപ്പെട്ടത്.
അൽഖൂസിലെ താമസസ്ഥലത്ത് നടന്ന സംഘർഷത്തിനിടയിലാണ് ഈ ദാരുണ സംഭവം. തൊട്ടടുത്ത മുറിയിലുള്ളവരുടെ മദ്യപാനത്തെ ചൊല്ലിയുണ്ടായ തർക്കമാണ് വലിയൊരു ദുരന്തത്തിൽ കലാശിച്ചത്. പുറത്തുനിന്ന് ഭക്ഷണം കഴിച്ചെത്തിയ ജസീൽ, മുറിയിൽ നടന്നിരുന്ന വഴക്ക് ശാന്തമാക്കാൻ വേണ്ടിയാണ് ഇടപെട്ടത്. എന്നാൽ വിവേകം നശിച്ച അക്രമിയുടെ കയ്യിലുണ്ടായിരുന്ന കത്തി ജസീലിന്റെ കഴുത്തിൽ ആഴ്ന്നിറങ്ങുകയായിരുന്നു..
രക്തം വാർന്ന നിലയിൽ പോലീസെത്തി ഉടൻ തന്നെ റാഷിദ് ആശുപത്രിയിൽ എത്തിച്ചെങ്കിലും ആ ജീവൻ രക്ഷിക്കാനായില്ല. ഒരു തർക്കത്തിൽ മധ്യസ്ഥനാകാൻ ശ്രമിച്ച യുവാവ് ഇത്തരത്തിൽ ഒരു ക്രൂരതയ്ക്ക് ഇരയായത് പ്രവാസി മലയാളി സമൂഹത്തെ ഒന്നടങ്കം ഞെട്ടിച്ചിരിക്കുകയാണ്. പ്രതിയെ പോലീസ് കസ്റ്റഡിയിലെടുത്തിട്ടുണ്ട്.
_____________________
#ഗൾഫ് വാർത്തകൾ 
