`രണ്ടാനമ്മ` ഉമ്മ പോയതോടെ.., ആ വീടിന്റെ വിളക്കും അണഞ്ഞു.., പുതിയൊരാൾ വന്നെങ്കിലും, സ്നേഹം മാത്രം കൂടെ വന്നില്ല.., ​വിശക്കുന്നു എന്ന് പറയുമ്പോൾ, കണ്ണുരുട്ടി ഭയപ്പെടുത്തുന്ന മുഖം.., മറ്റുള്ളവർക്ക് വയറുനിറയെ വിളമ്പുമ്പോൾ, ബാക്കി വരുന്നത് മാത്രമാണ് എനിക്കുള്ളത്.., കരിഞ്ഞ ചോറിന് പോലും, കണ്ണീരിന്റെ ഉപ്പുരസമാണ്.., ​ചെറിയൊരു തെറ്റിന് പോലും, ശരീരത്തിൽ ചൂരൽ പാടുകൾ വീഴ്ത്തും.., ഉപ്പ വരുമ്പോൾ സ്നേഹം നടിക്കും ഉപ്പ പോയാലോ, മറ്റൊരു രൂപമാണ്.., അവരുടെ മക്കളെ നെഞ്ചോട് ചേർക്കുമ്പോൾ, അകറ്റി നിർത്തപ്പെട്ടവനാണ് ഞാൻ.., ​രാത്രിയിൽ കീറപ്പായയിൽ കിടന്ന്, അടക്കിപ്പിടിച്ച് കരയുമ്പോൾ.. ആരും കേൾക്കാതിരിക്കാൻ, ഞാൻ മുഖം അമർത്തിപ്പിടിക്കും.., ​ഇതൊക്കെ കാണാൻ, എന്റെ ഉമ്മ തിരിച്ചു വന്നെങ്കിൽ.., രണ്ടാനമ്മയെന്നാൽ, രണ്ടാം തരം സ്നേഹം പോലുമില്ലാത്തവർ.., അനാഥത്വത്തേക്കാൾ വലിയ വേദന, സ്വന്തം വീട്ടിലെ ഈ അവഗണനയാണ്..!! > മസ്നവി._ #📔 കഥ

`അവളും തനിച്ചാണ്` പുറമേ കാണുന്നവർക്ക്, അവളൊരു ഭാഗ്യവതിയാണ്.., പട്ടും വളയും അണിഞ്ഞ്, സന്തോഷത്തോടെ നടക്കുന്നവൾ.., ​പക്ഷേ.., ആ നാല് ചുവരുകൾക്കുള്ളിലെ ഏകാന്തത ആരും കാണാറില്ല.., പാതിരാത്രിയിൽ വരുന്ന ഫോൺ ബെല്ലിന് വേണ്ടി കാത്തിരിക്കുന്നവൾ.., ​മക്കൾക്ക് ഉപ്പയെ വേണമെന്ന് വാശിപിടിക്കുമ്പോൾ.., കണ്ണീര് ഉള്ളിലൊതുക്കി സമാധാനിപ്പിക്കുന്നവൾ., ​വീട്ടിലെ കാര്യങ്ങൾ നോക്കി, ഉപ്പയായും ഉമ്മയായും വേഷം കെട്ടുന്നവൾ.., ​അവളുടെ യൗവനം മുഴുവൻ, വിമാനത്താവളത്തിലെ തിരിച്ചുവരവിന് വേണ്ടി നീക്കിവെച്ചതാണ്.., ​ഒരു പ്രവാസിയുടെ വിയർപ്പാണ് അവളുടെ ജീവിതമെങ്കിൽ.., അവളുടെ കാത്തിരിപ്പാണ് അവന്റെ ശ്വാസം.., ​സ്‌ക്രീനിലെ തെളിച്ചത്തിൽ ജീവിതം കാണുന്നവൾ... പ്രവാസിയുടെ ഭാര്യ..!! > മസ്നവി._ #📔 കഥ #📙 നോവൽ

*മുഹിബ്ബിന്റെ ഹുബ്ബ്‌* *ഭാഗം=5* *Written By Fathima Rinsha Binth Saqafi* _____________________________________________________ വീടെത്തിയിട്ടും ഞാൻ എണീറ്റിരുന്നില്ല ഉമ്മ തട്ടി വിളിച്ചപ്പോഴാണ് കണ്ണൊന്ന് വലിച്ചു തുറന്നത് തന്നെ... ഇറങ്ങാൻ പറഞ്ഞപ്പോഴാണ് വീടെത്തിയത് കാണുന്നത് വേഗം ഇറങ്ങി... ഇന്നലെ വ്യാഴം ആയത് കൊണ്ട് ബുർദ മുഴുവൻ ചൊല്ലാനിരുന്നു അത് കൊണ്ട് തന്നെ തഹജ്ജുദിന് വേണ്ടി ഇച്ചിരി ഉറങ്ങിയെന്ന് മാത്രം സാധാരണ ക്ഷീണം പിറ്റേന്ന് ഉണ്ടാകാറില്ല എങ്ങനെ ഉണ്ടാവാനാണ് തങ്ങളെﷺകാത്തിരിക്കുന്ന മുഹിബ്ബിന് എവിടെ ക്ഷീണം പക്ഷെ ഇന്ന് യാത്ര ചെയ്തിട്ടാവണം വല്ലാത്തൊരു ക്ഷീണവും തല വേദനയുമൊക്കെ... ഡോക്ടറെ കാണാൻ പോകാനുള്ളത് കൊണ്ട് ഇന്ന് കോളേജിലേക്ക് വരില്ലായെന്ന് ഫാത്തിയോട് വിളിച്ചു പറഞ്ഞിരുന്നു... വേഗം ചെന്ന് റൂമിൽ കണ്ണടച്ച് കിടന്നു പർദ്ദ ഒന്ന് ഊരിയിടാൻ പോലും തയ്യാറായില്ല... ഫാത്തിയുടെ പേര് അതിൽ കണ്ടതും ഫാത്തിക്ക് പറഞ്ഞറിയിക്കാൻ പറ്റാത്ത സങ്കടമായിരുന്നുവുള്ളിൽ... മാഷാ അല്ലാഹ് എന്റെ പേര് വന്നല്ലോ ഈ ഡയറിയിൽ എനിക്കത് മതി അത് മാത്രം മതി... ഫാത്തി സന്തോഷത്തോടെ അടുത്ത പെജ് മറിച്ചു... പെട്ടെന്നാണ് ഉമ്മ റൂമിലേക്ക് വന്നത്... "മോളെ ഐനാ നാളെ നിന്നെ പെണ്ണ് കാണാൻ ഒരു കൂട്ടര് വരുന്നുണ്ട് ട്ടൊ...നീ നല്ല സുന്ദരിക്കുട്ടിയായി ഒരുങ്ങി നിന്നേക്കണം..." ഞാൻ സ്വല്പം ഒന്ന് ഞെട്ടിപ്പോയി ന്നാലും ഇത്ര നേരത്തെ വേണായിരുന്നോ റബ്ബേ... ഹ്മ്മ് സമ്മതം മൂളിയതല്ലേ അപ്പൊ പിന്നെ ഇതും ഇതിൽ കൂടുതലും പ്രതീക്ഷിക്കാം... ഞാനുമ്മാനെ ഒന്ന് നോക്കി ഞാനൊന്നും പറയാഞ്ഞിട്ടാവാം ആ മുഖം ഒന്ന് മങ്ങിയിട്ടുണ്ട്... ഉമ്മാനെ വിഷമിപ്പിക്കണ്ടായെന്ന് ഞാനും കരുതി... എങ്കിലും സംശയം ചോദിക്കണ്ടേ... "അല്ലുമ്മാ എന്തിനാ നാളെ തന്നെയാക്കിയേ..." തെല്ലൊരു നോവോടെയാണ് ഞാനത് ചോദിച്ചതെന്ന് എന്റെ വാക്കുകളിൽ വ്യക്തമായിരുന്നു... "നാളെയും മാറ്റന്നാളുമല്ലേ നിനക്ക് ലീവ് ബാക്കി ഫുൾ ദിവസവും ക്ലാസല്ലേ... ഇനിയിപ്പോ അടുത്ത ആഴ്ച്ച വരെ കാത്ത് നിക്കണ്ടേ അതിനുള്ളിൽ എന്തേലും ഒന്ന് തീരുമാനിക്കണം... അതോണ്ട് ഉപ്പയാണ് പറഞ്ഞെ വൈകിക്കണ്ടാന്ന്..." അതിന് ഞാനൊന്ന് മൂളുക മാത്രം ചെയ്ത്... എവിടെ നിന്നാണെന്നോ ചെക്കൻ ആരാണെന്നോ അവൻക് എന്താ ജോലിയെന്ന് പോലും ഞാൻ ചോദിച്ചില്ല... ചോദിക്കാൻ തോന്നിയില്ല എന്ന് വേണം പറയാൻ... അന്ന് രാത്രി കണ്ണടക്കുമ്പോ നാളത്തെ ദിവസത്തെ ഓർത്ത് വല്ലാത്തൊരു ടെൻഷനിൽ ആയിരുന്നു ഞാൻ... ഒരു അന്യ പുരുഷന്റെ മുൻപിലേക്ക് ഞാൻ നാളെ പോകണമല്ലോ... അപ്പോഴും ഉള്ളിലുള്ള ഒരേ ഒരു ചോദ്യം... തങ്ങളുണ്ടാവുമ്പോൾﷺഎങ്ങനെ ഞാൻ മറ്റൊരാളെ സ്നേഹിക്കും... എനിക്കതിന് ഒരിക്കലും കഴിയില്ല... അപ്പൊ പിന്നെ ഞാനീ ചെയ്യുന്നത് എന്നെ കെട്ടാൻ പോകുന്നവനോടുള്ള ചതിയല്ലേ...എന്തായാ ലും വേണ്ടിയില്ല നാളെ കാണാൻ വരുമല്ലോ അവനോട് എനിക്ക് തന്നെ നേരിട്ട് കാര്യങ്ങൾ തുറന്ന് പറയണം തങ്ങളേക്കാൾﷺ കൂടുതലായി എനിക്ക് നിങ്ങളെ സ്നേഹിക്കാനൊരിക്കലും കഴിയില്ലായെന്നും എന്നെ മറക്കണം എന്നുമൊക്കെ... അങ്ങനെ അന്നത്തെ പുലരിയെ ഞാൻ എന്നത്തേയും പോലെ വരവേറ്റു നിസ്കാരവും പ്രഭാത കർമങ്ങളും ചെയ്ത് അടുക്കളയിലേക്ക് വിട്ട്... ഇത് പതിവാണ് എന്നിട്ട് എല്ലാർക്കുമുള്ള ഉമ്മയിട്ട് വെച്ച ചായ എടുത്ത് കൊണ്ട് കൊടുക്കും അപ്പോഴേക്കുമായിരിക്കും ഹയാൻ എണീറ്റിട്ടുണ്ടാവുക മദ്രസയില് പോണതിന് രണ്ട് മിനുട്ട് മുൻപ് അതിനിടയിൽ നനയും കുളിയും ചായ കുടിം ഒക്കെ കഴിച്ച് പീട്ടി ഉഷനെ പോലെയൊരോട്ടം ആണ് മദ്രസ്സയിലേക്ക്... മദ്രസ ഇവിടെ അടുത്ത് ആയത് ഓന്റെ ഭാഗ്യം അല്ലേൽ കാണാമായിരുന്നു പൂരം... ഹയാന് മദ്രസയിൽ പോകാനുള്ളത് കൊണ്ട ചെക്കൻ എണീക്കാൻ നേരം വൈകുന്നത് തന്നെ...അതാണ് കോമഡി മദ്രസ ഉള്ള ദിവസം കാണാ ഓൻക്ക് തീർത്താൽ തീരാത്ത ഉറക്ക് മദ്രസ ഇല്ലെങ്കിലോ ഈ വീട്ടിൽ ഓനാവും ആദ്യം എണീക്കുന്നത് ന്റെ റബ്ബേ എല്ലാ കുട്ടികളും ഇങ്ങനെയൊക്കെത്തന്നെയാണോ എന്തോ ഞാനൊന്ന് നിശ്വസിച്ചു...അയാൻ പിന്നെ ദർസിലാണ് മാസത്തിൽ ലാസ്റ്റ് മൂന്നൂസത്തിന് വരും അത്ര തന്നെ...ഓൻ ഉള്ളപ്പോൾ ആണ് വീടിന് ഒരു ഓളം തന്നെ മ നമ്മളെ അതെ ലെവലിൽ മിണ്ടാൻ അവനെക്കൊണ്ടേ പറ്റൂ.. ദർസില് പോണതിന് മുന്നേ ഞങ്ങള് എന്നും അടിയാവും അത് തീർക്കാനേ ഉമ്മാക്ക് നേരം കാണൂ... എത്ര അടി ഉണ്ടാക്കിയാലും അവസാനം ഞങ്ങള് ഒന്നാവും തീർക്കാൻ വന്നവര് പുറത്തും... ഇപ്പൊ പിന്നെ അടി ഉണ്ടാകാറില്ല അതിനുള്ള നേരമില്ലായെന്ന് വേണം പറയാൻ... ആകപ്പാടെ തല്ല് കൂടലിപ്പോ ചെറുതിനേറ്റാണ് വല്ലാണ്ട് ഞാൻ അങ്ങോട്ടേക്ക് തല്ലിന് പോക്കില്ല കാരണം കക്ഷി നല്ലോണം കടിക്കും അത് താങ്ങാനുള്ള മിനിമം കപ്പാസിറ്റി പോലും ഈ ഐനക്ക് ഇല്ലായെന്ന് വേണം പറയാൻ അതോണ്ട് ഒതുങ്ങുന്നതാണ് അല്ലാണ്ട് പേടിച്ചിട്ടൊന്നുമല്ല... അങ്ങനെ രാവിലത്തെ ചായയും കടിയും കുടിച്ച് കഴിഞ്ഞ്... ഞാനും ഉമ്മയും കൂടെ തകൃതിയായി പണിയൊക്കെ പെട്ടെന്ന് തന്നെ തീർത്തു... വൈകീട്ടാണ് അവര് കാണാൻ വരുന്നത് ഇവിടെയടുത്ത് പാലക്കാട് തന്നെയാണ് വീട്... വൈകുന്നേരമായപ്പോൾ മാറ്റി ഒരുങ്ങി നിൽക്കാനും പറഞ്ഞ് കൊണ്ട് ഉമ്മ റൂമിലേക്കും ഉപ്പ അങ്ങാടിയിലേക്കും പോയി അവര് വരുമ്പോ ചായക്കടിക്ക് പൊരിക്കടി വാങ്ങാൻ ആണെന്ന് കേട്ട്... വിശേഷം അറിഞ്ഞു നമ്മളെ പുന്നാര ആങ്ങള അയാൻ രംഗത്തെത്തിയിട്ടുണ്ട് താഴെ നിന്ന് ഓന്റെ സംസാരം കേൾകാം... പെട്ടെന്ന് കണ്ട് റൂമിലേക്ക് ഇടിച്ചു കയറി വരുന്നു... "ഹ്മ്മ് എന്താ..." ഞാനൊറ്റ പുരികം പൊക്കി ചോദിച്ചതും അവനെന്നെ ഒരു ആക്കിച്ചിരി...നമ്മള് അവനെ ഒന്ന് കൂർപ്പിച്ചു നോക്കി... "നമ്മളെ പുന്നാര പെങ്ങളെ കാണാൻ അങ്ങ് പാലക്കാടിൽ നിന്നുമൊരു കൂട്ടര് വരുന്നുണ്ടെന്ന് കേട്ട് അപ്പൊ എന്റെ അളിയനെ ഒന്ന് കാണാൻ വേണ്ടി ഉസ്താദിന്റെ കയ്യും കാലും പിടിച്ച് ഒരു ദിവസത്തിന് ഓടി പോന്നതാണ് ഈ പാവം അനിയൻ ചെക്കൻ..." "അയ്യോടാ വല്ലാത്ത കഷ്ടായിപ്പോയല്ലോ മോനെ...എന്തായാലും വന്നതല്ലേ ഈ ഡ്രസ്സ്‌ കൊള്ളാമോ എന്നൊന്ന് പറ..." നമ്മള് നമ്മളെ ഡ്രസ്സ്‌ പിടിച്ച് തിരിഞ്ഞു നിന്ന് ഓനോട്‌ ചോദിച്ചു... "അയ്യേ നിനക്ക് ഈ പർദ്ദ മാത്രേ ഒള്ളു ഇടാൻ അവരൊക്കെ വരുമ്പോ ഈ ലൂസ് പർദ്ദയും ഇട്ടിട്ടാണോ നിൽക്കുന്നത് ഈ കണക്കിന് പോയാൽ ഇജ് ഓൻ കാണാൻ വരുമ്പോ നിക്കാബും ഇടുമല്ലോ പൊന്തിക്കുകയും ഉണ്ടാവൂല..." അവൻ കളിയാക്കി... "നിക്കാബൊക്കെ ഇടണം പിന്നല്ലാണ്ട് അവൻ അന്യ പുരുഷൻ അല്ലെ..." "ദേ എന്നെ കൊണ്ടൊന്നും പറയിപ്പിക്കണ്ട കാഞ്ഞ ബുദ്ധിയാണ് എന്നാലോ ആവിശ്യത്തിന് ഇല്ല താനും... അവന്റെ മുന്നിൽ മുഖം കാണിക്കുന്നതിൽ ഹാറാമില്ല എന്ന് നിനക്ക് അറിയൂലെ..." "ഓഹോ ഞാനത് പെട്ടെന്ന് മറന്നടാ... എന്നിട്ട് നീ പർദ്ദ ഇടണ്ടായെന്നാണോ പറയുന്നത്..." "അതെ വേറെ വല്ല ഡ്രെസ്സും ഇട്... ആ നിന്റെ അടുത്തില്ലേ ആ മഞ്ഞ ചുരിദാറ് അത് ഇട്ടോ... പിന്നെ കുറച്ച് പൌഡർ ഒക്കെ വാരി തേച്ചേക്ക്... ലിപ്സ്റ്റിക് വേണ്ട ചുണ്ട് ഓൾറെഡി കളറുണ്ടല്ലോ സുറുമയെഴുതിയെക്ക്... കാണാൻ മൊഞ്ചില്ലായെന്നല്ല എന്നാലും എന്റെ അത്രക്കില്ലല്ലോ..." "അല്ലോഹ് ഒന്ന് പോയെടാ പൌഡറും സുറുമയും ഇടാഞ്ഞിട്ടായിപ്പോ..." "ചെക്കൻക് പറ്റണെൽ ഇട്ടോ അല്ലേൽ ഓൻ ഓന്റെ പാടും നോക്കി പോകും..." അങ്ങനെയാണേൽ അത്രേം ആശ്വാസം അവള് മനസ്സിലോർത്തു... വേഗം തന്നെ അവനെ പറഞ്ഞയച്ചിട്ട് മഞ്ഞ ചുരിദാർ ഇട്ടു കണ്ണാടിയുടെ മുന്നില് തിരിഞ്ഞു മറിഞ്ഞും മാറി മാറി എന്നെ തന്നെ ഞാൻ നോക്കിക്കൊണ്ടിരുന്നു സ്കാഫ് കൂടി ചെയ്ത് കഴിഞ്ഞപ്പോ എനിക്ക് എന്നെ തന്നെ കണ്ട് എന്നോട് അസൂയ തോന്നി അത്രയും മൊഞ്ച് വല്യ ആളായി പറഞ്ഞതല്ല ഉള്ളത് തന്നെയാട്ടോ... ഇനിയിപ്പോ അനു(അയാൻ)പറഞ്ഞ പോലെ പൗഡറും സുറുമയും ഇടണോ... ആ ഇട്ടേക്കാം ഒരൂസം അല്ലെ... അങ്ങനെ താഴെ നിന്ന് അനു വിളിച്ചു പറയുന്നത് കേട്ടു അവരെത്തിയെന്ന്... അത് വരെ കൂളായി മിടിച്ച് കൊണ്ടിരുന്ന എന്റെ ഹാർട്ട്‌ ബീറ്റൊക്കെക്കൂടെ പണ്ടാരോ പറഞ്ഞ പോലെ ഡീജേ ഡാൻസ് കളിക്കുന്നത് പോലെ തോന്നി നമ്മക്ക്... ഉപ്പ അവരെ സ്വീകരിച്ചിരുത്തുന്നതും ഉമ്മ അവരെ ഉമ്മാട് സംസാരിക്കുന്നതും വ്യക്തമായി റൂമിലേക്ക് കേൾകാം അവർക്ക് ചായയും വെള്ളവുമൊക്കെ കൊടുത്ത ശേഷം ഉമ്മയെന്നെ വിളിച്ചു മോളെ ഐനാ... എല്ലാരും എന്റെ വരവിനായി നോക്കിയിരുന്നു അവന്റെ ഉമ്മയും ഉപ്പയും അവനും അനിയത്തിയും ഓരെ ഫ്രണ്ടും ആണ് വന്നേക്കുന്നത് ഫ്രണ്ടും അവനും കോലായിൽ ആയത് എനിക്കൊരു ആശ്വാസം തന്നെയായിരുന്നു ഞാനെല്ലാവരെയും നോക്കി നിറഞ്ഞ പുഞ്ചിരി നൽകി അവര് തിരിച്ചും തന്നു പിന്നെ ഓരോന്ന് ചോദിക്കുന്നതിന് മറുപടി കൊടുക്കാനും തുടങ്ങി... നമ്മളെ അനു നമ്മളെ കണ്ട് കണ്ണും തള്ളി നിൽക്കുന്നുണ്ട്... "മോനും മോൾക്കും എന്തേലും സംസാരിക്കാൻ ഉണ്ടേൽ ആയിക്കോട്ടെ..." അവന്റെ ഉമ്മയാണ് പറഞ്ഞത് എല്ലാരും അതിനോട് യോജിച്ചു ഞങ്ങളെ എന്റെ റൂമിലേക്ക് പറഞ്ഞ് വിട്ടു...അപ്പൊ പോലും ഞാൻ അയാളെ മുഖത്തേക്ക് പോലും നോക്കിയില്ലായെന്ന് വേണം പറയാൻ... റൂമിലെത്തി അവൻ എന്റെ നേർക്ക് തിരിഞ്ഞു അപ്പോഴും ഞാൻ താഴെ നോക്കി ഒരു പാവയെപ്പോലെ നിൽക്കുകയായിരുന്നു... *"നോക്കൂ മിസ്സിസ് ഫാത്തിമാ ഐനാ ബിൻത് അഹമ്മദ് സഖാഫി..."* എവിടെയോ കേട്ട് മറന്ന ശബ്ദം പോലെ തോന്നിയതും ഐന മുഖമുയർത്തി അയാളെ നോക്കി അവളൊരു നിമിഷം ഞെട്ടിപ്പോയി കണ്ടത് വിശ്വസിക്കാനായില്ല അതിനായി അവൾ പാട് പെട്ടു... ഡോക്ടർ... *ഡോക്ടർ റയാൻ സർ* ആ പേരുകൾ അവളെ വായിൽ കിടന്ന് ഞെരിഞ്ഞമർന്നുകൊണ്ടേയിരുന്നു.... (തുടരും) ബാക്കി വേണേൽ രണ്ട് വരിയിൽ കുറയാതെ കമെന്റ് തരിൻ... ഇൻ ഷാ അല്ലാഹ്... വീണ്ടും കാണാം ഇൻ ഷാ അല്ലാഹ്... *🌹✨💚اَللَّهُمَّ صَلِّ عَلَى سَيِّدِنَا مُحَمَّدِ نِ الْفَاتِحِ لِمَا أُغْلِقَ وَالْخَاتِمِ لِمَا سَبَقَ نَاصِرِ الْحَقِّ بِالْحَقِّ وَالْهَادِي إِلَى صِرَاطِكَ الْمُسْتَقِيمْ وَعَلَى آلِهِ حَقَّ قَدْرِهِ وَمِقْدَارِهِ الْعَظِيمِ.💚✨🌹* മുത്തോരെﷺപേരിലേക്ക് സ്വലാത്തുകൾ വാർഷിക്കട്ടെ... _______________________________________ #📙 നോവൽ

*മുഹിബ്ബിന്റെ ഹുബ്ബ്‌* *ഭാഗം=4* *Written By Fathima Rinsha Binth Saqafi* ______________________________________________ അടുത്ത ഓരോരോ പേജുകളും ഫാത്തി ആകാംഷയോടെയാണ് മറിച്ചത്... ഐനക്ക് വിവാഹലോചനകൾ വരുന്നു പക്ഷെ., ഐന സമ്മതിക്കുന്നില്ല... കാരണം ചോദിച്ചിട്ടാണെലോ പറയുന്നുമില്ല... അങ്ങനെ ഒരുപാട് കാലം ഉമ്മയും ഉപ്പയും പുറകെ നടന്ന് കയ്യും കാലും പിടിച്ച് പറഞ്ഞു നോക്കി എവടെ ഒരു പ്രയോജനവും ഉണ്ടായില്ലായെന്ന് വേണം പറയാൻ... തന്റെ മകൾ വല്ല പ്രേമത്തിലും പെട്ടിട്ടുണ്ടാവുമോ ആ മാതൃ ഹൃദയം വിങ്ങി... അവൻ പറഞ്ഞത് കൊണ്ടാകുമോ ഇനി ഇത്തരം മാറ്റങ്ങളൊക്കെ ഉമ്മയൊന്ന് നിശ്വസിച്ചു ഉമ്മാന്റെയുള്ളിലെ സംശയങ്ങളും ചോദ്യങ്ങളും ഉപ്പാനെയും ബോധ്യപ്പെടുത്തി... അങ്ങനെ അവര് രണ്ടാളും കൂടെ ഒരു തീരുമാനം എടുത്ത്... നാളെ മോളെ കൊണ്ട് ഒരു കൗൺസിലറെ കാണാൻ പോകണം എന്ന്... അങ്ങനെ പിറ്റേന്ന് മൂന്ന് പേരും കൂടെ കൗൺസിലറെ കാണാൻ ചെന്ന്... ആദ്യം മൂന്ന് പേരെയും പിന്നെ ഓരോരുത്തരെയും ഘട്ടം ഘട്ടമായാണല്ലോ കൗൺസിലിംഗ് ചെയ്യല് അതോണ്ട് ഐനയുടെ ഊഴം എത്തിയപ്പോൾ ഡോക്ടർ വളരെ ശാന്തതയോടെ ഒരേ ഒരു ചോദ്യം... "എന്താണ് മോളെ നീ കല്യാണത്തിന് സമ്മതിക്കാത്തത്... അവര് ചോദിച്ചിട്ട് മോള് പറയുന്നില്ലായെന്നും കേട്ട് അവരോട് പറയാൻ പറ്റാത്തതാണേൽ മോളെന്നോട് പറ..." ഡോക്ടറിന്റെ ആ ചോദ്യത്തിൽ അവളാകെ കുരുങ്ങി കിടന്നിരുന്നു എങ്കിലും ഇവിടുന്ന് പറയാതെ വിടൂല്യ പോകാനും കഴിയില്ല എന്നറിയാവുന്നത് കൊണ്ട് അവളൊന്ന് നിശ്വസിച്ചു എന്നിട്ട് പറയാൻ തുടങ്ങി... "ഡോക്ടർ നിങ്ങളൊക്കെ കരുതിയത് ശെരി തന്നെ... എനിക്ക് ഒരു പ്രേമമുണ്ട് എന്റെ ഉള്ളിന്റെയുള്ളിൽ ആരും കാണാതെ ആരുമറിയാതെ അള്ളാഹു തആലയും മുത്ത് നബിﷺതങ്ങളും മാത്രം അറിയുന്ന ഒരു പ്രേമം അത് കൊണ്ടാ ഞാനീ വിവാഹത്തിന് സമ്മതിക്കാത്തത്..." അവളുടെ മറുപടിയിൽ ഡോക്ടർ സ്തംഭിച്ചു പോയി... നല്ല ഒരു ഹിജാബിപ്പെണ്ണ് മുഖവും അത് കൂടാതെ കയ്യും കാലും മുഴുവനായി മറച്ചിട്ടുണ്ട് നിക്കാബൊന്ന് പൊക്കാൻ പറഞ്ഞിട്ട് പോലും ഞാൻ ആണായത് കൊണ്ട് പോലും അതൊന്ന് പൊക്ക കൂടി ചെയ്തീല... എന്നിട്ട് ഇവൾക്ക് പ്രേമമോ ഡോക്ടർ അതിശയത്തോടെ അവളെ തന്നെ നോക്കി നിന്നു... "നിന്നോട് ഞാൻ കൗൺസിലിംഗ് ചെയ്യാൻ വേണ്ടി നിക്കാബ് പൊന്തിക്കാൻ പറഞ്ഞ് ഡോക്ടറെ ഇടയിൽ അത് അസുഖ ചികിത്സക്ക് വേണ്ടി ഹറാമില്ലാഞ്ഞിട്ട് പോലും നീ പൊക്കിയില്ല ആ നിനക്ക് പ്രേമമോ..." ഡോക്ടർ ഡോക്ടറെ സംശയം അവളെ ബോധിപ്പിച്ചു... അവളൊന്ന് ചിരിച്ചു... *"ഡോക്ടർ നിങ്ങളുദ്ദേശിക്കുന്ന പോലെ കണ്ടവന്മാരോടുള്ള പ്രണയമല്ല എന്റെ തങ്ങളോടുള്ളﷺഅടങ്ങാത്ത പ്രണയത്തെ കുറിച്ചാണ് ഞാൻ പറഞ്ഞത്... അങ്ങ് ദൂരെ മദീനയിൽ അന്തിയുറങ്ങുന്ന എന്റെ മദീന രാജാക്കുമാരനോടുള്ളﷺഎന്റെ പ്രണയമാണ്... ആ ഞാനെങ്ങനെ വിവാഹം കഴിക്കും വിവാഹം കഴിച്ചാൽ മറ്റാരേക്കാളും ഭർത്താവിനെ സ്നേഹിക്കണം ആ സ്നേഹം കാരണം തങ്ങളെﷺഞാൻ മറക്കുമോ അവിടുത്തോടുള്ളﷺസ്നേഹം കുറയുമോ എന്ന് പേടിച്ചിട്ടാണ് ഞാനിതിൽ നിന്നും പിന്മാറുന്നത് അല്ലാണ്ട് വേറെയൊന്നുമല്ല..."* അവളുടെ മറുപടി കേട്ട് നേരത്തേതിനേക്കാൾ തെല്ലൊന്ന് അതിശയിച്ചു പോയി ഡോക്ടർ... ഈ കാലത്തും ഇങ്ങനത്തെ കുട്ടികളോ... ശെരിക്കും ഇങ്ങനെയുള്ള ഒരു പെണ്ണിനെയല്ലേ ഞാൻ തേടി നടക്കുന്നത്...അവളെ ഒന്ന് നോക്കിക്കൊണ്ട് പുഞ്ചിരിയോടെ ഡോക്ടർ പറയാൻ തുടങ്ങി... "കല്യാണം എന്നത് വളരെ മഹത്വമേറിയ ഒന്നല്ലേ... തങ്ങൾക്ക്ﷺനേരത്തെ വിവാഹം കഴിയുന്നതും... കല്യാണം കഴിഞ്ഞ് പ്രസവിക്കുന്ന ആദ്യത്തെ കുട്ടി പെൺകുട്ടി ആവുന്നതുമൊക്കെ വല്യ ഇഷ്ടമല്ലേ...അതിനത്രയും അവിടുന്ന്ﷺ പ്രാധാന്യം കല്പിക്കുന്നുണ്ടെങ്കിൽ തങ്ങൾﷺപറയുന്ന ആ കാര്യം അവിടുത്തോട്ﷺ ഇഷ്ടമുള്ള ഐന എങ്ങനെ ചെയ്യാതിരിക്കും ഐനാ..." ഐന ഒന്നും മിണ്ടിയില്ല ഇതേ ചോദ്യം പലയാവർത്തി ഞാൻ തന്നെ എന്റെ മനസ്സിനോട്‌ ചോദിച്ചതാണ് അന്നും മറുപടി എനിക്കില്ലായിരുന്നു... എന്നാലും തനിക്ക് കഴിയുന്നില്ല... അവള് കരയാൻ തുടങ്ങി തേങ്ങലുകൾ പുറത്തേക്ക് വന്നു... ഒരു പ്രണയം ഉള്ള ഞാനെങ്ങനെ മറ്റൊരുത്തനെ സ്നേഹിക്കും എനിക്കതിന് കഴിയുമോ ഒരിക്കലുമില്ല ഞാനെന്താ ചെയ്യാ പടച്ചോനെ... അവളിൽ ചോദ്യങ്ങൾ ഉയർന്നു കൊണ്ടേയിരുന്നു... ഡോക്ടർ അവളോട് നിക്കാബ് പൊക്കാൻ പറഞ്ഞ്... ഇത്തവണ അവള് പൊക്കിയിരുന്നു... ഒന്നാമത് കരഞ്ഞത് കൊണ്ടും രണ്ട് മുഖവുര ഇല്ലാതെ എന്റെയുള്ളിലുള്ള കാര്യങ്ങൾ തുറന്ന് പറയുന്നതിന് വേണ്ടിയും...അവളെ കണ്ട ഡോക്ടറിന്റെ കണ്ണ് രണ്ടും പുറത്തേക്ക് ചാടിയിരുന്നു... വെള്ളാരം കണ്ണുള്ള അതീവ സുന്ദരി താടിയിൽ ഒരു കാക്കാപ്പുളിയുണ്ട്...ഓറഞ്ച് അധരങ്ങൾ ഒന്നുടെ അവൾക്ക് ഭംഗി നൽകുന്നു ചമയങ്ങളൊന്നുമില്ല എങ്കിലും ഹൂറികളെപ്പോലെ എന്തൊരു ഭംഗിയാ... ഇത് വരെ വന്ന പേശ്യെന്റ്സിൽ പോലും ഇങ്ങനെ ഒരാളെ അത് വരെ ഞാൻ കണ്ടിട്ടില്ലെന്ന് ഡോക്ടർ ഓർത്തു... പെട്ടെന്ന് ബോധം വന്ന പോലെ ഡോക്ടർ നോട്ടം മാറ്റി... എന്തോ അവളിൽ നിന്ന് കണ്ണെടുക്കാൻ തോന്നുന്നില്ല... പക്ഷെ ഞാനും ഒരു ഉസ്താദ് ആണല്ലോ ഹറാം അത് എല്ലാർക്കും ഹറാം തന്നെ അതിൽ ഉസ്താദ് മാഷ് എന്നൊന്നുമുള്ള വേർതിരിവില്ലല്ലോ... ശിക്ഷ എല്ലാർക്കും ഒന്ന് തന്നെ...അത് കൊണ്ട് ശക്തി പൂർവ്വം കണ്ണുകളെ വേർപ്പെടുത്തി... പറയാൻ വിട്ടതാണേ നമ്മുടെ ഡോക്ടർ ഉസ്താദാണ് ട്ടൊ രാവിലെ മദ്രസയിൽ പഠിപ്പിക്കും പ്ലസ് വണ്ണും പിന്നെ രണ്ടാം ക്ലാസും... ശേഷം ഇവിടെ ഡ്യൂട്ടിയിൽ കയറും ഇതാണ് പതിവ് ഞായർ ലീവും മൂപ്പരെ പേര് പറഞ്ഞില്ലല്ലോ വിട്ട് പോയതാണ് ട്ടൊ.. റയാൻ മാലിക്ക് എന്ന മാലിക്കിന്റെയും നഫീസയുടെയും ഒരേ ഒരു മകൻ ഒരു അനിയത്തിയും റിയ മാലിക്ക് ഇപ്പൊ പ്ലസ് ടുവിൽ പഠിക്കുന്നു അത് പറഞ്ഞപ്പോഴാ നിങ്ങൾക്ക് ഞാൻ ഐനയുടെ ഫാമിലി പറഞ്ഞ് തന്നിട്ടില്ലല്ലോ പുതുപ്പുരക്കൽ വീട്ടിൽ അഹമ്മദ് സഖാഫി ഹാജിയുടെയും പ്രിയ പുത്രി ഖദീയുടെയും ഏക മകൾ ഫാത്തിമ ഐന താഴെ രണ്ട് അനിയന്മാർ.. മുഹമ്മദ്‌ അയാൻ ആൻഡ് മുഹമ്മദ്‌ ഹയാൻ.. ഒരാൾ പ്ലസ് വണ്ണിൽ ദർസിൽ പഠിക്കുന്നു മാറ്റാള് യൂകേജിയിലും... ഇപ്പൊ നിങ്ങള് കരുതുന്നില്ലേ ഞാനെന്തിനാപ്പോ റയാൻ ഡോക്ടറെ ഫാമിലിയെ പരിചയപ്പെടുത്തിയത് എന്ന് ട്വിസ്റ്റ്‌ ഉണ്ട് ട്ടൊ... "ഡോക്ടർ ഈ ചോദ്യങ്ങൾ ഞാനെന്നോട് പലയാവർത്തി ചോദിച്ചതാണ് പക്ഷെ എനിക്കറിയില്ല അതിനുള്ള മറുപടി... ഡോക്ടർ പറഞ്ഞതത്രയും ശെരി തന്നെ പക്ഷെ എനിക്ക് കഴിയില്ല ഒരാളെ പ്രേമിക്കുമ്പോൾ മറ്റൊരാളെ പ്രേമിക്കാൻ ഡോക്ടർക്ക് എന്റെ അവസ്ഥ മനസ്സിലാകുമെന്ന് കരുതുന്നു..." ഐന ഒരു കിതപ്പോടെ പറഞ്ഞു നിർത്തി... "എനിക്ക് മനസ്സിലാകും ഐനാ പക്ഷെ നീ കാലാ കാലവും വിവാഹം കഴിക്കാതെയിരിക്കാനാണോ പ്ലാൻ..." "എന്റെ മരണം വരെ തങ്ങൾﷺഎന്റെ ഉള്ളിൽ നിന്ന് മായൂല അള്ളാഹു മായാത്ത തരത്തിൽ എന്നിലടിയുറപ്പിക്കട്ടെ എന്ന് തന്നെയാണെന്റെ പ്രാർത്ഥനയും അത് അങ്ങനെ തന്നെയാവട്ടെ...ആ ഞാൻ എങ്ങനെ ഒരു വിവാഹത്തെ കുറിച്ചാലോചിക്കും ഡോക്ടർ..." "നീ പറഞ്ഞതെല്ലാം ശെരിയായേക്കാം പക്ഷെ ഈ ഒരൊറ്റ തീരുമാനം തങ്ങളെﷺസങ്കടത്തിൽ ആക്കുന്നുണ്ടെങ്കിലോ അതിനെ കുറിച്ച് നീ ആലോചിച്ചിട്ടുണ്ടോ... അത് കാരണം തങ്ങൾﷺവിഷമിച്ചിരിക്കുന്നതാണോ നിനക്കിഷ്ടം... പറയൂ ഐനാ..." ഐന ഒന്ന് ഞെട്ടിപ്പോയി... ഇനി അത് കാരണമാവുമോ തങ്ങളെന്നെﷺയക്ലത്തിൽ കാണാൻ വരാത്തത് അവളൊന്നാലോചിച്ചു... "ഞാനൊരു സംശയം ചോദിക്കട്ടെ ഡോക്ടർ..." ഡോക്ടർ ചോദിക്കൂ എന്ന് പറഞ്ഞതും അവളൊന്ന് ആലോചിച്ചു എന്നിട്ട് ചോദിക്കാൻ തുടങ്ങി... "അല്ല ഒരാളിപ്പോ തങ്ങളെﷺസ്വപ്നത്തിൽ കണ്ടു... അയാൾക്ക് യക്ലത്തിൽ മുത്തോരെﷺകാണണമെന്നയാൾക്ക് ആശയുണ്ട് പക്ഷെ അയാൾ അവിടുത്തേക്ക്ﷺഇഷ്ടമില്ലാത്ത ഒരു കാര്യം ചെയ്യുന്നുവെങ്കിൽ മുത്തോര്ﷺവരൂലേ യക്ലത്തിൽ..." ആ ചോദ്യത്തിൽ നിന്ന് തന്നെ ഡോക്ടർക്ക് മനസ്സിലായിരുന്നു അത് അവളാണെന്നും കൂടെ തന്നെ ആ തെറ്റ് ഈ വിവാഹത്തെക്കുറിച്ചുള്ളതാണെന്നും... ഡോക്ടർ ഉള്ളിൽ കുസൃതി നിറച്ചു കൊണ്ട് അവള് വിവാഹത്തിന് സമ്മതിക്കട്ടെയെന്ന് ഓർത്തു കൊണ്ട് അവളുടെ മുഖത്തേക്ക് നോക്കി പറയാൻ തുടങ്ങി... "ഒരിക്കലും വരൂല മാത്രല്ല മനാമിൽ വരുന്നതും അവിടുന്ന്ﷺനിർത്തിയേക്കാം കാരണം അവിടുത്തേക്ക്ﷺഇഷ്ടമില്ലാത്ത ഒരു കാര്യം ചെയ്യുന്നവരുടെ അടുത്തേക്ക് എങ്ങനേ തങ്ങൾﷺവരും..." അങ്ങനെയുണ്ടാവുമോ അല്ലേൽ താൻ പറഞ്ഞത് കളവാണോയെന്നൊന്നും ഡോക്ടർക്ക് അറിയില്ലായിരുന്നു എങ്കിലും അവളുടെ മറുപടിക്കായി ഡോക്ടർ കാതോർത്തു... ഐന സ്തംഭിച്ചു പോയി ഹൃദയം കീറി മുറിക്കുന്ന വേദന ആദ്യത്തേതിനേക്കാൾ വേദനിപ്പിച്ചത് രണ്ടാമത്തേത്... *മനാമിൽ പോലും വരുന്നത് നിർത്തിയേക്കാം* ...അത് മാത്രം അവളുടെ കാതുകളിൽ അലയടിച്ചു കേൾക്കുന്നുണ്ട് അവള് ചെവിപൊത്തിപ്പിടിച്ചു പൊട്ടിക്കരയണമെന്ന് തോന്നിയവൾക്ക് പക്ഷെ തൊണ്ടയിൽ എന്തോ കുരുങ്ങിയത് പോലെ... ശബ്ദം മാത്രം പുറത്തേക്ക് വരുന്നില്ല... ഇല്ലാ ഒരിക്കലുമില്ലാ അവിടുന്ന്ﷺകരുണയുള്ളവരാണ് എന്നെ മനസ്സിലാക്കാതെയിരിക്കില്ല അവള് സ്വയം ആശ്വാസം കണ്ടെത്താൻ തുടങ്ങി... "ഐനാ എന്താടോ ഡോക്ടർ അത്രയും പറഞ്ഞിട്ട് നിന്റെ തലയിൽ കയറിയില്ലേ പഠിക്കാൻ വരെ ഭയങ്കര മിടുക്കുള്ള നിനക്ക് ഇതെന്താ തലയിൽ കയറാത്തത്... നീ പറഞ്ഞത് ശെരിയാ തങ്ങൾﷺ അവിടുന്ന് ﷺമനസ്സിലാക്കിയേക്കാം പക്ഷേ ഇത്രയൊക്കെ ഒരാള് പറഞ്ഞിട്ടും നീ കേൾക്കാത്തതെന്താ നീയെന്ത് കൊണ്ട് മനസ്സിലാക്കുന്നില്ല അപ്പൊ എങ്ങനെ തങ്ങളവിടുന്ന്ﷺനിന്നെ മനസ്സിലാക്കും ഐനാ ചിന്തിക്ക് നീ ചിന്തിക്കുന്നവർക്ക് ദൃഷ്ടാന്തമുണ്ടന്നല്ലേ..." "ഐനാ നീയും കൂടി എന്നെ തളർത്തല്ലേ ആകെയുള്ളൊരാശ്വാസം നീയാണ് ഐനാ..." ഒന്നും മിണ്ടാതെ മൗനിയായിരിക്കുന്ന ഐനയെ കണ്ട് ഡോക്ടർ അത്ഭുതപ്പെട്ടു പോയി ഇവളെന്തെ ഒന്നും പറയാത്തത് ഇനി ഞാൻ പറഞ്ഞത് കൂടിപ്പോയോ പടച്ചോനെ... ഐന മനസ്സിലെന്തെക്കെയോ ഉറപ്പിച്ചിട്ട് ഡോക്ടറെ നേർക്ക് തിരിഞ്ഞു... "ഓക്കേ ഇൻ ഷാ അല്ലാഹ് ഞാൻ കല്യാണത്തിന് സമ്മതിച്ചിരിക്കുന്നുവെന്നുള്ള സന്തോഷ വാർത്ത എന്റെ ഉപ്പാനേയും ഉമ്മാനേയും അറിയിച്ചോളൂ... പക്ഷെ.., ഒരു കണ്ടീഷൻ ഞാനിവിടെ പറഞ്ഞതൊന്നും അവരറിയണ്ട പകരം എനിക്ക് പഠിപ്പ് കഴിയാൻ കുറച്ച് ടൈം വേണം അത് കൊണ്ടാണ് അങ്ങനെ പറഞ്ഞതെന്ന് പറഞ്ഞാൽ മതി..." ഡോക്ടർ സന്തോഷത്തോടെ അവളെ നോക്കി പുഞ്ചിരിച്ചു... അതിന് ബതിലെന്നോണം അവളും ഒന്ന് ചിരിച്ചു മങ്ങിയ ഒരു ചിരി... എങ്കിലും ആ നുണക്കുഴി വല്ലാതെ അവളിലേക്ക് ആകർഷിക്കുന്നുണ്ടെന്ന് ഡോക്ടർക്ക് തോന്നി... ഡോക്ടർ പെട്ടെന്ന് മുഖം മാറ്റി... *"അപ്പൊ പോട്ടെ മിസ്റ്റർ റയാൻ മാലിക്ക് ഡോക്ടറെ..."* ഡോക്ടർ ഒന്ന് ഞെട്ടിപ്പോയി പിന്നെ അവള് പറഞ്ഞ അതെ ട്യൂണിൽ ഡോക്ടറും പറഞ്ഞു... *"ഓക്കേ മിസ്സിസ് ഫാത്തിമാ ഐനാ ബിൻത് അഹമ്മദ് സഖാഫി... "* ഇത്തവണ ഞെട്ടിയത് ഐന ആയിരുന്നു... പക്ഷെ അതവള് പുറത്തേക്ക് കാണിക്കാനേ പോയില്ല... നിക്കാബ് താഴ്ത്തി അവള് പുറത്തേക്കിറങ്ങി... അവസാനം ഉമ്മാനേയും ഉപ്പാനേയും ആ റയാൻ ഡോക്ടറ് അകത്തേക്ക് വിളിച്ചു... അല്പസമയത്തിന് ശേഷം അവരിറങ്ങി വന്നു ഇങ്ങോട്ട് വന്നപ്പോഴുള്ള പോലെയല്ല അവരുടെ മുഖത്ത് പതിനാലാം രാവുദിച്ചിരുന്നു കാരണം അറിയാവുന്നത് കൊണ്ട് ചോദിക്കാൻ പോയില്ല... വണ്ടിയുലുടനീളം ആദ്യമായി മൗനം തളം കെട്ടി നിന്നിരുന്നു... എപ്പഴോ ഉമ്മാടെ തോളിലേക്ക് ചാഞ്ഞു ഞാനൊന്ന് കണ്ണടച്ച് കിടന്നു വല്ലാത്തൊരാശ്വാസമാണ് അങ്ങനെ കിടക്കാൻ എത്ര നേരമില്ലാതെ അതെ കിടപ്പ് തന്നെ... ഉമ്മ വാത്സല്യത്തോടെ എന്നെ തലോടിത്തരുന്നുമുണ്ട്... (തുടരും...) ബാക്കി ഭാഗവുമായി വീണ്ടും കാണാം ഇൻ ഷാ അല്ലാഹ്... അഭിപ്രായങ്ങൾക്ക് വേണ്ടി നിങ്ങളേയും കാത്ത് ഈ പാവം... *🌹✨💚اَللَّهُمَّ صَلِّ عَلَى سَيِّدِنَا مُحَمَّدِ نِ الْفَاتِحِ لِمَا أُغْلِقَ وَالْخَاتِمِ لِمَا سَبَقَ نَاصِرِ الْحَقِّ بِالْحَقِّ وَالْهَادِي إِلَى صِرَاطِكَ الْمُسْتَقِيمْ وَعَلَى آلِهِ حَقَّ قَدْرِهِ وَمِقْدَارِهِ الْعَظِيمِ.💚✨🌹* മുത്തോരെﷺപേരിലേക്ക് സ്വലാത്തുകൾ ഒഴുകട്ടെ.... ___________________________________________ #📙 നോവൽ

*മുഹിബ്ബിന്റെ ഹുബ്ബ്‌* *ഭാഗം=2* *Written By Fathima Rinsha* _____________________________________ "ഐനാ അതിനുള്ള ആദ്യത്തെ വഴിയാണ് സ്വലാത്ത് നിയ്യത്ത് വെച്ച് സ്വലാത്ത് ചൊല്ലുക എനിക്ക് നന്നാവണേ എന്നെ നന്നാക്കണേ എന്നാവണം നിന്റെ നിയ്യത്ത്... എന്തിനും നിയ്യത്ത് നല്ലതാണെന്നാണല്ലോ പറയാ അത് കൊണ്ട് നിയ്യത്ത് മസ്റ്റാണ്... രണ്ടാമത്തേത് കരഞ്ഞു കൊണ്ട് അല്ലാഹുവിനോട് ദുആ ചെയ്യുക നിനക്ക് പറ്റുന്നത്രയും... മൂന്ന് നീ തൗബ ചെയ്ത് റബ്ബിലേക്ക് മടങ്ങുക... തെറ്റ് ചെയ്യുന്നവനിക്ക് അള്ളാഹു നൽകിയ മനോഹരമായ ഒരു സമ്മാനമാണല്ലോ *തൗബ* പക്ഷെ അത് ഒരിക്കലും തെറ്റ് ചെയ്യുന്നത് കൊണ്ട് പ്രേശ്നല്ല തൗബ ചെയ്യാലോ എന്ന് കരുതിയാവരുത് പകരം ഇനിയൊരിക്കലും അറിഞ്ഞു കൊണ്ടൊരു തെറ്റിലേക്കും ഞാൻ പോവൂല എന്ന് മാത്രമാവണം നിന്റെ ലക്ഷ്യം... പിന്നെ നീ ചെയ്യേണ്ടതും ശ്രദ്ധിക്കേണ്ടതുമായ കാര്യങ്ങൾ എന്താണെന്ന് വെച്ചാൽ... അന്യ പുരുഷന്മാരെ കാണുമ്പോൾ ദൃഷ്ടി താഴ്ത്തുക ഒരു തവണ നോക്കൽ നമുക്കനുവദനീയമാണ് എന്നാൽ വീണ്ടും അതാവർത്തിക്കൽ ഹറാമും... അവര് നമ്മളെ നോക്കുന്നുണ്ടെന്നോ ശ്രദ്ധിക്കുന്നുണ്ടെന്നോ നിനക്ക് സംശയം വന്നാൽ അങ്ങോട്ട് മുഖം കൊടുക്കാതെ തിരിഞ്ഞ് നടക്കുക... പുറത്ത് പോകുമ്പോൾ മുഖം മാത്രമല്ല കൈ കാലുകളും ഗ്ലൗസ് ഷോക്സ് എന്നിവ കൊണ്ട് മറക്കുക... ഉമ്മയോടും ഉപ്പയോടും *ഛെ* എന്ന് പറയുന്നത് പോലും മുത്തോര്ﷺവെറുത്തിരുന്നു അത് കൊണ്ട് അവരോട് വഴക്കിടാനോ തർക്കുത്തരം പറയാനോ നിക്കണ്ട.. അവരെ നോക്കിയാൽ പോലും നമുക്ക് കൂലിയാണ് നോക്കിയാൽ കൂലി കിട്ടുമെന്നുറപ്പുള്ള മൂന്ന് കാര്യങ്ങളിൽ മൂന്നാമത്തേത് ഉമ്മാന്റെ മുഖത്തേക്കാണെന്നറിയില്ലേ ഐനാ നിനക്ക് ഉമ്മാടെ മുഖത്തേക്ക് നോക്കിയാൽ കൂലിയെത്രയാ ഒരു ഹജ്ജ് ചെയ്ത പ്രതിഫലമാണ് എന്താലെ.., ആ ഉമ്മാടെ മുഖത്തേക്ക് സ്നേഹത്തോടെ ഒരു സെക്കൻഡ് പോലും നോക്കിയിരിക്കാനുള്ള സമയം പോലും നമുക്കില്ല... പിന്നെ വേണ്ട പ്രധാന കാര്യം എന്നും ബുർദ പതിവാക്കുക ഏതൊരു രോഗത്തിനും മരുന്നാണല്ലോ ബൂസൂരി ഇമാമിന്റെ ഖസീദത്തുൽ ബുർദയെന്ന വിശാലമായ മഹാ കാവ്യം മാഷാ അല്ലാഹ് എന്തൊരു ഭംഗിയാ അതിലെ ഓരോരോ വരികളും പാടുന്നത് കേൾക്കാൻ... അത് പോലെ എന്നും ഒരു ഫസ്ൽ ബുർദയെങ്കിലും ചൊല്ലാതെ നീയുറങ്ങാൻ പാടില്ല വെള്ളിയാഴ്ച്ച രാവിലും അതായത് വ്യാഴം രാത്രി അത് പോലെ തന്നെ തിങ്കളാഴ്ച്ച രാവിലും എന്ന് വെച്ചാൽ ഞായർ രാത്രി ഈ രണ്ട് രാവുകളിലും ഉറക്കമൊഴിച്ച് ബുർദ മുഴുവൻ നീ ചൊല്ലണം... ഓരോ വരിക്കും ജവാബ് ചൊല്ലുകയും വേണം എന്നുമില്ലല്ലോ ആഴ്ച്ചയിൽ രണ്ടേ രണ്ട് ദിവസം മാത്രം അവിടുത്തേക്ക്ﷺവേണ്ടി ഉറക്കമൊഴിക്കാൻ നിനക്കാവൂലെ ഐനാ..." അത് പറഞ്ഞപ്പോ ഐനക്ക് ഉമ്മാട് ഉപ്പാട് വഴക്ക് പറയുന്നതും എതിർത്ത് സംസാരിക്കുന്നതും ചീത്ത വിളിക്കുന്നതും തർക്കുത്തരം പറയുന്നതും അന്യപുരുഷന്മാരോട് കൂടെ കോളേജിലത്രയും ചിലവഴിച്ചതും അവളെ ഉറ്റ ഫ്രണ്ടായ ഹാഷിമിന്റെ കൈ പിടിച്ച് നടന്നതുമൊക്കെ ഒരു നിമിഷം മനസ്സിലൂടെ കടന്ന് പോയതും അവളിൽ ചുടു കണ്ണ് നീര് ചാലിട്ടൊഴുകി... ആ നിമിഷങ്ങളത്രയും അവൾ വെറുത്ത് പോയിരുന്നു... "ആവും ഐനാ ബാക്കി പറയ്..." "ആഹ്... എന്നിട്ട് വീണ്ടും കരഞ്ഞു കരഞ്ഞു ദുആ ചെയ്യുക തങ്ങളെﷺഒന്ന് യക്ലത്തിലും മനാമിലും കാണിക്കണേയെന്ന്... എന്നിട്ട് അവിടുത്തേക്ക്ﷺമദ്ഹെഴുതാൻ വേണ്ടി ഒരു പുസ്തകം നീ തയ്യാറാക്കുക പച്ച മഷി കൊണ്ട് മദ്ഹുകൾക്ക് തുടക്കം കുറിക്കുക ആ പേന കൊണ്ട് വേറെ ഒന്നും എഴുതാനോ ആ പുസ്തകത്തിൽ വേറെ വല്ലതും എഴുതാനോ വരക്കാനോ നീ ഉപയോഗിക്കരുത് എന്നും മൂന്ന് മദ്ഹിൽ കുറയാതെ എഴുതുക വെള്ളി രാവിലും തിങ്കൾ രാവിലും പത്തെണ്ണത്തിൽ കുറയാതെയും എഴുതുക... ആ പേനയും പുസ്തകവും ഭദ്രമായി നീ സൂക്ഷിക്കുക... അതിലെ മദ്ഹുകൾ നീ ഷെയർ ചെയ്യാനോ സ്റ്റാറ്റസ് വെച്ച് മറ്റുള്ളവരെ കാണിക്കാനോ പാടുള്ളതല്ല... നിന്നിൽ ഒതുങ്ങണം നിനക്കെങ്ങനെ മറ്റുള്ളോരെ കാണിക്കണമെന്നുണ്ടേൽ നീയതിനായി ഫോണിൽ വേറെ കുറിച്ചിടുക... പിന്നെ നിനക്ക് മക്കയും മദീനയും പോയി ഉംറയും സിയാറത്തുമൊക്കെ ചെയ്യണ്ടേ അവിടെ ചെന്ന് മുത്തോരെﷺപേരില് സലാം ചൊല്ലണ്ടെ ഐനാ..." "അതെ അതിന് വേണ്ടി കാത്തിരിപ്പാണ് ഐനാ... 😭..." "ആഹ് അതിനും വഴിയുണ്ട് നീ നന്നാവാൻ വേണ്ടി.., എന്ന് കരുതി നീ മോശമാണെന്നെല്ലാട്ടോ അതിനർത്ഥം...,അതിന് വേണ്ടി ചൊല്ലുന്ന സ്വലാത്തിന്റെ കൂടെ തന്നെ അവിടെയൊന്നെത്തിപ്പെടാൻ നിനക്ക് ചൊല്ലാൻ കഴിയും എന്ന് തോന്നുന്നയത്രയും സ്വലാത്ത് നീ നേർച്ചയാക്കുക... ഒരു പതിനായിരമോ ഒരു ലക്ഷമോ അങ്ങനെ എത്ര വേണേലും... ഞാൻ പറയുന്നു പകുതി ആകുമ്പോഴേക്കും നീ മദീനയിൽ എത്തുമെന്ന്..." അത് കേട്ടതും ഐനയിൽ സന്തോഷത്തിന്റെ പൂത്തിരി കത്തി... ഇന്ന് തന്നെ പൂർണമായും അവൾക്ക് നന്നാവണമെന്ന് തോന്നിപ്പോയി... അവൾ ഐനയുടെ നേരെ തിരിഞ്ഞു.., മുൻപിലുള്ള അലമാരയുടെ കണ്ണാടിയിലേക്ക് നോക്കി... "ഐനാ..., ഇൻ ഷാ അല്ലാഹ്...,ഞാനിന്ന് തന്നെ നന്നാവും...," "പോരാ ഇന്ന് എന്നല്ല ഈ നിമിഷം നന്നാവണം...മുത്തോരെﷺകാണണം... ആ നിമിഷത്തെ കുറിച്ച് നീയൊന്നാലോചിച്ച് നോക്കിയേ... തങ്ങളെﷺകാണുന്ന ആ ദിനം സർവ്വതും നീ മറക്കും പ്രകാശത്താൽ പുഞ്ചിരി തൂകി നിൽക്കുന്ന മുഖത്ത് നിന്നും നീയെങ്ങനെ കണ്ണെടുക്കും നിന്നെ തന്നെ നോക്കി നിൽക്കുന്ന തങ്ങളോടുള്ളﷺഅടങ്ങാത്ത പ്രണയമിൽ നിന്ന് നീയെങ്ങനെ നിന്റെ മിഴികളെ പിൻവലിക്കും... മദീനയോരം ചേർന്ന് നിന്നെ തങ്ങള്ﷺമാടി വിളിച്ചെങ്കിലോ നീയങ്ങോട്ട് തങ്ങളെﷺഅടുത്തേക്ക് ഓടി ചെല്ലുലേ ഐനാ..." "പിന്നെ ഓടിപ്പോകാതെ ഞാൻ എപ്പോ പോയെന്ന് ചോദിച്ചാൽ പോരെ... ഭൂമിയിലെ പ്രണയത്തെ ഞാനങ്ങ് മറക്കും ഐനാ... അവിടുമിൽ ജന്നത്തുൽ ബഖീഇൽ മദീനയോരം തങ്ങളെﷺഅടുത്ത് ഞാൻ കിടന്നുറങ്ങും കാലാ കാലവും എണീക്കാത്ത ഉറക്കം..." "മാഷാ അല്ലാഹ്... കണ്ണിനും കാതിനും കുളിർമയേകുന്ന ഓരെ ഒരു നഖരം *മദീന*... പച്ചയാൽ വർണ്ണിതമാക്കിയ പുണ്യഭൂമി... ഹുബ്ബിന്റെ ആഴങ്ങളിൽ ഇറങ്ങി ചെന്ന് നോക്കിയാൽ കാണാം അവിടുത്തെ മദീനനുരാഗികളുടെ പ്രണയം... യഥാർത്ഥ *മുഹിബ്ബിന്റെ ഹുബ്ബ്‌*..." "അതെ ഐനാ...ഐനാ ഞാനെന്നാൽ തൗബ ചെയ്തോട്ടെ..." "വൈകിക്കേണ്ട ഐനാ... ചെല്ല് അതിന് മുൻപായി രണ്ട് റക്ക്അത്ത് സുന്നത്ത് നിസ്കരിച്ചിട്ട് തുടങ്ങണെ..." "ഇൻ ഷാ അല്ലാഹ്‌...ശെരി ഐനാ ഇത്രയും എനിക്ക് അറിവ് തന്നതിന് ഒരുപാട് നന്ദി ഐനാ..." "ചെല്ല് ഐനാ... നന്ദിയൊന്നും വേണ്ട..." ഐന വേഗം തന്നെ വുളൂ എടുത്ത് വന്ന്... നിസ്കാരപ്പായ നിവർത്തി എന്നത്തേതിനേക്കാളും മെല്ലെ രണ്ട് റക്ക്അത്ത് സുന്നത്തും നിസ്കരിച്ചു... ശേഷം.., നിസ്കാരത്തിന്റെ ശേഷം ചൊല്ലാനുള്ള അദ്ക്കാറുകളും സ്വലാത്തുകളും ചൊല്ലിക്കൊണ്ടിരുന്നു കരഞ്ഞു ദുആ ചെയ്തു പൊട്ടിപ്പൊട്ടി കരഞ്ഞു ശബ്ദം പുറത്തേക്ക് കേൾക്കാനാകാത്ത വിധം തേങ്ങലുകൾ ആ റൂമിലൊന്നാകെ മുഴങ്ങി... നിസ്കാര മുസല്ലയും നിസ്കാരകുപ്പായവും എന്തിന് മുഖമക്കന വരെ നനഞ്ഞു കുതിർന്നു... ആദ്യമായിട്ടാണ് അവൾ അല്ലാഹ്ക്ക് മുന്നില് ഇത്രയും കരയുന്നത് മറ്റേത് നിസ്കാരം കഴിഞ്ഞാൽ ശേഷമുള്ളത് ചൊല്ലാനും പറയാനും കൂടെ നിൽക്കാതെ എണീറ്റ് ഒരു ഓട്ടമാണ് ഫോണിൽ തോണ്ടാൻ...ശേഷം അതിമനോഹരമായി അറബിയിലും മലയാളത്തിലും തൗബ ചെയ്ത് അപ്പോഴും കണ്ണ് നീര് ഇരു കൺകളിൽ കൂടിയും ഒലിച്ചിറങ്ങിക്കൊണ്ടേയിരുന്നു... നീണ്ട മണിക്കൂറുകൾക്ക് ശേഷം അവളെ മനസ്സ് ശുദ്ധിയാക്കി ഉമ്മയോടും ഉപ്പയോടും ഇത് വരെ താൻ ചെയ്തതിന് പൊരുത്തപ്പെട്ടു തരണമെന്നും ഇനി ഒരിക്കലും അറിയാതെ പോലും നിങ്ങളെ രണ്ട് പേരെയും വേദനിപ്പിക്കില്ലായെന്നും പറഞ്ഞ്... സ്വന്തം മകളെ മാറ്റം അവരിൽ വല്ലാണ്ട് അത്ഭുതം തോന്നിപ്പിച്ചിരുന്നു...അവര് കാര്യം ചോദിക്കാൻ നിന്നില്ല പതുക്കെ ചോദിച്ചറിയാമെന്ന് കരുതി അല്ലാഹുവിനോട് സ്തുതി അറിയിച്ചു.., الحمدلله الف مرة🌹" ഡയറിയിലെ മൂന്നാമത്തെ പേജ് മറിക്കാനൊരുങ്ങിയപ്പോഴാണ് എന്നെ ഉമ്മ വിളിച്ചത്... "ഫാത്തിമാ..." "എന്താ ഉമ്മാ..." നമ്മള് ഡയറി എന്റെ ബാഗിൽ തന്നെ ഭദ്രമായി വെച്ച് ഉമ്മാടെ അടുത്തേക്ക് ചെന്ന്... "എന്താണെന്റെ ഫാത്തിക്ക് റൂമിൽ പണി ഒരുപാട് നേരമായല്ലോ ഇന്നീ വഴിയൊന്നും കണ്ടില്ല..." "അത് ഉമ്മാ ഞാനെന്റെ ഐനയുടെ ഡയറി വായിക്കുകയായിരുന്നു..." "ഏത് ഡയറി ഫാത്തിക്കുട്ടീ... മറ്റേതാണോ അവളെ ജീവിത യാത്രയുടെയാ ഡയറി... അത് നിനക്കവള് തന്നോ..." ഉമ്മ ഒരു ചിരിയോടെ ചോദിച്ചു... "അതെ ഉമ്മാ അവളെ കയ്യും കാലും പിടിച്ചു ചോദിച്ചു കിട്ടിയതാ ആദ്യം തരില്ലായെന്ന് പറഞ്ഞു അവസാനം അത് വഴി എനിക്കും മാറ്റം ഉണ്ടായാലോ അതിന്റെ പ്രതിഫലം നിനക്കും കൂടി കിട്ടൂലെയെന്നൊക്കെ പറഞ്ഞു സോപ്പിട്ടപ്പോൾ തന്നു..." "ആഹാ അല്ലേലും സോപ്പിടാൻ നിന്നെ കഴിഞ്ഞേ വേറെ ആളുള്ളൂ എന്നിട്ടെങ്ങനെയുണ്ട് അതിലെ കഥയൊക്കെ..." "മാഷാ അല്ലാഹ് ഒന്നും പറയാനില്ല ഉമ്മാ... അവള് അവളെ സ്വന്തത്തോടുള്ള ഒരു ഹുബ്ബിന്റെ സംഭാഷണം.., തങ്ങളെﷺഒരുപാടതിൽ വർണ്ണിക്കുന്നുണ്ട് നമുക്കൊരുപാട് പാഠങ്ങൾ അതിൽ പഠിക്കാനുണ്ട്... അൽഹംദുലില്ലാഹ് അത് വായിക്കാൻ പറ്റിയല്ലോ പടച്ചോന് സ്തുതി... അവളെന്നോട് പ്രത്യേകം പറഞ്ഞതാ നീയും ഉമ്മയുമല്ലാതെ ആരും അറിയരുതെന്ന്... അവൾക്കറിയാം ഞാനുമ്മയോടെല്ലാം പറയുമെന്ന്..." ഫാത്തി ഒരു ചിരിയോടെ പറഞ്ഞു നിർത്തി...എന്നിട്ട് വീണ്ടും തുടർന്നു... "ഉമ്മാ... എനിക്കതിലേറ്റവും ഇഷ്ടപ്പെട്ട വരിയേതെന്നോ... "ഏതാണ് എന്റെ ഫാത്തിക്കുട്ടിക്ക് ഇഷ്ടപ്പെട്ട ആ വരി ഈ ഉമ്മ കേൾക്കട്ടെ..." "അതില്ലേ... അതിൽ പറയുന്നു പ്രകാശത്താൽ തന്നോട് പുഞ്ചിരി തൂകി നിൽക്കുന്ന തങ്ങളെﷺകാണുന്നതിനെ കുറിച്ച് ഒരു രണ്ട് മൂന്ന് വരി... ന്റെ പൊന്നോ അടിപൊളി കണ്ണ് നിറഞ്ഞ് പോയി ഉമ്മാ... ഞാനും ഇനി മുതൽ മുഖം മാത്രമല്ല കയ്യും കാലുമൊകെ മറക്കും...എനിക്കും കാണണ്ടേ എന്റെ തങ്ങളെﷺ..." "ആഹാ അപ്പൊ എന്റെ ഫാത്തിക്കുട്ടിക്ക് അത് വായിച്ചിട്ട് മാറ്റമൊക്കെ ഉണ്ട് ലേ അൽഹംദുലില്ലാഹ് അത് മതി..." "പിന്നല്ലാണ്ട് ഈ ഫാത്തിയും ഐനയെ പോലെ നന്നാവാൻ പോകുകയാണ്..." "മാഷാ അല്ലാഹ്... അൽഹംദുലില്ലാഹ്... ആയിക്കോട്ടെ... ഇപ്പൊ എന്റെ മോള് എനിക്ക് കുറച്ച് ഹെല്പ് ചെയ്ത് താ... വായിക്കാൻ ഒരുപാട് സമയം ബാക്കിയില്ലേ... നീയുറങ്ങാതെ വായിച്ചാലും ഞാൻ തെറ്റ് പറയില്ല കാരണം അതിൽ അത്രയും നബിയോരുടെﷺഹുബ്ബിനെ കുറിച്ചല്ലേ പറയുന്നത്..." "ഉവ്വ് ഉവ്വേ ഉത്തരവ്... " അങ്ങനെ പണികൾ എല്ലാം ക്ഷണ നേരം കൊണ്ടുമ്മയും മകളും കൂടെ തീർത്ത്... കുളിയും ളുഹാ നിസ്കാരവും കഴിഞ്ഞ് അവൾ വേഗം തന്നെ തന്റെ ബാഗിൽ ഭദ്രമായി സൂക്ഷിച്ച് വെച്ച ഡയറി പതുക്കെ കയ്യിലെടുത്തു... പച്ചയാൽ അലങ്കാരമാക്കിയ അതിന്റെ ഭംഗി അത് വാങ്ങിക്കൊണ്ടെന്ന് വായിക്കുമ്പോൾ പോലും അവൾ ആസ്വദിച്ചിരുന്നില്ല പകരം അപ്പോഴാണ് അവളതൊക്കെ നോക്കി കാണുന്നത് ഗ്ലിറ്റർ പേപ്പറിനാൽ അത് കൂടുതൽ ഭംഗിയിൽ അലങ്കരിച്ചു വെച്ചിട്ടുണ്ട്... ഫസ്റ്റ് പേജിൽ മദീനയുടെ മനോഹരമായ പെൻസിൽ ഡ്രോയിങ് കണ്ടാലറിയാം ഐന വരച്ചത് തന്നെ... അവൾ ഡ്രോയിങ്ങിൽ കോളേജിലെ എല്ലാരേക്കാളും ഒരു പിടി മുന്നിലാണ് മാഷാ അല്ലാഹ്... അതിനടിയിൽ മനോരമായൊരു മദ്ഹ്... *സ്വലാത്ത് ചൊല്ലാത്തവനെ മുത്ത് നബിയോട്ﷺസ്നേഹം ഉള്ളവനെന്നും.., ഹുബ്ബന്തെന്നറിയാത്തവനെ മുഹിബ്ബെന്നും..,മദ്ഹിൽ ലായിക്കാത്തവനെ മാദിഹെന്നും.., ഇഷ്‌ക്കന്തെന്നറിയാത്തവനെ ആശിക്കെന്നും..., എങ്ങനെ വിളിക്കാൻ കഴിയും.., ആ കൂട്ടത്തിലല്ലെയോ ഞാനും...* അതും ഫാത്തി അപ്പോഴാണ് നേരം പോലെ വായിക്കുന്നത് പോലും നല്ല അർത്ഥവത്തായ വരികൾ മാഷാ അല്ലാഹ്... ഇങ്ങനെ എഴുതാനും വേണം കഴിവുകൾ...ഈ വക കഴിവുകൾ നീ എനിക്കും നൽകണേ എന്നവൾ മനമുരുകി പ്രാർത്ഥിച്ചു... ഡയറിയിലെ മൂന്നാമത്തെ പേജ് മറിച്ചവൾ വായിക്കാൻ തുടങ്ങി... മറിക്കുമ്പോഴുള്ള അത്തറിന്റെ ഗന്ധം അവൾ നാസികയിലേക്ക് വലിച്ചു കയറ്റി... വല്ലാത്തൊരു ആനന്ദമന്നേരം മനസ്സിന്... ഐന പിന്നീട് ഒരു സുന്നത്തുകളും എടുക്കാതിരിന്നിട്ടില്ല അങ്ങനെ അങ്ങനെ ഐന ആകപ്പാടെ ഒരുപാട് മാറി...അവൾക്കൊരുപാട് കസിൻസ് ഉണ്ട് ഫുൾ ബോയ്സ് ആണ് ആദ്യമൊക്കെ അവരോട് വാ തോരാതെ സംസാരിച്ചിരുന്ന വായാടി ഐനയിൽ നിന്നും അവളൊരുപാട് ഒതുങ്ങി... എല്ലാവരിലും അതൊരത്ഭുതം തന്നെ തീർത്തു... ഒരു കണക്കിന് പറഞ്ഞാൽ കസിൻസും എത്ര കുടുംബക്കാരാണെന്ന് പറഞ്ഞാലും അന്യരന്യര് തന്നെ അത് മാറാനൊന്നും പോണില്ലല്ലോ... കോളേജിലെത്തിയാൽ ഹാഷിം പിന്നാലെ വരും എന്ത് പറ്റിയതാ എന്റെ ഐനക്ക് എന്ന് ചോദിച്ചിട്ട് ഒരുപാട് അവളൊഴിഞ്ഞു മാറി എന്നാൽ സഹിക്കെട്ടിട്ട് ഒരൂസം അവനവളെ അടുത്തേക്ക് വന്നപ്പോൾ അവൻക്ക് നേരെ കൈ ഉയർത്തിക്കൊണ്ടവള് പറഞ്ഞു... *"മദീനയിൽ അന്തിയുറങ്ങുന്ന രാജകുമാരൻ അഷ്‌റഫുൽ ഖൽക്ക് ത്വാഹാ മുഹമ്മദ്‌ റസൂലുല്ലാഹിﷺതങ്ങള് ഞാനൊരു തെറ്റ് ചെയുമ്പോഴേക്ക് ഞാനെന്നല്ല നാമെല്ലാവരും മുത്തോരെﷺഉമ്മത്തില് പെട്ടവര് ഒരു തെറ്റ് ചെയ്യുമ്പോൾ ഒരുപാട് വേദനിക്കുന്നു മദീനയിൽ കിടന്നിട്ട് അത് കൊണ്ട് ഇനിയും ഹറാം ചെയ്യാൻ ഞാൻ അനുവദിക്കില്ല.... സോറി ഹാഷിം എന്നെ വിട്ടേക്കൂ... "* അത്രയും പറഞ്ഞവൾ പോകുമ്പോൾ അവൾക്ക് എന്തെന്നില്ലാത്ത സന്തോഷം തോന്നിപ്പോയി ആദ്യമായി ആനന്ദം തോന്നിയവൾക്ക് തങ്ങളെﷺകുറിച്ചല്ലേ ഞാനിപ്പോ പറഞ്ഞെ... അത് കാരണമെങ്കിലും അവനും മാറട്ടെ എന്നായിരുന്നു അവളെ ഉള്ളിൽ അങ്ങനെയെങ്കിൽ എനിക്കെത്ര കൂലി കിട്ടും ന്റെ അല്ലാഹ്... ഇതേ സമയം ഹാഷിം അവള് പറഞ്ഞതിൽ കുരുങ്ങിക്കിടക്കുകയായിരുന്നു ശെരിയാണ് അവള് പറഞ്ഞതത്രയും ശെരി തന്നെ മാറണം മാറ്റം അനിവാര്യമാണ് സമയം അതിക്രമിച്ചിരിക്കുന്നു..പിന്നീടങ്ങോട്ട് ഐന എല്ലാവർക്കും കഴിയുന്നത്ര ദഅവത്ത് നടത്തിക്കൊണ്ടിരുന്നു അങ്ങനെ അങ്ങനെ അവള് കാരണം ഒരുപാട് പേര് മാറിക്കൊണ്ടിരുന്നു എല്ലാത്തിനും അല്ലാഹുവിനോടും മുത്തായ തങ്ങളോടുംﷺഅവളൊരുപാട് നന്ദി പറഞ്ഞു... അവൾക്ക് ഒരു ഗ്രൂപ്പ് ഉണ്ട് അവളെ വിശ്വാസത്തിൽ തങ്ങളുംﷺഅവളും മാത്രമടങ്ങുന്ന ഒന്ന് അതിൽ അവളെല്ലാ കാര്യവും തങ്ങളോട്ﷺപങ്ക് വെക്കുമായിരുന്നു... ആരുടെയെങ്കിലും സങ്കടം പറഞ്ഞാൽ അതിനുള്ള വഴി അതിൽ നിന്നിറങ്ങുന്നതിന് മുന്നേ തന്നേ കിട്ടു... അവളത് പോലെ സങ്കടമുള്ള തന്റെ പ്രിയപ്പെട്ടവരോട് ചെയ്യാൻ പറയും... ചെയ്ത് കഴിഞ്ഞ് അര മണിക്കൂർ കഴിഞ്ഞാൽ വിളി വരും അൽഹംദുലില്ലാഹ് മോളെ ഒരുപാട് നന്ദി എല്ലാം റാഹത്തായെന്ന് പറഞ്ഞിട്ട്..,ആദ്യമാദ്യം അവളിൽ അത് അത്ഭുതങ്ങൾ സൃഷ്ടിച്ചെങ്കിലും പിന്നെ പിന്നെ അവൾക്ക് മനസ്സിലായി തന്റെ കൂടെ എപ്പോഴും തങ്ങളുണ്ടെന്ന്ﷺ...കയ്യിലെ ഗ്ലൗസിന്റെ ഉള്ളിൽ നിന്ന് പച്ചക്കളർ പ്രകാശത്തോടെ കാണാം അതിൽ നിന്ന് തന്നെ മനസിലാക്കാം അവളുടെ കയ്യില് നഅലേ മുബാറക്കുണ്ടെന്ന്... എന്തിനാണ് അങ്ങനെ വെക്കുന്നതെന്ന് ചോദിച്ചാൽ കണ്ണ് ചിമ്മിക്കാണിക്കും എനിക്ക് ഒരു ആശ്വാസത്തിന് അത്രമാത്രം പറയും... അങ്ങനെയിരിക്കെ ഒരു ദിവസം ഐന സ്വപ്നം കാണുന്നു... തന്റെ കയ്യിലുള്ള ഫോൺ മുഴുവൻ വെള്ള പ്രകാശം കൊണ്ട് നിറഞ്ഞിരിക്കുന്നു... വാട്സാപ്പിൽ തെളിഞ്ഞു നിന്നത് ആ ഗ്രൂപ്പ്‌ ആണ് ഐന അയച്ച ഓരോ മെസ്സേജും പ്രകാശത്താൽ വെട്ടിത്തിളങ്ങുന്നുണ്ട്... ഓരോ മെസ്സേജിനും മുത്തോര്ﷺറിപ്ലൈ കൊടുത്തിട്ടുണ്ട്... മാഷാ അല്ലാഹ്... ഒരുപാട് വെള്ളയിട്ട ആളുകളും..,മുഖം കാണും മുൻപേ ഐന ഞെട്ടി ഉണർന്നിരുന്നു.... എന്തായിരിക്കും സ്വപ്നത്തിന്റെ വ്യാഖ്യാനം ആരോട് ചോദിക്കും അവസാനം രണ്ടും കൽപ്പിച്ച് തന്റെ അറിവിലുള്ള ഒരുപാട് അറിവ് പകർന്നു തന്ന മുത്തോരെﷺകുറിച്ചൊരുപാട് അവർക്ക് വർണിച്ചു കൊടുക്കുന്ന ഉസ്താദിന് ഐന മെസ്സേജയച്ചു കാര്യങ്ങൾ പറഞ്ഞപ്പോൾ ഉസ്താദ് കൊടുത്ത മറുപടി.... "നീ കണ്ടത് നല്ല സ്വപ്നമാണ് തങ്ങൾﷺനിനക്ക് കാണിച്ചു തന്നതാണ് പക്ഷെ അത് പൂർണമാക്കാൻ കഴിയാഞ്ഞത് നീയിന്നലെ മദ്ഹ് എഴുതാതെ കിടന്നത് കൊണ്ടാണ് എന്തെ ആ ഗ്രൂപ്പിൽ നീയെന്നും എഴുതാറുള്ള മദ്ഹ് എഴുതാൻ മറന്നത് അത് തന്നെയാണ് കാര്യം വേഗം പോയി എഴുത് ഐനാ... " അവൾ ഉസ്താദിനോട് നന്ദി പറഞ്ഞു മറന്നതിന് ഒരുപാട് കരഞ്ഞു കൊണ്ട് മദ്ഹ് എഴുതി പൂർത്തിയാക്കി... അന്നേരം അവളോർത്തു പുസ്തകത്തിൽ മദ്ഹ് എഴുതാതെ കിടക്കുന്ന അന്നൊക്കെ സ്വപ്നത്തിൽ ആ പുസ്തകവും പച്ചപ്പേനയും കാണിച്ചു തരുന്നതും അവൾ ആ പാതി രാത്രി എഴുന്നേറ്റ് മദ്ഹ് എഴുതിയതൊക്കെ.... (തുടരും..) പിന്നെ ഇതിൽ ഞാനെഴുതുന്നത് വെറും സാങ്കല്പികമായ ഒരു സ്റ്റോറിയല്ല കാരക്റ്റേഴ്സിന്റെ നെയ്മിൽ മാത്രമേ മാറ്റമുള്ളൂ പിന്നെ ചില കാര്യങ്ങൾ മാത്രമേ സാങ്കല്പികമായിട്ടുള്ളു ബാക്കിയെല്ലാം തികച്ചും റിയലാണെന്ന് പ്രത്യേകം ഓർമ്മപ്പെടുത്തുന്നു... എന്ന് കരുതി സാങ്കല്പികമുള്ളവ കളവാണെന്ന് തെറ്റിദ്ധരിക്കരുത് ട്ടൊ കാരണം.., ഞാൻ ഇതിൽ നിന്നും വായിക്കുന്നവർക്ക് മാറ്റമുണ്ടാവണേ എന്ന ലക്ഷ്യത്തോട് കൂടെയാണിതെഴുതുന്നത് അല്ലാണ്ട് വേറെ ഒരു ദുരുദ്ദേശവുമില്ലാട്ടോ... വായിച്ച് കൂടെ നിന്ന് സപ്പോർട്ട് ചെയ്യുന്ന നിങ്ങൾക്ക് ഒത്തിരി നന്ദിയുണ്ട് ട്ടൊ... ദുആയിൽ ഒരിടം പ്രതീക്ഷിക്കുന്നു... എന്റെ ദുആയിൽ തീർച്ചയായും നിങ്ങളുണ്ടാവും... ബാക്കി ഭാഗവുമായി വീണ്ടും കാണാം... ഇൻ ഷാ അല്ലാഹ്... *🌹✨💚اَللَّهُمَّ صَلِّ عَلَى سَيِّدِنَا مُحَمَّدِ نِ الْفَاتِحِ لِمَا أُغْلِقَ وَالْخَاتِمِ لِمَا سَبَقَ نَاصِرِ الْحَقِّ بِالْحَقِّ وَالْهَادِي إِلَى صِرَاطِكَ الْمُسْتَقِيمْ وَعَلَى آلِهِ حَقَّ قَدْرِهِ وَمِقْدَارِهِ الْعَظِيمِ.💚✨🌹* 💚💚💚💚💚💚💚💚💚💚💚💚💚💚 #📙 നോവൽ

*മുഹിബ്ബിന്റെ ഹുബ്ബ്‌* *ഭാഗം=1* *Written By Fathima Rinsha Binth Saqafi* _______________________________________________ "ഐനാ...ഞാനൊരു കാര്യം ചോദിക്കട്ടെ ഐനാ..." "ചോദിക്ക് ഐനാ എന്താണ് നിനക്കറിയേണ്ടത്..." "അത് പിന്നെ നിനക്കീ ലോകത്ത് വെച്ച് ഏറ്റവും ഇഷ്ടം ആരെയാ...." "അതെന്ത് ചോദ്യാ പെണ്ണെ... എനിക്കെന്റെ മുത്തായ തങ്ങളോടാണ്ﷺകൂടുതൽ പ്രണയം... പ്രണയമല്ല ഒരു തരം *ഹുബ്ബ്‌* ... ഹൃദയത്തിലലിഞ്ഞു ചേർന്ന ഒരു പ്രത്യേക തരം *ഹുബ്ബ്‌* ... *മുഹിബ്ബിന്റെ ഹുബ്ബ്‌* ..." "ആണോ മാഷാ അല്ലാഹ് നല്ലത് തന്നെ... എന്നാൽ നീ പറ മുത്തോർക്ക്ﷺവേണ്ടി നീയെന്തൊക്കെയാണ് ഒരു ദിവസം ചെയ്യാറുള്ളത്..." "അത്... ഞാൻ കിടക്കുമ്പോൾ 10 സ്വലാത്ത് ദിവസവും ചൊല്ലാതെ ഉറങ്ങാറില്ല..." "ഐനാ അത് നല്ല കാര്യം തന്നെ പക്ഷെ.., യഥാർത്ഥ മുഹിബ്ബ് ഇത്തരം തുച്ഛം സ്വലാത്തിനാലെയാണോ ഹുബ്ബ്‌ വെച്ച് നടക്കുന്നത്...ചുരുങ്ങിയത് മുന്നൂറ് സ്വലാത്തെങ്കിലും ഒരു ദിവസം ഒരു യഥാർത്ഥ മുഹിബ്ബ് ചൊല്ലണ്ടേ... അത് പോലെ മദ്ഹുകൾ അവിടുത്തേക്ക്ﷺവേണ്ടി എഴുതണ്ടേ... അയ്യായിയാരം പതിനായിരം എന്നൊന്നും ഞാൻ പറയുന്നില്ല..,നമ്മള് ചൊല്ലുന്ന പതിനായിരം സ്വലാത്തിനേക്കാൾ പവറുണ്ട് ഒരു യഥാർത്ഥ മുഹിബ്ബ് ചൊല്ലുന്ന പത്ത് സ്വലാത്ത് നിനക്കറിയോ അത്...." "ഐനാ അപ്പൊ ഞാൻ യഥാർത്ഥ മൂഹിബ്ബല്ലേ... എന്റെ പ്രണയവും സ്നേഹവും കള്ളമാണെന്നാണോ നീ പറയുന്നത് അതോ ഞാൻ അത്രയും മോശമാണോ... ശെരിയാ ഞാൻ മുഹിബ്ബാണെന്ന് പറയുന്നു സ്വലാത്ത് തുച്ഛം മാത്രം... ഇനി മുതൽ ഞാൻ കൂടുതൽ സ്വലാത്തിനാലെയും മദ്ഹിനാലെയും നിറക്കും ഇൻ ഷാ അല്ലാഹ്..." "അങ്ങനെയല്ല ഐനാ നീ മുഹിബ്ബായേക്കാം മാദിഹായേക്കാം പക്ഷെ ഒരു യഥാർത്ഥ മുഹിബ്ബിലേക്കെത്താൻ ഇനിയും ഒരുപാട് സഞ്ചരിക്കേണ്ടിയിരിക്കുന്നു... ഇൻ ഷാ അല്ലാഹ്... ഒരു കാര്യം കൂടെ ചോദിക്കട്ടെ ഐനാ..." "ചോദിച്ചോളൂ..." "നീ ഷോർട്സ് കാണാറില്ലേ മ്യൂസിക് കേൾക്കാറില്ലേ..." "ഉണ്ട് എപ്പോഴേലും... അധികവും നിസ്കാരം ഇല്ലാത്തപ്പോഴാണ് അതിന് വേണ്ടി സമയം ചിലവഴിക്കുന്നത് എന്ത് പറ്റി ഐനാ..." "സുബ്ഹാനല്ലാഹ്... എന്തൊരു മോശം സ്വഭാവമാണ് ഇതെന്നറിയോ നിനക്ക് കടുത്ത ഹറാം പച്ചയായ ഹറാം... നിനക്കറിയില്ലേ നമ്മളൊരു തെറ്റ് ചെയ്യുമ്പോൾ മദീനയിൽ കിടന്ന് ആ പാവം തങ്ങള്ﷺഎന്ത് മാത്രം സങ്കടപ്പെടുന്നുണ്ടെന്ന് ഒഴിവ് സമയവും ആരോഗ്യവും നാളെ ചോദ്യം ചെയ്യപ്പെടുക തന്നെ ചെയ്യും ഐനാ... നിസ്കാരം ഇല്ലാത്ത സമയം നീ ആ ടൈം സ്വലാത്തിനായി മാറ്റി വെക്കുകയല്ലേ വേണ്ടത് അല്ലാതെ ഷോർട്സും മ്യൂസിക്കും കണ്ട് സമയം കളയുന്ന നാം എങ്ങനെയാണ് ഐനാ ഒരു യഥാർത്ഥ മുഹിബ്ബോ അല്ലേൽ ആശിഖോ ആവുന്നത്..." ഐനയുടെ മിഴികൾ നിറഞ്ഞൊഴുകി... ഐന ചോദിച്ചതത്രയും സത്യമാണ് ആ ഞാൻ എങ്ങനെയാണ് തങ്ങളെﷺവേദനിപ്പിച്ചു കൊണ്ട് യഥാർത്ഥ മുഹിബ്ബോ ആശിഖോ ആവുന്നത്... "കരയണം ഐനാ സങ്കടങ്ങൾ തങ്ങളെﷺമുൻപിൽ നീ കരഞ്ഞു തീർക്കണം..." "ഇതിൽ നിന്നും പിന്മാറി എനിക്ക് നല്ല കുട്ടിയവണം ഐനാ അതിനെന്താ ഒരു വഴി..." "വഴിയുണ്ട് ഐനാ ഞാൻ പറഞ്ഞു തരാം..." അവൾ പറയുന്നത് എന്താണെന്നുള്ളത് ഒരു ചോദ്യചിഞ്ഞമായി... ഡയറിലെ തൊട്ടടുത്ത പേജുകൾ കണ്ണീരോടെ ഞാൻ മറിച്ചു നോക്കി.... (തുടരും) *🌹✨💚اَللَّهُمَّ صَلِّ عَلَى سَيِّدِنَا مُحَمَّدِ نِ الْفَاتِحِ لِمَا أُغْلِقَ وَالْخَاتِمِ لِمَا سَبَقَ نَاصِرِ الْحَقِّ بِالْحَقِّ وَالْهَادِي إِلَى صِرَاطِكَ الْمُسْتَقِيمْ وَعَلَى آلِهِ حَقَّ قَدْرِهِ وَمِقْدَارِهِ الْعَظِيمِ.💚✨🌹* നിങ്ങടെ വിലയേറിയ ദുആയിൽ ഇവൾക്കും ഒരിടം നൽകണേ എന്ന് മാത്രം പറഞ്ഞു കൊണ്ട് നിങ്ങടെ അഭിപ്രായങ്ങൾക്കായി ഞാനും കാത്തിരിക്കുന്നു.... *إن شاء اللـــــــــــه*🫂🤍 __________________________________________________ #📙 നോവൽ

*💖 ഷഹാനയുടെ പ്രിയൻ 💖* *PART -46* *______________💮💢💮_______________* ജോലി തിരക്ക്കളിൽ ആയത് കൊണ്ട് ആണ് കഥയുടെ ഓരോ പാർട്ട്‌കൾ ലേറ്റ് ആയികൊണ്ട് ഇരിക്കുന്നത്.ഈ സ്റ്റോറി കത്ത് ഇരിക്കുന്ന എല്ല വയനാക്കാരോട് അധികം ഇരുത്തി മുഷിപ്പിക്കുന്നതിന് പിന്നെ വരുന്ന പാർട്ട്‌കൾക്ക് ലെങ്ത്ത്‌ കുറയുന്നതിന് ക്ഷമ ചോദിക്കുന്നു. _​മുൻപത്തെഭാഗങ്ങൾക്ക് (Parts) നൽകിയ പിന്തുണ പ്രതീക്ഷിച്ചുകൊണ്ട് തുടങ്ങുന്നു.._ ​"ലവറോ?" ​"അതെ." ​"നന്ദുവിന് ലവർ ഒക്കെയുണ്ടല്ലേ? എനിക്ക് അറിയില്ലായിരുന്നു." ​"അത് നമ്മുടെ കൂടെ വർക്ക് ചെയ്യുന്ന ആൺകുട്ടികൾക്കൊന്നും അറിയില്ല. ഗോകുൽ എന്നാണ് പേര്, ബംഗളൂരുവിലാണ് വർക്ക് ചെയ്യുന്നത്. എന്റെ എല്ലാം ആണ് അവൻ. എന്നെ ജീവനാണ് അവന്. അവൻ എനിക്ക് ബാംഗ്ലൂരിൽ ജോലി നോക്കുന്നുണ്ട്. അവിടെ ജോലി ശരിയായാൽ ഞാൻ അങ്ങോട്ട് പോകും." ​"കൊള്ളാമല്ലോ! എന്തായാലും കല്യാണത്തിന് വിളിക്കണം കേട്ടോ?" ​"പിന്നെ, നിങ്ങളെയൊക്കെ വിളിക്കാതിരിക്കുമോ? നിങ്ങളെല്ലാം എന്റെ ചങ്ക്സ് അല്ലേ." ​"ഗോകുലിന്റെ ഫോട്ടോ ഉണ്ടോ?" ​ഞാൻ ചോദിച്ചപ്പോൾ തന്നെ നന്ദു അവളുടെ ഫോണിലുണ്ടായിരുന്ന ഗോകുലിന്റെ ഫോട്ടോ കാണിച്ചുതന്നു. ​"ഫ്രീക്കനാണല്ലോ?" ​ഞാൻ അത് പറഞ്ഞപ്പോൾ നന്ദു ഒന്ന് ചിരിച്ചു. ​💖💖💖 💖💖💖 💖💖💖 💖💖💖 ​അങ്ങനെ ആ കഥ പറച്ചിൽ ഞാൻ അവസാനിപ്പിച്ചു. ​"കൊള്ളാമല്ലോ, എന്നാലും ഇതൊന്നും ഞങ്ങൾ അറിഞ്ഞില്ല. ഡാ, ഞാൻ എന്തായാലും ഡ്യൂട്ടിക്ക് പോകട്ടെ, സമയമായി." ​"ശരി ചേട്ടായി." ​അങ്ങനെ ലിബിൻ ചേട്ടായി ഡ്യൂട്ടിക്ക് പോയി. സമയം കടന്നുപോയി. രണ്ടര ആയപ്പോഴേക്കും എസ്.എം. സ്ട്രീറ്റിലോട്ട് (S.M. Street) പോകാൻ നന്ദുവിന്റെ കോൾ വന്നു. ഞാൻ അപ്പോൾ തന്നെ കുളിച്ച് റെഡിയായി പെൺകുട്ടികളുടെ ഹോസ്റ്റലിന് അടുത്തേക്ക് പോയി. ഹോസ്റ്റലിന് മുന്നിലെത്തിയപ്പോൾ ഞാൻ നന്ദുവിനെ വിളിച്ചു. അവൾ അപ്പോൾ തന്നെ പുറത്തേക്ക് വന്നു. പിന്നെ അവിടുന്ന് ഞങ്ങൾ എസ്.എം. സ്ട്രീറ്റിലേക്ക് നടന്നു. ​"എന്തിനാ ഇപ്പോൾ എസ്.എം. സ്ട്രീറ്റിലോട്ട് പോകുന്നത്?" നടക്കുന്നതിനിടയിൽ ഞാൻ നന്ദുവിനോട് ചോദിച്ചു. ​"രണ്ട് ദിവസം എനിക്ക് ഓഫ് ആണ്. പിന്നെ രണ്ട് ദിവസത്തേക്ക് ഞാൻ ലീവ് എടുക്കുകയാണ്, നാട്ടിൽ പോണം. അച്ഛന്റെയും അമ്മയുടെയും വെഡ്ഡിംഗ് ആനിവേഴ്സറി ആണ്. അതുകൊണ്ട് അമ്മച്ചിക്ക് ഒരു സാരിയും അച്ചായിക്ക് ഒരു ഷർട്ടും മുണ്ടും എടുക്കണം. എസ്.എം. സ്ട്രീറ്റിലാകുമ്പോൾ വിലക്കുറവിൽ കിട്ടുമല്ലോ, അതുകൊണ്ടാണ്." ​"ഓ, അച്ഛന്റെയും അമ്മയുടെയും വെഡ്ഡിംഗ് ആനിവേഴ്സറി ആണല്ലേ? ഞങ്ങൾക്ക് ആർക്കും ചെലവൊന്നുമില്ലേ?" ​"ചെലവെല്ലാം സെറ്റ് ചെയ്യാം. എന്താ വേണ്ടതെന്ന് പറഞ്ഞാൽ മതി." ​"എനിക്കെന്നാ ഒരു കുപ്പി എടുത്തുതന്നാൽ മതി." ​"എന്റെ പൊന്നു ഷിയാസേട്ടാ, ഏട്ടന് എപ്പോഴും ഈ മദ്യപാനത്തെക്കുറിച്ച് മാത്രമേ ചിന്തയുള്ളോ? ഇതൊന്ന് നിർത്തിക്കൂടെ?" *തുടരും..* _വായിച്ചു അഭിപ്രായങ്ങൾ അറിയിക്കുക..._          #📙 നോവൽ

*_ചെറു കഥ_* *_____________________________* മൊയ്ല്യാര്ക്കുള്ള ചെലവു ദിവസമായതിനാൽ പലചരക്ക് സാധനങ്ങൾ മേടിക്കാൻ അടുത്തുള്ള സൂപ്പർ മാർക്കറ്റിൽ പോയതായിരുന്നു ഞാനും എന്റെ രണ്ട് നാത്തുന്മാരും.എനിക്കത് വളരെ ഇഷ്ടമുള്ള പരിപാടിയാണ് ഇവര് സാധനങ്ങൾ മേടിക്കുമ്പോൾ ഞാൻ മേടിക്കാത്ത സാധനങ്ങളുടെ വില നോക്കി ഞെട്ടിത്തരിക്കും. തിന്നാൻ കൊതിയുള്ള ഐറ്റമാണങ്കിലും ഞാനത് മേടിച്ച് അയ്ന്റെ മെയ്ലാളി എങ്ങാനും നന്നായി പണം പെരുത്ത് അഹങ്കാരിയായാലോ എന്ന് ചിന്തിച്ച് ലോക നന്മക്കായി ഞാൻ കൊതി ഉപേക്ഷിക്കും. അങ്ങനെയുള്ള ഒരു കുപ്പിയെടുത്ത് തലങ്ങും വിലങ്ങും നോക്കി 'എന്റെ കായി കൊണ്ട് ഇയ്യ് ചീത്തയാവണ്ടടാ ഇന്റെർനാഷണൽ കുത്തക മുതലാളീ' എന്ന് നിരീക്കുമ്പോൾ ദാ.. ഓടി വരുന്നു എന്റെ വല്യ നാത്തൂൻ. ഹും എനിക്കിത് മേടിച്ച് തന്ന് സോപ്പിടാൻ ആയിരിക്കും, അങ്ങനെ ആണെങ്കിൽ കുത്തക മുതലാളി രക്ഷപ്പെടുന്നതിൽ ഇയ്ക്ക് വിരോധല്ല്യ. നോക്കി… ഇങ്ങൾ അത് അവടെ വെക്കി.. സലിന്റെ പേഴ്സ് പോയേലോ.. ഓൾ ഓള മാപ്ലന്റെ പേഴ്സ് കളഞ്ഞു പോയത് പറഞ്ഞ് വിമ്മിട്ടപ്പെട്ട് കിതക്കുകയാണ്. ഉം… ന്നട്ട്.. ഞാനൊരു താളത്തിൽ ചോദിച്ച് ഇന്റെർനാഷണൽ മുതലാളിയുടെ ഉടമസ്ഥതയിലുള്ള കുപ്പി കുലുക്കി. ഇങ്ങൾ അത് ആടെ വെക്കി.. പെണ്ണിൻ മാപ്ലന്റെ പേഴ്സ് പോയതിനേക്കാൾ എടങ്ങേറാണ് എന്റെ കയ്യിലെ കുപ്പി കണ്ടിട്ട്. പറ ജ്ജ്… എപ്പളാ പോയത് ഏടന്നാ പോയത്… ഞാൻ ഓൾ പറഞ്ഞത് അനുസരിക്കാതെ കുപ്പി പിടിച്ച് പിന്നെയും ചോദിച്ചു. അറീലാന്ന്.. പേഴ്സിൽ പൈസയായിട്ട് ആയിരത്തി നാന്നൂറും പിന്നെ എ ടി എം, ദുബായീത്തെ ഐഡി കാർഡും ഒക്കെണ്ട്.. പാവണ്ട് അയ്നൊരു സമാധാനവുമില്ല.. ഓൾ സങ്കടത്തോടെ ഉരുകി പറയുകയാണ്. മുതു മുത്തൻ മനുഷൻ ആയിട്ടും ഓന്റെ പേഴ്സ് നോക്കാൻ വക്കില്ലാത്ത ചെങ്ങായി. ഓനൊക്കെ എങ്ങനെ ഇന്റെ ആങ്ങളയായത്,കാര്യ പ്രാപ്തി ഇല്ലാത്ത കുഞ്ഞാപ്പു. ഔ.. പാവല്ലേ.. എന്താപ്പോ ചെയ്യാ.. അല്ല പൈസ പോയാലും രേഖയൊക്കെ കിട്ടിയാ മത്യായ്നു ല്ലെ.. ഞാൻ കുപ്പി കുലുക്കി അതി കഠിനമായി സങ്കടപ്പെട്ടു. ങേ.. ങ്ങേ.. പൈസയും കിട്ടണം കുറി പൈസയാണ്, അയ്ൻ ഒരു സമാധാനവുമില്ല ഇങ്ങൾ ആ കുപ്പി ആടെ വെച്ചാണി. ഓന്റെ പേഴ്സ് കൊണ്ടു കളഞ്ഞത് എന്റെ കയ്യിലെ കുപ്പിയാണെന്ന മട്ടിൽ സങ്കടത്തോടെ അരിശപ്പെടുകയാണ്. ആഹാ.. ബെർതെ അല്ല ഓള മാപ്ലന്റെ പേഴ്സ് പോയത്, പാവപ്പെട്ട കുപ്പിനോട് വരെ പോര് കാട്ടുന്നവരോട് പടച്ചോൻ ഇതൊക്കെ ചെയ്യും. “ സാരല്ല ആയിരത്തി നാന്നൂർ ഞാൻ തരാം രേഖകൾ ഒക്കെ കിട്ട്യാ മത്യാനു” ഒക്കെ പാടെ കിട്ടി ഓര ദുൽമു കൂട്ടണ്ട എന്ന് കരുതി ഞാൻ അപ്രകാരം മൊഴിഞ്ഞു. ഹും.. എത്താ ഇങ്ങക്ക് അല്ലേലും അന്തമില്ലല്ലോ.. ഈടത്തെ ആയിരത്തി നാന്നൂറല്ല ആടത്തെ ആയിരത്തി നാന്നൂർ. പത്ത് മുപ്പത്തയ്യായിരം ഉർപ്യണ്ട്.. ങ്ങൾ ആ കുപ്പി അവിടെ വെച്ച് പോന്നാണി.. മിന്നു സാധനങ്ങൾ എടുത്തു നിക്കുന്നുണ്ടാവും…. എന്നും പറഞ്ഞ് ആങ്ങളക്ക് ഫോൺ വിളിച്ചു കൊണ്ട് ഓൾ ഒരു പോക്ക്. ഹു.. ആ മുപ്പത്തയ്യായിരത്തീന്ന് രണ്ടായിരം തന്നീനേൽ ഈ കുപ്പി മേടിച്ച് കുത്തക മുതലാളിയെ അഹങ്കാരിയാക്കാമായിരുന്നു. അതങ്ങെനെ മുപ്പത്തയ്യായിരം പേഴ്സിലിട്ട് ഇമ്മതം കുത്തി നടന്നാൽ പടച്ചോൻ പരീക്ഷിക്കും, ഞാൻ കുപ്പി റാക്കിലോട്ട് തന്നെ തിരികെവച്ച് നടന്നു. ഓൾ സാധനങ്ങൾ എടുക്കാൻ നിക്കാതെ ഫോൺ വിളിച്ച് ഓനോടു സങ്കടപ്പെടുകയാണ്. പിന്നെ സങ്കടപ്പെട്ട് ഫോൺ വിളിച്ചാൽ പെഴ്സ് പൊന്തി വരികയൊന്നുമില്ലല്ലോ. മിണ്ടാതെ സഹിച്ചു സങ്കടപ്പെടണം, അതാണ് അതിന്റെ ഒരു ഇത്. എനിക്കും തോന്നുന്നുണ്ട് സങ്കടം എന്റെ പുന്നാര ആങ്ങളയല്ലേ.. ഞാനും പുരക്ക് എത്തുന്നത് വരെ പ്രാർത്ഥിച്ചു. “ പടച്ചോനെ കായി പോയാലും രേഖകളും പേഴ്സും തിരിച്ചു കിട്ടണേ.. ഓനൊരു സാധുവാണ് ഓൻ സമാധാനം കൊടുക്കണേ…” പുരക്ക് വന്നപ്പോൾ ഉമ്മ കൊടൂര പ്രാർത്ഥന. പാവം ന്റെ കുട്ടി പാവം ന്റെ കുട്ടി എന്ന് ഫബിഹയ്യാലാഹി ചൊല്ലും പോലെ പറയുന്നുണ്ട്. ഓൻ ആരെയും പോലയല്ല പാവാണ് ന്ന് എന്നെ നോക്കി പിന്നെയും പറഞ്ഞു. കുത്തും കോമയുമിട്ട് ഓനെ നന്നാക്കുന്നത് കണ്ടാൽ ഞാനാരെയൊ കുത്തിക്കൊന്ന ക്രൂരയാണെന്ന് തോന്നും. ഉമ്മാന്റെ മൂന്നു മക്കളും പാവങ്ങളാണ്. പ്രത്യേകിച്ചു ഞാൻ അത് ഉമ്മാക്ക് അറിയില്ലെങ്കിലും എന്നെ വായിക്കുന്ന ജന ലക്ഷങ്ങൾക്ക് അറിയാം.. അല്ലേ.. പാവം പോലും പത്തു മുപ്പത്തയ്യായിരം പേഴ്സിലിട്ടു നടക്കുന്ന ഓനൊക്കെ ഏടത്തെ പാവമാണ്. നൂറ്റിരത്തിന്നാലു ഉർപ്യ പേഴ്സിലുള്ള ഞാനാണ് ഈ പുരക്കത്തെ ഏറ്റവും പാവം. അന്തിക്ക് പത്തിരി പരത്തി വെക്കുമ്പോഴും മസാല പുരട്ടി വെക്കുമ്പോഴും പുരക്കകത്ത് ഇതന്നെ പാട്ട് , "ഇന്റെ കുട്ടിന്റെ പേഴ്സ്... ഇന്റെ കുട്ടി പാവാണ്..." നാത്തൂൻ ആണേൽ മിണ്ടാട്ടമില്ല. ഞാനും പ്രാർത്ഥിക്കുന്നുണ്ട് “ കായി കിട്ടിയില്ലേലും പേഴ്സും രേഖകളും കിട്ടട്ടേയെന്ന്..” എനിക്കുമുണ്ട് സങ്കടം, ഞാനത് ആരേയും അറിയിക്കാതെ ഉള്ളിലൊതുക്കുന്നുവെന്ന് മാത്രം,എന്തോ അങ്ങനെ ശീലമായിപ്പോയി. ഞാൻ നേർച്ച നേർന്നിട്ടുണ്ട് കിട്ടിക്കോളും, ചോർ കോഴീനെ പോലെ കൊത്തി തിന്നുന്ന നാത്തൂൻ പൊരിച്ച മീനിന്റെ നടു കഷണം ഇട്ടു കൊടുത്ത് സമാധാനിപ്പിച്ചു. ഞാനും നേർന്നിട്ടുണ്ട് മ്മാ… ഓൾ മീനും കൂട്ടി കുഴച്ച ഉരുള വായിൽ വെച്ച് പിന്നെയും സങ്കടപ്പെടുന്നു. "സാരല്ല ഞാനും നേർന്നിട്ടുണ്ട് കിട്ടിക്കോളും.." രണ്ടാമത്തെ നാത്തൂൻ ഉമ്മാന്റെയും ഓളെയും ഒപ്പം കൂടി സങ്കടം ശമിപ്പിക്കുന്നു. കള്ളത്തി ഇമ്മാന്റെ കൈ കൊണ്ട് മീൻ കിട്ടാനാവും. ഒരു പാത്രം നിറച്ച് പൊരിച്ച മീനുണ്ട് ഒറ്റക്ക് എടുത്താൽ പോരെ, കയ്യൊന്ന് നീട്ടാതെ മീൻ പാത്രത്തിലെത്താൻ ഓരോരോ അടവ്. ഇമ്മാതിരി മടിയത്തി! “ഇങ്ങൾ എടങ്ങേറാവാതെ തിന്നാൻ നോക്കി പടച്ചോൻ ഒരു വഴി കണ്ടിട്ടുണ്ടാകും” ഉമ്മ അതും പറഞ്ഞ് രണ്ടാമത്തെ നാത്തൂനും മീനിട്ടു തീറ്റിച്ചു. പാവല്ലേ ഓൻ... പൈസ കിട്ടീല്ലേലും.. ഞാനെന്റെ വിമ്മിട്ടം പറയാനൊരുങ്ങുമ്പോൾ മൂന്നു പെണ്ണുങ്ങളും കൂടി എന്നെ കൂർപ്പിച്ചൊരു നോട്ടം. "ഇങ്ങൾ മാളിയേന്റമോൾത്തെ മുത്തിക്ക് ആയിരത്തൊന്ന് നേർച്ചയാക്കി എല്ലാം ശരിയായിക്കോളും.." ഞാൻ മൂന്നിന്റെയും നോട്ടത്തിന്റെ ചൂടിൽ ഉപായം പറഞ്ഞ് തീറ്റ നിർത്തി. അത് ഏടെയാണ്.. മുത്തി എന്ന് പറയുമ്പോൾ മുസ്ലിമാണോ.. ഉമ്മ ചോദിക്കുകയാണ്. ശ്ശെ.. എമ്മാതിരി ചോദ്യമാണ്. മത മൈത്രിയില്ലാത്ത ബല്ലാത്തൊരു ചോദ്യം. തെന്താ.. ഇമ്മാ…ഇങ്ങൾക്ക് ഇത്ര പ്രായായില്ലോ.. മതം ചോദിക്കുന്നു.. അജ്ജേ.. ഒരു ആയിരത്തൊന്നു മുത്തിക്ക് കൊടുത്താൽ ഇങ്ങളെ കാര്യം നടക്കും എന്ന് പറയുമ്പോൾ അയ്ന്റെ ജാതിയും മതവും നോക്കാ.. ഇമ്മാതിരി അന്ധവിശ്വാസി ആവല്ലേ ഇമ്മാ.. പടപ്പുകൾ എല്ലാം ഒന്നല്ലേ.. ഞാൻ നിന്ന് കത്തിക്കയറി, അല്ല പിന്നെ ദേഷ്യം വരൂല്ലേ.. അല്ല.. അങ്ങനല്ല… അതല്ല കുഞ്ഞോളെ ഉമ്മ കിടന്ന് തകിടം മറിയുകയാണ്. ഒരു കുഞ്ഞോളും കഞ്ഞോളുമില്ലാ.. വിശ്വാസമുണ്ടേൽ മതി. ഉം.. നേർന്നിട്ടുണ്ട്.. പോയത് ഓളെ മാപ്ലന്റേത് ആയത് കൊണ്ട് നാത്തൂൻ കണ്ണടച്ച് നിയ്യത്ത് ചെയ്ത് പ്രഖ്യാപിച്ചു. പാത്രം കഴുകി വെക്കുന്നതിനിടയിൽ ആങ്ങള പിന്നെയും വിളിച്ചു. കിട്ടി… കിട്ടി… ഹ…ഹ...ഹ.. നാത്തൂൻ സോപ്പ് പതയുള്ള കൈ ഉയർത്തിപ്പിടിച്ച് തുള്ളിച്ചാടി, രേഖയും പേഴ്സും സേഫല്ലേ.. ഞാൻ ആവശേത്തോടെ ചോദിച്ചു. ആ.. എല്ലാം കിട്ടി, സി സി ടിവിയിൽ നോക്കിയപ്പോൾ സോക്സിന്റെ ബാസ്ക്കറ്റിൽ വീണത് കണ്ടു. ആഹു.. ഹ…ഹ ഓൾ നിന്ന് തുള്ളിച്ചാടുകയാണ്. പൈസ പോയാൽ ഉണ്ടാക്കാം രേഖയും പേഴ്സും കിട്ടിയല്ലോ.. ഞാനും തുള്ളിച്ചാടാതെ ഒപ്പം കൂടി. “ ആയിരത്തൊന്ന് വേം തരണം ട്ടോ..” ഞാനവളെ ഓർമ്മിപ്പിച്ചു.. ആ.. ഇന്റേൽ പൈസല്ല, എടുത്തിട്ട് തരാം.. ഓൾ ഉമ്മാന്റെ അടുത്തു നിന്ന് പിന്നെയും തുള്ളി തുള്ളി പറയുകയാണ്. പൈസയില്ലാതെ നേർച്ച നേരാൻ ഈറ്റാൾക്ക് ഒന്നും മടിയില്ലേ.. മുപ്പത്തിയ്യായിരം പോകുമ്പോൾ നാൽപതിനായിരം നേർച്ചവെക്കുന്ന അന്ധവിശ്വാസികൾ. അയ്യേ.. അയ്യയ്യേ.. ഉമ്മ നന്ദി സൂചകമായി ഓതുന്നുണ്ട്. ഓൾ ഓള പുരക്ക് വിളിച്ചു പറഞ്ഞു പിന്നെയും തുള്ളുന്നു. ഗൂഗിൾപേയിൽ പൈസയുണ്ടോ.. വേം കൊടുക്കണം ഞാൻ ഓളെ ഒന്നൂടെ പറഞ്ഞു മനസ്സിലാക്കി. ആ.. ഉണ്ട്..അയക്കാം.. നല്ല ശക്തിയുണ്ടല്ലേ ഓര്ക്ക്. ഓൾ മുത്തിയുടെ പ്രഭാവത്തിൽ പ്രസന്നവദനയായി അത്ഭുതം പ്രകടിപ്പിച്ചു. ഉം... ഞാൻ മൃദുവായി മൂളി. അല്ല ആ മുത്തീന്റെ മഖ്ബറ ഏടെയാണ് രണ്ടാമത്തെ നാത്തൂൻ ഏണി വലിച്ചിട്ട് ഒരു ചോദ്യം. "മഖ്ബറ ഉണ്ടാക്കാൻ അത് മയ്യത്തായിട്ടില്ല…" ഞാൻ മറുപടി കൊടുത്തു. അറിയാതെ ഓരോന്ന് ഉറപ്പിച്ചു വന്നോളും എന്തൊക്കെ അറിയണം പെണ്ണിന്. സ്ഥലം എവിടെയാണ് നമുക്ക് മൂന്നാൾക്കും പോയി കൊടുക്കാം.. ഓൾ പിന്നെയും.. കാര്യം നടക്കുവോളം എങ്ങനേലും നടന്നാ മതിയായിരുന്നു, ഇപ്പോൾ അവർക്ക് മുത്തിയുടെ ആധാർ കാർഡും റേഷൻ കാർഡും വേണം, മനുഷ്യന്മാർ നന്നാവൂലാ.. പാലം കടക്കോളം എന്തൊക്കെയായിരുന്നു.. നന്ദിയില്ലാത്താ വർഗ്ഗങ്ങൾ. ഇയ്യ് തരണ്ട.. അന്റെ സംശയം ഇയ്ക്ക് മനസ്സിലായി.. ഹൌ.. എങ്ങനെ അനക്ക് അങ്ങനെ ചിന്തിക്കാൻ തോന്നി.. ഇന്റെ ആങ്ങളക്ക് വേണ്ടിട്ടല്ലേ.. ഞാൻ കൊടുത്തോളം.. അല്ലേലും എന്റെ പ്രാർത്ഥനക്കും നേർച്ചക്കും പത്തരമാറ്റ് സ്നേഹത്തിനും ഈ പുരക്കകത്ത് ആട്ടിൻ കാട്ടത്തിന്റെ വില പോലുമില്ലല്ലോ.. ഞാൻ ഹൃദയവേദനയോടെ മാള്യേന്റെമോളിലോട്ട് നടന്ന് വാതിലടച്ചു. ദു:ഖമൊതുക്കി കണ്ണാടിയിൽ പ്രത്യക്ഷപ്പെട്ട മുത്തിയെ നോക്കി. ഹൌ എമ്മാതിരി ശക്തിയാണ് മുത്തിക്ക് അഞ്ചു മിനിറ്റ് കൊണ്ടല്ലേ കാര്യം തിരി പാടാക്കി കൊടുത്തത്. അന്ധവിശ്വാസത്തിന് ഞാൻ എതിരാണ് ന്നാലും അനുഭവം കൊണ്ട് പറയാതെ വയ്യ. എമ്മാതിരി പവറാണ് മുത്തിക്ക്, നേർച്ചപൈസ കൂടി കൊടുത്തിരുന്നേൽ പേഴ്സിൽ ആയിരം റിയാൽ ഏറെ വെച്ചേനേ, അയ്ൻ എങ്ങനെ കാര്യം നടന്നാൽ ഒക്കെ കാലുമാറുകയല്ലേ.. ഹൌ... ന്നാലും പിന്നെയും പറയാതെ വയ്യ എമ്മാതിരി പവറാണ് മുത്തിക്ക്! _*✍🏻Sabna Nichu*_ #📔 കഥ