#⚽ ഐതിഹാസികം, നാടകീയം! പിന്നിൽ നിന്ന് മുന്നേറി വിജയിച്ച് അർജന്റീന, ആവേശത്തിൽ ആരാധകർ! സാമ്പാർ മുന്നണിയുടെ പടക്കങ്ങൾ വെറുതെ പൊട്ടി 😀
67 ആം മിനുട്ടിൽ അർജന്റീന രണ്ടു ഗോളിന് പുറകിലാണ്.ഈജിപ്റ്റ് പ്രതിരോധത്തിലേക്ക് വലിയുന്നു. അർജന്റീനക്കിനി തിരിച്ചുവരവ് ഏതാണ്ട് അസാധ്യമെന്ന തോന്നലുകളും വിലയിരുത്തലുകളും. അർജന്റീന ആരാധകർ കടുത്ത നിരാശയുടെ പടുകുഴിയിലേക്കു വീഴുമ്പോൾ 79 ആം മിനുട്ടിൽ ബോക്സിലേക്ക് ലയണൽ മെസ്സിയുടെ ഒരു curler, ക്രിസ്ത്യൻ റൊമേറോയുടെയൊരു തകർപ്പൻ ഹെഡ്ഡർ. പന്ത് വലയിലാണ്. അർജന്റീന കളിയിലേക്ക് തിരിച്ചെത്തുന്നു.
കൃത്യം 4 മിനുട്ടിനു ശേഷം ബോക്സിനുള്ളിലെ ആശയക്കുഴപ്പത്തിനിടെ അൽവരസ് പന്ത് മെസ്സിയുടെ പാതയിലേക്ക് തട്ടിയിടുന്നു. കാലങ്ങളായി നമ്മളെ ആനന്ദിപ്പിച്ചു കൊണ്ടിരിക്കുന്ന അതേ ഇടത് കാൽ, മനോഹരമായൊരു ബുള്ളറ്റ് ഷോട്ട് ഗോൾ കീപ്പറെ നിസ്സഹായനാക്കി വലയിലേക്ക്. അർജന്റീന ഒപ്പത്തിനൊപ്പം.
കളി എക്സ്ട്രാ ടൈമിലേക്ക് പോകുമെന്ന് ഉറപ്പിച്ചിരിക്കെ ഇഞ്ചുറി ടൈമിന്റെ രണ്ടാം മിനുട്ടിൽ ലൗറ്റാരോ മാർട്ടിനസിന്റെയൊരു പിൻ പോയന്റ് ക്രോസ്, ഉയർന്നു ചാടുന്ന എൻസോ ഫെർണാണ്ടസ് പോസ്റ്റിന്റെ വലത് മൂലയിലേക്കത് മനോഹരമായി ഹെഡ് ചെയ്ത് പ്ലെസ് ചെയ്യുമ്പോൾ അർജന്റീനയുടെ തിരിച്ചുവരവ് പൂർണമാവുകയാണ്.
ഹൃദയങ്ങൾ നിലച്ചുപോകുന്ന രീതിയിലുള്ള കടുത്ത സമ്മർദ്ദത്തെ അതിജീവിച്ചു കൊണ്ടുള്ള സ്വപ്നതുല്യമായ തിരിച്ചു വരവ്.🩵🩵
ഹാറ്റ്സ് ഓഫ് ഈജിപ്റ്റ്, അവർ മനോഹരമായി കളിച്ചു.
