#🖋 എൻ്റെ കവിതകൾ🧾 #📝 ഞാൻ എഴുതിയ വരികൾ ഉഷ്ണവാതംപോലസഹ്യനായ്മധ്യധരണ്യാഴിമധ്യത്തിലൊരുലോഹയാനത്തിൽ വിഭ്രാന്ത മാനസനധോമുഖനക്ഷരച്ചിമിഴുമായ് മേധയിലഗ്‌നിശലാകകളുദ്ദീപ്തമാക്കിയ വിഭ്രാന്തസ്വപ്നത്തിൻ ഭാണ്ഡമേറ്റി ക്ഷീണിതദേഹവും പരിക്ഷീണദേഹിയും വിഹ്വല മനസ്സിന്റെ തേങ്ങലുമായ് ലുപ്തനാമനായ് അവധൂതനായ് എവിടെയോ കാതങ്ങളൊരുപാടു കാലമായ് നടന്നലഞ്ഞീടവേ നിൻ മന: വൃക്ഷഛായയിലൊട്ടു കിതപ്പാറ്റി നിന്നു ഞാൻ ചണ്ഡഭാസ്കരജ്യോതിനാളങ്ങളിൽനിന്നെന്റെ പ്രാണനെ അമ്മ കുഞ്ഞിനെയെന്ന പോൽ കാത്തുനീ നൂറു ജന്മം ജനിച്ചു മരിക്കിലും നുളളി നോവിക്കില്ലൊരിക്കലും പ്രജ്ഞയിൽ പൂത്ത പാടലപുഷ്പമേ നിന്നെ ഞാൻ🌹

#📝 ഞാൻ എഴുതിയ വരികൾ #🖋 എൻ്റെ കവിതകൾ🧾 ശ്യാമമേഘങ്ങൾനിറഞ്ഞുവെൻമാനത്ത് ചണ്ഡവാതം ചുഴറ്റുമ്പോൾ അറുപതു നാഴിക ന്യൂനമർദ്ദംകൊണ്ടെന്റെ ഹൃത്തിൽ പേമാരി പെയ്തിറങ്ങുമ്പോൾ കാളഖണ്ഡത്തിൻദളങ്ങൾ ക്കരിമ്പുകയേറ്റു ശുഷ്ക്കമാകുമ്പോൾ സ്നേഹമന്ത്രാക്ഷരഗായത്രി ചൊല്ലുവാനാരെത്തുമെന്ന് നോക്കുമ്പോൾ നിഴൽ പോലുമില്ലെന്റെ പിന്നിൽ കടലുതിന്നൊരാ ദ്വാരകയു പേക്ഷിച്ചു വേടന്റെയമ്പിനായ് കാത്തിരിക്കുന്നു ഞാൻ