*ചുവട് തെറ്റിയാൽ മരണം ഉറപ്പ്; സ്കൂളിലെത്താൻ തടയണയ്ക്ക് മുകളിലൂടെ ജീവൻ പണയം വച്ച് വിദ്യാർഥികൾ* ➖ ➖➖♾️ 📡 ♾️➖➖➖ കയ്യിൽ സ്കൂ‌ൾ ബാഗുകളുമായി തടയണയ്ക്ക് മുകളിലൂടെ ചാടിക്കടന്ന് സ്കൂളിലെത്തുന്ന വിദ്യാർത്ഥികളുടെ ഞെട്ടിക്കുന്ന ദൃശ്യങ്ങളാണ് സമൂഹമാധ്യമങ്ങളിൽ വൈറലാകുന്നത്. ചെറിയൊരു പിഴവ് പോലും ജീവൻ അപകടത്തിലാക്കിയേക്കാവുന്ന നടത്തത്തിന്റെ ഈ ദൃശ്യങ്ങൾ കഴിഞ്ഞ ദിവസം നളിനി എന്ന എക്സ് അക്കൗണ്ടിലൂടെയാണ് പുറത്തുവന്നത്. മധ്യപ്രദേശിലെ വിദിഷ ജില്ലയിലെ കരുവ ഗ്രാമത്തിൽ നിന്നുള്ള വിദ്യാർത്ഥികളാണിവർ. പലോഹ് ഗ്രാമത്തിലെ സ്കൂളിലെത്താൻ ബെത്വ നദിക്ക് കുറുകെയുള്ള തടയണ മുറിച്ചുകടക്കുകയാണ് കുട്ടികൾ ദിവസവും ചെയ്യുന്നത്. സുരക്ഷിതമായ മറ്റൊരു റോഡ് ലഭ്യമാണെങ്കിലും ആ വഴി സഞ്ചരിച്ചാൽ 8 മുതൽ 10 കിലോമീറ്റർ വരെ അധികം യാത്ര ചെയ്യേണ്ടിവരും. ഈ ബുദ്ധിമുട്ട് ഒഴിവാക്കാനാണ് വിദ്യാർത്ഥികൾ ജീവൻ പണയം വച്ച് തടയണയ്ക്ക് മുകളിലൂടെ നദി മുറിച്ചുകടക്കുന്നത്. വീഡിയോ വ്യാപകമായി പ്രചരിച്ചതോടെ പ്രദേശത്തെ അടിസ്ഥാന സൗകര്യങ്ങളുടെ അഭാവത്തിനെതിരെ ശക്തമായ പ്രതിഷേധമാണ് ഉയർന്നത്. സംഭവത്തിൽ പ്രതികരിച്ച വിദിഷ സബ് ഡിവിഷണൽ മജിസ്ട്രേറ്റ് ക്ഷിതിജ് ശർമ, വിദ്യാർത്ഥികൾക്ക് സുരക്ഷിതമായി റോഡ് മാർഗം യാത ചെയ്യാൻ ഉടൻ സൈക്കിളുകൾ വിതരണം ചെയ്യുമെന്നും ബെത്വ നദിക്ക് കുറുകെ താൽക്കാലിക പാലം #മദ്ധ്യപ്രദേശ് നിർമ്മിക്കുന്നതിനുള്ള നടപടികൾ ആരംഭിക്കുമെന്നും അറിയിച്ചു.📡🔮 #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯

*മദ്യപിച്ച് വാഹനം ഓടിച്ച കേസ്: ഹെലൻ ഓഫ് സ്പാർട്ടയുടെ ലൈസൻസ് സസ്പെൻഡ് ചെയ്തു, പരിശീലന ക്ലാസിൽ പങ്കെടുക്കണം* 📡 *കാസർകോട്* | മദ്യപിച്ച് വാഹനമോടിച്ച കേസിൽ യൂട്യൂബർ ഹെലൻ ഓഫ് സ്പാർട്ടയുടെ (എസ്.ആർ. ധന്യ) ഡ്രൈവിങ് ലൈസൻസ് താൽക്കാലികമായി റദ്ദാക്കി. മൂന്ന് മാസത്തേക്കാണ് ലൈസൻസ് സസ്പെൻഡ് ചെയ്തത്. മദ്യപിച്ച് അപകടം ഉണ്ടാക്കുന്നവിധം വാഹനമോടിച്ചതിനാണ് നടപടി. മോട്ടോർ വാഹന വകുപ്പിന്റെ മൂന്നുദിവസത്തെ പരിശീലന ക്ലാസിലും ധന്യ പങ്കെടുക്കണം. കഴിഞ്ഞ മാസമാണ് മദ്യപിച്ച് വാഹനമോടിച്ചതിനു ധന്യയ്ക്കെതിരേ പൊലീസ് കേസെടുത്തത്. ദേശീയപാതയിൽ അണങ്കൂരിലായിരുന്നു സംഭവം. അപകടകരമായ രീതിയിൽ ധന്യയുടെ കാർ ദേശീയപാതയിൽ നിർത്തിയിട്ടത് കണ്ടാണ് പൊലീസ് പരിശോധനയ്ക്കെത്തിയത്. എന്നാൽ, പൊലീസ് എത്തിയതോടെ കാർ അമിതവേഗത്തിൽ ഓടിച്ചുപോയി. പിന്നീട് മംഗൽപാടി ബന്തിയോട് ഭഗവതി നഗറിൽവച്ച് പൊലീസ് കാർ പരിശോധിച്ചതോടെയാണ് ധന്യ മദ്യപിച്ചിരുന്നതായി കണ്ടെത്തിയത്. തുടർന്ന് വാഹനം കസ്റ്റഡിയിലെടുക്കുകയായിരുന്നു. സംഭവത്തിനു പിന്നാലെ താൻ ബിയർ കഴിച്ചിരുന്നതായി ധന്യ സമ്മതിച്ചിരുന്നു. ‘‘ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിനു പെറ്റി എങ്ങനെയാണോ വരുന്നത് ആ പെറ്റി ആണ് എനിക്ക് വന്നിട്ടുള്ളത്. ജീവിതത്തില്‍ ആരെയും മദ്യപിക്കാന്‍ പ്രോത്സാഹിപ്പിക്കാറില്ല. പരിശോധനയ്ക്കിടെ വാഹനം പൊലീസ് പിടിച്ചെടുത്തു. വാഹനത്തില്‍ എംഡിഎംഎ ആയിരുന്നുവെന്ന തരത്തിലുള്ള പ്രചാരണം തെറ്റാണ്. ആളുകള്‍ തിരിച്ചറിയും എന്നതിനാലാണ് പരിശോധനയ്ക്കിടെ വാഹനം നിര്‍ത്താതെ പോയത്. എന്നാല്‍ പിടിച്ചതിലും വലുതാണ് മാളത്തില്‍ എന്നുപറയുന്നതുപോലെയായിരുന്നു കാര്യങ്ങള്‍. ഞാന്‍ ഒളിവിലാണെന്നും എന്റെ വാഹനം പൊലീസ് കസ്റ്റഡിയിലെടുത്തെന്നും വാര്‍ത്ത കണ്ടു. വണ്ടിയില്‍ നിന്നും എംഡിഎംഎ പിടിച്ചെന്നും ചിലര്‍ പറയുന്നു. എന്നോട് ക്ഷമിക്കണം. ഒരു പരിപാടിക്കിടയില്‍ ഒരു ബീയര്‍ അടിച്ചിരുന്നു. വണ്ടി ഓടിക്കാന്‍ പാടില്ലായിരുന്നു. എന്റെ വീടിന്റെ മുന്നിലാണ് വാഹനം നിര്‍ത്തിയത്. മദ്യപിച്ചിരുന്നോയെന്ന് പൊലീസ് ചോദിച്ചു. അതെയെന്ന് സമ്മതിക്കുകയും ചെയ്തു. ഊതിയപ്പോള്‍ അത് തെളിയുകയും ചെയ്തു. കോടതിയില്‍ പെറ്റിയടച്ചാല്‍ മതിയെന്ന് വളരെ വ്യക്തമായി പറഞ്ഞു. ഞാനും കൂടി ആലോചിക്കേണ്ടതായിരുന്നു. എന്തെങ്കിലും സംഭവിച്ചിരുന്നെങ്കില്‍ ഖേദിച്ചിട്ട് കാര്യമില്ല. കാര്യങ്ങളുടെ ഗൗരവം പറഞ്ഞുതന്ന് പൊലീസ് പോയി. എന്റെ വണ്ടിയും ഞാനും അവിടെ തന്നെയുണ്ടായിരുന്നു. വാഹനം ചെക്ക് ചെയ്യാമെന്ന് പൊലീസിനോട് പറഞ്ഞു. രണ്ട് ദിവസമായി സംഭവം നടന്നിട്ട്. വാഹനം പിടിച്ചുകൊണ്ടുപോയിട്ടില്ല. ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിനു പെറ്റി എങ്ങനെയാണോ വരുന്നത് ആ പെറ്റി ആണ് എനിക്ക് വന്നിട്ടുള്ളത്. സ്പാര്‍ട്ട ഉപയോഗിച്ചത് മദ്യമല്ലെന്ന് ചിലരെങ്കിലും കമന്റ്‌ബോക്‌സില്‍ പറഞ്ഞിരുന്നു. 3,550 രൂപ കൊടുത്ത് ഡ്രഗ് ആന്‍ഡ് ആല്‍ക്കഹോള്‍ പരിശോധന നടത്തി. അയ്യപ്പ ബൈജുവൊന്നുമല്ല ഞാന്‍. ഇനി ആവര്‍ത്തിക്കില്ല. എന്റെ ഭാഗത്താണ് തെറ്റ്. അയാം വെരി വെരി സോറി’’ – എന്നാണ് സമൂഹമാധ്യമങ്ങളിൽ പങ്കുവച്ച വിഡിയോയിൽ ധന്യ പറഞ്ഞിരുന്നത്. 📡🔮 #യൂട്യൂബർ ധന്യ #💖 Helen of Sparta #ഫ്ലാഷ് ന്യൂസ്‌ 📯📯📯 #ഇന്നത്തെ പ്രധാന വാർത്തകൾ #NEWS TODAY💢💢💢

"തയ്യൽ മെഷീനിൽ നിന്ന് ദേശീയ പുരസ്കാര വേദിയിലേക്ക്: ഇന്ദ്രൻസിന്റെ തോൽക്കാത്ത ജീവിതം" നാലാം ക്ലാസിൽ പഠനം അവസാനിപ്പിച്ച ഒരു ദരിദ്ര ബാലൻ... തയ്യൽക്കാരനായി ജീവിതം തുടങ്ങിയ യുവാവ്... സിനിമയിൽ വസ്ത്രം തുന്നിക്കൊടുത്ത തൊഴിലാളി... അഭിനേതാക്കളിൽ ഒരാളായി മാറിയ മനുഷ്യൻ തയ്യൽ മെഷീനിൽ നിന്ന് ദേശീയ പുരസ്കാര വേദിയിലേക്ക്: 1956 മാർച്ച് 16-ന് തിരുവനന്തപുരം കുമാരപുരത്താണ് കെ. സുരേന്ദ്രൻ എന്ന ഇന്ദ്രൻസ് ജനിച്ചത്. കുടുംബത്തിൽ ഏഴ് മക്കളിൽ ഒരാളായിരുന്നു. അച്ഛൻ കൊച്ചുവേലുവും അമ്മ ഗോമതിയും സാധാരണ ജീവിതം നയിച്ചവരായിരുന്നു. കുടുംബത്തിലെ സാമ്പത്തിക സ്ഥിതി വളരെ മോശമായിരുന്നു. പല ദിവസങ്ങളിലും വീട്ടുചെലവുകൾ പോലും കണ്ടെത്താൻ ബുദ്ധിമുട്ടുണ്ടായിരുന്നുവെന്ന് അദ്ദേഹം പിന്നീട് പല അഭിമുഖങ്ങളിലും ഓർമ്മിച്ചിട്ടുണ്ട്. വിദ്യാഭ്യാസം തുടരാൻ അദ്ദേഹത്തിന് കഴിഞ്ഞില്ല. നാലാം ക്ലാസ് കഴിയുമ്പോഴേക്കും പഠനം നിർത്തേണ്ടി വന്നു. കൂട്ടുകാർ സ്കൂളിലേക്ക് പോകുമ്പോൾ ചെറിയ സുരേന്ദ്രൻ ജീവിതത്തിന്റെ ഭാരവുമായി തയ്യൽ പഠിക്കാൻ പോയി. ഒരു കുട്ടിക്ക് ഏറ്റവും വേദനാജനകമായ അനുഭവങ്ങളിൽ ഒന്നായിരുന്നു അത്. തയ്യൽക്കാരനായുള്ള ജീവിതം അമ്മാവന്റെ കീഴിലാണ് അദ്ദേഹം തയ്യൽ പഠിച്ചത്. പിന്നീട് അത് അദ്ദേഹത്തിന്റെ ഉപജീവനമാർഗമായി മാറി. രാവിലെയുമുതൽ രാത്രി വരെ മെഷീനു മുന്നിൽ ഇരുന്ന് വസ്ത്രങ്ങൾ തുന്നി. കുടുംബത്തെ സഹായിക്കണം എന്ന ചിന്തയായിരുന്നു മനസ്സിൽ. പിന്നീട് സഹോദരനൊപ്പം "Indrans Brothers Tailors" എന്ന പേരിൽ ഒരു തയ്യൽക്കട തുടങ്ങി. കൗതുകകരമായ കാര്യം, ആ കടയുടെ പേരാണ് പിന്നീട് മലയാളികൾ സ്നേഹത്തോടെ വിളിക്കുന്ന "ഇന്ദ്രൻസ്" എന്ന പേരായി മാറിയത്. അഭിനയമോഹം ഒരിക്കലും വിട്ടുപോയില്ല ജീവിതസാഹചര്യങ്ങൾ കഠിനമായിരുന്നെങ്കിലും കലാപ്രേമം അദ്ദേഹത്തെ വിട്ടുപോയില്ല. ജോലിക്ക് ശേഷം നാടകപരിശീലനത്തിനും വേദികളിലുമായിരുന്നു സമയം. ചെറിയ നാടകസംഘങ്ങളിൽ അഭിനയിച്ചുകൊണ്ട് അദ്ദേഹം തന്റെ സ്വപ്നം ജീവിച്ചു. അദ്ദേഹത്തിന് സിനിമാനടനാകണമെന്ന ആഗ്രഹമുണ്ടായിരുന്നെങ്കിലും അവിടെ എത്തുക എളുപ്പമായിരുന്നില്ല. രൂപസൗന്ദര്യമോ വലിയ ബന്ധങ്ങളോ ഒന്നും അദ്ദേഹത്തിനില്ലായിരുന്നു. പക്ഷേ മനസ്സിൽ സ്വപ്നമുണ്ടായിരുന്നു. സിനിമയിൽ ആദ്യകാല കഷ്ടപ്പാടുകൾ 1981-ൽ ചൂതാട്ടം എന്ന ചിത്രത്തിലൂടെ അദ്ദേഹം സിനിമയിലെത്തി. എന്നാൽ നടനായല്ല, കോസ്റ്റ്യൂം ഡിസൈനറായിട്ടായിരുന്നു പ്രധാന അവസരം. സിനിമയിലെ നായകന്മാർക്കും നടിമാർക്കും വസ്ത്രങ്ങൾ തുന്നിക്കൊടുത്തിരുന്നു. സെറ്റുകളിൽ എല്ലാവരും അദ്ദേഹത്തെ അറിയുമായിരുന്നു. പക്ഷേ ക്യാമറയ്ക്ക് മുന്നിൽ അവസരം ലഭിച്ചിരുന്നില്ല. പല വർഷങ്ങൾ അദ്ദേഹം മറ്റുള്ളവരുടെ കഥാപാത്രങ്ങൾക്ക് വസ്ത്രം ഒരുക്കി. ചിലപ്പോൾ ചെറിയ രംഗങ്ങളിൽ മുഖം കാണിച്ചു. എന്നാൽ ആരും ശ്രദ്ധിച്ചില്ല. ഈ കാലഘട്ടം അദ്ദേഹത്തിന് ഏറെ നിരാശകൾ സമ്മാനിച്ചെങ്കിലും അദ്ദേഹം സിനിമ വിട്ടുപോയില്ല. പരിഹാസങ്ങളും അവഗണനകളും ഇന്ദ്രൻസിന്റെ മെലിഞ്ഞ ശരീരവും സാധാരണ രൂപവുമെല്ലാം പലരും കളിയാക്കിയിരുന്നു. അന്നത്തെ സിനിമയിൽ നായകനായാലും ഹാസ്യനടനായാലും ചില പ്രത്യേക രൂപസങ്കൽപ്പങ്ങൾ ഉണ്ടായിരുന്നു. ഇന്ദ്രൻസ് അതിലൊന്നിലും പെടുന്നില്ലായിരുന്നു. എന്നാൽ അദ്ദേഹം അവയെ ദൗർബല്യമായി കണ്ടില്ല. പിന്നീട് അതേ ശരീരഭാഷയും ശൈലിയും അദ്ദേഹത്തിന്റെ ശക്തിയായി മാറി. കുടുംബത്തിന്റെ പിന്തുണ ഇന്ദ്രൻസിന്റെ ഭാര്യ ശാന്തകുമാരിയാണ്. അവർക്കു രണ്ട് മക്കളുണ്ട്. ജീവിതത്തിലെ ഏറ്റവും ബുദ്ധിമുട്ടേറിയ കാലങ്ങളിൽ കുടുംബം അദ്ദേഹത്തോടൊപ്പം നിന്നു. സിനിമയിൽ സ്ഥിരവരുമാനം ഇല്ലാതിരുന്ന കാലത്തും കുടുംബം അദ്ദേഹത്തെ പിന്തുണച്ചു. ഒരു സാധാരണ കുടുംബനാഥനായി ജീവിച്ചുകൊണ്ടാണ് അദ്ദേഹം സിനിമയിൽ സ്ഥാനം നേടിയത്. മലയാള സിനിമയിൽ വലിയ താരപദവി ലഭിച്ച ശേഷവും അദ്ദേഹത്തിന്റെ ജീവിതശൈലി വളരെ ലളിതമായിരുന്നു എന്നതാണ് പലരും എടുത്തുപറയുന്നത്. വലിയ വഴിത്തിരിവ് 1994-ൽ പുറത്തിറങ്ങിയ CID Unnikrishnan B.A., B.Ed. ഇന്ദ്രൻസിന്റെ ജീവിതം മാറ്റിമറിച്ചു. അതിനുശേഷം മലയാള സിനിമയിലെ പ്രധാന ഹാസ്യനടന്മാരിൽ ഒരാളായി അദ്ദേഹം മാറി. അടുത്ത നിരവധി വർഷങ്ങൾ അദ്ദേഹം നൂറുകണക്കിന് സിനിമകളിൽ അഭിനയിച്ചു. മലയാളികളുടെ ചിരിമുഖമായി മാറി. എന്നാൽ അപ്പോഴും പലരും അദ്ദേഹത്തെ "കോമഡി നടൻ" എന്ന പരിധിക്കുള്ളിൽ മാത്രം കണ്ടു. വീണ്ടും ഒരു വെല്ലുവിളി പ്രായം കൂടുന്നതിനനുസരിച്ച് പുതിയ തലമുറ സിനിമയിൽ എത്തിയപ്പോൾ പല പഴയ ഹാസ്യനടന്മാരും അവസരങ്ങൾ നഷ്ടപ്പെടുത്തി. ഇന്ദ്രൻസിനും അത് ഒരു വെല്ലുവിളിയായിരുന്നു. പക്ഷേ അദ്ദേഹം വിട്ടുകൊടുത്തില്ല. അഭിനയത്തിന്റെ പുതിയ മുഖം പുറത്തെടുത്തു. ഗൗരവമുള്ള കഥാപാത്രങ്ങളിലേക്ക് മാറി. ആ തീരുമാനമാണ് അദ്ദേഹത്തിന്റെ ജീവിതത്തിലെ രണ്ടാമത്തെ വലിയ വഴിത്തിരിവായത്. ലോകം തിരിച്ചറിഞ്ഞ നടൻ ആളൊരുക്കം എന്ന സിനിമയിലെ പ്രകടനത്തിലൂടെ കേരള സംസ്ഥാന മികച്ച നടനുള്ള പുരസ്കാരം നേടി. തുടർന്ന് വെയിൽമരങ്ങൾ, ഹോം, മാലിക്, പട, അഞ്ചാം പാതിര തുടങ്ങിയ ചിത്രങ്ങളിൽ അദ്ദേഹം കാഴ്ചവെച്ച അഭിനയം ആളുകളെ അത്ഭുതപ്പെടുത്തി. ഒരുകാലത്ത് വസ്ത്രം തുന്നിക്കൊടുത്ത മനുഷ്യൻ ഇന്ന് ദേശീയ-അന്തർദേശീയ പുരസ്കാരങ്ങൾ നേടിയ നടനായി മാറി. സിംഗപ്പൂർ അന്താരാഷ്ട്ര ചലച്ചിത്രമേളയിൽ പോലും മികച്ച നടനുള്ള അംഗീകാരം ലഭിച്ചു. ഇന്ദ്രൻസിന്റെ ജീവിതം നമ്മെ പഠിപ്പിക്കുന്നത് അദ്ദേഹത്തിന്റെ കഥയിൽ നായകന്റെ പ്രവേശനമില്ല. പണക്കാരുടെ പിൻബലമില്ല. ഗോഡ്ഫാദർമാരില്ല. വലിയ വിദ്യാഭ്യാസമില്ല. ഉണ്ടായിരുന്നത് ഒരൊറ്റ കാര്യം മാത്രം: കൈവിടാത്ത മനസ്സ്. നാലാം ക്ലാസിൽ പഠനം അവസാനിപ്പിച്ച ഒരു ദരിദ്ര ബാലൻ... തയ്യൽക്കാരനായി ജീവിതം തുടങ്ങിയ യുവാവ്... സിനിമയിൽ വസ്ത്രം തുന്നിക്കൊടുത്ത തൊഴിലാളി... അവിടെ നിന്ന് മലയാള സിനിമയിലെ ഏറ്റവും ബഹുമാനിക്കപ്പെടുന്ന അഭിനേതാക്കളിൽ ഒരാളായി മാറിയ മനുഷ്യൻ... അതാണ് ഇന്ദ്രൻസ്. "ദാരിദ്ര്യം നിങ്ങളുടെ തുടക്കത്തെ തീരുമാനിച്ചേക്കാം. പക്ഷേ നിങ്ങളുടെ അവസാനത്തെ തീരുമാനിക്കുന്നത് നിങ്ങളുടെ പരിശ്രമമാണ്. #ഇന്ദ്രൻസ് #ഇന്ദ്രൻസ് #ഇന്ദ്രൻസ്

*നീറ്റ് പരീക്ഷ: പത്തനംതിട്ടയിൽ പിഡിഎഫ് ചോർന്നു; എത്തിയത് രാജസ്ഥാൻ വഴി, സിബിഐ കണ്ടെത്തൽ* *Published ; 08-08-2026 ശനി* *ന്യൂഡൽഹി* | നീറ്റ് ചോദ്യപ്പേപ്പർ ചോർച്ചയുമായി ബന്ധപ്പെട്ട ഇടപാടുകളിൽ കേരളത്തിലെ വിദ്യാർഥികളുടെ പങ്കും പുറത്ത്. സിബിഐ കുറ്റപത്രത്തിലാണ് പത്തനംതിട്ടയിലെ സ്വകാര്യ മെഡിക്കൽ കോളജ് ഹോസ്റ്റലിലേക്ക് നീളുന്ന അന്വേഷണത്തിന്റെ വിവരങ്ങളുള്ളത്. ഒന്നാം വർഷ എംബിബിഎസ് വിദ്യാർഥിയായ ഹിതേഷ് കുമാറിന് തന്റെ റൂംമേറ്റായ ലക്ഷയ് രാജിൽ നിന്നാണ് ചോർന്ന ചോദ്യപ്പേപ്പറിന്റെ പിഡിഎഫ് ഫയലുകൾ ലഭിച്ചത്. രാജസ്ഥാനിലെ ജുൻജുനു സ്വദേശിയായ ലക്ഷയ് രാജ് മുൻപ് സിക്കറിലെ അലൻ കോച്ചിങ് ഇൻസ്റ്റിറ്റ്യൂട്ടിലെ വിദ്യാർഥിയായിരുന്നു. തെളിവുകൾ നശിപ്പിക്കാനായി, ചാറ്റുകൾ ലക്ഷയ് രാജ് ഡിലീറ്റ് ചെയ്തതായും സിബിഐ കണ്ടെത്തി. നീറ്റ്–യുജി ചോദ്യക്കടലാസ് ചോർച്ച അന്വേഷിച്ച സിബിഐ സംഘം ഡൽഹി റൗസ് അവന്യു അതിവേഗ കോടതിയിൽ നൽകിയ കുറ്റപത്രത്തിലാണ് ഇക്കാര്യം വ്യക്തമാക്കിയത്. മഹാരാഷ്ട്രയാണു ചോർച്ചയുടെ ഉറവിടം. രാജസ്ഥാൻ വഴി ഹരിയാനയിലേക്കും കേരളത്തിലേക്കും ഇതെത്തിയെന്നും വാട്സാപ് ഉൾപ്പെടെയുള്ള മെസേജിങ് ആപ്ലിക്കേഷനുകളിലൂടെയാണു കൈമാറ്റം നടന്നതെന്നും സിബിഐ കണ്ടെത്തി. മേയ് 7നു രാജസ്ഥാൻ സികാർ സ്വദേശി ശശികാന്ത് സുതാർ എന്ന കെമസ്ട്രി അധ്യാപകൻ എൻടിഎയ്ക്ക് അയച്ച ഇമെയിൽ ആണു തട്ടിപ്പിന്റെ വിവരങ്ങൾ പുറത്തുകൊണ്ടുവന്നത്. ഇദ്ദേഹം താമസിക്കുന്ന വീടിന്റെ ഉടമസ്ഥൻ മേയ് 3ലെ നീറ്റ് പരീക്ഷ കഴിഞ്ഞയുടൻ ഇദ്ദേഹത്തെ തേടിയെത്തി. രണ്ടു പിഡിഎഫ് ഫയലുകൾ കാട്ടി നീറ്റ് പരീക്ഷയുടെ ചോദ്യങ്ങളുമായി ഒത്തുനോക്കാൻ ആവശ്യപ്പെട്ടു. പിഡിഎഫിലുണ്ടായിരുന്ന ചോദ്യങ്ങൾ പരീക്ഷയിലും ഉൾപ്പെട്ടിരുന്നുവെന്നു കണ്ടെത്തിയതോടെയാണ് ഇത് എവിടെ നിന്നു ലഭിച്ചതാണെന്ന് അന്വേഷിച്ചത്. വീട്ടുടമയുടെ കേരളത്തിൽ എംബിബിഎസ് പഠിക്കുന്ന മകൻ അയച്ചു നൽകിയതാണെന്നും മകൻ മുറി പങ്കിടുന്ന മറ്റൊരു വിദ്യാർഥിയാണു ഇതു കൈമാറിയതെന്നുമായിരുന്നു വെളിപ്പെടുത്തൽ. ➖➖➖➖➖➖➖➖➖➖ #അടൂർ #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯

*ചൂരൽമലയിൽ വീണ്ടും പുലിയുടെ ആക്രണം; വീട്ടിലെ വളർത്തുനായയെ പിടികൂടി* 📡 കൽപറ്റ: വയനാട് ചൂരൽമലയിലെ ജനവാസമേഖലയിൽ വീണ്ടും പുലിയിറങ്ങി. ചൂരൽമല വില്ലേജ് റോഡിലെ അമൽ നിവാസിൽ വിജയന്റെ വളർത്തുനായയെയാണ് പുലി പിടികൂടിയത്. സംഭവത്തിന്റെ സിസിടിവി ദൃശ്യങ്ങളും ഇതിനോടകം പുറത്തുവന്നിട്ടുണ്ട്. വിജയന്റെ വീട്ടിൽ പുലി എത്തുന്നത് ഇത് നാലാം തവണയാണ്. വെള്ളിയാഴ്ച രാത്രിയാണ് പ്രദേശത്ത് വീണ്ടും പുലിയുടെ സാന്നിധ്യം ഉണ്ടായത്. പ്രദേശത്ത് പുലിയുടെ ശല്യം രൂക്ഷമായതിനാൽ ഇവിടെ കൂട് സ്ഥാപിക്കണമെന്ന് നാട്ടുകാർ പലതവണ ആവശ്യപ്പെട്ടിരുന്നെങ്കിലും അധികൃതരുടെ ഭാഗത്തുനിന്ന് നടപടിയുണ്ടായില്ലെന്ന് വിജയൻ ആരോപിക്കുന്നു. പ്രദേശത്ത് വീണ്ടും പുലിയിറങ്ങിയത് സ്ഥിരീകരിച്ചതോടെ ജനങ്ങൾ വലിയ ഭീതിയിലാണ് കഴിയുന്നത്. 📡🔮 #ചൂരൽമലയിൽ വീണ്ടും പുലിയിറങ്ങി #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯

#💖 സ്നേഹാശംസകൾ #🙂 ശുഭദിനം #good morning #🌅സുപ്രഭാതം🌄 #💪മോട്ടി വേഷൻ

#സെലറി #ആരോഗ്യ മുള്ള ശരീരത്തിന് #ആരോഗ്യ സംരക്ഷണം

#കേരളത്തിൽ ശക്തമായ മഴ #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯

#Lovely Day❤️ #good morning #🙂 ശുഭദിനം #🌅സുപ്രഭാതം🌄 #💖 സ്നേഹാശംസകൾ

#💪മോട്ടി വേഷൻ #🌅സുപ്രഭാതം🌄 #💖 സ്നേഹാശംസകൾ #good morning #🙂 ശുഭദിനം