غیروں کی سازشوں اور اپنوں کی بے وفائی کے نتیجے میں تحفظ عقائد اہل سنت کی پاداش میں ١٤٤٢ھ بمطابق 2020ء کو قید ناحق کے دوران جون جولائی کی گرمی میں سنٹرل جیل کوٹ لکھپت لاہور کے سیکیورٹی بلاک نمبر 3 کی تنّور نما چکی نمبر 1 میں کنز العلماء کا لکھا ہوا شاہکار کلام جگر گوشہ غزالی زماں صاحبزادہ سید حامد شاہ کاظمی کی توجہ کے لیے
*دستورِ عشق*
اگر ہم عشق کی وادی کے نو وارد مکیں ہوتے
مرض بڑھنے سے پہلے ہی دوا تبدیل کر لیتے
نصابِ عاشقی میں یہ روا ہوتا تو پھر ہم بھی
گھٹن کے خوف سے آب و ہوا تبدیل کر لیتے
اگر مسلک میں تبدیلی روا ہوتی دباؤ میں
تو شاید ہم بھی کچھ فکرِ رضا تبدیل کر لیتے
خطائے اجتہادی میں اگر بُوئے گناہ ہوتی
تو ہم فی الفور اپنا مدعا تبدیل کر لیتے
اگر مؤقف بدلتا فضلِ حق کا کالے پانی میں
تو ہم بھی سختیوں میں راستہ تبدیل کر لیتے
اگر دربارِ شاہی سے طریقت کی بہاریں ہیں
قُشَیری فَقر کا تم ضابطہ تبدیل کر لیتے
اگر جا بیٹھنا تھا تم نے اب غیروں کی مجلس میں
تو پہلے ہی اکابر کا پتہ تبدیل کر لیتے
(دیوان صدائے قفس ، سلسلہ نمبر: 05)
#🥰 الله اکبر 🤗 #👳♂️روحانی رہنما💞 #📝روحانی مکتوبات☪️ #🕌حقائق اسلام☪
