ଗଣତନ୍ତ୍ର ଦିବସ ଅବସରରେ ରାଜ୍ୟର କୋରାପୁଟ ଜିଲ୍ଲାରେ ଗୋଟିଏ ଦିନ ପାଇଁ ଆମିଷ ଖାଦ୍ୟ ସାମଗ୍ରୀ ବିକ୍ରୟ ଉପରେ ପ୍ରତିବନ୍ଧକ ଲଗାଯାଇଛି। ଜାନୁଆରୀ ୨୬ ତାରିଖରେ ୭୭ତମ ଗଣତନ୍ତ୍ର ଦିବସ ପାଳନକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଏହି ନିଷ୍ପତ୍ତି ନେଇଛି।କୋରାପୁଟ ଜିଲ୍ଲା କଲେକ୍ଟର ମନୋଜ ସତ୍ୟବାନ ମହାଜନ ଏନେଇ ଜିଲ୍ଲାର ସମସ୍ତ ତହସିଲଦାର, ବ୍ଲକ ଉନ୍ନୟନ ଅଧିକାରୀ ଏବଂ କାର୍ଯ୍ୟନିର୍ବାହୀ ଅଧିକାରୀଙ୍କୁ ଏକ ଚିଠି ପଠାଇଛନ୍ତି। ଚିଠିରେ ସେମାନଙ୍କୁ ନିଜ ନିଜ ଅଞ୍ଚଳରେ ସରକାରୀ ବିଜ୍ଞପ୍ତି ଜାରି କରିବାକୁ ନିର୍ଦ୍ଦେଶ ଦିଆଯାଇଛି।ଚିଠିରେ ଦେଇଛନ୍ତି ନିର୍ଦ୍ଦେଶ: କଲେକ୍ଟରଙ୍କ ଚିଠିରେ ସ୍ପଷ୍ଟ ଭାବରେ ଉଲ୍ଲେଖ ଅଛି ଯେ, ଜାନୁଆରୀ ୨୬ ତାରିଖରେ ଜିଲ୍ଲାରେ ମାଂସ, କୁକୁଡ଼ା, ମାଛ, ଅଣ୍ଡା ଏବଂ ଅନ୍ୟାନ୍ୟ ସମସ୍ତ ଆମିଷ ଖାଦ୍ୟ ସାମଗ୍ରୀ ବିକ୍ରୟ ସମ୍ପୂର୍ଣ୍ଣ ନିଷେଧ କରାଯିବ। ଏହି ନିର୍ଦ୍ଦେଶ କେବଳ ମାଂସ ଏବଂ ଅଣ୍ଡା ବିକ୍ରୟ ପାଇଁ ପ୍ରଯୁଜ୍ୟ ହେବ ଏବଂ କେବଳ ଗଣତନ୍ତ୍ର ଦିବସ ଦିନ ହିଁ କାର୍ଯ୍ୟକାରୀ ହେବ।ଚିଠିରେ ଉଲ୍ଲେଖ ଅଛି ଯେ ୭୭ତମ ଗଣତନ୍ତ୍ର ଦିବସ ପାଳନ ଅବସରରେ କୋରାପୁଟ ଜିଲ୍ଲାରେ ଶାନ୍ତି, ଶୃଙ୍ଖଳା ଏବଂ ମର୍ଯ୍ୟାଦାପୂର୍ଣ୍ଣ ପରିବେଶ ବଜାୟ ରଖିବା ପାଇଁ ଏହି ପଦକ୍ଷେପ ନିଆଯାଇଛି। ସମସ୍ତ ସମ୍ପୃକ୍ତ ଅଧିକାରୀଙ୍କୁ ସେମାନଙ୍କ ନିଜ ନିଜ ଅଞ୍ଚଳରେ ଏହି ନିର୍ଦ୍ଦେଶକୁ କଡ଼ାକଡ଼ି କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦିଆଯାଇଛି।ପରଦିନଠାରୁ, ସାଧାରଣତଃ ଆମିଷ ସାମଗ୍ରୀ ବିକ୍ରୟକୁ ଅନୁମତି ଦିଆଯିବ। ଏହି ନିର୍ଦ୍ଦେଶ ସମଗ୍ର କୋରାପୁଟ ଜିଲ୍ଲାରେ ପ୍ରଯୁଜ୍ୟ ହେବ ଏବଂ ସମସ୍ତ ସହରାଞ୍ଚଳ ଏବଂ ଗ୍ରାମାଞ୍ଚଳରେ ସମାନ ଭାବରେ ପ୍ରଭାବଶାଳୀ ହେବ।

ରେଳବାଇର ମାନବ ସମ୍ବଳ ଖର୍ଚ୍ଚ ₹1,15,000 କୋଟିକୁ ବୃଦ୍ଧି ପାଇଛି। ପେନସନ ବୋଝ ମଧ୍ୟ ₹60,000 କୋଟିରେ ପହଞ୍ଚିଛି। 2024-25 ରେ ରେଳବାଇ ପରିଚାଳନାର ମୋଟ ଖର୍ଚ୍ଚ ₹2,63,000 କୋଟିରୁ ଅଧିକ ହେବ ବୋଲି ଆକଳନ କରାଯାଇଛି। ଏହି ଗୁରୁତ୍ୱପୂର୍ଣ୍ଣ ଖର୍ଚ୍ଚ ପୂରଣ କରିବା ଏବଂ ସୁରକ୍ଷାକୁ ଉନ୍ନତ କରିବା ପାଇଁ, ରେଳବାଇକୁ ରାଜସ୍ୱର ନୂତନ ଉତ୍ସ ଖୋଜିବାକୁ ପଡୁଛି। ଏହି କାରଣରୁ ରେଳବାଇ ଏବେ ମାଲ ପରିବହନ ବୃଦ୍ଧି ଉପରେ ଧ୍ୟାନ ଦେଉଛି ଏବଂ ଯାତ୍ରୀ ଭଡ଼ାରେ ଏହି ଛୋଟ ପରିବର୍ତ୍ତନ କରିଛି।

ଗହଣା କିଣିବା ପୂର୍ବରୁ ନଜର ପକାନ୍ତୁ କେଉଁ ସହରରେ କେତେ ରହିଛି ସୁନା ଦର । ତେବେ ଯଦି ଆପଣ ଆଜି ସୁନା କିଣିବାକୁ ଚାହୁଁଛନ୍ତି ବା ଯୋଜନା କରିଛନ୍ତି ତେବେ ପ୍ରଥମେ ଜାଣି ନିଅନ୍ତୁ ଆଜିର ସୁନା ଦର ।ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା ୧,୩୩,୯୧୦ ଟଙ୍କା ରହିଛି । ସେହିପରି ୨୨ କ୍ୟାରେଟ ସୁନା ଦର ୧,୨୨,୭୫୦ ଟଙ୍କା ଛୁଇଁଛି । ସେହିପରି ରାଜଧାନୀ ଭୁବନେଶ୍ବରରେ ୨୪ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ ପିଛା ୧,୩୩,୯୧୦ ଟଙ୍କା ରହିଥିବା ବେଳେ ୨୨ କ୍ୟାରେଟ୍ ସୁନାର ମୂଲ୍ୟ ହଜାର ୧,୨୨,୭୫୦ ଟଙ୍କାକୁ ପହଞ୍ଚିଛି । ସେହିପରି ମୁମ୍ବାଇରେ ୨୪ କ୍ୟାରେଟ୍ ମୂଲ୍ୟ ୧,୩୩,୯୧୦ ଟଙ୍କା ଓ ୨୨ କ୍ୟାରେଟ୍ ମୂଲ୍ୟ ୧,୨୨,୭୫୦ ଟଙ୍କା ରହିଛି । ନୂଆଦିଲ୍ଲୀରେ ୨୪ କ୍ୟାରେଟ୍ ୧,୩୪,୦୭୦ ଟଙ୍କା ଓ ୨୨ କ୍ୟାରେଟ୍ ୧,୨୨,୯୦୦ ଟଙ୍କା ରହିଛି । ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ୨୪ କ୍ୟାରେଟ ମୂଲ୍ୟ ୧,୩୪,୯୫୦ ଟଙ୍କା ଥିବା ବେଳେ ୨୨ କ୍ୟାରେଟ ମୂଲ୍ୟ ୧,୨୩,୭୦୦ ଟଙ୍କା ରହିଛି । ପୂର୍ବ ଭାରତର ପ୍ରମୁଖ ସହର କୋଲକାତାରେ ଯଥାକ୍ରମେ ୧,୩୩,୯୧୦ ଓ ୧,୨୨,୭୫୦ ଟଙ୍କା ରହିଛି । ଅନ୍ୟପଟେ ରୁପା ମୂଲ୍ୟ କିଲୋ ପିଛା ୨,୧୦,୦୦୦ ଟଙ୍କା ହୋଇଛି ।

ଏହି କିଛିଦିନ ତଳେ ମୋହନ ସରକାର ବିଧାୟକମାନଙ୍କ ଦରମା ଏବଂ ଭତ୍ତା ବଢ଼ାଇଛନ୍ତି। ବିଧାୟକଙ୍କ ଦରମା ପୂର୍ବରୁ ୧ ଲକ୍ଷ ଟଙ୍କା ଥିବାବେଳେ ସରକାର ଏହାକୁ ୩ ଲକ୍ଷ ୪୫ ହଜାର ଟଙ୍କାକୁ ବୃଦ୍ଧି କରିଛନ୍ତି। ତେବେ ଏହି ବର୍ଦ୍ଧିତ ଦରମା ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ହିଞ୍ଜିଳି ବିଧାୟକ ଥିବା ନବୀନ ପଟ୍ଟନାୟକ ତାଙ୍କର ଏହି ବର୍ଦ୍ଧିତ ଦରମା ନେବେ ନାହିଁ ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଚିଠି ଲେଖିଛନ୍ତି। ନବୀନ ଏହାକୁ ଗରିବଙ୍କ କଲ୍ୟାଣରେ ଉପଯୋଗ କରିବାକୁ ଚିଠିରେ ଉଲ୍ଲେଖ କରିଛନ୍ତି। ତେବେ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ବିଜେଡିର ଅନ୍ୟ ବିଧାୟକମାନେ ନବୀନଙ୍କ ରାସ୍ତାରେ ଯିବେ ନାବ ନାହିଁ ଅର୍ଥାତ୍‌ ସେମାନଙ୍କ ବର୍ଦ୍ଧିତ ଦରମା ନେବେ କି ନାଇଁ ତାହାକୁ ନେଇ ଜୋର୍‌ଦାର ଚର୍ଚ୍ଚା ବଢ଼ିଛି।

ପୁରୁଷମାନଙ୍କୁ ଏହି ମନ୍ଦିର ଯିବା ପାଇଁ ମିଳେନା ଅନୁମତି । ମନ୍ଦିରକୁ ଯାଇ ଦିଅଁ ଦର୍ଶନ କଲେ କାଳେ ଘରେ ଅଶାନ୍ତି ବଢିବ ବୋଲି କୁହାଯାଏ। ଥରେ ଭାବନ୍ତୁ ଆମେ ଯେତେବେଳେ ଦୁଃଖରେ ଥାଉ କିମ୍ବା ଯେତେବେଳେ ପରିବାରରେ ଅଶାନ୍ତି ଦେଖାଦିଏ ସେହି ସମୟରେ ଆମେ ମନ୍ଦିର ଯାଇ ମନକୁ ଶାନ୍ତ କରି ଫେରିଥାଉ।ମାତ୍ର ଯଦି ଆପଣଙ୍କୁ କୁହେ ଏହି ମନ୍ଦିରକୁ ଗଲେ ଆପଣଙ୍କ ଘରେ କଳି ବଢିବ , ପତି ଓ ପତ୍ନିଙ୍କ ଭିତରେ ମଧ୍ୟ ମତାନ୍ତର ଦେଖିବାକୁ ମିଳିବ। ତେବେ କଣ ଆପଣ ସେ ମନ୍ଦିରକୁ ନିଜ ଦୁଃଖ ଶୁଣାଇବା ପାଇଁ  ଆଉ ଯାଇପାରିବେ ନା ନାଇଁ।ତେବେ ଏପରି ମନ୍ଦିର କେଉଁଠି ଅଛି ଯେଉଁଠିକୁ କେବଳ ମହିଳା ମାନେ ହିଁ ଯାଇ ପାରିବେ ମାତ୍ର ପୁରୁଷ ସେଠାକୁ ଯିବାକୁ ମନା କରାଯାଏ।ଏହା ରାଜସ୍ଥାନର ଏକମାତ୍ର ବ୍ରହ୍ମା ମନ୍ଦିର। ବିବାହିତ ପୁରୁଷମାନେ ବ୍ରହ୍ମାଙ୍କୁ ପୂଜା କରିବା ପାଇଁ ଏହି ପ୍ରସିଦ୍ଧ ମନ୍ଦିରର ଗର୍ଭଗୃହରେ ପ୍ରବେଶ କରିପାରିବେ ନାହିଁ। ଏହି ମନ୍ଦିରର ଅନନ୍ୟ ବୈଶିଷ୍ଟ୍ୟ ହେଉଛି ଯେ ପୁରୁଷ ଦେବତାଙ୍କ ପ୍ରତି ସମର୍ପିତ ହେବା ସତ୍ତ୍ୱେ, ପୁରୁଷମାନଙ୍କୁ ପ୍ରବେଶ କରିବାକୁ ଅନୁମତି ନାହିଁ।ଏହା ପଛରେ ଏକ ପୌରାଣିକ କାହାଣୀ ଅଛି, ଯାହା ଅନୁସାରେ ବ୍ରହ୍ମା ତାଙ୍କ ପତ୍ନୀ ଦେବୀ ସରସ୍ୱତୀଙ୍କ ସହିତ ଏକ ଯଜ୍ଞ କରିବାକୁ ସଂକଳ୍ପ ନେଇଥିଲେ। କିନ୍ତୁ, ଦେବୀ ସରସ୍ୱତୀ ଯଜ୍ଞ ପାଇଁ ସମୟ ମଧ୍ୟରେ ପହଞ୍ଚି ପାରିନଥିଲେ, ତେଣୁ ଦେବୀ ଗାୟତ୍ରୀଙ୍କୁ ତାଙ୍କ ସ୍ଥାନରେ ବସାଇ ଏହି ପୂଜା ସମାପ୍ତ ହୋଇଥିଲା।ଯେତେବେଳେ ଦେବୀ ସରସ୍ୱତୀ ଯଜ୍ଞ ସ୍ଥଳରେ ପହଞ୍ଚିଲେ, ସେ କ୍ରୋଧିତ ହୋଇ ଅଭିଶାପ ଦେଲେ ଯେ ବିବାହିତ ପୁରୁଷମାନଙ୍କୁ ଗର୍ଭଗୃହରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ। ଏହି ମନ୍ଦିରର ଗର୍ଭଗୃହରେ ଯେଉଁମାନେ ପୂଜା କରିବେ ସେମାନଙ୍କର ବୈବାହିକ ଜୀବନରେ ଅସୁବିଧାର ସମ୍ମୁଖୀନ ହେବେ।

ବିଶେଷଜ୍ଞଙ୍କ ମତରେ, ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ଏକ ଘୂର୍ଣ୍ଣିଝଡ଼ରେ ପରିଣତ ହେବା ପୂର୍ବରୁ ଏହି ପ୍ରଣାଳୀ ଆହୁରି ଘନୀଭୂତ ହୋଇ ଡିପ୍ରେସନରେ ପରିଣତ ହେବାର ଆଶା କରାଯାଉଛି। ଯଦିଓ ବାତ୍ୟାର ସଠିକ୍ ଗତିପଥ ଅନିଶ୍ଚିତ ରହିଛି ତେବେ ଉପକୂଳବର୍ତ୍ତୀ ବାସିନ୍ଦାଙ୍କୁ ସତର୍କ ରହିବାକୁ ଏବଂ ସରକାରୀ ଅପଡେଟ୍ ଉପରେ ନଜର ରଖିବାକୁ ଅନୁରୋଧ କରାଯାଇଛି। ପାଣିପାଗ ବିଶେଷଜ୍ଞମାନେ ସତର୍କ କରାଇ ଦେଇଛନ୍ତି ଯେ, ଏହି ପ୍ରଣାଳୀ ଶକ୍ତିଶାଳୀ ହେବା ପରେ ଉପକୂଳବର୍ତ୍ତୀ ଅଞ୍ଚଳରେ ପ୍ରବଳ ବର୍ଷା  ସହିତ ପବନ ହୋଇପାରେ। ଝଡ଼ର ଗତିପଥ ସ୍ପଷ୍ଟ ନହେବା ପର୍ଯ୍ୟନ୍ତ ମତ୍ସ୍ୟଜୀବୀମାନଙ୍କୁ ସମୁଦ୍ର ଭିତରକୁ ଯିବାକୁ ନେଇ ସତର୍କ ରହିବାକୁ ପରାମର୍ଶ ଦିଆଯାଇଛି।ଭାରତ ପାଣିପାଗ ବିଭାଗ  ପ୍ରଣାଳୀକୁ ନିକଟରୁ ଅନୁସରଣ କରୁଛି ଏବଂ ଆଗାମୀ ୪୮ ଘଣ୍ଟା ମଧ୍ୟରେ ଏହାର ତୀବ୍ରତା ଏବଂ ସମ୍ଭାବ୍ୟ ପ୍ରଭାବ ବିଷୟରେ ଅଧିକ ଅପଡେଟ୍ ଜାରି ହେବ।ଭାରତ ପାଣିପାଗ ବିଭାଗ  ତାମିଲନାଡୁ, କେରଳ ଏବଂ ଆନ୍ଧ୍ରପ୍ରଦେଶ ସମେତ ଦକ୍ଷିଣ ରାଜ୍ୟଗୁଡ଼ିକରେ ପ୍ରବଳ ବର୍ଷା ହେବା ନେଇ ଏକ ସ୍ୱତନ୍ତ୍ର ବାର୍ତ୍ତା ଜାରି କରିଛି। ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ମଧ୍ୟ ପ୍ରବଳରୁ ଅତି ପ୍ରବଳ ବର୍ଷା ହେବା ସହିତ ଝଡ଼ ପବନ ଏବଂ ଅଶାନ୍ତ ସମୁଦ୍ର ପରିସ୍ଥିତି ହେବାର ସମ୍ଭାବନା ରହିଥିବା ପୂର୍ବାନୁମାନ କରିଛି।