#🎥अजित पवारांच्या विमान अपघाताचा सीसीटीव्ही समोर मोठा ब्लास्ट! अजित पवारांच्या विमान अपघाताचा भयावह सीसीटीव्ही फुटेज समोर... आज सकाळी बारामती विमानतळाजवळ झालेल्या एका भीषण विमान अपघातात राज्याचे उपमुख्यमंत्री अजित पवार यांचं निधन झालं आहे. या अपघातात अजित पवार यांच्यासह एकूण सहा जणांचा मृत्यू झाला आहे. डीजीसीएने या अपघातात सहा जणांचा मृत्यू झाल्याच्या वृत्ताला दुजोरा दिला आहे. या अपघातानंतरचा विमानाचा चक्काचूर झाल्याचा व्हिडिओ समोर आला आहे. बारामती विमानतळावर उतरताना या विमानाला अपघात झाला. या अपघाताचा भयावह सीसीटीव्ही फुटेज समोर आला आहे. या फुटेजमधून विमानाचा भयानक स्फोट झाल्याचे दिसून येत आहे. संपूर्ण विमान आगीच्या भक्ष्यस्थानी आलं आणि जळून खाक झाल्याचे या घटनेत दिसून आले आहे. अजित पवारांच्या विमान अपघाताचा सीसीटीव्ही फुटेज अजित पवारांचे विमान मुंबईवरून सकाळी ८ वाजून १० मिनिटांनी टेक ऑफ झाले होते. तर बारामतीत ते ८ वाजून ५० मिनिटांनी लँडिंग होत असताना हा भीषण अपघात घडला. त्यांचं विमान बारामती विमानतळावर उतरत असताना विमानाला अपघात होऊन ते जवळच्या शेतात कोसळलं. त्यामध्ये अजितदादांसोबत ६ जणांचा दुर्दैवी मृत्यू झाला. हे व्हीएसआर या खासगी कंपनीचे विमान असल्याची माहिती समोर आली आहे. लँडिंगच्या प्रयत्नात असताना विमान तांत्रिक कारणामुळे धावपट्टीवरून बाजूला गेल्याची माहिती समोर आली आहे. तांत्रिक बिघाडामुळे विमान धावपट्टीवर उतरण्याऐवजी शेजारी असलेल्या एका शेतात कोसळलं. विमान कोसळताच क्षणार्धात भीषण पेट घेतला. बघता बघता संपूर्ण विमान आगीच्या भक्ष्यस्थानी आलं आणि जळून खाक झालं.

#👁️निक्की तांबोलीला डोळ्याला गंभीर दुखापत😧 बिग बॉस फेम निक्की तांबोळीच्या डोळ्याला दुखापत हॉस्पिटलबाहेर बॉयफ्रेंडसोबत दिसली, नेमकं झालं काय? 'बिग बॉस मराठी 5'ची स्पर्धक निक्की तांबोळी सध्या कायम कोणत्या ना कोणत्या कारणामुळे चर्चेत असते. तिला 'बिग बॉस मराठी 5' मुळे खूप लोकप्रियता मिळाली. तिचा बिग बॉसच्या घरातील खेळ प्रेक्षकांना खूप आवडला. तिचा मोठा चाहता वर्ग आहे. ती एक अभिनेत्री आणि मॉडेल आहे. अशात नुकतीच निक्की तांबोळी स्पॉट झाली आहे. ज्याचा व्हिडीओ सोशल मीडियावर तुफान व्हायरल होत आहे.व्हायरल व्हिडीओमध्ये निक्कीच्या डोळ्याला गंभीर दुखापत झालेली दिसून येत आहे. तिच्या डोळ्याला सफेद पट्टी बांधलेली दिसत आहे. व्हिडीओमध्ये तुम्ही पाहू शकता की, निक्की डोळ्याला पट्टी बांधून हॉस्पिटलबाहेर येताना दिसत आहे. यावेळी तिच्या सोबत तिचा बॉयफ्रेंड अरबाज पटेल दिसला. निक्की तांबोळी आणि अरबाज पटेल यांची ओळख बिग बॉसच्या घरात असताना झाली. शोमध्ये त्यांची मैत्री झाली. हळूहळू मैत्रीचे रुपातंर प्रेमात झाले. बिग बॉसच्या घरात असताना शेवटी त्यांच्यामध्ये अनेक भांडणे झाली. मात्र आता दोघे अनेक वेळा एकत्र स्पॉट होतात.व्हिडीओमध्ये अरबाज निक्कीची काळजी घेताना दिसत आहे. निक्की तांबोळीला नेमकं झालं काय? याची अद्याप माहिती समोर आली नाही. मात्र असे बोले जात आहे की, तिच्या डोळ्यावर शस्त्रक्रिया करण्यात आली आहे. दोघे एकत्र कारमध्ये बसून गेले. व्हिडीओमध्ये निक्की खूपच अस्वस्थ वाटली. तिच्या या व्हिडीओवर चाहते कमेंट्स करत आहे. तसेच ती लवकर बरी व्हावी यासाठी प्रार्थना करत आहेत.निक्की तांबोळी 'बिग बॉस मराठी 5'नंतर अनेक प्रोजेक्टमध्ये दिसली. तिचे इन्स्टाग्रामवर 6.1 फॉलोअर्स आहेत. निक्की कायम आपल्या लूक आणि वैयक्तिक आयुष्यामुळे चर्चेत असते. अरबाजसोबतचे व्हिडीओ शेअर करते. बिग बॉसनंतर निक्की तांबोळी हिंदी शो 'सेलिब्रिटी मास्टरशेफ' आणि मराठी कार्यक्रम 'शिट्टी वाजली रे' मध्ये दिसली. तिचे चाहते तिच्या आगामी प्रोजेक्टची उत्सुकतेने वाट पाहत आहेत.