ఏపీ ప్రజలకు మరో అదిరిపోయే గుడ్‌న్యూస్.. ఆన్‌లైన్‌లోకి మరో 25 సేవలు.. ఏపీలోని కూటమి ప్రభుత్వం ప్రజలకు ఆన్‌లైన్ సేవలను విస్తరిస్తోంది. పాలనలో సాంకేతికతను అందిపుచ్చుకుని సులువుగా ప్రజలకు ప్రభుత్వ సేవలు అందిస్తోంది. అందులో భాగంగా ఇప్పటికే ప్రభుత్వం వాట్సప్ గవర్నెన్స్‌ను తీసుకొచ్చిన విషయం తెలిసిందే. దీని ద్వారా ఇన్‌కమ్, రెసిడెన్షియల్, కులం వంటి ప్రభుత్వ ధృవీకరణ సర్టిఫికేట్లతో పాటు ఆర్టీసీ, దేవాలయాల్లో దర్శనం, పర్యాటక ప్రదేశాల్లో ఎంట్రీ టికెట్లను బుక్ చేసుకోవచ్చు. ప్రతీదానికి వివిధ ప్రత్యేక వెబ్‌సైట్లోకి వెళ్లి ప్రభుత్వ సేవలు పొందాల్సిన అవసరం లేకుండా అన్నీ ఆన్‌లైన్ సేవలు ఒకేచోట లభించేలా వాట్సప్ గవర్నెన్స్‌ను ప్రవేశపెట్టింది. ఇది ఎలా వాడాలనే దానిపై గ్రామ, వార్డు సచివాలయ అధికారులు ఇంటింటికి వెళ్లి అవగాహాన కల్పిస్తున్నారు. మన మిత్ర వాట్సప్ గవర్నెన్స్‌ను ఉపయోగించుకోవాలని సూచిస్తున్నారు. 9552300009 నెంబర్ ద్వారా వాట్సప్ గవర్నెన్స్ ఉపయోగించుకోవచ్చు. ఆ నెంబర్‌కు హాయ్ అనే మెస్సేజ్ పెట్టడం ద్వారా సర్వీసులను మొదలుపెట్టవచ్చు. కొత్త సేవలు ఏపీ పురపాలక శాఖ 25 సేవలను ఆన్లైన్‌లో అందుబాటులోకి తెచ్చింది. ఇందుకోసం ప్రత్యేక వెబ్‌సైట్‌ను తీసుకొచ్చింది. ఈ పోర్టల్ ద్వారా మ్యారేజ్ సర్టిఫికేట్‌తో పాటు ఆస్తి పన్ను చెల్లింపులు చేయవచ్చు. అలాగే ట్రేడ్ లైసెన్స్, మ్యూటేషన్ వంటి 25 రకాల సేవలు ఆన్‌లైన్‌ ద్వారా ఇంటి వద్ద నుంచే సులువుగా పొందవచ్చు. అలాగే ఏ సర్టిఫికేట్‌ ఎప్పటిలోగా జారీ చేయాలనే దానిపై ప్రభుత్వం గడువు విధించింది. మ్యారేజ్ సర్టిఫికేట్‌ను 3 రోజుల్లోగా జారీ చేయాల్సి ఉంటుంది. ఇక ట్రేడ్ లైసెన్స్ 7 రోజులు, ఇంటి పన్నుకు 15 రోజుల గుడువు విధించింది. దీని ద్వారా సర్టిఫికేట్ల జారీలో వేగం పెరగనుంది. అంతేకాకుండా ఆ గడువు ముగిసిన తర్వాత సర్టిఫికేట్లు జారీ చేయకపోతే కారణాలను తెలపాల్సి ఉంటుంది. ఒకవేళ దరఖాస్తు రిజెక్ట్ చేసినా రీజన్ చెప్పాల్సి ఉంటుది. అధికారులు గుడువులోగా దరఖాస్తులు క్లియర్ చేయకపోతే క్రమిశిక్షణ చర్యలు కూడా తీసుకుంటారు. దరఖాస్తులు,సర్టిఫికేట్ల జారీలో పారదర్శకత, వేగం పెంచేందుకు ఈ ప్రత్యేక వెబ్‌సైట్‌ను ప్రభుత్వం అందుబాటులోకి తెసుకొచ్చింది. దీంతో మున్సిపల్ సేవలన్నీ ఆన్‌లైన్‌లోకి అందుబాటులోకి రావడంతో ప్రజలు కూడా వేగంగా సర్టిఫికేట్లు పొందుతారు. త్వరలో మరిన్ని సేవలను ప్రవేశపెట్టనున్నారని తెలుస్తోంది. ఫింగర్‌ టిప్స్‌లోకి వెళ్లండి -ఆన్‌లైన్ సర్వీసెస్ ఆప్షన్‌ను ఎంచుకోవాలి -మీకు అవసరమైన సేవను సెలక్ట్ చేసుకోవాలి -నగరం, పట్టణాన్ని ఎంచుకోవాలి -డాక్యుమెంట్స్ అప్‌లోడ్ చేసి సబ్మిట్ చేయాలి -వివరాలు మున్సిపల్ కమిషనర్ లాగిన్‌కు వెళతాయి -ఆ తర్వాత అధికారులు పరిశీలించి జారీ చేస్తారు #📖ఎడ్యుకేషన్✍

ఏపీపీఎస్సీ ద్వారా దాదాపు 20 నోటిఫికేషన్లు విడుదలకు రంగం సిద్ధం ప్రభుత్వ శాఖల్లో ఖాళీల భర్తీ కోసం ముహూర్తం ఖరారు ఏపీలో నిరుద్యోగులకు ప్రభుత్వం తీపి కబురు అందించింది. ప్రభుత్వ శాఖల్లో ఖాళీల భర్తీ కోసం ముహూర్తం ఖరారు చేసింది. ఈ మేరకు జాబ్ క్యాలెండర్ విడుదల దిశగా కసరత్తు జరుగుతోంది. ఉగాదికి జాబ్ క్యాలెండర్ విడుదల చేసి ఉద్యోగాల భర్తీ చేపట్టే దిశగా నిర్ణయం తీసుకున్నారు. ఈ మేరకు పకడ్బందీగా జాబ్ క్యాలెండర్ నిర్వహణకు మంత్రి లోకేష్ అధికారులకు సూచనలు చేసారు. దీంతో.. అధికారులు శాఖలవారీగా భర్తీ చేయాల్సిన ఉద్యోగాల వివరాలు సేకరిస్తున్నారు. పెద్ద సంఖ్యలో ఉద్యోగాల భర్తీ ఉండనుందని అధికారులు చెబుతున్నారు. ఏపీలో ఉద్యోగాల భర్తీకి కసరత్తు జరుగుతోంది. జాబ్ క్యాలెండర్ ప్రకటన దిశగా అధికారులు వివరాలు సేకరిస్తున్నారు. శాఖల వారీగా భర్తీ చేయాల్సిన పోస్టులతో పాటుగా కాంట్రాక్టు ఉద్యోగుల వివరాల లెక్కలు సిద్దం చేస్తోంది. ఆర్థిక శాఖ ఆధ్వర్యంలోని నిధి హెచ్‌ఆర్‌ఎంఎస్‌ పోర్టల్‌లో వివరాలు నమోదు చేయిస్తోంది. ప్రాథమిక సమాచారం మేరకు అన్ని శాఖల్లో కలిపి 30% వరకు ఖాళీలు ఉండగా వీటిలో కొన్ని పోస్టుల్లో కాంట్రాక్టు ఉద్యోగులు పని చేస్తున్నారు. వీటి భర్తీకి సంబంధించిన ప్రక్రియను ఖరారు చేయనున్నారు. శాఖల వారీగా ఖాళీలను నిర్ధారించారు. ఏపీ ప్రభుత్వం జాబ్ క్యాలెండర్ ప్రకటన దిశగా కసరత్తు వేగవంతం చేసింది. ఏపీపీఎస్సీ ద్వారా దాదాపు 20 నోటిఫికేషన్లు విడుదల కానున్నాయి. ఇప్పటికే డీఎస్సీ -2025 ఉద్యోగాల భర్తీ పూర్తి చేసారు. వచ్చే ఫిబ్రవరి లో మరో డీఎస్సీ నోటిఫికేషన్ కు రంగం సిద్దం చేస్తున్నారు. శాఖల వారీగా ఖాళీలు కాగా.. ఇప్పటి వరకు 157 విభాగాల మంజూరు పోస్టులు, ఖాళీల వివరాలను నిర్ధారించాయి. దాదాపుగా 99 వేల ఉద్యోగాలు డైరెక్ట్ రిక్రూట్ మెంట్ విధానంలో భర్తీ చేయనున్నట్లు తెలుస్తోంది. ఇవన్నీ పూర్తయితే నే మొత్తం ఖాళీల లెక్క తేలనుంది. నేరుగా నియామకాలకు వచ్చే వాటిని నిరుద్యోగ యువతతో ఆర్థిక శాఖ వద్ద ఉన్న వివరాల ప్రకారం రెవెన్యూ శాఖలో మొత్తం 13,000 ఖాళీలు. ఈ శాఖలోని 7 హెచ్‌ఓడీలు ఇప్పటి వరకు 4,787 ఖాళీలను నిర్ధారించాయి. వీటిలో నేరుగా నియామకాలకు వచ్చేవి 2,552 గా తేల్చారు. అదే విధంగా ఉన్నత విద్యాశాఖలో 7 వేల పోస్టులు ఖాళీలు ఉండగా.. యూనివర్సిటీల్లో 3 వేలకు పైగా ఉన్న ఖాళీలను కోర్టు కేసులు తొలగించి భర్తీ చేసేందుకు ఇప్పటికే చర్యలు చేపట్టింది. కాగా, పురపాలక, పట్టణాభివృద్ధి శాఖలో ఉన్న 27 వేల ఖాళీల్లో సుమారు 23 వేలకు నేరుగా నియామకాలు చేపట్టాల్సి ఉంది. నైపుణ్యా భివృద్ధి, శిక్షణ విభాగంలో 4 వేలకు పైగా ఖాళీలు నిర్ధారించారు. వ్యవసాయ శాఖలో 3 వేలకు పైగా ఖాళీలుండగా వీటిలో డీఆర్‌ పోస్టులు 2,400.పంచాయతీరాజ్‌ శాఖలో నేరుగా నియామకాలకు వచ్చే పోస్టులు 26 వేల వరకు ఉండొచ్చని నిర్ధారించారు. మరో మూడు వేల పోస్టులను ఇన్‌సర్వీస్‌ పదోన్నతులతో భర్తీ చేస్తారు. ఖాళీల పైన అధికారికంగా స్పష్టత వచ్చిన తరువాత ప్రభుత్వం షెడ్యూల్ ఫిక్స్ చేసి ఉగాది నాడు అధికారికంగా విడుదల చేసేందుకు కసరత్తు జరుగుతోంది. #📖ఎడ్యుకేషన్✍

SBI ఉద్యోగాలు 2026 – భారీ అవకాశం స్టేట్ బ్యాంక్ ఆఫ్ ఇండియా (SBI) లో Circle Based Officer (CBO) పోస్టుల భర్తీకి అధికారిక నోటిఫికేషన్ విడుదలైంది బ్యాంకింగ్ అనుభవం ఉన్న అభ్యర్థులకు ఇది గొప్ప అవకాశం! ముఖ్య వివరాలు: పోస్ట్ పేరు: Circle Based Officer (CBO) మొత్తం పోస్టులు: 2273 దరఖాస్తు విధానం: Online పోస్టింగ్: అప్లై చేసిన సర్కిల్‌లోనే ముఖ్యమైన తేదీలు: దరఖాస్తు ప్రారంభం: 29 జనవరి 2026 చివరి తేదీ: 18 ఫిబ్రవరి 2026 ఆన్‌లైన్ పరీక్ష: మార్చి 2026 (అంచనా) అర్హత: ✔️ ఏదైనా డిగ్రీ ✔️ షెడ్యూల్డ్ కమర్షియల్ బ్యాంక్ / RRB లో కనీసం 2 సంవత్సరాల ఆఫీసర్ అనుభవం తప్పనిసరి 👤 వయస్సు (31-12-2025 నాటికి): కనీసం: 21 సంవత్సరాలు గరిష్టం: 30 సంవత్సరాలు SC / ST / OBC / PwBD వారికి వయో సడలింపు ఉంది జీతం & ప్రయోజనాలు: ప్రాథమిక జీతం: ₹48,480/- DA, HRA, CCA, NPS, మెడికల్, LFC వంటి అలవెన్సులు ఎంపిక విధానం: 1. Online Test (Objective + Descriptive) 2. Screening 3. Interview 4.Local Language Test #📖ఎడ్యుకేషన్✍