#🤣ਪਤੀ ਪਤਨੀ Jokes #🤓ਹੇਰਾ ਫੇਰੀ ਮੀਮਸ🧐 #😁ਅੱਜ ਦੇ funny ਵੀਡੀਓਜ਼ 🤣 #😂 ਹਾਸੇ ਵੀਡੀਓਜ਼ #💏Best Couple ਸਟੇਟਸ👌 ਮੇਰਾ ਜਮਾਤੀ ਪਾਲਾ ਦੱਸਦਾ ਹੁੰਦਾ ਸੀ ਕਿ ਉਸਦਾ ਲੋਕਤੰਤਰ ਤੋਂ ਯਕੀਨ ਬਚਪਨ ਵਿੱਚ ਹੀ ਖ਼ਤਮ ਹੋ ਗਿਆ ਸੀ।
ਉਹ ਅੱਠਵੀਂ ਚ ਪੜ੍ਹਦਾ ਸੀ ਤੇ ਸਕੂਲੋਂ ਛੁੱਟੀਆਂ ਹੋਈਆਂ ਸੀ।ਸਵੇਰੇ ਨਾਸ਼ਤੇ ਚ ਆਲੂ ਦੇ ਪਰੌਂਠੇ ਖਾਂਦੇ ਹੋਏ ਪਾਪਾ ਨੇ ਪੁੱਛਿਆ ਕਿ ਦੱਸੋ ਬਈ ਛੁੱਟੀਆਂ ਚ ਨਾਨਕੇ ਜਾਣਾ ਹੈ ਜਾਂ ਕਿ ਦਾਦੇ ਹੁਣਾਂ ਕੋਲ । ਉਹ ਤਿੰਨੋਂ ਭੈਣ ਭਰਾ ਇੱਕੋ ਆਵਾਜ਼ ਚ ਬੋਲੇ, " ਦਾਦੇ ਹੁਣਾਂ ਕੋਲ". ਸਿਰਫ ਇਕੱਲੀ ਮੰਮੀ ਸੀ ਜੋ ਨਾਨਕੇ ਪਿੰਡ ਜਾਣਾ ਚਾਹੁੰਦੀ ਸੀ। ਪਰ 4-1 ਦੇ ਬਹੁਮਤ ਨਾਲ ਮੰਮੀ ਦਾ ਫੈਸਲਾ ਰੱਦ ਹੋ ਗਿਆ।
ਪਾਪਾ ਨੇ ਫੈਸਲਾ ਦਿੱਤਾ ਕਿ ਦਾਦੇ ਹੁਣਾਂ ਕੋਲ ਜਾਵਾਂਗੇ। ਪਾਲੇ ਹੁਣੀ ਖੁਸ਼ ਹੋਕੇ ਦਾਦੇ ਦੇ ਪਿੰਡ ਜਾਣ ਦੇ ਸੁਪਨੇ ਦੇਖਣ ਲੱਗੇ।
ਅਗਲੀ ਸਵੇਰ ਮੰਮੀ ਨੇ ਗਿੱਲੇ ਤੌਲੀਏ ਨਾਲ ਵਾਲ ਸੁਕਾਉਂਦੇ ਹੋਏ ਬਹੁਤ ਪਿਆਰ ਨਾਲ ਕਿਹਾ," ਛੇਤੀ ਛੇਤੀ ਨਹਾਕੇ ਕੱਪੜੇ ਬਦਲੋ ,ਅਸੀਂ ਸਾਰੇ ਨਾਨਕੇ ਘਰ ਜਾ ਰਹੇ ਹਾਂ "।
ਪਾਲੇ ਨੇ ਹੈਰਾਨੀ ਨਾਲ ਆਪਣੇ ਪਾਪਾ ਵੱਲ ਦੇਖਿਆ ਤਾਂ ਉਹ ਅੱਖਾਂ ਘੁਮਾ ਕੇ ਅਖਬਾਰ ਪੜ੍ਹਨ ਦਾ ਨਾਟਕ ਕਰ ਰਹੇ ਸੀ।
ਪਾਲਾ ਜ਼ਖਮੀ ਦਿਲ ਨਾਲ ਹਾਅ ਭਰਕੇ ਦੱਸਦਾ ਕਿ ਮੇਰਾ ਉਸੇ ਦਿਨ ਲੋਕਤੰਤਰ ਤੋਂ ਵਿਸ਼ਵਾਸ਼ ਉੱਠ ਗਿਆ। ਕਿ ਲੋਕਤੰਤਰ ਵਿੱਚ ਫੈਸਲੇ ਜਨਤਾ ਦੀ ਮੰਗਾਂ ਅਨੁਸਾਰ ਨਹੀਂ ਹੁੰਦੇ। ਸਗੋਂ ਹਨੇਰੇ ਤੇ ਬੰਦ ਕਮਰਿਆਂ ਵਿੱਚ ਉਦੋਂ ਹੁੰਦੇ ਹਨ।ਜਦੋਂ ਆਮ ਜਨਤਾ ਸੁੱਤੀ ਪਈ ਹੁੰਦੀ ਹੈ।
।।।ਕਾਪੀ।।। veeru lights
