श्रावण साजिरा आला श्रावण साजिरा धरा भिजली धारात शालू नेसून हिरवा जणू हसते गालात रिमझिम पावसात झाडे वेली बहरती चारा हिरवा खाऊन पशु पक्षी आनंदती ढगामागे लपूनिया सूर्य कौतुके पाहतो शांत सोनेरी किरणे मधूनच उधळतो उंच डोंगरावरून धबधबे कोसळती दृश्य दिसे मनोहर नेत्र पारणे फिटती सजे सृष्टीचा सोहळा मन जाई आनंदून भिजू श्रावणसरीत सण साजरे करून नागोबाला पुजूनिया फेर धरून नाचूया अर्पू नारळ सागरा राखी भावाला बांधूया कृष्ण जन्माचा सोहळा करू खुशीत साजरा आनंदाची उधळण करी श्रावण हासरा सौ. विजया चिंचोळी खारघर, नवी मुंबई #✍मराठी साहित्य #📝कविता / शायरी/ चारोळी #श्रावण नारळी पौर्णिमा #श्रावण महिन्यात #📝हृदयस्पर्शी मराठी कविता✍🏻

फुंकर फुंकर हळूवार शब्दच सुंदर उच्चारता येई स्मित ओठावर कान्हा घालतो फुंकर अधरीच्या पाव्यावर सूर अद्भूत मधुर यमुनेच्या तीरावर बाळ सानुले धडपडे माय घालता फुंकर कुशिमध्ये शिरे वात्सल्य पदर जाता कण नयनी मारा हळूच फुंकर चुलीमध्ये धूर होता फुंकता पेटे फरफर दुःख होता अनिवार सांगावे प्रियजना शब्द फुंकर प्रेमळ उभारी मिळे मना फुंकर घालता हळूवार प्रियेच्या बटेवर तार छेडता मनीची प्रीत झंकार अलवर सौ. विजया चिंचोळी खारघर, नवी मुंबई #📝कविता / शायरी/ चारोळी #📝हृदयस्पर्शी मराठी कविता✍🏻 #✍मराठी साहित्य #कविता #🤩जीवनाबद्दल कोट्स 📝