പൂക്കളിലേക്കല്ല, ഹൃദയങ്ങളിലേക്കെത്താൻ ‎നല്ല വാക്കുകളും നല്ല പെരുമാറ്റവുമാണ് വേണ്ടത്, ഹൃദയം ഒരു പൂന്തോട്ടം പോലെയാണ്,അതിൽ സ്നേഹവും വെറുപ്പും ഭയവും സംതൃപ്തിയും നീരസവും വളരുന്നു,നമ്മൾ ഏതുതരം വിത്തുകൾ വിതയ്ക്കുന്നു എന്നതിനെ ആശ്രയിച്ചിരിക്കും അത്... 💗 #quotes #urdu quotes #hijabi girl #life

#sadlife #memories #hijabi girl

എത്ര നാളുകളായി ഞാനീ സ്വാർത്ഥതയുടെ തടവറക്കുള്ളിൽ കുടുങ്ങി കിടക്കുന്നു... ഇരവും പകലുമറിയാതെ... നിമിഷങ്ങളോ ദിനങ്ങളോ വേർതിരിച്ചെടുക്കാനാവാതെ... എന്റെ കാലുകളിലുണ്ടായിരുന്ന അദൃശ്യമായ ചങ്ങലപ്പൂട്ടുകളിൽ നിന്നും ഞാൻ മോചിതയാക്കപ്പെട്ടുവെന്നോ..?? കാലങ്ങളായ ശീലമായത് കൊണ്ടാവണം കാലുകൾ ഇടറി പോവുന്നു... തപ്പിയും തടഞ്ഞും ഇടറി വീണും എത്ര പാടുപെട്ടിട്ടാണ് ഒന്ന് നടക്കുവാൻ ഞാൻ പാകപ്പെട്ടത്... ചേർത്ത് കെട്ടിവെക്കപ്പെട്ട എന്റെ ചിറകുകളെക്കുറിച്ച് ഞാൻ മറന്നുപ്പോയിരുന്നു എന്ന് മാത്രമല്ല., എന്നെക്കുറിച്ച് പോലും ഓർത്തെടുക്കുവാനാവാത്തവിധം ഞാനാകെ മാറിപ്പോയിരുന്നു.. ഇനിയെത്ര തല്ലിപ്പിടച്ചാലാണ് എനിക്കൊന്നുയർന്നു പറക്കാനാവുക.. തലകുനിച്ചു തലക്കുനിച്ച് തലയുയർത്തി നോക്കുവാൻ പോലുമെനിക്ക് ഭയം, താഴ്ന്നു താഴുന്ന് മുതുകിലൊരു കൂന് വന്നതുപോലെ...ഇനിയോട്ടും താഴാനിടയില്ലാണ്ടായിട്ടും ചവിട്ടി താഴ്ത്തിയപ്പോഴാണ് എനിക്കൊന്നു തലയുയർത്തി പിടിച്ചു നോക്കുവാൻ തോന്നിയത്... ഞാനെന്നിലാകെ പരതി നോക്കിയതും എന്നെ തന്നെയായിരുന്നു മറ്റൊരാൾക്ക്‌ വേണ്ടി മാറി മാറി ഇല്ലാണ്ടായിപ്പോയോരെന്നെ.... #sadgirl #life #hijabi girl

ഭിന്നിപ്പിച്ചു ഭരിച്ചവർ നൽകിയ സ്വാതന്ത്ര്യം ഒരു കള്ളമാണ്... വിദേശാധിപത്യത്തിൽ നിന്ന് സ്വദേശാധിപത്യത്തിലേക്കുള്ള ദൂരം മാത്രമാണ് സ്വാതന്ത്ര്യം !! വിഭജനത്തിലാത്മാവ് നഷ്ടപ്പെട്ട വിധുരമായൊരിടം പോലെ രാജ്യം പലായനത്തിന്റെ തിരുമുറിവുകൾ ശേഷിച്ച നീറ്റലുകളുണങ്ങാത്തയിടം സ്വാതന്ത്ര്യമല്ല നാം നേടിയെടുത്തത് അധികാര കൈമാറ്റമതൊന്നു മാത്രം അധിനിവേശങ്ങളിന്നും തുടരുകയാണ് അവസ്ഥകൾക്കനുസരിച്ച് നിറം മാറി വ്യവസ്ഥിതികളിന്നും പിൻപറ്റുകയാണ് വെള്ളക്കാരവശേഷിപ്പിച്ച കനലുകളെ ആരാന്റെ വിയർപ്പിൽ അധികാരമേറി അധീശത്വം പുലർത്തുന്നു ജനാധിപത്യം പണാധിപത്യം അളന്നു കുറിച്ച നാട്ടിൽ പുരോഗതി കുത്തകകൾക്ക് മാത്രം.. ഉയിര് വിതച്ച മൺപാടങ്ങൾക്ക് മേലേ വെയില് തിളക്കുമ്പോ ഹൃദയം കത്തുന്നു വിളവ് കൊയ്യാത്തവരുടെ വിയർപ്പിൻ ഗന്ധമിന്ന് തെരുവ് തോറും നിറയുന്നു സ്വാതന്ത്ര്യം ചങ്ങലകളിൽ പുളയുമ്പോൾ സമര ചരിത്രങ്ങൾ പാഴ്കഥ മെനയുന്നു നാനാത്വം ഏകത്വമില്ലാതെ വിളറുന്നു അഖണ്ഡത വിഘടിച്ച് അപൂർണ്ണമായ ആത്മാവിനെ ഐക്യപ്പെടുത്തുന്നു വികസന പാതകളിലോ ചൂഷണവും അവസ്ഥാന്തരങ്ങളിൽ കലി തുള്ളിയ പ്രകൃതി പ്രളയങ്ങൾ നട്ടു നനച്ചു ദേശീയതയുടെ എക്കൽ മണ്ണടിഞ്ഞ മനസ്സിലെ വന്യതകളാലൊരുവൻ മറ്റൊരുവനെ കൊന്നു തള്ളുന്നു വികസന പുരോഗതികളുടെ പാതയിൽ വിസ്മരിക്കപ്പെട്ടവരുടേതു കൂടിയാണ് നാമിന്ന് അനുഭവിക്കുന്ന സ്വാതന്ത്ര്യം അടയാളങ്ങൾ അവശേഷിപ്പിക്കാതെ ചരിത്രത്തിൽ രേഖപ്പെടുത്താതെ പോയ വീരയോദ്ധാക്കളുടെ ജീവത്യാഗങ്ങളെ സ്മരിക്കുന്നതാകട്ടെ സ്വാതന്ത്ര്യ സ്മൃതി ! #independenceday🇮🇳