മുരിങ്ങ : നന്നായി പൂക്കാനും കായ്ക്കാനും
🌿🌿🌿🌿🌿🌿🌿🌿🌿🌿
കേരളത്തിൽ കൃഷി ചെയ്യുന്ന പച്ചക്കറി വിളകളിൽ വച്ച് ഏറ്റവും പോഷക ഗുണമുള്ള ഒന്നാണ് മുരിങ്ങ.
ഒരിക്കൽ നട്ടാൽ കാര്യമായ പരിചരണം അധികം ഒന്നും വേണ്ടാത്ത മുരിങ്ങയുടെ ഇലയും പൂവും കായും എല്ലാം പോഷകസമൃദ്ധമാണ്.
മുരിങ്ങയുടെ പോഷകഗുണങ്ങൾ
🌿🌿🌿🌿🌿
പാലിലുള്ളതിന്റെ നാലിരട്ടി കാൽസ്യവും ഓറഞ്ചിലുള്ളതിന്റെ 6 ഇരട്ടി വൈറ്റമിൻ സി യും ക്യാരറ്റിൽ ഉള്ളതിനേക്കാൾ 4 ഇരട്ടി വൈറ്റമിൻ എ യും ബദാമിലുള്ളതിന്റെ മൂന്നിരട്ടി വൈറ്റമിൻ ഇ യും മുരിങ്ങയിലയിൽ ഉണ്ട്.
കൂടാതെ പൊട്ടാസ്യം, ഇരുമ്പ് തുടങ്ങിയ ധാതുലവണങ്ങളും ഒമേഗ 3, ഒമേഗ 6 തുടങ്ങിയ ഫാറ്റി ആസിഡുകളും ഉൾപ്പെടെ എണ്ണിയാലൊടുങ്ങാത്തത്ര പോഷകഗുണം ഉള്ളതാണ് മുരിങ്ങ.
കൃഷി രീതികളും പരിചരണവും
🌿🌿🌿🌿🌿
വരണ്ട കാലാവസ്ഥയില് പൂക്കാനും കായ് പിടിക്കാനും ഇഷ്ടപ്പെടുന്ന വിളയാണ് മുരിങ്ങ. മുരിങ്ങ വേണ്ടവിധം കായ് പിടിക്കാത്തതിന് പരിചരണത്തിലെ ചില പോരായ്മകളും കാരണമാകും. ഉഷ്ണകാല വിളയാണ് മുരിങ്ങ. ശരിയായ വളര്ച്ചയ്ക്കും കായ് പിടിത്തത്തിനും വളക്കൂറുള്ള വളര്ച്ചാമാധ്യമം വേണം. ഇതിന് നന്നായി വളം ചെയ്യണം. ഒപ്പം നനവ് കുറയ്ക്കുകയും വേണ്ട വിധം ശിഖരങ്ങള് മുറിച്ചു വളര്ച്ച നിയന്ത്രിക്കുകയും വേണം. ഇവ മൂന്നും ഒത്തുചേര്ന്നാല് മുരിങ്ങ ധാരാളം പൂക്കുകയും കായ്ക്കുകയും ചെയ്യും.
10 കിലോ ചാണകപ്പൊടി, ഒരു കിലോ വേപ്പിന് പിണ്ണാക്ക്, അര കിലോ രാജ്ഫോസ് അല്ലെങ്കില് മസൂറിഫോസ്, ഒരു കിലോ ചാരം എന്നിവ കലര്ത്തിയ വളമിശ്രിതം മുരിങ്ങയൊന്നിന് അഞ്ച് ചിരട്ട വീതം തടത്തില് ചേര്ത്തിളക്കുക. മൂന്ന് മാസം കൂടുമ്പോള് ഈ വളക്കൂട്ട് ആവര്ത്തിക്കാം. തടത്തില് ചുവട്ടില്നിന്ന് രണ്ടടി മാറ്റി വേണം വളം ചേര്ക്കാന്. കൂടാതെ കടലപ്പിണ്ണാക്ക് കുതിര്ത്തത്, ചാണകത്തെളി, ബയോഗ്യാസ് സ്ലറി തുടങ്ങിയവയും ഇടയ്ക്ക് നല്കാവുന്ന ജൈവവളങ്ങളാണ്. വളം ചേര്ക്കും മുന്പ് ഡോളോമൈറ്റ് ചേര്ക്കാം.മരമൊന്നിന് 10 കിലോ കോഴിവളം ചേര്ക്കുന്ന പതിവും ചിലയിടങ്ങളിലുണ്ട്. ഇത് വളപ്രയോഗത്തിന്റെ കാര്യം. മഴക്കാലത്ത് വളം ചേര്ക്കുകയാണ് നന്ന്.
വേനലായാൽ വെള്ളം ഒഴിക്കരുത്
🌿🌿🌿🌿🌿
പ്രത്യേകിച്ച് ഫെബ്രുവരി-മാര്ച്ച് മാസങ്ങളില്. കാരണം, ആ സമയത്താണ് മുരിങ്ങ പൂക്കുക. പിന്നെ വളര്ച്ച നിയന്ത്രിക്കാന് കൊമ്പു കോതുക. 25-30 ഡിഗ്രി സെല്ഷ്യസ് ചൂടും വളരെ കുറച്ചു മാത്രം വെള്ളവും ഉള്ളത് മുരിങ്ങ പൂക്കാന് സഹായകമായ ഘടകങ്ങളാണ്.
ചെടി മൂന്നടി ഉയര്ന്നാല് ഒന്നര വര്ഷം ആകുമ്പോള് തന്നെ പരമാവധി നാലോ അഞ്ചോ ശിഖരങ്ങള് മാത്രം വളരാന് അനുവദിക്കുക. ബാക്കിയെല്ലാം മുറിച്ചു നീക്കണം.
1.ശരിയായ കൊമ്പു കോതല്, 2.വളരെ കുറച്ചു മാത്രം ജീവന് നിലനിര്ത്താന് നന
3.അത്യാവശ്യ വളംചേര്ക്കല്- ഇത് മൂന്നുമാണ് മുരിങ്ങ പൂക്കാനും കായ്ക്കാനും നല്ലത്.
🌿🌿🌿🌿🌿🌿🌿
#മുരിങ്ങ🌿 #കൃഷി #കൃഷി
