😡 രോഗിയെ ലൈംഗീകമായി പീഡിപ്പിച്ചു; വനിതാ ഡോക്ടറുടെ ലൈസൻസ് റദ്ധാക്കി

#😡 രോഗിയെ ലൈംഗീകമായി പീഡിപ്പിച്ചു; വനിതാ ഡോക്ടറുടെ ലൈസൻസ് റദ്ധാക്കി രോഗിയുമായി പല തവണ ലൈംഗിക ബന്ധത്തിൽ ഏർപ്പെട്ട സിഡ്നിയിലെ ഡോക്ടറുടെ മെഡിക്കൽ ലൈസൻസ് റദ്ദാക്കി. മാനസികാരോഗ്യ പ്രശ്നങ്ങൾ നേരിടുന്ന രോഗിയുമായിട്ടാണ് ഡോ. മരിയ ബാസ്റ്റാസ് അനുചിതമായ ബന്ധം ദീർഘകാലത്തേക്ക് നിലനിർത്തിയത്. ഇത് കണ്ടെത്തിയതിനെ തുടർന്നാണ് എൻഎസ്ഡബ്ല്യു സിവിൽ ആൻഡ് അഡ്മിനിസ്ട്രേറ്റീവ് ട്രൈബ്യൂണൽ ഡോക്ടറുടെ മെഡിക്കൽ ലൈസൻസ് റദ്ദാക്കിയത്.2015ൽ പങ്കാളിയുമായി വേർപിരിഞ്ഞതിനെ തുടർന്ന് മനഃശാസ്ത്രജ്ഞന്റെ ഉപദേശപ്രകാരമാണ് രോഗി മാനസികാരോഗ്യ പരിപാലന പദ്ധതിക്കായി ഡോ. മരിയ ബാസ്റ്റാസിനെ സമീപിച്ചത്. പിന്നീട് ഡോക്ടർ രോഗിയെ ഗ്രീക്ക് കഫേയിലേക്ക് ക്ഷണിച്ചു. തുടർന്ന് പല തവണ കാറിലും ഡോക്ടറുടെ കൺസൾട്ടിങ് റൂമിലെ കിടക്കയിൽ ഇരുവരും ലൈംഗിക ബന്ധത്തിൽ ഏർപ്പെട്ടു. ആഴ്ചയിൽ രണ്ടോ മൂന്നോ തവണ ഇത്തരത്തിൽ ബന്ധത്തിൽ ഏർപ്പെട്ടിരുന്നതായി രോഗി ട്രൈബ്യൂണലിനോട് വെളിപ്പെടുത്തി.2018ന്റെ തുടക്കം വരെ ഈ ബന്ധം തുടർന്നു. ഇക്കാലവയളവിൽ രോഗിയെ വീട്ടിലേക്ക് ക്ഷണിച്ച ഡോക്ടർ 300 ജോഡികളോളം ഷൂസ് നിറഞ്ഞ ഗാരേജ്, ജിം, പൂൾ ടേബിൾ, ബാർ തുടങ്ങിയ വീട്ടിലെ സൗകര്യങ്ങളിലും കാണിച്ചുകൊടുത്തു. സിഡ്നിയുടെ ഇന്നർ വെസ്റ്റിലെ മാരിക്വില്ലെ മെട്രോ മെഡിക്കൽ സെന്ററിലാണ് ഡോ. മരിയ ബാസ്റ്റാസ് ജോലി ചെയ്തിരുന്നത്. ബ്രാൻഡ് വസ്ത്രങ്ങൾ ഉൾപ്പെടെയുള്ളവ ഡോക്ടർ രോഗിക്ക് സമ്മാനിച്ചിരുന്നു. 2018ന്റെ തുടക്കത്തിൽ ഡോക്ടർ രോഗിയിൽ നിന്ന് അകന്നു. അവസാനമായി ഡോക്ടറെ കണ്ടത് 2019ൽ അവരുടെ ഓഫിസിൽ വച്ചാണെന്നും രോഗി മൊഴി നൽകിയിട്ടുണ്ട്. ബന്ധം തകർന്നതോടെ താൻ വിഷാദരോഗബാധിതനാണെന്നും മദ്യപിക്കാനും പുകവലിക്കാനും തുടങ്ങിയെന്നും രോഗി ട്രൈബ്യൂണലിനോട് പറഞ്ഞു. മനഃശാസ്ത്രജ്ഞനോട് ബന്ധം വെളിപ്പെടുത്തിയതിന് ശേഷം രോഗി 2022ൽ ഹെൽത്ത് കെയർ കംപ്ലയിന്റ് കമ്മീഷനിൽ (HCCC) പരാതി നൽകി. രോഗിയുമായി ലൈംഗിക ബന്ധത്തിൽ ഏർപ്പെട്ടതും സമ്മാനങ്ങൾ നൽകിയതും ഡോക്ടർ ട്രൈബ്യൂണലിൽ നിഷേധിച്ചു. എന്നിരുന്നാലും, തന്റെ പെരുമാറ്റം ഈ നടപടികൾക്ക് കാരണമായതിൽ ഖേദിക്കുന്നുവെന്നും 2026 ജൂണിൽ വിരമിക്കുമെന്നും അവർ ട്രൈബ്യൂണലിനോട് പറഞ്ഞു. കഴിഞ്ഞ വർഷം മാർച്ചിൽ, ഡോക്ടർ കുറ്റക്കാരിയാണെന്ന് കണ്ടെത്തിയെങ്കിലും ഈ വ്യാഴാഴ്ച, ട്രൈബ്യൂണൽ ഡോക്ടറുടെ മെഡിക്കൽ ലൈസൻസ് റദ്ദാക്കുകയായിരുന്നു. മുൻപ് രോഗിയുമായി അനുചിതമായ ബന്ധത്തിന് ശ്രമം നടത്തിയതായി ആരോപണം നേരിട്ട വ്യക്തിയാണ് ഡോ.മരിയ ബാസ്റ്റാസ്.