નારદ મુનિનું પ્રાગટ્ય અને સ્વરૂપ
પૌરાણિક માન્યતા મુજબ, નારદ મુનિ બ્રહ્માજીના માનસ પુત્ર છે. `નારદ' શબ્દનો અર્થ થાય છે - `નારં (જ્ઞાનં) દદાતિ ઇતિ નારદ:' એટલે કે જે જ્ઞાન પ્રદાન કરે છે તે નારદ. તેઓ સતત ત્રણેય લોકમાં ભ્રમણ કરતા રહે છે. તેમના એક હાથમાં `મહતી' નામની વીણા છે અને મુખ પર નિરંતર `નારાયણ-નારાયણ'નું રટણ હોય છે. તેમનું વ્યક્તિત્વ માત્ર એક મુનિ પૂરતું મર્યાદિત નથી, તેઓ સંગીતના આચાર્ય છે, જ્યોતિષના જ્ઞાતા છે અને ભક્તિસૂત્રોના રચયિતા છે.
સૃષ્ટિના પ્રથમ પત્રકાર
આજના યુગમાં જ્યારે માહિતીનો વિસ્ફોટ થયો છે, ત્યારે નારદજીને પત્રકારત્વના આદ્ય પુરુષ માનવામાં આવે છે. તેમની કાર્યશૈલી આજના `ન્યૂઝના નેટવર્ક' જેવી જ હતી.
લોકકલ્યાણનો ઉદ્દેશ : નારદજી ક્યારેય પોતાના સ્વાર્થ માટે સમાચાર ફેલાવતા નહોતા. તેમનો દરેક સંવાદ કોઈ ને કોઈ મોટા પરિવર્તન અથવા અસત્યના વિનાશ માટે રહેતો.
તટસ્થતા : તેઓ દેવો, દાનવો અને ગંધર્વો - ત્રણેય પક્ષે સમાન આદર ધરાવતા હતા.
માહિતીનું વહન : એક લોકમાંથી બીજા લોકમાં જઈને સાચી માહિતી પહોંચાડવી એ તેમનું મુખ્ય કાર્ય હતું.
#📿નારદ જયંતિ🪕 #🙏શનિવાર ભક્તિ સ્પેશિયલ #💐 શનિવાર સ્પેશિયલ #🎬 ભક્તિ વીડિયો #🙏ભક્તિ ભજન🎶
