ସକାଳୁ ସକାଳୁ ଘଟିଲା ବଡ଼ ଦୁର୍ଘଟଣା । ଭୁଷୁଡ଼ିଲା ନିର୍ମାଣଧିନ ପୋଲ । ଚାଲିଗଲା ଅନେକ ଶ୍ରମିକଙ୍କ ଜୀବନ । ଉତ୍ତରପ୍ରଦେଶର ହମୀରପୁର ଜିଲ୍ଲାରେ ଏକ ବଡ଼ ସଡ଼କ ଅଘଟଣ ଘଟିଛି। ବେତୱା ନଦୀ ଉପରେ ତିଆରି ହେଉଥିବା ଏକ ନିର୍ମାଣାଧୀନ ପୋଲର ଏକ ଅଂଶ ହଠାତ୍ ଭୁଶୁଡ଼ି ପଡ଼ିଛି, ଯାହାଫଳରେ ସେଠାରେ କାମ କରୁଥିବା କିଛି ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ କିଛି ଏବେବି ଧ୍ୱଂସାବଶେଷ ତଳେ ଦାବି ହୋଇ ରହିଛନ୍ତି। ଏହି ଦୁର୍ଘଟଣାରେ ଏପର୍ଯ୍ୟନ୍ତ ୬ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ କିଛି ଲୋକ ମଧ୍ୟ ଭିତରେ ଫସି ରହିଥିବା ଆଶଙ୍କା କରାଯାଉଛି। ଘଟଣା ପରେ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଛି।
କୁରାରା ଥାନା ଅଞ୍ଚଳର ମୋରକନ୍ଦର ପରସାନୀରୁ ନୈଥୀ ଗାଁ ପର୍ଯ୍ୟନ୍ତ ବେତୱା ନଦୀ ଉପରେ ଏହି ପୋଲ ନିର୍ମାଣ କାର୍ଯ୍ୟ ଚାଲିଥିଲା। ଆଜି ଭୋର୍ ପ୍ରାୟ ୩ଟା ସମୟରେ ହଠାତ୍ ପାଗ ଖରାପ ହୋଇଯାଇଥିଲା। ପ୍ରବଳ କାଳବୈଶାଖୀ ଝଡ଼ ଓ ବର୍ଷା ଯୋଗୁଁ ପୋଲର ସଟରିଂ, ସ୍ଲାବ୍ ଏବଂ ଏକ ସ୍ତମ୍ଭ ଭାଙ୍ଗି ପଡ଼ିଥିଲା। କୁହାଯାଉଛି ଯେ, ଦୁର୍ଘଟଣା ସମୟରେ ଅନେକ ଶ୍ରମିକ ପୋଲର ସେହି ଅଂଶ ତଳେ ଶୋଇଥିଲେ, ଯାହାଫଳରେ ସେମାନଙ୍କୁ ସମ୍ଭାଳିବାକୁ କୌଣସି ସୁଯୋଗ ମିଳିନଥିଲା।
#🧱ଭୁଷୁଡ଼ିଲା ପୋଲ, ଚାପି ହୋଇଗଲେ ଅନେକ ଶ୍ରମିକ🚨
