*శివపూజకు ద్వాదశ మాసములలో అర్చించాల్సిన
పుష్పములు / ప్రత్యామ్నాయములు*
*శివపురాణ/ఆగమే*
చైత్రే మల్లీ, తథా వైశాఖే కమలం, జ్యేష్ఠే చ గంధోత్పలమ్ |
ఆషాఢే బకపుష్పకం, చ శ్రవణే బిల్వప్రదానం శుభమ్ ||
భాద్రపద్యాం చ జాతీ, తథా ఆశ్వయుజే శతపత్రకమ్ |
కార్తికే కరవీరకం, చ మార్గశీర్షే తు ద్రోణపుష్పకమ్ ||
పుష్యే తు కుందపుష్పం, మాఘే తు నీలోత్పలమ్ |
ఫాల్గుణే తు విశేషేణ అర్కపుష్పం శివప్రియమ్ ||
*మాసములు (నెలలు) పూజించాల్సిన పుష్పం / పత్రం లభించే ఫలితం*
1. చైత్రము మల్లె పూలు (మల్లికా పుష్పం) సుఖ సంతోషాలు, కీర్తి
2. వైశాఖము తామర పూలు (కమలము) ఐశ్వర్య ప్రాప్తి, లక్ష్మీ కటాక్షం
3. జ్యేష్ఠము ఎర్ర కలువలు / గంధోత్పలము మనశ్శాంతి, తేజస్సు
4. ఆషాఢము పొగడ పూలు / బక పుష్పము వంశ వృద్ధి, ఆయుష్షు
5. శ్రావణము బిల్వ పత్రాలు (మారేడు దళాలు) సర్వపాప నివారణ, మోక్షం
6. భాద్రపదము జాజి పూలు (జాతీ పుష్పం) సద్బుద్ధి, కుటుంబ సఖ్యం
7. ఆశ్వయుజము శతపత్రము (తామర లేదా గులాబీ) అపమృత్యు దోష నివారణ
8. కార్తికము గన్నేరు పూలు (కరవీర పుష్పం) రోగ విముక్తి, శత్రు జయం
9. మార్గశిరము తుమ్మి పూలు (ద్రోణ పుష్పము) జ్ఞాన ప్రాప్తి, భక్తి వృద్ధి
10. పుష్యము మొల్ల పూలు (కుంద పుష్పం) కార్యసిద్ధి, శాంతి
11. మాఘము నల్ల కలువలు (నీలోత్పలము) సర్వ సుఖాలు, పుణ్య లోక ప్రాప్తి
12. ఫాల్గుణము జిల్లేడు పూలు (అర్క పుష్పము) భోగభాగ్యాలు, శివ సాయుజ్యం.
**************************************
*ముఖ్యoగా* ఏ మాసంలోనైనా శివునికి బిల్వ పత్రాలు (మారేడు దళాలు) మరియు జిల్లేడు పూలు సమర్పించడం అత్యంత శ్రేష్ఠం. శివార్చనలో మొగలి పువ్వు (కేతకి) ని మాత్రం అస్సలు ఉపయోగించకూడదు నిషేధం.
****************************************
*ప్రత్యామ్నాయ పూజా * స్కాంద పురాణే*
పుష్పాలు లభించనప్పుడు పత్రాలతో (ఆకులతో) పూజించవచ్చని, పత్రాలు కూడా లేకపోతే కేవలం జలంతో లేదా భక్తితో పూజిస్తే శివుడు తృప్తి చెందుతాడని స్కాందపురాణంలో చెప్పబడింది
పుష్పాభావే పత్రపూజా, పత్రాభావే జలేన చ |
జలాభావే తు హోమేన, హోమాభావే తు మానసీ ||
నిర్దేశించిన పుష్పాలు లభించనప్పుడు పత్రాలతో పూజించాలి. ఒకవేళ పత్రాలు కూడా లభించకపోతే కేవలం శుద్ధ జలంతో (అభిషేకం) పూజించాలి. జలం కూడా లేని పక్షంలో హోమం ద్వారా, అది కూడా వీలు కాకపోతే కేవలం 'మానస పూజ' (మనస్సులోనే దేవుడిని ధ్యానించడం) చేయాలి. శివుడు భోళాశంకరుడు కాబట్టి భక్తి ప్రధానం.
****************************************
*సర్వకాల శ్రేష్ఠ పత్ర - పుష్పములు శివపురాణే*
ఏ మాసంలోనైనా సరే, నిర్దేశిత పుష్పం దొరకనప్పుడు శివునికి అత్యంత ప్రీతికరమైన, సదా లభించే ఈ కింది వాటిని నిశ్చింతగా ఉపయోగించవచ్చు.
*శివపురాణం రుద్రసంహితాయాం*
బిల్వపత్రం శమీపత్రం భృంగరాజం తథైవ చ |
దూర్వాయుగ్మం తులస్యాశ్చ (గౌరీపూజార్థ ముత్తమమ్) ||
అర్కపుష్పం చ మందారం ద్రోణపుష్పం తథైవ చ |
సర్వకాలేషు గ్రాహ్యాణి శివపూజార్థ మాదరాత్ ||
ఏ నెలలోనైనా సరే, ఆయా మాసాల పూలు దొరకనప్పుడు ఈ పత్రాలు, పుష్పాలను పరమశివునికి సమర్పించవచ్చు
*బిల్వపత్రం/మారేడు దళాలు (ఇవి అన్ని మాసాల పుష్పాల కంటే శ్రేష్ఠమైనవి).
*శమీపత్రం/జమ్మి ఆకులు.
*భృంగరాజం/గుంటగలగర ఆకులు/పువ్వులు.
*దూర్వా/గరికపోచలు.
*అర్కపుష్పం/జిల్లేడు పూలు (తెల్ల జిల్లేడు మరింత శ్రేష్ఠం).
*మందారం/మందార పూలు.
*ద్రోణపుష్పం: తుమ్మి పూలు.
* ఒక మారేడు దళం వంద బంగారు పుష్పాలతో సమానం (శివపురాణం).
*బిల్వ పత్రాలు శమీ పత్రాలు (జమ్మి ఆకులు) బిల్వ పత్రాలు దొరకని నాడు జమ్మి ఆకులతో పూజిస్తే సమాన ఫలితం దక్కుతుంది.
*పత్రాలు / పూలు అక్షతలు (తడిపిన బియ్యం) పుష్పాలు అస్సలు లభించనప్పుడు అక్షతలను పుష్ప భావనతో సమర్పించవచ్చు.
*అక్షతలు కూడా లేకపోతే శుద్ధ జల అభిషేకం శివుడు అభిషేక ప్రియుడు. కేవలం నీటితో అభిషేకిస్తే చాలు.
****************************************
*హేమాద్రి చతుర్వర్గ చింతామణి:*
వాడినవి పనికిరావు. కానీ బిల్వ పత్రాలు, జమ్మి ఆకులు, తామర పూలు చెట్టు నుంచి కోసిన తర్వాత కూడా 2-3 రోజుల వరకు వాడవచ్చు కాబట్టి ఆయా మాసాలలో తాజా పూలు దొరకనప్పుడు, నిల్వ ఉన్న మారేడు దళాలను నీటితో శుద్ధి చేసి మళ్లీ పూజించవచ్చు.
*భావ పుష్పం*
పూజా ద్రవ్యాలు ఏవీ లేనప్పుడు అష్టపుష్ప పూజలో చెప్పబడిన అంతర్గత పుష్పాలు (అహింస, ఇంద్రియ నిగ్రహం, దయ, క్షమ, జ్ఞానం) అనే భావనలతో శివుడిని ధ్యానించాలి.
***************************************
శ్రీ గోవింద నారాయణ మహాదేవ 🙏
*రాళ్ళబండి శర్మ*
#🌅శుభోదయం #🙏🪔🌺🌼🌹🥥🥥🌹🌼🌺🪔🙏
